Hechos 11:22 - Mixteco del suroeste de Tlaxiaco Oaxaca

²² Jee rá ñɨvɨ ñuunꞌ Jerusalén, ya̱ kúneí iniꞌ ráa Jesús, jee sáá nteso̱ꞌo ráa tu̱ꞌun jie̱ꞌe̱ꞌ ya̱ nkuvi jín rá ñɨvɨ ñuunꞌ Antioquía, jee nchu̱ichí ráa Bernabé kua̱ꞌa̱nꞌ re̱ꞌ yukuán.

Hechos 11:22 Referans Kwoze

Hechos 9:27

Soo Bernabé ña̱na̱ka re̱ꞌ maa nu̱u̱nꞌ rá te̱e níso ráa tiñu apóstol. Jee nna̱kani Bernabé sáá niniꞌ Saulo I̱toꞌoꞌ‑ó iniꞌ ichi, jín ya̱ nkaꞌanꞌ I̱toꞌoꞌ‑ó jín re̱ꞌ, jín sáá nkaꞌanꞌ neí iniꞌ re̱ꞌ nu̱u̱nꞌ súví Jesús, nu̱u̱nꞌ ñuunꞌ Damasco.

1 Tesalonicenses 3:6

Soo ntañúꞌún jee, nnene Timoteo nu̱u̱nꞌ nééꞌ ránú nni̱kó re̱ꞌ nu̱u̱nꞌ ránuꞌuꞌ. Jee nna̱kani re̱ꞌ tu̱ꞌun váꞌa jie̱ꞌe̱ꞌ ya̱ kúneí i̱i̱ꞌ iniꞌ ránú Cristo, jee ñúnúunꞌ ɨɨn inka rán táꞌán rán. Jee nkachiꞌ re̱ꞌ ya̱ sukuáni jiáni ñunkúún iniꞌ rán jie̱ꞌe̱ꞌ ránuꞌuꞌ. Jee níyo iniꞌ rán ya̱ kune̱ꞌyá rán ránuꞌuꞌ, sáni níyo iniꞌ ránꞌ ya̱ kune̱ꞌyá ránꞌ ránoꞌó.

Hechos 15:22

I̱ña̱jée rá te̱e nísotíñú ráa apóstol jín rá te̱e kúñáꞌnú jín ntáká rá inka rá ñɨvɨ kúneí iniꞌ ráa Jesús, jee nkuna̱a̱ꞌ iniꞌ ráa ya̱ ka̱ji ráa rá te̱e nteñu ráa, ya̱ tají ráa kɨ̱ꞌɨ̱nꞌ nu̱u̱nꞌ ñuunꞌ Antioquía jín Pablo jín Bernabé. Nka̱ji ráa Judas, ya̱ naní Barsabás, jín ɨɨn te̱e naní Silas. Kúvi ráa u̱vi̱ꞌ rá te̱e kúñáꞌnú nteñu rá ñaniꞌ.

Hechos 15:2

Jee ntu̱né nkúnuún iniꞌ Pablo jín Bernabé jín ráa. Jee nka̱ntáꞌán túꞌun víꞌí ráa. Saáva rá ñanitáꞌán ñani ráa Bernabé jín Pablo jín inka rá ñɨvɨ yukuán, jee nta̱jí ráa rává kua̱ꞌa̱nꞌ nu̱u̱nꞌ ñuunꞌ Jerusalén, sáva natúꞌún rává jín rá nísotíñú apóstol jín rá te̱e kúñáꞌnú jie̱ꞌe̱ꞌ tiñu yaꞌá.

Hechos 11:1

I̱ña̱jée rá te̱e nísotíñú apóstol jín rá ñaniꞌ yɨ́ꞌɨ́ nu̱u̱nꞌ Jesús, nɨꞌɨ sánitɨ́ɨn Judea, nteso̱ꞌo ráa, ya̱ suni rá ñɨvɨ ntu kúvi Israel, ntɨɨn ráa Tu̱ꞌun Ndiosíꞌ.

