Hechos 13:23 - Mixteco del suroeste de Tlaxiaco Oaxaca

²³ ’Njia̱ꞌa Ndiosíꞌ ɨɨn rá ichiyúkúnꞌ váji ne̱ nu̱u̱nꞌ maá te̱e vá nu̱u̱nꞌ rá ñɨvɨ‑órán Israel, sáva natavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó. Jesús ví re̱ꞌ. Njia̱ꞌa Ndiosíꞌ maa sáni nchi̱sóyuꞌú re̱ꞌ ya̱ ku̱ꞌva re̱ꞌ maa.

Hechos 13:23 Referans Kwoze

Mateo 1:1

Yaꞌá ví rá súví rá ñɨvɨ tataꞌ ichiyúkúnꞌ yanaꞌán nu̱u̱nꞌ nkiji Jesús nkaku re̱ꞌ, ya̱ nísotíñú re̱ꞌ ya̱ kúvi re̱ꞌ máá Cristo [ya̱ ñani Ndiosíꞌ re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa]. Jee kúvi Jesús nu̱u̱nꞌ tataꞌ ichiyúkúnꞌ nkene nu̱u̱nꞌ David jee nu̱u̱nꞌ tataꞌ ichiyúkúnꞌ váji nu̱u̱nꞌ Abraham.

Apoclipsis 22:16

’Jee nuꞌuꞌ Jesús, nchu̱ichí ni̱ꞌ najiáꞌáꞌ ííꞌ ni̱ꞌ sáva stúvi re̱ꞌ nu̱u̱nꞌ noꞌó rá tu̱ꞌun na̱a̱ꞌ yaꞌá sáva ku̱ꞌva nú maa nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ne̱ nu̱u̱nꞌ David váji ni̱ꞌ ya̱ kúvi ni̱ꞌ Se̱ꞌya ichiyúkúnꞌ ya̱ nkene ni̱ꞌ ne̱ nu̱u̱nꞌ David. Viiꞌ víꞌí kúñáꞌnú ni̱ꞌ kuéntáꞌ kua̱ꞌ viiꞌ jiánu̱te̱ꞌ tiu̱u̱nꞌ xúꞌún ya̱ kenta ntáká ya̱neꞌenꞌ.

Judas 1:25

Jee métúꞌún Ndiosíꞌ ví Ndiosíꞌ jee [níchí re̱ꞌ], jee síkáku re̱ꞌ yó nátavaꞌ re̱ꞌ yó nu̱u̱nꞌ kua̱chi‑ó, jie̱ꞌe̱ꞌ ya̱ nsa̱ꞌá re̱ꞌ jín I̱toꞌoꞌ‑ó Jesús ya̱ ya níso re̱ꞌ tiñu ya̱ kúvi re̱ꞌ máá Cristo. Jee na̱ ka̱ꞌ nákuetúꞌún‑ó Ndiosíꞌ, jee kúñáꞌnú víꞌí re̱ꞌ, jee níso re̱ꞌ fuersáꞌ ííꞌ nasɨ́kuitɨꞌ, jee tátúníꞌ re̱ꞌ tiñu nu̱u̱nꞌ nɨꞌɨ, [ne̱ yanaꞌán jín] ne̱ vitan, jín nɨ́ɨ́nkání. Sukuán koo. Amén.

Hechos 13:32

’Jee ránuꞌuꞌ stékútu̱ꞌún ráníꞌ nu̱u̱nꞌ ránoꞌó tu̱ꞌun váꞌa, ya̱ nchi̱sóyuꞌú Ndiosíꞌ nu̱u̱nꞌ rá jííꞌ‑ó yanaꞌán.

Romanos 1:3

jie̱ꞌe̱ꞌ Se̱ꞌya re̱ꞌ Jesús, ya̱ nkuvi tataꞌ ichiyúkúnꞌ nkiji‑i nu̱u̱nꞌ David sáá nkiji‑i kuvi‑i ñɨvɨ ñunéꞌyúꞌ.

