Hechos 13:43 - Mixteco del suroeste de Tlaxiaco Oaxaca

⁴³ Sáá ntu̱ꞌu̱ꞌ ya̱ nnu̱tútú ráa, jee kue̱ꞌe̱ꞌ rá ñɨvɨ Israel jín rá ñɨvɨ ya̱ ntu kúvi Israel, ya̱ nni̱vɨ ráa ñujiínꞌ Israel jee néñu̱ꞌun ráa Ndiosíꞌ, jee nnikɨnꞌ ráa Pablo jín Bernabé. Jee nkaꞌanꞌ rává jín ráa, jee nna̱kutíñú rává nu̱u̱nꞌ ráa ya̱ kuni̱ꞌin ráa nu̱u̱nꞌ Ndiosíꞌ, sáva nachituvi re̱ꞌ ráa.

Hechos 13:43 Referans Kwoze

Hechos 11:23

Sáá nkenta re̱ꞌ yukuán, niniꞌ re̱ꞌ ya̱ va̱ꞌa nsa̱ꞌá Ndiosíꞌ nu̱u̱nꞌ ráa chi ma̱ni̱ꞌ re̱ꞌ néꞌyá re̱ꞌ ráa. Jee nnusɨ̱ɨ̱ꞌ iniꞌ Bernabé. Jee nna̱chuꞌun neí re̱ꞌ iniꞌ ráa kukáñá víꞌí iniꞌ ánímaꞌ ráa ya̱ kuiñɨ na̱a̱ꞌ ráa jín I̱toꞌoꞌ‑ó.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

2 Juan 1:9

Nta̱ká ñɨvɨ ya̱ jiáꞌa ka̱ꞌ nu̱u̱nꞌ tu̱ꞌun na̱a̱ꞌ, jee ntu kínóo kutú ráa jín tu̱ꞌun nxi̱néꞌénꞌ Cristo, jee ntu̱ví íyó Tátáꞌ‑ó Ndiosíꞌ jín ráa. Jee ñɨvɨ ya̱ kínóo kutú‑u jín tu̱ꞌun vá jee Tátáꞌ‑ó Ndiosíꞌ jín suni máá Se̱ꞌya re̱ꞌ íyó ráa jín ñɨvɨ vá.

Hebreos 13:9

Íyó kéꞌín tu̱ꞌun xínéꞌénꞌ ñɨvɨ ya̱ ntu kúnuún jín Tu̱ꞌun Ndiosíꞌ. Jee koto jiáꞌa rán ya̱ nastúꞌva rá tu̱ꞌun vá ránoꞌó nu̱u̱nꞌ‑u. Chi íyó váꞌa ya̱ nukutú ánímaꞌ‑ó saꞌá Ndiosíꞌ chi íyó mániꞌ iniꞌ re̱ꞌ yó, nsú káꞌ jie̱ꞌe̱ꞌ tu̱ꞌun ya̱ tátúníꞌ jie̱ꞌe̱ꞌ ya̱ yájíꞌ‑ó, chi ni ntu̱náꞌ váꞌa nsa̱ꞌá tu̱ꞌun tátúníꞌ vá nu̱u̱nꞌ rá ñɨvɨ ya̱ nyɨ̱tíñú ráa nsa̱ꞌá ráa maa.

Hebreos 12:15

Kumí rán maárán sáva ni ɨɨn rán koto xínóo‑o ya̱ váꞌa táji Ndiosíꞌ nu̱u̱nꞌ‑ó jie̱ꞌe̱ꞌ íyó mániꞌ iniꞌ re̱ꞌ yó, sáva ni ɨɨn rán nkújia tu̱ꞌun ñúꞌún táꞌvi iniꞌ ñɨvɨ nteñu rán, ya̱ saꞌá níní‑i iniꞌ rá ñanitáꞌán‑ó jee stívɨ́‑ɨ kue̱ꞌe̱ꞌ ráa kuéntáꞌ yu̱ku̱ꞌ u̱va̱ꞌ.