Hechos 8:14

Sáá nteso̱ꞌo rá te̱e nísotíñú apóstol nééꞌ Jerusalén, ya̱ ntɨɨn rá ñɨvɨ ñuunꞌ Samaria Tu̱ꞌun Ndiosíꞌ, jee nchu̱ichí ráa Pedro jín Juan yukuán.

Hechos 6:5

Jee ntáká ráa ntaꞌanꞌ iniꞌ tu̱ꞌun yaꞌá. Jee nka̱ji ráa Esteban, ya̱ kúvi ɨɨn te̱e ya̱ kúneí víꞌí iniꞌ re̱ꞌ Jesús, jee Ta̱chi̱ꞌ Ííꞌ kúneí‑i jín re̱ꞌ. Jee suni nka̱ji ráa Felipe, Prócoro, Nicanor, Timón, Parmenas, jín Nicolás, te̱e ñuunꞌ Antioquía, ya̱ ntɨɨn re̱ꞌ ñujiínꞌ Israel.

Hechos 11:19

Rá ñɨvɨ kúneí iniꞌ ráa Jesús, ya̱ nkene ráa Jerusalén, sáá ñaꞌniꞌ ñɨvɨ Esteban, jee ñe̱te̱nuun ráa, chi nsa̱ꞌá kini ñɨvɨ ráa. Jee rá ñɨvɨ yaꞌá nkenta ráa ne̱ sánitɨ́ɨn Fenicia, jín ñuunꞌ káá ma̱ꞌñú nteñúꞌún naní Chipre, jín ñuunꞌ Antioquía. Jee nste̱kútu̱ꞌún kue̱ꞌe̱ꞌ ráa tu̱ꞌun Jesús kua̱chi nu̱u̱nꞌ rá ñɨvɨ Israel ni, ya̱ nééꞌ yukuán. Ntu nstékútu̱ꞌún ráa maa nu̱u̱nꞌ ni ɨɨn rá inka ñɨvɨ.

Hechos 11:20

Soo sava ráa kúvi te̱e Chipre jín ñuunꞌ Cirene, jee sáá nkenta ráa nu̱u̱nꞌ ñuunꞌ Antioquía jee suni nste̱kútu̱ꞌún ráa jie̱ꞌe̱ꞌ I̱toꞌoꞌ‑ó Jesús nu̱u̱nꞌ rá ñɨvɨ ntu kúvi Israel.

Hechos 11:26

Yukuán nku̱tútú ráa ɨɨn kui̱ya̱ꞌ nɨ́ɨ́n jín rá ñɨvɨ kúneí iniꞌ rává Jesús. Jee nxi̱néꞌénꞌ ráa kue̱ꞌe̱ꞌ víꞌí ñɨvɨ. Ñuunꞌ Antioquía ví nu̱u̱nꞌ ya̱ xíꞌnañúꞌún nsi̱kúnání rá ñɨvɨ cristiano rá ñɨvɨ kúneí iniꞌ rává Jesús.

Hechos 11:27

Rá ki̱vɨ̱ꞌ yukuán, rá te̱e, ya̱ nákani tu̱ꞌun kéne yuꞌú Ndiosíꞌ, jee nkene ráa ñuunꞌ Jerusalén, jee nkenta ráa ñuunꞌ Antioquía.

Hechos 18:22

Sáá nkenta‑a ñuunꞌ Cesarea, ña̱kaꞌanꞌ‑a jín rá ñɨvɨ ya̱ kúneí iniꞌ ráa Jesús. Kuíre kua̱ꞌa̱nꞌ‑a ñuunꞌ Antioquía.

Gálatas 2:11

Soo sáá nkenta Pedro ñuunꞌ Antioquía, jee nnuni̱ꞌin máá maáníꞌ nu̱u̱nꞌ re̱ꞌ, chi nstívɨ́ re̱ꞌ tiñu nsa̱ꞌá re̱ꞌ.