Hechos 11:23 - Mixteco del suroeste de Tlaxiaco Oaxaca

²³ Sáá nkenta re̱ꞌ yukuán, niniꞌ re̱ꞌ ya̱ va̱ꞌa nsa̱ꞌá Ndiosíꞌ nu̱u̱nꞌ ráa chi ma̱ni̱ꞌ re̱ꞌ néꞌyá re̱ꞌ ráa. Jee nnusɨ̱ɨ̱ꞌ iniꞌ Bernabé. Jee nna̱chuꞌun neí re̱ꞌ iniꞌ ráa kukáñá víꞌí iniꞌ ánímaꞌ ráa ya̱ kuiñɨ na̱a̱ꞌ ráa jín I̱toꞌoꞌ‑ó.

Hechos 11:23 Referans Kwoze

1 Corintios 15:58

Jee saáva ránoꞌó ñaniꞌ jín ku̱ꞌva maáníꞌ ya̱ ñúnúunꞌ ni̱ꞌ, kuiñɨ ni̱ꞌin rán jín ya̱ yɨ́táꞌán kunikɨnꞌ rán Cristo, sukuáni sáꞌá rán ka̱ꞌ tiñu I̱toꞌoꞌ‑ó. Chi jíníꞌ rán ya̱ ntu sátíñú ka̱ꞌá rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

Hechos 13:43

Sáá ntu̱ꞌu̱ꞌ ya̱ nnu̱tútú ráa, jee kue̱ꞌe̱ꞌ rá ñɨvɨ Israel jín rá ñɨvɨ ya̱ ntu kúvi Israel, ya̱ nni̱vɨ ráa ñujiínꞌ Israel jee néñu̱ꞌun ráa Ndiosíꞌ, jee nnikɨnꞌ ráa Pablo jín Bernabé. Jee nkaꞌanꞌ rává jín ráa, jee nna̱kutíñú rává nu̱u̱nꞌ ráa ya̱ kuni̱ꞌin ráa nu̱u̱nꞌ Ndiosíꞌ, sáva nachituvi re̱ꞌ ráa.

1 Juan 2:28

Jee vitan ra, ránoꞌó ya̱ kúvi rán kuéntáꞌ se̱ꞌya ni̱ꞌ, kino̱o kutú rán kɨꞌɨ rán nu̱u̱nꞌ Cristo sáva sáá kitu̱vi re̱ꞌ sáá niji re̱ꞌ ñɨ̱vɨ́ yaꞌá, jee kuneí iniꞌ‑ó kuiñɨ‑ó ichinúúnꞌ re̱ꞌ, jee nkúkanuun‑ó nu̱u̱nꞌ re̱ꞌ sáá niji re̱ꞌ.

2 Timoteo 3:10

Soo noꞌó, nnikɨnꞌ nú nku̱mí va̱ꞌa nú tu̱ꞌun xínéꞌénꞌ ni̱ꞌ, na̱sa jiáꞌnu ni̱ꞌ ichi na̱a̱ꞌ, ná kúvi ya̱ ñúꞌún iniꞌ ni̱ꞌ saꞌá ni̱ꞌ, na̱sa kúneí iniꞌ ni̱ꞌ I̱toꞌoꞌ‑ó, na̱sa íyó káꞌnú iniꞌ ni̱ꞌ, na̱sa ñúnúunꞌ ni̱ꞌ ñɨvɨ jín Ndiosíꞌ, jín na̱sa kúníꞌin ni̱ꞌ íñɨ́ ni̱ꞌ jín Cristo.

