Hechos 11:26 - Mixteco del suroeste de Tlaxiaco Oaxaca

²⁶ Yukuán nku̱tútú ráa ɨɨn kui̱ya̱ꞌ nɨ́ɨ́n jín rá ñɨvɨ kúneí iniꞌ rává Jesús. Jee nxi̱néꞌénꞌ ráa kue̱ꞌe̱ꞌ víꞌí ñɨvɨ. Ñuunꞌ Antioquía ví nu̱u̱nꞌ ya̱ xíꞌnañúꞌún nsi̱kúnání rá ñɨvɨ cristiano rá ñɨvɨ kúneí iniꞌ rává Jesús.

Hechos 11:26 Referans Kwoze

1 Pedro 4:16

Soo retú nóꞌo ɨɨn ránoꞌó jie̱ꞌe̱ꞌ ya̱ kúvi‑i cristiano ya̱ níkɨ́nꞌ rán ichi nááꞌ Cristo, koto kúkanuun rán, chisaꞌ nakuetúꞌún rán Ndiosíꞌ jie̱ꞌe̱ꞌ ya̱ níkɨ́nꞌ rán ichi nááꞌ Cristo.

Hechos 26:28

Ña̱re nkachiꞌ Agripa nu̱u̱nꞌ Pablo: ―Yakuꞌ ka̱ꞌ, siínúꞌ nú iniꞌ ni̱ꞌ kuvi ni̱ꞌ cristiano, ya̱ nakunikɨnꞌ ni̱ꞌ Cristo.

1 Juan 2:27

Soo ránoꞌó chi Ta̱chi̱ꞌ Ííꞌ ya̱ nníꞌinꞌ rán nu̱u̱nꞌ Jesús kínóo kutú‑u iniꞌ ránoꞌó. Jee saáva ntu̱ví jíniñúꞌún rán ya̱ xinéꞌénꞌ ni ɨɨn ñɨvɨ ránoꞌó [inka tu̱ꞌun], chi máá Ta̱chi̱ꞌ Ííꞌ re̱ꞌ xínéꞌénꞌ ránoꞌó nta̱ká tiñu. Jee na̱a̱ꞌ re̱ꞌ, jee ntu túꞌún re̱ꞌ. Saájee kino̱o kutú rán kɨꞌɨ rán nu̱u̱nꞌ Cristo, sánikua̱ꞌ ya̱ nxi̱néꞌénꞌ Ta̱chi̱ꞌ Ííꞌ ránoꞌó.

1 Pedro 4:14

Na̱ ka̱ꞌ netuꞌ ka̱ꞌ kúvi ránoꞌó retú ténúunꞌ ráa ránoꞌó jie̱ꞌe̱ꞌ ya̱ níkɨ́nꞌ rán ichi Cristo, chi máá Ta̱chi̱ꞌ Ííꞌ Ndiosíꞌ ya̱ viiꞌ kúñáꞌnú nasɨ́kuitɨꞌ íyó‑o jín ránoꞌó. [Chi rá ñɨvɨ vá káꞌánꞌ niva̱ꞌa ráa si̱kɨ̱ꞌ Ta̱chi̱ꞌ Ííꞌ re̱ꞌ, soo ránoꞌó chi nákuetúꞌún rán maa.]

Efesios 3:15

Jee nu̱u̱nꞌ re̱ꞌ va̱ji ntáká tataꞌ yó ñɨvɨ ya̱ ya nééꞌ antivɨ́ súkún jín iniꞌ ñɨ̱vɨ́ yaꞌá.

1 Corintios 14:23

Saájee sáá nútútú ntáká ránoꞌó ñɨvɨ jínúꞌ iniꞌ Cristo, jee retú ntáká rán káꞌánꞌ sɨ́ɨ́n sɨ́ɨ́n nu̱u̱nꞌ rá tu̱ꞌun ya̱ ntu jiáku̱ꞌun iniꞌ rán, jee kívɨ ɨɨn ñɨvɨ ya̱ ntiáꞌan kutu̱ꞌva‑a jie̱ꞌe̱ꞌ vá áxí ɨɨn ñɨvɨ ya̱ ntu̱ví jínúꞌ iniꞌ‑i Cristo, jee, ¿á ntu su káchíꞌ ráa ya̱ sáꞌá xíniꞌ rán rúja?

1 Corintios 12:12

Chi kuéntáꞌ ɨɨn yɨkɨkúñu métúꞌún ɨɨn ni ví‑i jee kue̱ꞌe̱ꞌ rá pedasúꞌ íyó nu̱u̱nꞌ yɨkɨkúñu vá, jee sú íyó kue̱ꞌe̱ꞌ rá pedasúꞌ soo ntáká ráa yɨ́ꞌɨ́ nu̱u̱nꞌ ɨɨn ni yɨkɨkúñu. Jee suni sukuán yɨ́ꞌɨ́‑ó nu̱u̱nꞌ Cristo.

