Hechos 13:15 - Mixteco del suroeste de Tlaxiaco Oaxaca

¹⁵ Sáá nkuvi nkaꞌvi ɨɨn te̱e nu̱u̱nꞌ rá ñɨvɨ yakuꞌ tu̱ꞌun ley Ndiosíꞌ, ya̱ ntee Moisés yanaꞌán, jín yakuꞌ tu̱ꞌun ya̱ njia̱ꞌa Ndiosíꞌ nu̱u̱nꞌ rá te̱e ya̱ ntee ráa maa yanaꞌán, jee nta̱jí rá te̱e kúñáꞌnú veꞌi sinagoga kachiꞌ ráa nu̱u̱nꞌ Pablo jín Bernabé: ―Ránoꞌó ñaniꞌ. Retú íyó ya̱ kachiꞌ rán nasáneí rán iniꞌ rá ñɨvɨ, kachiꞌ rán xá maa.

Hechos 13:15 Referans Kwoze

Hebreos 13:22

Ránoꞌó ñanitáꞌán, jíkánꞌ táꞌvíꞌ ni̱ꞌ nu̱u̱nꞌ rán ya̱ keꞌneꞌ iniꞌ rán nu̱u̱nꞌ tu̱ꞌun ya̱ nna̱xiníꞌvɨ́ꞌ ni̱ꞌ iniꞌ rán. Chi yakuꞌ ni tu̱ꞌun ntee ni̱ꞌ nu̱u̱nꞌ rán.

Hechos 15:21

Chi ne̱ tiempúꞌ ya̱ta̱ꞌ nasɨ́kuitɨꞌ, jee íyó rá te̱e ta ñuunꞌ ya̱ stékútu̱ꞌún ráa tu̱ꞌun, ya̱ njiáꞌa Ndiosíꞌ nu̱u̱nꞌ Moisés. Chi ta rá ki̱vɨ̱ꞌ nájiáví, káꞌvi ráa maa iniꞌ rá veꞌi sinagoga sáá kútútú rá ñɨvɨ Israel néñu̱ꞌun ráa Ndiosíꞌ.

Marcos 5:22

Jee nkenta ɨɨn rá te̱e néetiñu nu̱u̱nꞌ veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ. Suvire̱ꞌ naní Jairo. Jee sáá niniꞌ re̱ꞌ Jesús, jee nstu̱víꞌ re̱ꞌ maáréꞌ jie̱ꞌe̱ꞌ Jesús,

1 Corintios 14:3

Soo ñɨvɨ ya̱ nákani tu̱ꞌun nkene yuꞌú Ndiosíꞌ, jee káꞌánꞌ‑a jín rá ñɨvɨ sáva sikújia‑a iniꞌ ráa kueꞌnu ráa jín Tu̱ꞌun Ndiosíꞌ, jín sáva nachuꞌun neí‑i iniꞌ ráa, jín sáva nasaꞌá sɨ́ɨꞌ‑ɨ iniꞌ ráa.

Romanos 12:8

Jee retú nni̱ꞌi̱nꞌ nú ta̱ꞌvi̱ꞌ ya̱ náxiníꞌvɨ́ꞌ nú iniꞌ ñɨvɨ, jee naxiníꞌvɨ́ꞌ nú iniꞌ ráa. Jee retú nni̱ꞌi̱nꞌ nú ta̱ꞌvi̱ꞌ ya̱ ku̱ꞌva nú ya̱ jíniñúꞌún táꞌán nú, jee ne̱ ánímaꞌ nú kuva̱ꞌa iniꞌ nú ku̱ꞌva nú maa. Jee retú nni̱ꞌi̱nꞌ nú ta̱ꞌvi̱ꞌ ya̱ kúvi yósóꞌ nú nu̱u̱nꞌ ñanitáꞌán‑ó, jee kávii ñunkúún saꞌá nú maa. Jee retú nni̱ꞌi̱nꞌ nú ta̱ꞌvi̱ꞌ ya̱ kúnáꞌví iniꞌ nú jíto va̱ꞌa nú rá ñɨvɨ táꞌánꞌ tu̱nóꞌó, jee ne̱ kusɨ̱ɨ̱ꞌ iniꞌ nú saꞌá nú maa.

Hechos 22:1

―¡Ránoꞌó ñaniꞌ jín tátáꞌ! ¡Teso̱ꞌo rán ya̱ kachiꞌ ni̱ꞌ, ya̱ nama ni̱ꞌ maáníꞌ nu̱u̱nꞌ rán!

