Hechos 13:26 - Mixteco del suroeste de Tlaxiaco Oaxaca

²⁶ ’Ránoꞌó ñaniꞌ, ya̱ kúvi rán se̱ꞌya tataꞌ Abraham, jín rá inka ñɨvɨ, ya̱ nééꞌ nteñu rán, ya̱ ñúyúꞌví iniꞌ rán nu̱u̱nꞌ Ndiosíꞌ. Nta̱jí re̱ꞌ nu̱u̱nꞌ rán tu̱ꞌun yaꞌá ya̱ káchíꞌ ya̱ nátavaꞌ re̱ꞌ yó nu̱u̱nꞌ kua̱chi‑ó xínánitáꞌvíꞌ re̱ꞌ yó.

Hechos 13:26 Referans Kwoze

Colosenses 1:5

Jiáꞌnu rán suꞌva chi jie̱ꞌe̱ꞌ ni ka̱ꞌ íyó tu̱ꞌun neí iniꞌ rán ni̱ꞌi̱nꞌ rán ta̱ꞌvi̱ꞌ ya̱ nanitáꞌvíꞌ rán ya̱ ñúꞌún va̱ꞌa ne̱ ñuunꞌ íyó súkún nu̱u̱nꞌ íyó Ndiosíꞌ. Jie̱ꞌe̱ꞌ ta̱ꞌvi̱ꞌ vá ví ya̱ ya nteso̱ꞌo rán nu̱u̱nꞌ tu̱ꞌun na̱a̱ꞌ, ya̱ kúvi tu̱ꞌun váꞌa jie̱ꞌe̱ꞌ Cristo, naní evangelio.

Efesios 1:13

Jee sunisaá ránoꞌó, yɨ́ꞌɨ́ rán nu̱u̱nꞌ Cristo sáá niniso̱ꞌo rán tu̱ꞌun jie̱ꞌe̱ꞌ ya̱ naáꞌ, ya̱ kúvi tu̱ꞌun váꞌa ya̱ sikáku re̱ꞌ ránoꞌó nu̱u̱nꞌ kua̱chi rán, jee nku̱neí iniꞌ rán Cristo. Jee saáva ntaji Ndiosíꞌ Ta̱chi̱ꞌ Ííꞌ re̱ꞌ, yɨ́ꞌɨ́‑ɨ iniꞌ ánímaꞌ‑ó, ya̱ nchi̱sóyuꞌú re̱ꞌ taji re̱ꞌ maa. Ta̱chi̱ꞌ Ííꞌ re̱ꞌ vá kúvi ɨɨn seyúꞌ ya̱ stúvi‑i ya̱ naáꞌ ya̱ kúvi rán se̱ꞌya re̱ꞌ.

Romanos 1:16

Chi ntu̱ví kúkanuun ni̱ꞌ jie̱ꞌe̱ꞌ tu̱ꞌun váꞌa Jesús, chi kúvi tu̱ꞌun vá fuersáꞌ ííꞌ Ndiosíꞌ sáva nátavaꞌ re̱ꞌ ntáká ñɨvɨ ya̱ kúneí iniꞌ ráa tu̱ꞌun vá nu̱u̱nꞌ kua̱chi ráa xinánitáꞌvíꞌ re̱ꞌ ráa, xíꞌnañúꞌún rá ñɨvɨ Israel jee suni rá ñɨvɨ ntu kúvi Israel.

Lucas 1:77

Jee sáva sikúkáꞌnú nú iniꞌ rá ñɨvɨ re̱ꞌ ya̱ sikáku re̱ꞌ ráa jie̱ꞌe̱ꞌ kua̱chi ráa, jie̱ꞌe̱ꞌ ya̱ kunekáꞌnú iniꞌ re̱ꞌ ráa nu̱u̱nꞌ kua̱chi ráa.