1 Corintios 11:18

Chi xíꞌnañúꞌún ka̱ꞌ kachiꞌ ni̱ꞌ rá tu̱ꞌun sukuán jín rán, chi tésóꞌo ni̱ꞌ tu̱ꞌun ya̱ sáá nútútú rán, jee sáꞌá sɨ́ɨ́n rán maárán nteñu rá táꞌán rán. Jee sava tu̱ꞌun vá ínúꞌ iniꞌ ni̱ꞌ.

1 Corintios 4:17

Jee jie̱ꞌe̱ꞌ rá tu̱ꞌun ya̱ káchíꞌ ni̱ꞌ yaꞌá kúvi ya̱ nchu̱ichí ni̱ꞌ Timoteo kua̱jiaaꞌ re̱ꞌ nu̱u̱nꞌ rán. Jee Timoteo kúvi kuéntáꞌ se̱ꞌya ni̱ꞌ ya̱ ñúnúunꞌ ni̱ꞌ, jee káníjiá re̱ꞌ síkúnkuvi va̱ꞌa re̱ꞌ nu̱u̱nꞌ I̱toꞌoꞌ‑ó. Jee maáréꞌ ví ya̱ xinákúꞌun re̱ꞌ iniꞌ rán jie̱ꞌe̱ꞌ na̱sa jiáꞌnu ni̱ꞌ ichi Cristo Jesús, jín ya̱ jiáꞌnu ni̱ꞌ sánikua̱ꞌ xínéꞌénꞌ ni̱ꞌ tu̱ꞌun váꞌa Cristo nu̱u̱nꞌ ntáká ichi nu̱u̱nꞌ jíka ni̱ꞌ xínéꞌénꞌ ni̱ꞌ nu̱u̱nꞌ ntáká grupo rá ñɨvɨ ya̱ jínúꞌ iniꞌ ráa Cristo.

Hechos 14:27

Sáá nnenta i̱i̱ꞌ ráa Antioquía, jee nstútú ráa rá ñɨvɨ ya̱ kúneí iniꞌ rává Jesús. Jee nna̱kani ráa rá nsa̱ꞌá Ndiosíꞌ jín ráa. Jee nna̱kani ráa ya̱ kuéntáꞌ nine Ndiosíꞌ ɨɨn yuvéꞌí, sáva ki̱vɨ rá ñɨvɨ ntu kúvi Israel nu̱u̱nꞌ Ndiosíꞌ, chi suni kúneí iniꞌ ráa Jesús.

Mateo 28:19

Saáva kuáꞌán rán xinéꞌénꞌ rán tu̱ꞌun váꞌa ni̱ꞌ nu̱u̱nꞌ ñɨvɨ ntáká rá ñuunꞌ sáva kuneí iniꞌ ráa nuꞌuꞌ jee ki̱vɨ ráa xi̱ntíín ni̱ꞌ ya̱ sukuáꞌa ráa tu̱ꞌun ni̱ꞌ, jee sikuánuté rán ráa nu̱u̱nꞌ súví Tátáꞌ‑ó Ndiosíꞌ jín Se̱ꞌya re̱ꞌ, jín Ta̱chi̱ꞌ Ííꞌ re̱ꞌ.

Apoclipsis 3:18

Saáva nákutíñú ni̱ꞌ nu̱u̱nꞌ rán ya̱ kunenu̱u̱nꞌ rán ya̱ yɨ́yáꞌvi ka̱ꞌ ya̱ va̱ji nu̱u̱nꞌ ni̱ꞌ kuéntáꞌ keꞌen rán ka̱a oro ya̱ ya nna̱ka̱yu̱ꞌ nu̱u̱nꞌ ñúꞌúnꞌ sáva saꞌá ninuꞌun maa, sáva kukúká nijia rán nu̱u̱nꞌ nuꞌuꞌ. Jee nunasɨ́ rán koo ninuꞌun rán nu̱u̱nꞌ ni̱ꞌ kuéntáꞌ keꞌen rán nu̱u̱nꞌ ni̱ꞌ saꞌma kuíjín sáva ntu koo tu̱nkánuun rán jie̱ꞌe̱ꞌ íyó ñɨɨn rán nu̱u̱nꞌ nuꞌuꞌ. Jee tɨɨn rán tu̱ꞌun ni̱ꞌ kuéntáꞌ keꞌen rán nu̱u̱nꞌ ni̱ꞌ ta̱ta̱nꞌ chuꞌun rán nchinúún rán sáva nu̱nijínꞌ nu̱u̱nꞌ rán.