Colosenses 1:28

Jee jie̱ꞌe̱ꞌ Cristo stékútu̱ꞌún ránꞌ, jee stúꞌva ránꞌ, jee xínéꞌénꞌ ránꞌ nu̱u̱nꞌ nta̱ká ñɨvɨ nɨꞌɨ tu̱ꞌun níchí nta̱jí Ndiosíꞌ, sáva saꞌá ránꞌ ya̱ kujia iniꞌ nta̱ká ráa nu̱u̱nꞌ Ndiosíꞌ, ya̱ yɨ́ꞌɨ́ ráa nu̱u̱nꞌ Cristo.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

Filipenses 4:1

I̱ña̱jée, ránoꞌó ñaniꞌ ni̱ꞌ jín ku̱ꞌva ni̱ꞌ, ya̱ ñúnúunꞌ ni̱ꞌ jee níyo víꞌí iniꞌ ni̱ꞌ kune̱ꞌyá ni̱ꞌ ránoꞌó. Maárán ví ya̱ násaꞌá sɨ́ɨꞌ iniꞌ ánímaꞌ ni̱ꞌ. Jee kuéntáꞌ ta̱ꞌvi̱ꞌ ví ránoꞌó ya̱ ni̱ꞌi̱nꞌ ni̱ꞌ sáá kuneí ni̱ꞌ carrera. Saáva kuiñɨ ni̱ꞌin rán jín I̱toꞌoꞌ‑ó, ránoꞌó ya̱ ñúnúunꞌ ni̱ꞌ.

Filipenses 3:16

Soo kani iniꞌ‑ó jee kaka na̱a̱ꞌ‑ó sánikua̱ꞌ ya̱ nijia iniꞌ‑o.

Efesios 2:8

Chi jie̱ꞌe̱ꞌ ya̱ íyó mániꞌ iniꞌ Ndiosíꞌ néꞌyá re̱ꞌ ránoꞌó jee nna̱tavaꞌ re̱ꞌ ránoꞌó nu̱u̱nꞌ kua̱chi rán nsi̱káku re̱ꞌ ránoꞌó jie̱ꞌe̱ꞌ ya̱ kúneí iniꞌ rán Cristo, sú ntu íyó ni̱ꞌi̱nꞌ rán maa. Soo nsú ránoꞌó sáꞌá maa, chisaꞌ kúvi‑i ta̱ꞌvi̱ꞌ nsi̱kútaꞌviꞌ Ndiosíꞌ nu̱u̱nꞌ rán.

Gálatas 5:1

Nna̱kani núne Cristo yó, sáva kuiñɨ núne yó. Saáva kuiñɨ ni̱ꞌin núne rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ. Jee koto kíninkava tuku rán xi̱ntíín tu̱ꞌun vá ya̱ kuvi tuku rán musúꞌ sátíñú saɨn.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

2 Corintios 5:11

Jee saáva, jíníꞌ ráníꞌ ná kúvi ya̱ ñúyúꞌví iniꞌ ránꞌ nu̱u̱nꞌ I̱toꞌoꞌ‑ó. Jee saáva núkú ránꞌ sijínúꞌ ránꞌ iniꞌ ñɨvɨ ki̱vɨ ráa nu̱u̱nꞌ re̱ꞌ. Jee túvi kájí nu̱u̱nꞌ maá Ndiosíꞌ sáá ñúꞌún iniꞌ ánímaꞌ ránꞌ. Varésukuán jee suni sukuán túvi kájí nu̱u̱nꞌ ránú ya̱ na̱a̱ꞌ kúvi ráníꞌ.

Romanos 11:6

Jee nu̱u̱nꞌ ya̱ nka̱ji re̱ꞌ ñɨvɨ re̱ꞌ jee síkútaꞌviꞌ re̱ꞌ ta̱ꞌvi̱ꞌ vá nu̱u̱nꞌ ráa jie̱ꞌe̱ꞌ íyó mániꞌ iniꞌ re̱ꞌ néꞌyá re̱ꞌ ráa jee ntu kúvi‑i jie̱ꞌe̱ꞌ tiñu ya̱ nsa̱ꞌá ráa. Soo retánꞌ nka̱ji re̱ꞌ ráa kuvi ráa ñɨvɨ re̱ꞌ jie̱ꞌe̱ꞌ tiñu ya̱ nsa̱ꞌá ráa, nékúvi, saájee ntu kúvi ya̱ síkútaꞌviꞌ re̱ꞌ maa.

