Hechos 14:21 - Mixteco del suroeste de Tlaxiaco Oaxaca

²¹ Nste̱kútu̱ꞌún ráa tu̱ꞌun váꞌa nu̱u̱nꞌ rá ñɨvɨ ñuunꞌ vá, jee kue̱ꞌe̱ꞌ ñɨvɨ ntɨɨn ichi Jesús. Jee kuíre nni̱kó ráa ñuunꞌ Listra, jín ñuunꞌ Iconio, jín ñuunꞌ Antioquía.

Hechos 14:21 Referans Kwoze

Hechos 14:19

I̱ña̱jée nkenta kéꞌín rá ñɨvɨ Israel, ya̱ váji ne̱ rá ñuunꞌ Antioquía jín Iconio. Jee nsi̱ínúꞌ ráa iniꞌ rá ñɨvɨ nkenta si̱kɨ̱ꞌ Bernabé jín Pablo, jee nkuun ráa yu̱u̱ꞌ Pablo. Jee nsi̱yúꞌun ráa maa ne̱ yuñúúnꞌ, chi va̱ níꞌiꞌ re̱ꞌ nkaꞌvi iniꞌ ráa.

Hechos 14:1

Jee sukuán nkuvi ñuunꞌ Iconio, jee nki̱vɨ nkáá Pablo jín Bernabé veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ. Jee va̱ꞌa túníꞌ nkaꞌanꞌ ráa tu̱ꞌun jie̱ꞌe̱ꞌ Jesús, ya̱ ni̱nu̱ꞌ iniꞌ kue̱ꞌe̱ꞌ víꞌí rá ñɨvɨ Israel jín suni rá ñɨvɨ ntu kúvi Israel.

Hechos 13:51

Soo nkisɨ ráa ti̱ka̱cha̱a̱ꞌ jie̱ꞌe̱ꞌ ráa, sáva túvi ya̱ íyó si̱kɨ̱ꞌ rá ñɨvɨ ñuunꞌ vá nu̱u̱nꞌ Ndiosíꞌ. Jee kua̱ꞌa̱nꞌ ráa ñuunꞌ Iconio.

2 Timoteo 3:11

Jee jíníꞌ nú na̱sa nito u̱ꞌvi̱ꞌ ñɨvɨ nuꞌuꞌ, jín rá tu̱nóꞌó nóꞌo ni̱ꞌ, sánikua̱ꞌ nkuvi jín nuꞌuꞌ rá ñuunꞌ Antioquía, Iconio jín Listra. Jee ñeꞌneꞌ iniꞌ ni̱ꞌ rá tu̱nóꞌó vá ya̱ nito u̱ꞌvi̱ꞌ ráa nuꞌuꞌ yukuán, soo I̱toꞌoꞌ‑ó nsi̱káku nuꞌuꞌ nu̱u̱nꞌ nɨꞌɨ ya̱ nnoꞌo ni̱ꞌ yukuán.

Hechos 14:6

Sáá nku̱káꞌnú iniꞌ Pablo jín Bernabé maa, jee nka̱ku ráa kua̱ꞌa̱nꞌ ráa nu̱u̱nꞌ rá ñuunꞌ Listra jín Derbe sánitɨ́ɨn Licaonia jín nu̱u̱nꞌ rá kuaríáꞌ káá yatin jín‑i.

Hechos 13:14

Soo njia̱ꞌa ráa Perge jee nkenta ráa ñuunꞌ Antioquía, ya̱ káá yatin nu̱u̱nꞌ ñuꞌun tɨ́ɨn Pisidia. Jee sátuꞌ ki̱vɨ̱ꞌ nájiáví, nki̱vɨ ráa iniꞌ veꞌi sinagoga nu̱u̱nꞌ kútútú rá ñɨvɨ Israel, jee ña̱kuneeꞌ ráa.