Hechos 14:23

Jee ñani Pablo jín Bernabé rá te̱e kúñáꞌnú, sáva kosoꞌ rává nu̱u̱nꞌ ta grupo rá ñɨvɨ kúneí iniꞌ ráa Jesús. Jee nneeꞌ niteꞌ ráa sáá nkaꞌanꞌ ráa jín Ndiosíꞌ, sáva nxi̱nóo ráa rává naꞌá I̱toꞌoꞌ‑ó, ya̱ kúneí iniꞌ ráa, sáva nachituvi re̱ꞌ ráa.

Hechos 11:27

Rá ki̱vɨ̱ꞌ yukuán, rá te̱e, ya̱ nákani tu̱ꞌun kéne yuꞌú Ndiosíꞌ, jee nkene ráa ñuunꞌ Jerusalén, jee nkenta ráa ñuunꞌ Antioquía.

Hechos 11:22

Jee rá ñɨvɨ ñuunꞌ Jerusalén, ya̱ kúneí iniꞌ ráa Jesús, jee sáá nteso̱ꞌo ráa tu̱ꞌun jie̱ꞌe̱ꞌ ya̱ nkuvi jín rá ñɨvɨ ñuunꞌ Antioquía, jee nchu̱ichí ráa Bernabé kua̱ꞌa̱nꞌ re̱ꞌ yukuán.

Hechos 11:20

Soo sava ráa kúvi te̱e Chipre jín ñuunꞌ Cirene, jee sáá nkenta ráa nu̱u̱nꞌ ñuunꞌ Antioquía jee suni nste̱kútu̱ꞌún ráa jie̱ꞌe̱ꞌ I̱toꞌoꞌ‑ó Jesús nu̱u̱nꞌ rá ñɨvɨ ntu kúvi Israel.

Hechos 6:5

Jee ntáká ráa ntaꞌanꞌ iniꞌ tu̱ꞌun yaꞌá. Jee nka̱ji ráa Esteban, ya̱ kúvi ɨɨn te̱e ya̱ kúneí víꞌí iniꞌ re̱ꞌ Jesús, jee Ta̱chi̱ꞌ Ííꞌ kúneí‑i jín re̱ꞌ. Jee suni nka̱ji ráa Felipe, Prócoro, Nicanor, Timón, Parmenas, jín Nicolás, te̱e ñuunꞌ Antioquía, ya̱ ntɨɨn re̱ꞌ ñujiínꞌ Israel.

Juan 2:2

Jee suni nkana rá ñɨvɨ vá Jesús jín rá te̱e súkuáꞌa re̱ꞌ ráa ya̱ kɨ̱ꞌɨ̱nꞌ ráa viko tánáꞌá vá.

Hechos 1:15

Rá ki̱vɨ̱ꞌ yukuán, nku̱tútú yatin sientúꞌ o̱ko̱ꞌ (120) ñɨvɨ yukuán. Jee nnakui̱ñɨ̱ꞌ nichiꞌ Pedro nteñu rá ñanitáꞌán vá, jee nkachiꞌ‑i nu̱u̱nꞌ ráa:

Hechos 6:1

I̱ña̱jée, rá ki̱vɨ̱ꞌ yukuán, kua̱ku̱kueꞌeꞌ rá ñɨvɨ ntɨɨn tu̱ꞌun Jesús. Soo sava rá ñɨvɨ yaꞌá káꞌánꞌ tu̱ꞌun griego, nkaꞌanꞌ sóó ráa si̱kɨ̱ꞌ sava ñɨvɨ yaꞌá ya̱ káꞌánꞌ tu̱ꞌun hebreo. Nkachiꞌ ráa, ya̱ rá ñaꞌan náꞌví láꞌví, ya̱ káꞌánꞌ tu̱ꞌun griego, ntu níꞌínꞌ va̱ꞌa ráa kajiꞌ ráa ya̱ tásáva rá apóstol ta ki̱vɨ̱ꞌ.

Hechos 9:19

Jee nyajiꞌ re̱ꞌ jee nna̱keni re̱ꞌ. Jee nneeꞌ re̱ꞌ ñuunꞌ Damasco kéꞌín ki̱vɨ̱ꞌ jín rá ñɨvɨ níkɨ́nꞌ ichi Jesús ya̱ nééꞌ ráa yukuán.

Hechos 9:38

Soo ñuunꞌ Lida káá yatin jín ñuunꞌ Jope. Jee sáá nteso̱ꞌo rá ñɨvɨ níkɨ́nꞌ ichi Jesús, ya̱ nééꞌ Pedro yukuán, jee nta̱jí ráa u̱vi̱ꞌ te̱e kua̱ꞌa̱nꞌ ka̱ka̱nꞌ táꞌvíꞌ ráa nu̱u̱nꞌ re̱ꞌ: ―Koto kúkuéé nú jee kiji nú xá nu̱u̱nꞌ ñuunꞌ Jope.