Lucas 1:69

Chi nchu̱ichí re̱ꞌ ɨɨn ya̱ níso‑o fuersáꞌ ííꞌ ya̱ sikáku‑u yó, jee kiji‑i kaku‑u nu̱u̱nꞌ tataꞌ ichiyúkúnꞌ va̱ji nu̱u̱nꞌ David, ya̱ nkuvi‑i musúꞌ re̱ꞌ,

Hechos 13:46

Saájee nkaꞌanꞌ neí iniꞌ Pablo jín Bernabé jee nkachiꞌ ráa nu̱u̱nꞌ rá ñɨvɨ Israel: ―Xíꞌna nu̱u̱nꞌ ránoꞌó íyó kachiꞌ ráníꞌ Tu̱ꞌun Ndiosíꞌ. Soo nku̱ichi iniꞌ rán maa, jee sánáaꞌ rán ya̱ ntu íyó níꞌinꞌ rán ya̱ kutekuꞌ rán nɨ́ɨ́nkání jín Ndiosíꞌ. Teso̱ꞌo rán. Saáva kɨ̱ꞌɨ̱nꞌ ránꞌ stekútu̱ꞌún ránꞌ maa nu̱u̱nꞌ rá ñɨvɨ ntu kúvi Israel.

Hechos 13:43

Sáá ntu̱ꞌu̱ꞌ ya̱ nnu̱tútú ráa, jee kue̱ꞌe̱ꞌ rá ñɨvɨ Israel jín rá ñɨvɨ ya̱ ntu kúvi Israel, ya̱ nni̱vɨ ráa ñujiínꞌ Israel jee néñu̱ꞌun ráa Ndiosíꞌ, jee nnikɨnꞌ ráa Pablo jín Bernabé. Jee nkaꞌanꞌ rává jín ráa, jee nna̱kutíñú rává nu̱u̱nꞌ ráa ya̱ kuni̱ꞌin ráa nu̱u̱nꞌ Ndiosíꞌ, sáva nachituvi re̱ꞌ ráa.

Hechos 10:35

Soo íyó mániꞌ re̱ꞌ néꞌyá re̱ꞌ ñɨvɨ ntáká ñuunꞌ, ya̱ ñúyúꞌví iniꞌ ráa re̱ꞌ, jín ya̱ jiáꞌnu na̱a̱ꞌ ráa.

Hechos 5:20

―Kuáꞌán rán. Jee kuiñɨ rán iniꞌ veñu̱ꞌun káꞌnú. Jee nakani rán nu̱u̱nꞌ rá ñɨvɨ nɨꞌɨ tu̱ꞌun na̱ja kúvi kutekuꞌ ráa jín Ndiosíꞌ ―nkachiꞌ najiáꞌáꞌ ííꞌ Ndiosíꞌ.

Hechos 4:12

Soo kua̱chi Jesús kúvi natavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó, chi ntu̱né íyó inka ka̱ꞌ nu̱u̱nꞌ kɨꞌɨ‑ó sáva nanitáꞌvíꞌ‑ó. Chi ntu̱né íyó inka ka̱ꞌ súví ni ɨɨn ñɨvɨ nu̱u̱nꞌ ñɨ̱vɨ́ yaꞌá ya̱ njia̱ꞌa Ndiosíꞌ nu̱u̱nꞌ ñɨvɨ sáva natavaꞌ re̱ꞌ yó nu̱u̱nꞌ kua̱chi‑ó sikáku re̱ꞌ yó ―nkachiꞌ Pedro.

Lucas 24:47

Jee te̱ku̱tu̱ꞌún tu̱ꞌun ni̱ꞌ ya̱ nu̱u̱nꞌ nuꞌuꞌ váji ya̱ nakani iniꞌ ñɨvɨ jie̱ꞌe̱ꞌ kua̱chi ráa sáva kunekáꞌnú iniꞌ Ndiosíꞌ ráa jie̱ꞌe̱ꞌ kua̱chi ráa. Te̱ku̱tu̱ꞌún tu̱ꞌun ni̱ꞌ nu̱u̱nꞌ rá ñɨvɨ ntáká rá ñuunꞌ kua̱íyó ñɨ̱vɨ́ jee kajiéꞌé‑e ne̱ ñuunꞌ Jerusalén.

Mateo 10:6

Chisaꞌ kɨ̱ꞌɨ̱nꞌ rán nu̱u̱nꞌ rá ñɨvɨ tataꞌ ichiyúkúnꞌ ñuunꞌ Israel, chi suviráa vá kúvi kuéntáꞌ rá lanchi ya̱ nsu̱kuíta rátíꞌ maárátíꞌ.