Colosenses 1:6

Tu̱ꞌun vá nkenta nu̱u̱nꞌ rán, sáni kénta‑a nu̱u̱nꞌ rá ñɨvɨ nɨꞌɨ ñɨ̱vɨ́. Sáꞌá tu̱ꞌun váꞌa vá ya̱ váꞌa iniꞌ ráa, sánikua̱ꞌ ɨɨn yutun váꞌa kúun ya̱ vixíꞌ váꞌa, jee jiáꞌnu ka̱ꞌ tu̱ꞌun vá iniꞌ ráa. Suꞌva sáꞌá tu̱ꞌun vá sánikua̱ꞌ suni sukuán sáꞌá‑a jín rán ne̱ sáá ki̱vɨ̱ꞌ nteso̱ꞌo rán maa, jee nku̱káꞌnú noo iniꞌ rán ya̱ nááꞌ nijia íyó ma̱ni̱ꞌ iniꞌ Ndiosíꞌ néꞌyá re̱ꞌ yó, sú ntu íyó ni̱ꞌi̱nꞌ‑ó ya̱ koo ma̱ni̱ꞌ iniꞌ re̱ꞌ kune̱ꞌyá re̱ꞌ yó.

Hechos 20:24

Ntu sáꞌá ni̱ꞌ kuéntáꞌ maáníꞌ sú kaꞌniꞌ ráa nuꞌuꞌ. Kua̱chi kuíni ni̱ꞌ sijínu ni̱ꞌ ichi ni̱ꞌ, jee sikúnkuvi ni̱ꞌ tiñu ntaji I̱toꞌoꞌ‑ó, Jesús, nu̱u̱nꞌ ni̱ꞌ. Tiñu vá ví ya̱ istúvi ni̱ꞌ tu̱ꞌun váꞌa jie̱ꞌe̱ꞌ íyó mániꞌ iniꞌ Ndiosíꞌ, sú ntu̱náꞌ íyó ni̱ꞌin‑ó maa.

3 Juan 1:4

Ntu̱ví ka̱ꞌ ná inka jie̱ꞌe̱ꞌ kusɨ̱ɨ̱ꞌ ka̱ꞌ iniꞌ ni̱ꞌ nsú káꞌ ya̱ tésóꞌo ni̱ꞌ ya̱ rá ñɨvɨ, ya̱ kúvi kuéntáꞌ se̱ꞌya ni̱ꞌ, jíka ráa jín tu̱ꞌun na̱a̱ꞌ.

Hechos 14:26

Nkene ráa yukuán jee kua̱ꞌa̱nꞌ ráa jín barkúꞌ nu̱u̱nꞌ ñuunꞌ Antioquía. Yukuán ví nu̱u̱nꞌ nkene ráa xíꞌnañúꞌún, jee ne̱ ntiáꞌan nkene ráa, jee rá ñɨvɨ kúneí iniꞌ Jesús, ni̱ka̱nꞌ rává nu̱u̱nꞌ Ndiosíꞌ ya̱ nachituvi re̱ꞌ Bernabé jín Pablo, sáva saꞌá ráa tiñu ya̱ ya nsi̱kúnkuvi ráa.

Juan 15:4

Jee íyó kuiñɨ ni̱ꞌin rán kino̱o kutú rán nu̱u̱nꞌ nuꞌuꞌ, jee nuꞌuꞌ suni kuiñɨ ni̱ꞌin ni̱ꞌ koo ni̱ꞌ jín rán. Chi ɨɨn naꞌá yokúꞌúꞌ lúlí ntu̱ví kúvi máá maáa ku̱ꞌva‑a uva, retú ntu̱ví tɨ́ɨn táꞌán‑a jín yokúꞌúꞌ káꞌnú vá. Jee suni sukuán ránoꞌó chi ntu̱ví kúvi kueꞌnu máá maárán sáni kuíni Ndiosíꞌ retú ntu̱ví íñɨ́ ni̱ꞌin rán jín nuꞌuꞌ.