Hechos 18:17

I̱ña̱jée ntɨɨn nɨꞌɨ ráa te̱e kúñáꞌnú nu̱u̱nꞌ veꞌi sinagoga rá ñɨvɨ Israel, naní Sóstenes. Jee njia̱ꞌa ráa maa ichinúúnꞌ vetíñú. Soo ntu̱né nsa̱ꞌá Galión kuéntáꞌ ya̱ sáꞌá ráa.

Hechos 13:27

Jee rá ñɨvɨ nééꞌ ñuunꞌ Jerusalén jín rá te̱e kúñáꞌnú nu̱u̱nꞌ ráa, ntu nnákuniꞌ ráa ya̱ Jesús ví ya̱ ñani Ndiosíꞌ sáva xinánitáꞌvíꞌ re̱ꞌ yó. Jee ntu ñáku̱ꞌun iniꞌ ráa tu̱ꞌun nkachiꞌ rá te̱e nna̱kani tu̱ꞌun nkene yuꞌú Ndiosíꞌ ya̱ níso nu̱u̱nꞌ Tutuꞌ, sú káꞌvi ráa tu̱ꞌun vá ta rá ki̱vɨ̱ꞌ nájiáví. Sú ntu jíníꞌ ráa ná kúvi ya̱ sáꞌá ráa, nsi̱kúnkuvi ráa ya̱ káchíꞌ tu̱ꞌun vá, sáá nsa̱náaꞌ ráa ya̱ kaꞌniꞌ ráa maa.

Hechos 20:2

Jee yukuán jiáꞌa re̱ꞌ nu̱u̱nꞌ rá ñuunꞌ, jee násáneí re̱ꞌ iniꞌ rá ñɨvɨ níkɨ́nꞌ ichi Jesús jín kue̱ꞌe̱ꞌ tu̱ꞌun. Jee nkenta re̱ꞌ Grecia.

Hechos 18:8

Jee Crispo ví te̱e kúñáꞌnú sinagoga. Suvire̱ꞌ jín nɨꞌɨ táꞌán veꞌi re̱ꞌ nku̱neí iniꞌ ráa I̱toꞌoꞌ‑ó. Jee sáá nteso̱ꞌo kue̱ꞌe̱ꞌ ñɨvɨ ñuunꞌ Corinto tu̱ꞌun yaꞌá, jee ni̱nu̱ꞌ iniꞌ ráa jee ña̱nuté ráa.

Hechos 15:7

Jee sáá nkuvi nkuva̱a̱yuꞌú víꞌí ráa, jee nna̱kuiñɨꞌ Pedro jee nkachiꞌ re̱ꞌ nu̱u̱nꞌ ráa: ―Ránoꞌó ñaniꞌ. Jíníꞌ rán ya̱ tiempúꞌ ya̱ta̱ꞌ, nka̱ji Ndiosíꞌ nuꞌuꞌ nteñu rán, sáva stekútu̱ꞌún ni̱ꞌ tu̱ꞌun va̱ꞌa nu̱u̱nꞌ rá ñɨvɨ ntu kúvi Israel, sáva teso̱ꞌo ráa jee i̱nu̱ꞌ iniꞌ ráa.

Hechos 7:2

Jee nkachiꞌ Esteban: ―¡Ránoꞌó ñaniꞌ jín ránoꞌó tátáꞌ! ¡Teso̱ꞌo rán nuꞌuꞌ! Viiꞌ kúñáꞌnú maá Ndiosíꞌ, jee nkitu̱vi re̱ꞌ nu̱u̱nꞌ maá jííꞌ‑ó yanaꞌán, Abraham, ni nneeꞌ re̱ꞌ ñuunꞌ Mesopotamia, ne̱sá ntiáꞌan kuneeꞌ re̱ꞌ ñuunꞌ Harán.

Hechos 2:37

Sáá nteso̱ꞌo ráa tu̱ꞌun vá, nnu̱kuíꞌyáꞌ nasɨ́kuitɨꞌ iniꞌ ráa ne̱ ntu̱fi̱ꞌ ánímaꞌ ráa, jee nkachiꞌ ráa nu̱u̱nꞌ Pedro jín nu̱u̱nꞌ rá inka ka̱ꞌ te̱e níso rává tiñu apóstol: ―¿Ná íyó saꞌá ránꞌ, résa? Ránoꞌó ñaniꞌ.