Mateo 3:9

Jee saáva koto káchíꞌ rán iniꞌ ánímaꞌ rán: “[Ka̱ku ráníꞌ] chi jííꞌ yanaꞌán ránꞌ ví Abraham.” Chi káchíꞌ ni̱ꞌ nu̱u̱nꞌ rán ya̱ Ndiosíꞌ kuvi saꞌá re̱ꞌ ya̱ nuvi ne̱ rá yu̱u̱ꞌ yaꞌá sáva kuvi ráa tataꞌ se̱ꞌya Abraham.

Hechos 16:17

Jee suviña níkɨ́nꞌ ña Pablo jín ránꞌ, jee kánajíín ña: ―Rá te̱e yaꞌá kúvi rá musúꞌ ya̱ jiátíñú Ndiosíꞌ, ya̱ kúñáꞌnú ka̱ꞌ nu̱u̱nꞌ nɨꞌɨ. Stékútu̱ꞌún ráa nu̱u̱nꞌ ránoꞌó na̱ja nanitáꞌvíꞌ rán ―nkachiꞌ ñasúchí vá.

Hechos 3:26

Sáá ñani Ndiosíꞌ Jesús ya̱ kúvi musúꞌ re̱ꞌ kuatíñú re̱ꞌ, jee nchu̱ichí re̱ꞌ maa nu̱u̱nꞌ rán xíꞌnañúꞌún, sáva saꞌá re̱ꞌ ya̱ netuꞌ kuvi rán, ya̱ nakani iniꞌ ta ɨɨn rán ya̱ ni̱váꞌa níkɨ́nꞌ rán, jee kunikɨnꞌ rán Ndiosíꞌ ―nkachiꞌ Pedro nu̱u̱nꞌ rá ñɨvɨ.

Hechos 28:28

Suni nkachiꞌ Pablo: ―Saájee káchítu̱ꞌún ni̱ꞌ nu̱u̱nꞌ rán, sáva kuniꞌ rán ya̱ nta̱jí Ndiosíꞌ nu̱u̱nꞌ rá ñɨvɨ ntu kúvi Israel tu̱ꞌun yaꞌá jie̱ꞌe̱ꞌ ya̱ kúvi natavaꞌ‑a ráa nu̱u̱nꞌ kua̱chi ráa nanitáꞌvíꞌ ráa. Jee tɨɨn ráa maa ―nkachiꞌ Pablo.

Juan 6:68

Jee nna̱xiníkó Simón Pedro nu̱u̱nꞌ re̱ꞌ: ―I̱toꞌoꞌ, ¿né ɨɨn nu̱u̱nꞌ kúvi kɨ̱ꞌɨ̱nꞌ ránꞌ? Chi maánú íyó jín tu̱ꞌun ya̱ saꞌá ya̱ kutekuꞌ ránꞌ nɨ́ɨ́nkání jín Ndiosíꞌ.

Hechos 10:2

Suvire̱ꞌ jín nɨꞌɨ rá táꞌán veꞌi re̱ꞌ kúvi ráa ñɨvɨ néñu̱ꞌun ráa Ndiosíꞌ, jee ñúyúꞌví iniꞌ ráa nu̱u̱nꞌ Ndiosíꞌ. Jee sáꞌá víꞌí re̱ꞌ caridad nu̱u̱nꞌ rá ñɨvɨ láꞌví, jee sukuáni káꞌánꞌ re̱ꞌ jín Ndiosíꞌ.

Hechos 22:5

Jee su̱tu̱ꞌ kúñáꞌnú jín rá te̱e kúñáꞌnú kuvi nastúvi ráa ya̱ naáꞌ, ya̱ káꞌánꞌ na̱a̱ꞌ ni̱ꞌ. Chi suviráa ví ya̱ ntaji tutuꞌ nu̱u̱nꞌ ni̱ꞌ, ya̱ ku̱ꞌva ni̱ꞌ nu̱u̱nꞌ rá ñaniꞌ‑ó Israel nééꞌ ñuunꞌ Damasco, sáva kuniꞌ ráa ya̱ tiñu níso ni̱ꞌ. Jee ña̱ꞌa̱nꞌ ni̱ꞌ ñuunꞌ Damasco, sáva tɨɨn ni̱ꞌ rá ñɨvɨ yɨ́ꞌɨ́ ñujiínꞌ vá, kuꞌniꞌ ni̱ꞌ ráa, jee kinaka ni̱ꞌ ráa Jerusalén, sáva xinóꞌo ránꞌ ráa.