Mateo 16:24

Saájee nkachiꞌ re̱ꞌ nu̱u̱nꞌ rá te̱e súkuáꞌa re̱ꞌ vá: ―Retú néni ɨɨn ñɨvɨ kuíni‑i kunikɨnꞌ‑ɨ nuꞌuꞌ, jee íyó xináánꞌ‑a iniꞌ‑i rá níyo iniꞌ maáa, jee ɨɨn ni koo iniꞌ‑i kunoꞌo‑o jie̱ꞌe̱ꞌ níkɨ́nꞌ nuꞌuꞌ, kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá, jee kunikɨnꞌ nuꞌuꞌ.

2 Corintios 1:17

Sáá nkuna̱a̱ꞌ iniꞌ ni̱ꞌ yaꞌá, ¿á nka̱si̱kɨ́ ni̱ꞌ jie̱ꞌe̱ꞌ ya̱ ntu ñáne̱ꞌyá ni̱ꞌ ránoꞌó ya̱ uvíꞌ íchí, rúsa? Áxí, ¿á jiáni iniꞌ ni̱ꞌ ya̱ saꞌá ni̱ꞌ sáni níyo iniꞌ ni̱ꞌ kuéntáꞌ ñɨvɨ ya̱ ntu yɨ́ꞌɨ́ ráa nu̱u̱nꞌ Ndiosíꞌ, ya̱ u̱vi̱ꞌ nu̱u̱nꞌ jiáni iniꞌ‑i, ya̱ sa̱naanꞌ “kuvi, kuvi” káchíꞌ ni̱ꞌ soo tukuni “ntu̱ví, ntu̱ví” káchíꞌ ni̱ꞌ, rúsa?

Hechos 20:32

’Vitan jee xínóo ni̱ꞌ ránoꞌó naꞌá Ndiosíꞌ sáva nachituvi re̱ꞌ ránoꞌó, jín xi̱ntíín tu̱ꞌun re̱ꞌ jie̱ꞌe̱ꞌ íyó mániꞌ iniꞌ re̱ꞌ, ya̱ kúvi sikújia tu̱ꞌun vá ránoꞌó kúneí iniꞌ rán Jesús, jín ya̱ kuvi saꞌá‑a ya̱ ni̱ꞌi̱nꞌ rán ta̱ꞌvi̱ꞌ, ya̱ ku̱ꞌva re̱ꞌ nu̱u̱nꞌ nɨꞌɨ rá ñɨvɨ ya̱ nsásɨ́ɨ́n re̱ꞌ ráa sáva kɨꞌɨ ráa nu̱u̱nꞌ re̱ꞌ.

Hechos 15:40

Soo nka̱ji Pablo Silas. Jee sáá nkuvi ni̱ka̱nꞌ rá ñaniꞌ ya̱ I̱toꞌoꞌ‑ó kumí re̱ꞌ ráa jee nachituvi re̱ꞌ ráa sáva sikúnkuvi ráa tiñu vá, chi íyó mániꞌ iniꞌ re̱ꞌ, jee nkene ráa yukuán kua̱ꞌa̱nꞌ ráa.

Marcos 2:5

Sáá niniꞌ Jesús ya̱ nku̱neí iniꞌ ráa re̱ꞌ, nkachiꞌ re̱ꞌ nu̱u̱nꞌ te̱e ya̱ ntu kúvi kantaꞌ vá: ―Se̱ꞌya, ya nne̱káꞌnú iniꞌ ni̱ꞌ noꞌó jie̱ꞌe̱ꞌ rá kua̱chi nú ―nkachiꞌ re̱ꞌ.

Hechos 4:36

Jee suꞌva nsa̱ꞌá ɨɨn te̱e naní José. Rá te̱e nísotíñú apóstol nsi̱kúnání ráa re̱ꞌ Bernabé, ya̱ kuíni kachiꞌ te̱e ya̱ náchuꞌun neí iniꞌ. Kúvi re̱ꞌ se̱ꞌya tataꞌ ichiyúkúnꞌ váji ne̱ nu̱u̱nꞌ Leví. Kúvi re̱ꞌ te̱e ñuunꞌ Chipre.