Hechos 11:29

Saáva rá ñɨvɨ yukuán, ya̱ níkɨ́nꞌ ráa Jesús, jee ñani iniꞌ ráa chineí ráa rá ñaniꞌ ráa ñuunꞌ Judea, rá yɨ́ꞌɨ́ nu̱u̱nꞌ Jesús. Ta ɨɨn ku̱ꞌva sánikua̱ꞌ kénta néen‑e.

Hechos 14:20

Soo sáá nkuti̱yu̱ꞌ rá ñɨvɨ yɨ́ꞌɨ́ nu̱u̱nꞌ Jesús nu̱u̱nꞌ re̱ꞌ, jee nnako̱o re̱ꞌ, jee ni̱vɨ re̱ꞌ ñuunꞌ. Jee ki̱vɨ̱ꞌ xtéñu̱ꞌún, nkene re̱ꞌ jín Bernabé kua̱ꞌa̱nꞌ ráa ñuunꞌ Derbe.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

Hechos 14:28

Jee kue̱ꞌe̱ꞌ tiempúꞌ nneeꞌ Bernabé jín Pablo jín rá ñɨvɨ yukuán ya̱ níkɨ́nꞌ ñujiínꞌ Jesús.

Hechos 18:27

Sáá káꞌvi iniꞌ‑i kɨ̱ꞌɨ̱nꞌ‑ɨ Acaya, jee rá ñaniꞌ ya̱ kúneí iniꞌ ráa Jesús, nna̱sáneí ráa iniꞌ‑i. Jee ntee ráa nu̱u̱nꞌ tutuꞌ nu̱u̱nꞌ rá ñɨvɨ yukuán, ya̱ níkɨ́nꞌ ñujiínꞌ Jesús, sáva nakuatáꞌví ráa re̱ꞌ sáá kantaꞌ re̱ꞌ yukuán. Sáá nkenta‑a yukuán, jee nchi̱neí víꞌí‑i rá ñɨvɨ jínúꞌ iniꞌ tu̱ꞌun Jesús chi íyó mániꞌ iniꞌ Ndiosíꞌ néꞌyá‑a ráa.

Hechos 19:9

Soo sava ñɨvɨ nkuni̱ꞌin iniꞌ ráa, jee kújiááꞌ iniꞌ ráa. Jee káꞌánꞌ u̱ꞌvi̱ꞌ ráa jie̱ꞌe̱ꞌ ichi vá nu̱u̱nꞌ rá ñɨvɨ. Jee nxi̱nóo re̱ꞌ ráa, jee kua̱ꞌa̱nꞌ re̱ꞌ jín rá ñɨvɨ níkɨ́nꞌ ñujiínꞌ Jesús. Jee ta ki̱vɨ̱ꞌ xínéꞌénꞌ re̱ꞌ rá ñɨvɨ Tu̱ꞌun Ndiosíꞌ iniꞌ veꞌi súkuáꞌa ya̱ kúvi veꞌi ɨɨn te̱e naní Tiranno.

Hechos 20:1

Sáá nnɨꞌɨ ti̱xi̱nꞌ, jee nkana Pablo rá ñɨvɨ yɨ́ꞌɨ́ ñujiínꞌ Jesús. Jee násáneí re̱ꞌ iniꞌ ráa. Jee nkaꞌanꞌ‑a ka̱ꞌ jín ráa, jee nkene‑e kua̱ꞌa̱nꞌ‑a Macedonia.

Hechos 20:30

Jee ne̱ nteñu rán koo rá te̱e ya̱ kijiéꞌé xinéꞌénꞌ ráa tu̱ꞌun xínáꞌví nu̱u̱nꞌ Tu̱ꞌun Ndiosíꞌ nu̱u̱nꞌ rá ñɨvɨ níta ñujiínꞌ Jesús sáva tɨɨn rává tu̱ꞌun xínéꞌénꞌ ráa sáva kunikɨnꞌ rává ráa.

Hechos 21:4

Jee yukuán nna̱niꞌinꞌ ránꞌ rá ñɨvɨ níta ñujiínꞌ Jesús. Jee nkino̱o ránꞌ u̱xa̱ꞌ ki̱vɨ̱ꞌ yukuán. Jee njia̱ꞌa Ta̱chi̱ꞌ Ííꞌ tu̱ꞌun nu̱u̱nꞌ ráa, jee nkachiꞌ ráa nu̱u̱nꞌ Pablo ya̱ nkɨ̱ꞌɨ́nꞌ‑ɨ ñuunꞌ Jerusalén.

Santiago 2:7

¿Á nsú suviráa vá káꞌánꞌ niva̱ꞌa si̱kɨ̱ꞌ súví Jesús máá viiꞌ ñunkúún stakuníꞌ rúja? Jee jie̱ꞌe̱ꞌ súví Jesús naní rán ñɨvɨ Cristo.