Hechos 2:29

Jee suni nkachiꞌ Pedro nu̱u̱nꞌ ráa: ―¡Ránoꞌó ñaniꞌ! Núne kuvi kachiꞌ ni̱ꞌ nu̱u̱nꞌ rán jie̱ꞌe̱ꞌ jííꞌ yanaꞌán nu̱u̱nꞌ‑ó David. Ni̱ꞌi̱ꞌ re̱ꞌ jee suni nyɨse̱ꞌí re̱ꞌ. Jee veꞌi ni̱yɨ re̱ꞌ íyó i̱i̱ꞌ‑i nteñu‑ó ne̱ vitan.

Hechos 2:4

Jee Ta̱chi̱ꞌ Ííꞌ Ndiosíꞌ nki̱vɨ re̱ꞌ iniꞌ ntáká ráa, jee nchi̱tú re̱ꞌ iniꞌ ráa. Jee nka̱jiéꞌé ráa káꞌánꞌ ráa inka rá tu̱ꞌun ya̱ ntu káꞌánꞌ ráa, sáni njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ ráa sákachiꞌ ráa.

Hechos 1:16

―¡Ránoꞌó ñanitáꞌán! Ni̱yo ya̱ sikúnkuvi Ndiosíꞌ tu̱ꞌun jie̱ꞌe̱ꞌ Judas ya̱ njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ David, ne̱ yanaꞌán, jee ntee re̱ꞌ maa nu̱u̱nꞌ Tutuꞌ níso Tu̱ꞌun Ndiosíꞌ. Jee Judas ví ya̱ nyosoꞌ nu̱u̱nꞌ rá te̱e ya̱ ntɨɨn ráa Jesús.

Lucas 16:16

’Tu̱ꞌun ley njia̱ꞌa Ndiosíꞌ nu̱u̱nꞌ Moisés yanaꞌán jín suni rá tu̱ꞌun ya̱ nna̱kani rá te̱e ya̱ njiáꞌa re̱ꞌ maa nu̱u̱nꞌ ráa, jee nte̱ku̱tu̱ꞌún tu̱ꞌun ráa ne̱ sáá nkenta Juan te̱e ya̱ nsi̱kuánuté. Saájee ne̱ sáá nkenta Juan vá, jee nte̱ku̱tu̱ꞌún tu̱ꞌun váꞌa Ndiosíꞌ jie̱ꞌe̱ꞌ na̱ja nátatúníꞌ re̱ꞌ nu̱u̱nꞌ rá ñɨvɨ ki̱vɨ xi̱ntíín re̱ꞌ, jee ntáká ráa núnasɨ́ víꞌí ráa ki̱vɨ ráa xi̱ntíín re̱ꞌ.

Hechos 4:36

Jee suꞌva nsa̱ꞌá ɨɨn te̱e naní José. Rá te̱e nísotíñú apóstol nsi̱kúnání ráa re̱ꞌ Bernabé, ya̱ kuíni kachiꞌ te̱e ya̱ náchuꞌun neí iniꞌ. Kúvi re̱ꞌ se̱ꞌya tataꞌ ichiyúkúnꞌ váji ne̱ nu̱u̱nꞌ Leví. Kúvi re̱ꞌ te̱e ñuunꞌ Chipre.

2 Corintios 3:14

Soo yúú antúníꞌ rá ñɨvɨ vá. Chi ne̱ vitan jee sáá káꞌvi ráa tratúꞌ túꞌú ñakɨnꞌ Ndiosíꞌ ne̱ yanaꞌán, kuéntáꞌ kínóo saꞌma vá jiásɨ́ꞌ antúníꞌ ráa jee ntu kuíyo‑o, chi kua̱chi kuíyo saꞌma vá sáá kɨꞌɨ ɨɨn ñɨvɨ nu̱u̱nꞌ Cristo.

1 Tesalonicenses 2:3

Chi tu̱ꞌun káchítu̱ꞌún ráníꞌ nsáꞌ váji‑i nu̱u̱nꞌ tu̱ꞌun kúsanaanꞌ, ni nsáꞌ váji‑i nu̱u̱nꞌ tu̱ꞌun jiáni néꞌí iniꞌ ránꞌ, ni nsáꞌ váji‑i nu̱u̱nꞌ ya̱ xínáꞌví ránꞌ ránoꞌó.