Romanos 12:8

Jee retú nni̱ꞌi̱nꞌ nú ta̱ꞌvi̱ꞌ ya̱ náxiníꞌvɨ́ꞌ nú iniꞌ ñɨvɨ, jee naxiníꞌvɨ́ꞌ nú iniꞌ ráa. Jee retú nni̱ꞌi̱nꞌ nú ta̱ꞌvi̱ꞌ ya̱ ku̱ꞌva nú ya̱ jíniñúꞌún táꞌán nú, jee ne̱ ánímaꞌ nú kuva̱ꞌa iniꞌ nú ku̱ꞌva nú maa. Jee retú nni̱ꞌi̱nꞌ nú ta̱ꞌvi̱ꞌ ya̱ kúvi yósóꞌ nú nu̱u̱nꞌ ñanitáꞌán‑ó, jee kávii ñunkúún saꞌá nú maa. Jee retú nni̱ꞌi̱nꞌ nú ta̱ꞌvi̱ꞌ ya̱ kúnáꞌví iniꞌ nú jíto va̱ꞌa nú rá ñɨvɨ táꞌánꞌ tu̱nóꞌó, jee ne̱ kusɨ̱ɨ̱ꞌ iniꞌ nú saꞌá nú maa.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

1 Pedro 5:12

Ñani‑ó Silvano, ya̱ jíníꞌ ni̱ꞌ ya̱ síkúnkuvi va̱ꞌa re̱ꞌ nɨꞌɨ, jee nchi̱neí re̱ꞌ nuꞌuꞌ tée ni̱ꞌ yakuꞌ ni tu̱ꞌun yaꞌá kua̱jiaaꞌ nu̱u̱nꞌ rán, sáva nasáneí ni̱ꞌ iniꞌ ránoꞌó jee sáva ku̱ꞌva ni̱ꞌ ya̱ nááꞌ ya̱ tu̱ꞌun ntee ni̱ꞌ nu̱u̱nꞌ tutuꞌ yaꞌá káꞌánꞌ jie̱ꞌe̱ꞌ ya̱ váꞌa ya̱ nááꞌ nijia sikútaꞌviꞌ Ndiosíꞌ yó ya̱ íyó mániꞌ iniꞌ re̱ꞌ néꞌyá re̱ꞌ yó. Kuiñɨ kutú rán jín‑i.

Judas 1:4

Chi vitan jee sava rá ñɨvɨ ya̱ káchíꞌ ráa ya̱ níkɨ́nꞌ ráa Cristo soo nxi̱náꞌví ráa ránoꞌó, jee nki̱vɨ ráa nteñu rán jee yɨ́ꞌɨ́ ráa jín rán. Jee rá ñɨvɨ vá jee ne̱ yanaꞌán víꞌí nkachiꞌ tu̱ꞌun nééꞌ nu̱u̱nꞌ ɨɨn tutuꞌ, ya̱ saá váji ráa ya̱ sijíta re̱ꞌ ráa. Chi ntu sáꞌá ñáꞌnú ráa nu̱u̱nꞌ Ndiosíꞌ. Jee sɨ́ɨ́n násaꞌá ráa Tu̱ꞌun Ndiosíꞌ, chi káchíꞌ ráa ya̱ jie̱ꞌe̱ꞌ ya̱ íyó mániꞌ iniꞌ Ndiosíꞌ‑ó néꞌyá re̱ꞌ yó, jee ntu nákeꞌen ráa maáráa ya̱ néꞌí jiáꞌnu ráa. Jee ne̱ kúíchi iniꞌ ráa Ndiosíꞌ, ya̱ métúꞌún maáréꞌ kúñáꞌnú nu̱u̱nꞌ‑ó jín I̱toꞌoꞌ‑ó Jesús, ya̱ kúvi re̱ꞌ Cristo ya̱ ñani Ndiosíꞌ tátúníꞌ re̱ꞌ nu̱u̱nꞌ nɨꞌɨ.