1 Juan 4:14

Jee ránuꞌuꞌ chi niniꞌ ránꞌ jee nástúvi ránꞌ ya̱ máá Tátáꞌ‑ó Ndiosíꞌ nchu̱ichí re̱ꞌ Se̱ꞌya re̱ꞌ nkiji‑i sáva sikáku‑u maáórán ya̱ kúvi‑ó ñɨvɨ ñɨ̱vɨ́ yaꞌá jie̱ꞌe̱ꞌ xinóꞌo Ndiosíꞌ yó jie̱ꞌe̱ꞌ kua̱chi‑ó.

2 Pedro 3:18

Chisaꞌ íyó kujia iniꞌ rán kueꞌnu rán jín Jesús ya̱ kúvi Cristo ya̱ máníꞌ iniꞌ re̱ꞌ chineí re̱ꞌ ka̱ꞌ ránoꞌó jee íyó kujia iniꞌ rán ka̱ꞌ jín tu̱ꞌun re̱ꞌ sáva kuniꞌ rán ka̱ꞌ iniꞌ re̱ꞌ. Jesús ví ya̱ nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó. Nákuetúꞌún‑ó re̱ꞌ vitan jín nɨ́ɨ́nkání. Sukuán koo. Amén.

2 Pedro 3:2

sáva naku̱ꞌun iniꞌ rán rá tu̱ꞌun ya̱ nkachiꞌ ya̱chi̱ꞌ rá te̱e nyɨ̱tíñú nu̱u̱nꞌ Ndiosíꞌ ya̱ nna̱kani ráa tu̱ꞌun nkene yuꞌú máá maá Ndiosíꞌ ne̱ yanaꞌán, jee sáva naku̱ꞌun iniꞌ rán rá tu̱ꞌun ya̱ nkachiꞌ rá te̱e níso ráa tiñu apóstol ya̱ nchu̱ichí Cristo ráa nu̱u̱nꞌ ránoꞌó sáva nna̱kani ráa rá tu̱ꞌun ya̱ nta̱túníꞌ re̱ꞌ. Jee maáréꞌ ví I̱toꞌoꞌ‑ó jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

2 Pedro 2:20

Chi retú jíníꞌ rá ñɨvɨ na̱ja iniꞌ I̱toꞌoꞌ‑ó Jesús ya̱ kúvi Cristo jín ya̱ maáréꞌ nna̱tavaꞌ re̱ꞌ yó nu̱u̱nꞌ kua̱chi‑ó síkáku re̱ꞌ yó, jee sukuán nkuvi jee nkaku ráa nkene ráa nu̱u̱nꞌ rá tiñu néꞌí niva̱ꞌa ya̱ níyo iniꞌ rá ñɨvɨ ñɨ̱vɨ́ yaꞌá. Soo retú tukuni nachiꞌi ráa maáráa xi̱ntíín ñujiínꞌ vá, sukuán jee kenta saꞌ víꞌí káꞌ manéátúꞌún nakɨ̱ꞌɨ ráa xi̱ntíín tiñu kánéꞌí nsú ka̱ꞌ kua̱ꞌ níyo ráa ne̱ xíꞌnañúꞌún.

2 Pedro 1:11

Chi retú sukuán nijia, saájee taji Ndiosíꞌ nu̱u̱nꞌ rán ya̱ núne va̱ꞌa ichi nu̱u̱nꞌ ki̱vɨ rán nu̱u̱nꞌ tátúníꞌ máá I̱toꞌoꞌ‑ó Jesús ya̱ kúvi Cristo nɨ́ɨ́nkání ya̱ maáréꞌ ví ya̱ nsa̱ꞌá‑a ya̱ nanitáꞌvíꞌ‑ó.

