Hechos 12:19 - Mixteco del suroeste de Tlaxiaco Oaxaca

¹⁹ Jee nta̱jí Herodes nanukú ráa maa. Sáá ntu nnániꞌinꞌ ráa maa, jee nxi̱náꞌmáꞌ re̱ꞌ rá soldado nku̱mí. Jee nta̱jí re̱ꞌ kaꞌniꞌ ráa rá soldado vá. Jee nkene re̱ꞌ Judea jee kua̱ꞌa̱nꞌ re̱ꞌ kuneeꞌ re̱ꞌ ne̱ ñuunꞌ Cesarea.

Hechos 12:19 Referans Kwoze

Hechos 16:27

Jee sáá nnoto mayóríꞌ, jee niniꞌ re̱ꞌ ya̱ núne rá yuvékáa, jee ntavaꞌ‑a yuchiꞌ espada‑a, jee yakuꞌ ka̱ꞌ kaꞌniꞌ‑i maáa, chi nkaꞌvi iniꞌ‑i ya̱ nka̱ku rá násɨ́ꞌ iniꞌ veka̱a.

Hechos 21:8

Jee ki̱vɨ̱ꞌ steñu̱ꞌún nkene ránꞌ jee nkenta ránꞌ ñuunꞌ Cesarea. Ña̱ꞌa̱nꞌ ránꞌ veꞌi Felipe. Kúvi re̱ꞌ te̱e stékútu̱ꞌún Tu̱ꞌun Ndiosíꞌ. Nkuvi re̱ꞌ ɨɨn ni uxáꞌ [rá te̱e ya̱ ñani rá apóstol sáva nku̱mí ráa rá ñaꞌan láꞌví]. Jee nkino̱o ránꞌ jín re̱ꞌ.

Hechos 12:6

Jee ki̱vɨ̱ꞌ steñu̱ꞌún naku̱ꞌva Herodes Pedro nu̱u̱nꞌ rá ñɨvɨ, nékúvi. Soo maá yakuááꞌ yukuán nkixiꞌ Pedro ma̱ꞌñú u̱vi̱ꞌ soldado. Jee núꞌníꞌ re̱ꞌ jín u̱vi̱ꞌ cadena ka̱a. Jee rá inka soldado kúmí ne̱ yuvékáa.

Hechos 12:4

Sáá ntɨɨn ráa Pedro, nta̱jí re̱ꞌ ntu̱ví ráa maa iniꞌ veka̱a. Jee yukuán ku̱mi̱ꞌ grupo ta ku̱mi̱ꞌ rá soldado, jee ni̱ñɨ ráa nku̱mí ráa re̱ꞌ. Chi nkaꞌvi iniꞌ Herodes naku̱ꞌva re̱ꞌ maa nu̱u̱nꞌ rá ñɨvɨ, ré njia̱ꞌa viko Pascua.

Hechos 8:40

Soo nkenta Felipe ne̱ ñuunꞌ Azoto. Jee kua̱jia̱ꞌa re̱ꞌ jee nste̱kútu̱ꞌún re̱ꞌ tu̱ꞌun váꞌa jie̱ꞌe̱ꞌ Jesús nu̱u̱nꞌ ntáká rá ñuunꞌ ne̱ nkenta re̱ꞌ ñuunꞌ Cesarea.

Mateo 2:13

Jee sáá ya̱ kua̱noꞌonꞌ rá te̱e tu̱ꞌva níchí xi̱ni̱ꞌ vá, saájee ntu̱vi ɨɨn najiáꞌáꞌ ííꞌ I̱toꞌoꞌ‑ó nu̱u̱nꞌ ñuma̱ꞌná José jee nkachiꞌ‑i nu̱u̱nꞌ re̱ꞌ: ―Nako̱o, keꞌen te̱lúlí jín nánáꞌ re̱ꞌ, jee kene yuꞌuꞌ kaku nú kuáꞌánꞌ jín ráa nu̱u̱nꞌ ñuꞌún ñuunꞌ Egipto, jee kino̱o rán yukuán ne̱kua̱ꞌ kachiꞌ ni̱ꞌ nu̱u̱nꞌ nú ya̱ nikó rán. Chi Herodes tají re̱ꞌ rá te̱e nanukú ráa te̱lúlí yaꞌá sáva kaꞌniꞌ ráa maa ―nkachiꞌ najiáꞌáꞌ ííꞌ vá.

Hechos 27:42

Jiáni iniꞌ rá soldado kaꞌniꞌ ráa rá te̱e yɨ́ꞌɨ́ xi̱ntíín ráa, sáva nsúté rává jee ni ɨɨn rává nkáku.

Hechos 25:13

Sáá njia̱ꞌa yakuꞌ ki̱vɨ̱ꞌ, Agripa, ya̱ níso re̱ꞌ tiñu ya̱ kúvi re̱ꞌ rey [ya̱ tátúníꞌ re̱ꞌ nu̱u̱nꞌ ñuꞌun ñuunꞌ yukuán], jín Berenice nkenta ráa ñuunꞌ Cesarea nne̱ꞌyá ráa Festo.

Mateo 2:16

Sáá nku̱káꞌnú iniꞌ Herodes ya̱ nxi̱náꞌví rá te̱e tu̱ꞌva níchí xi̱ni̱ꞌ vá re̱ꞌ, jee nki̱tɨ̱ꞌ nasɨ́kuitɨꞌ iniꞌ re̱ꞌ. Jee nta̱jí re̱ꞌ rá soldado re̱ꞌ kɨ̱kaꞌniꞌ ráa ntáká rá su̱chí lúlí yɨ́ɨ́ rá íyó nu̱u̱nꞌ ñuunꞌ Belén, jín ntáká rá íyó ni̱kótíyu yukuán. Ntají re̱ꞌ ráa kɨ̱kaꞌniꞌ ráa ntáká rá íñɨ́ u̱vi̱ꞌ kui̱ya̱ꞌ jín rá núun ka̱ꞌ kui̱ya̱ꞌ, sánikua̱ꞌ tiempúꞌ nku̱káꞌnú iniꞌ re̱ꞌ ya̱ nkitu̱vi tiu̱u̱nꞌ xúꞌún vá ya̱ nkachiꞌ rá te̱e tu̱ꞌva níchí xi̱ni̱ꞌ vá sáá ni̱ka̱tu̱ꞌún re̱ꞌ ráa.

Mateo 2:1

Jee sáá nkaku Jesús ñuunꞌ Belén, ya̱ yɨ́ꞌɨ́ xi̱ntíín ñuꞌun Judea. Jee tiempúꞌ yukuán kúvi Herodes te̱e tátúníꞌ re̱ꞌ rá ñuunꞌ vá. Jee nu̱u̱nꞌ ñuunꞌ Jerusalén nkenta sava rá te̱e tu̱ꞌva níchí xi̱ni̱ꞌ ya̱ váji ráa ne̱ ichi nu̱u̱nꞌ kénta nka̱niiꞌ.

Hechos 12:18

Sáá nku̱nijinꞌ, jee nániꞌvɨꞌ víꞌí iniꞌ rá soldado jie̱ꞌe̱ꞌ ya̱ ná nkuvi jín Pedro.