Mateo 28:19

Saáva kuáꞌán rán xinéꞌénꞌ rán tu̱ꞌun váꞌa ni̱ꞌ nu̱u̱nꞌ ñɨvɨ ntáká rá ñuunꞌ sáva kuneí iniꞌ ráa nuꞌuꞌ jee ki̱vɨ ráa xi̱ntíín ni̱ꞌ ya̱ sukuáꞌa ráa tu̱ꞌun ni̱ꞌ, jee sikuánuté rán ráa nu̱u̱nꞌ súví Tátáꞌ‑ó Ndiosíꞌ jín Se̱ꞌya re̱ꞌ, jín Ta̱chi̱ꞌ Ííꞌ re̱ꞌ.

Hechos 16:2

Rá ñaniꞌ ñuunꞌ Listra jín Iconio, ya̱ kúneí iniꞌ ráa Jesús, nkaꞌanꞌ va̱ꞌa ráa jie̱ꞌe̱ꞌ re̱ꞌ.

Hechos 15:36

Njia̱ꞌa tiempúꞌ, jee nkachiꞌ Pablo nu̱u̱nꞌ Bernabé: ―Nikó i̱i̱ꞌ‑ó kaꞌanꞌ‑ó jín rá ñaniꞌ nɨꞌɨ rá ñuunꞌ nu̱u̱nꞌ nste̱kútu̱ꞌún‑ó tu̱ꞌun I̱toꞌoꞌ‑ó, sáva kuniꞌ‑ó na̱ja íyó ráa.

Hechos 14:8

Ñuunꞌ Listra, ni̱yo ɨɨn te̱e kuéꞌí rá jie̱ꞌe̱ꞌ‑e. Íyó lénkó re̱ꞌ ne̱ nkaku re̱ꞌ, jee íchí ntu níka re̱ꞌ.

Hechos 2:47

Jee nákuetúꞌún ráa Ndiosíꞌ. Jee káꞌvi va̱ꞌa iniꞌ rá ñɨvɨ néꞌyá rává ráa. Jee ta ki̱vɨ̱ꞌ, násaꞌá kue̱ꞌe̱ꞌ ka̱ꞌ I̱toꞌoꞌ‑ó rá ñɨvɨ ya̱ natavaꞌ Ndiosíꞌ ráa nu̱u̱nꞌ kua̱chi ráa nánitáꞌvíꞌ ráa ya̱ nákɨ́ꞌɨ ráa nu̱u̱nꞌ rá ñɨvɨ kúneí iniꞌ ráa Jesús.

Hechos 14:7

Jee yukuán nste̱kútu̱ꞌún ráa tu̱ꞌun va̱ꞌa Jesús.

Hechos 14:15

―¡Ránoꞌó tátáꞌ! ¿Na̱chi sáꞌá rán rá tiñu yaꞌá! Suni ñɨvɨ ví ránuꞌuꞌ, kuéntáꞌ ránoꞌó. Stékútu̱ꞌún ránꞌ nu̱u̱nꞌ rán ya̱ íyó nikó iniꞌ rán rá ñujiínꞌ ka̱ꞌá sáꞌá rán, ya̱ néñu̱ꞌun rán rá nantíñú ya̱ ntu kúvi Ndiosíꞌ, jee ntu íyótiñu‑u. Jee kunikɨnꞌ rán Ndiosíꞌ, ya̱ tékúꞌ. Nsa̱ꞌá re̱ꞌ súkún jín ñuꞌun jín nteñúꞌún jín nɨꞌɨ ya̱ íyó nu̱u̱nꞌ rává.

Hechos 14:26

Nkene ráa yukuán jee kua̱ꞌa̱nꞌ ráa jín barkúꞌ nu̱u̱nꞌ ñuunꞌ Antioquía. Yukuán ví nu̱u̱nꞌ nkene ráa xíꞌnañúꞌún, jee ne̱ ntiáꞌan nkene ráa, jee rá ñɨvɨ kúneí iniꞌ Jesús, ni̱ka̱nꞌ rává nu̱u̱nꞌ Ndiosíꞌ ya̱ nachituvi re̱ꞌ Bernabé jín Pablo, sáva saꞌá ráa tiñu ya̱ ya nsi̱kúnkuvi ráa.