Romanos 5:21

Sáva kuéntáꞌ kua̱ꞌ nku̱neí kua̱chi si̱kɨ̱ꞌ ñɨvɨ ya̱ yɨ́ꞌɨ́ ráa xi̱ntíín kua̱chi jee sáꞌá‑a ya̱ jíꞌíꞌ ñɨvɨ, jee suni sukuán nku̱neí ya̱ íyó mániꞌ iniꞌ Ndiosíꞌ néꞌyá re̱ꞌ yó yɨ́ꞌɨ́‑ó xi̱ntíín re̱ꞌ, chi nsa̱ꞌá re̱ꞌ ya̱ kino̱o na̱a̱ꞌ‑ó nu̱u̱nꞌ re̱ꞌ. Jee nsa̱ꞌá re̱ꞌ sukuán sáva ni̱ꞌi̱nꞌ‑ó ya̱ kutekuꞌ‑ó jín re̱ꞌ nɨ́ɨ́nkání jie̱ꞌe̱ꞌ ya̱ nsáꞌá I̱toꞌoꞌ‑ó Jesús ya̱ kúvi Cristo.

Romanos 5:2

Chi suni Cristo nsa̱ꞌá ya̱ nkívɨ‑ó nu̱u̱nꞌ ya̱ íyó mániꞌ iniꞌ Ndiosíꞌ néꞌyá re̱ꞌ yó, sú ntu íyó ni̱ꞌi̱nꞌ‑ó maa. Jee íñɨ́ ni̱ꞌin‑ó jín ya̱ íyó mániꞌ iniꞌ Ndiosíꞌ néꞌyá re̱ꞌ yó. Jee kúsɨ́ɨꞌ iniꞌ ánímaꞌ‑ó chi íyó tu̱neí iniꞌ‑ó kúnáaꞌ iniꞌ‑ó ya̱ taji re̱ꞌ nu̱u̱nꞌ‑ó ya̱ viiꞌ kúñáꞌnú‑ó jín re̱ꞌ.

Romanos 3:24

Soo nsiíyo Ndiosíꞌ kua̱chi‑ó sáva kino̱o na̱a̱ꞌ‑ó nu̱u̱nꞌ re̱ꞌ, jee nsi̱kútaꞌviꞌ saɨn re̱ꞌ maa nu̱u̱nꞌ‑ó sú ntu íyó ni̱ꞌi̱nꞌ‑ó maa chi íyó mániꞌ iniꞌ re̱ꞌ néꞌyá re̱ꞌ yó, chi nchu̱náán nkáꞌnú Cristo Jesús nu̱u̱nꞌ Ndiosíꞌ jie̱ꞌe̱ꞌ kua̱chi‑ó, sáva nákani núne Cristo yó kene‑ó nu̱u̱nꞌ kua̱chi‑ó, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ re̱ꞌ.

Hechos 17:34

Soo ni̱yo ñɨvɨ káꞌvi ni ni̱nu̱ꞌ iniꞌ ráa tu̱ꞌun nkaꞌanꞌ re̱ꞌ jee nna̱kuiñɨꞌ ráa jín re̱ꞌ. Ɨɨn ráa kúvi Dionisio, ya̱ kúvi te̱e nísotíñú Areópago, sunisaá ɨɨn ñaꞌan naní Dámaris, jín rá inka ka̱ꞌ.

Hechos 17:4

Kéꞌín ráa ni̱nu̱ꞌ iniꞌ jee nna̱sikánitáꞌán ráa maáráa jín Pablo jín Silas. Jee suni sukuán nsa̱ꞌá kue̱ꞌe̱ꞌ rá ñɨvɨ ntu kúvi Israel, ya̱ nééñuꞌun ráa Ndiosíꞌ, jín kue̱ꞌe̱ꞌ rá ñaꞌan kúñáꞌnú.

Hechos 16:14

Ɨɨn rá ñaꞌan vá naní Lidia. Xíkó ña saꞌma líꞌí nééꞌ ya̱ꞌvi. Va̱ji ña ne̱ ñuunꞌ Tiatira. Néñu̱ꞌun ña Ndiosíꞌ. Jee tésóꞌo ña, jee nsa̱ꞌá I̱toꞌoꞌ‑ó nkajiaꞌ iniꞌ ña ya̱ ntɨɨn ña rá tu̱ꞌun ya̱ nkachiꞌ Pablo.

Hechos 14:3

Soo kue̱ꞌe̱ꞌ tiempúꞌ nkino̱o Pablo jín Bernabé yukuán, jee nkaꞌanꞌ neí iniꞌ ráa, chi kúneí iniꞌ ráa I̱toꞌoꞌ‑ó. Jee I̱toꞌoꞌ‑ó nsa̱ꞌá re̱ꞌ ya̱ saꞌá ráa rá seña jín a̱nasɨ́ sáva nstúvi ya̱ íyó na̱a̱ꞌ tu̱ꞌun káꞌánꞌ ráa, jie̱ꞌe̱ꞌ íyó mániꞌ iniꞌ re̱ꞌ néꞌyá re̱ꞌ rá ñɨvɨ ya̱ síkáku re̱ꞌ yó ya̱ ntu íyó ni̱ꞌi̱nꞌ‑ó maa.