2 Pedro 1:1

Nuꞌuꞌ, Simón Pedro, ya̱ kúvi ni̱ꞌ musúꞌ nu̱u̱nꞌ I̱toꞌoꞌ‑ó Jesús ya̱ níso re̱ꞌ tiñu Cristo [ya̱ ñani Ndiosíꞌ sáva tatúníꞌ re̱ꞌ nu̱u̱nꞌ nɨꞌɨ] jee níso ni̱ꞌ tiñu apóstol chúichí re̱ꞌ nuꞌuꞌ nakani ni̱ꞌ tu̱ꞌun re̱ꞌ. Jee tée ni̱ꞌ tutuꞌ yaꞌá nu̱u̱nꞌ ránoꞌó ya̱ suni nni̱ꞌi̱nꞌ rán ya̱ kúneí iniꞌ rán Cristo kuéntáꞌ kua̱ꞌ ránuꞌuꞌ, jee máá viiꞌ yɨ́yáꞌvi ya̱ kúneí iniꞌ‑ó Cristo. Nni̱ꞌi̱nꞌ rán maa jie̱ꞌe̱ꞌ na̱a̱ꞌ ví Jesús ya̱ kúvi Cristo ya̱ kúvi re̱ꞌ Ndiosíꞌ‑ó jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

Tito 1:4

Tée ni̱ꞌ tutuꞌ yaꞌá nu̱u̱nꞌ nú, Tito. Suvinú ví nijia kuéntáꞌ se̱ꞌya ni̱ꞌ, ya̱ nuún kúneí iniꞌ‑ó Cristo. Tátáꞌ‑ó ví Ndiosíꞌ jee Cristo Jesús ya̱ nátavaꞌ re̱ꞌ yó nu̱u̱nꞌ kua̱chi‑ó síkáku re̱ꞌ yó. Na̱ ka̱ꞌ koo ma̱ni̱ꞌ iniꞌ ráa ka̱ꞌ kune̱ꞌyá ráa noꞌó, jín ya̱ kuneeꞌ va̱ꞌa nú saꞌá ráa.

Romanos 11:26

Jee kuíre ntáká rá ñɨvɨ ñuunꞌ Israel natavaꞌ Ndiosíꞌ ráa nu̱u̱nꞌ kua̱chi ráa sáva nanitáꞌvíꞌ ráa. Sukuán koo sáni káchíꞌ tu̱ꞌun níso nu̱u̱nꞌ Tutuꞌ Ííꞌ: Ne̱ nu̱u̱nꞌ ñuunꞌ Sión kiji maáréꞌ ya̱ nakani núne re̱ꞌ rá ñɨvɨ ñuunꞌ Israel nene ráa nu̱u̱nꞌ kua̱chi ráa, jee saꞌá sɨ́ɨ́n re̱ꞌ rá ñɨvɨ ichiyúkúnꞌ tataꞌ váji nu̱u̱nꞌ Jacob kene ráa nu̱u̱nꞌ ya̱ niváꞌa.

Hechos 3:26

Sáá ñani Ndiosíꞌ Jesús ya̱ kúvi musúꞌ re̱ꞌ kuatíñú re̱ꞌ, jee nchu̱ichí re̱ꞌ maa nu̱u̱nꞌ rán xíꞌnañúꞌún, sáva saꞌá re̱ꞌ ya̱ netuꞌ kuvi rán, ya̱ nakani iniꞌ ta ɨɨn rán ya̱ ni̱váꞌa níkɨ́nꞌ rán, jee kunikɨnꞌ rán Ndiosíꞌ ―nkachiꞌ Pedro nu̱u̱nꞌ rá ñɨvɨ.

Hechos 2:30

Jee nkuvi re̱ꞌ ɨɨn te̱e ya̱ nna̱kani tu̱ꞌun nkene yuꞌú Ndiosíꞌ. Jee nku̱káꞌnú iniꞌ re̱ꞌ ya̱ nchi̱sóyuꞌú Ndiosíꞌ nu̱u̱nꞌ re̱ꞌ, ya̱ koo ɨɨn te̱e ya̱ kuvi‑i ichiyúkúnꞌ ya̱ kene ne̱ nu̱u̱nꞌ maáréꞌ ya̱ kenta nakui̱ñɨ̱ꞌ te̱e vá nu̱u̱nꞌ tiñu nniso re̱ꞌ sáva kuneeꞌ‑e teyuꞌ ñáꞌnú tatúníꞌ‑i.