2 Pedro 3:14

Saáva ránoꞌó ya̱ ñúnúunꞌ ni̱ꞌ, jee ni nétu rán ya̱ kiji ntáká rá tiñu yaꞌá, jee kuniꞌvɨꞌ iniꞌ rán nikó néí rán ya̱ kino̱o noo ánímaꞌ rán jee ntu̱náꞌ kua̱chi kuniso ka̱ꞌ ánímaꞌ rán, jee kuniꞌ re̱ꞌ ya̱ ne̱ va̱ꞌa koo ntáká rán jín re̱ꞌ, sáá nenta re̱ꞌ.

1 Pedro 5:12

Ñani‑ó Silvano, ya̱ jíníꞌ ni̱ꞌ ya̱ síkúnkuvi va̱ꞌa re̱ꞌ nɨꞌɨ, jee nchi̱neí re̱ꞌ nuꞌuꞌ tée ni̱ꞌ yakuꞌ ni tu̱ꞌun yaꞌá kua̱jiaaꞌ nu̱u̱nꞌ rán, sáva nasáneí ni̱ꞌ iniꞌ ránoꞌó jee sáva ku̱ꞌva ni̱ꞌ ya̱ nááꞌ ya̱ tu̱ꞌun ntee ni̱ꞌ nu̱u̱nꞌ tutuꞌ yaꞌá káꞌánꞌ jie̱ꞌe̱ꞌ ya̱ váꞌa ya̱ nááꞌ nijia sikútaꞌviꞌ Ndiosíꞌ yó ya̱ íyó mániꞌ iniꞌ re̱ꞌ néꞌyá re̱ꞌ yó. Kuiñɨ kutú rán jín‑i.

Gálatas 5:4

Ránoꞌó ya̱ nánukú kino̱o na̱a̱ꞌ rán nu̱u̱nꞌ Ndiosíꞌ jie̱ꞌe̱ꞌ ya̱ núkú rán ya̱ saꞌá rán ya̱ tátúníꞌ ley vá, ña̱re nsa̱ꞌá sɨ́ɨ́n rán maárán nu̱u̱nꞌ Cristo. Jee nxi̱nóo rán tu̱ꞌun íyó ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

Hechos 28:23

Nna̱túꞌún ráa jín re̱ꞌ ɨɨn ki̱vɨ̱ꞌ nikó tuku ráa. Jee nkenta kue̱ꞌe̱ꞌ ka̱ꞌ rá ñɨvɨ nu̱u̱nꞌ nééꞌ re̱ꞌ. Jee ne̱ neꞌenꞌ jín ne̱ nini, sánáaꞌ re̱ꞌ jee stúvi re̱ꞌ ya̱ naáꞌ jie̱ꞌe̱ꞌ na̱sa ki̱vɨ ñɨvɨ naꞌá Ndiosíꞌ. Jee jiátíñú re̱ꞌ tu̱ꞌun ya̱ káchíꞌ ley ya̱ njia̱ꞌa Ndiosíꞌ nu̱u̱nꞌ Moisés ya̱ ntee‑e maa, jín tu̱ꞌun ya̱ ntee rá te̱e nna̱kani ráa tu̱ꞌun nkene yuꞌú Ndiosíꞌ, sáva nunasɨ́ re̱ꞌ siínúꞌ re̱ꞌ iniꞌ ráa jie̱ꞌe̱ꞌ Jesús.

Hechos 17:17

I̱ña̱jée iniꞌ veꞌi sinagoga nu̱u̱nꞌ kútútú rá ñɨvɨ Israel, jee nkua̱yuꞌú‑u jín rá ñɨvɨ Israel jín rá inka ñɨvɨ néñu̱ꞌun ráa Ndiosíꞌ. Jee ni ki̱vɨ̱ꞌ nkaꞌanꞌ‑a nu̱yáꞌvi jín néni ɨɨn ñɨvɨ kénta yukuán.