Juan 7:42

Chi, ¿á ntu káchíꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ kaku Cristo nu̱u̱nꞌ tataꞌ ichiyúkúnꞌ váji ne̱ nu̱u̱nꞌ David, jee te̱e ñuunꞌ Belén kuvi re̱ꞌ, nu̱u̱nꞌ kúvi ñuunꞌ nu̱u̱nꞌ nneeꞌ David ne̱ yanaꞌán rúja? ―nkachiꞌ rá ñɨvɨ vá.

Juan 4:42

Jee nkachiꞌ ráa nu̱u̱nꞌ ñaꞌan vá: ―Nsú kua̱chi kuitɨꞌ ka̱ꞌ jie̱ꞌe̱ꞌ tu̱ꞌun káꞌánꞌ nú kúneí iniꞌ ránꞌ re̱ꞌ, chi suni nteso̱ꞌo máá maáránꞌ tu̱ꞌun káꞌánꞌ re̱ꞌ, jee jíníꞌ ránꞌ ya̱ máá nijia re̱ꞌ kúvi ya̱ xínánitáꞌvíꞌ re̱ꞌ rá ñɨvɨ ñɨ̱vɨ́ yaꞌá ―nkachiꞌ ráa.

Lucas 1:69

Chi nchu̱ichí re̱ꞌ ɨɨn ya̱ níso‑o fuersáꞌ ííꞌ ya̱ sikáku‑u yó, jee kiji‑i kaku‑u nu̱u̱nꞌ tataꞌ ichiyúkúnꞌ va̱ji nu̱u̱nꞌ David, ya̱ nkuvi‑i musúꞌ re̱ꞌ,

Mateo 22:42

jee nkachiꞌ re̱ꞌ: ―¿Ná jiáni iniꞌ rán jie̱ꞌe̱ꞌ Cristo? ¿Né ɨɨn se̱ꞌya ichiyúkúnꞌ kúvi re̱ꞌ? ―nkachiꞌ Jesús. Jee nkachiꞌ ráa: ―Se̱ꞌya tataꞌ veꞌi ichiyúkúnꞌ va̱ji nu̱u̱nꞌ David kúvi re̱ꞌ.

Mateo 21:9

Jee rá ñɨvɨ ya̱ kuáꞌánꞌ ichinúúnꞌ re̱ꞌ jín rá ñɨvɨ níkɨ́nꞌ ya̱ta̱ꞌ re̱ꞌ kánajíín ráa, jee káchíꞌ ráa: ―¡Sikáku ránuꞌuꞌ, nákuetúꞌún‑ó maáréꞌ ya̱ kúvi Se̱ꞌya ichiyúkúnꞌ David! ¡Na̱ ka̱ꞌ netuꞌ ka̱ꞌ kúvi maáréꞌ ya̱ váji jín tiñu ñáꞌnú nu̱u̱nꞌ súví I̱toꞌoꞌ‑ó Ndiosíꞌ! ¡Sikáku Ndiosíꞌ yó!, chi, ¡na̱ ka̱ꞌ ñáꞌnú ka̱ꞌ Ndiosíꞌ nééꞌ antivɨ́ súkún! ―káchíꞌ rá ñɨvɨ vá.

Mateo 1:21

Jee staꞌvíꞌ ña ɨɨn su̱chí yɨ́ɨ́, jee sikúnání nú maa Jesús. Chi maáréꞌ natavaꞌ re̱ꞌ rá ñɨvɨ re̱ꞌ nu̱u̱nꞌ kua̱chi ráa sikáku re̱ꞌ ráa ―nkachiꞌ najiáꞌáꞌ ííꞌ vá.

Hechos 4:12

Soo kua̱chi Jesús kúvi natavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó, chi ntu̱né íyó inka ka̱ꞌ nu̱u̱nꞌ kɨꞌɨ‑ó sáva nanitáꞌvíꞌ‑ó. Chi ntu̱né íyó inka ka̱ꞌ súví ni ɨɨn ñɨvɨ nu̱u̱nꞌ ñɨ̱vɨ́ yaꞌá ya̱ njia̱ꞌa Ndiosíꞌ nu̱u̱nꞌ ñɨvɨ sáva natavaꞌ re̱ꞌ yó nu̱u̱nꞌ kua̱chi‑ó sikáku re̱ꞌ yó ―nkachiꞌ Pedro.