Hechos 13:50

Soo rá ñaꞌan ya̱ néñu̱ꞌun ráña Ndiosíꞌ, ya̱ kúvi ráña ya̱ ñáꞌnú nu̱u̱nꞌ ñuunꞌ vá, jín rá te̱e kúñáꞌnú nu̱u̱nꞌ ñuunꞌ vá, jee rá ñɨvɨ Israel nsi̱ínúꞌ ráa iniꞌ rává, jee nsi̱kántátúꞌun ráa rává sáva saꞌá kini nɨꞌɨ rává Pablo jín Bernabé, jee nta̱níkɨ́nꞌ rává ráa nu̱u̱nꞌ ñuunꞌ rává.

Hechos 6:5

Jee ntáká ráa ntaꞌanꞌ iniꞌ tu̱ꞌun yaꞌá. Jee nka̱ji ráa Esteban, ya̱ kúvi ɨɨn te̱e ya̱ kúneí víꞌí iniꞌ re̱ꞌ Jesús, jee Ta̱chi̱ꞌ Ííꞌ kúneí‑i jín re̱ꞌ. Jee suni nka̱ji ráa Felipe, Prócoro, Nicanor, Timón, Parmenas, jín Nicolás, te̱e ñuunꞌ Antioquía, ya̱ ntɨɨn re̱ꞌ ñujiínꞌ Israel.

Hechos 2:10

Frigia, jín Panfilia, Egipto, jín rá ñuunꞌ tɨ́ɨn Libia káá yatin ñuunꞌ Cirene, jee sava‑ó kúvi rá ñɨvɨ ñuunꞌ Roma, ya̱ nééꞌ yakuꞌ tiempúꞌ yaꞌá. Sava‑ó ví ñɨvɨ Israel jee sava‑ó ví inka ñɨvɨ ntu kúvi Israel, soo ntɨɨn ráa ñujiínꞌ Israel.

Mateo 23:15

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, ¡chi te̱e sansuꞌva kúvi rán! Chi ránoꞌó, jee jíkanuun rán nɨ́ɨ́nkáꞌnú, va̱ni nu̱u̱nꞌ nteñúꞌún, va̱ni nu̱u̱nꞌ ñuíchí núkú rán ɨɨn ñɨvɨ síjínúꞌ rán iniꞌ‑i rá tu̱ꞌun xinéꞌénꞌ maárán, jee retú kúneí rán síjínúꞌ rán iniꞌ ñɨvɨ vá, jee síkúniso rán ka̱ꞌ kua̱chi si̱kɨ̱ꞌ‑ɨ ya̱ ne̱ u̱vi̱ꞌ íchí ka̱ꞌ íyó ni̱ꞌi̱nꞌ‑i ya̱ kɨ̱ꞌɨ̱nꞌ‑ɨ nu̱u̱nꞌ ñúꞌúnꞌ xéénꞌ nsú káꞌ íyó kɨ̱ꞌɨ̱nꞌ ránoꞌó nu̱u̱nꞌ ñúꞌúnꞌ xéénꞌ.

1 Juan 2:28

Jee vitan ra, ránoꞌó ya̱ kúvi rán kuéntáꞌ se̱ꞌya ni̱ꞌ, kino̱o kutú rán kɨꞌɨ rán nu̱u̱nꞌ Cristo sáva sáá kitu̱vi re̱ꞌ sáá niji re̱ꞌ ñɨ̱vɨ́ yaꞌá, jee kuneí iniꞌ‑ó kuiñɨ‑ó ichinúúnꞌ re̱ꞌ, jee nkúkanuun‑ó nu̱u̱nꞌ re̱ꞌ sáá niji re̱ꞌ.

Tito 2:11

Chi ntu̱vi nu̱u̱nꞌ nɨꞌɨ ñɨvɨ ya̱ íyó mániꞌ iniꞌ Ndiosíꞌ néꞌyá re̱ꞌ ñɨvɨ sáá nta̱jí re̱ꞌ Cristo, ya̱ nátavaꞌ re̱ꞌ ñɨvɨ nu̱u̱nꞌ kua̱chi ráa xinánitáꞌvíꞌ re̱ꞌ ráa.

Hechos 18:7

Jee nkene‑e veꞌi sinagoga, jee kua̱ꞌa̱nꞌ‑a veꞌi ɨɨn te̱e naní Ticio Justo, ya̱ néñu̱ꞌun re̱ꞌ Ndiosíꞌ. Jee nééꞌ veꞌi re̱ꞌ máá xiín veꞌi sinagoga.