Hechos 10:45 - Mixteco del suroeste de Tlaxiaco Oaxaca

⁴⁵ Jee rá ñɨvɨ Israel kúneí iniꞌ ráa Jesús rá kútáꞌán jín Pedro nti̱vɨ́ xíniꞌ ráa, chi suni nsi̱kútaꞌviꞌ Ndiosíꞌ Ta̱chi̱ꞌ Ííꞌ nu̱u̱nꞌ rá ñɨvɨ ya̱ ntu kúvi Israel.

Hechos 10:45 Referans Kwoze

Hechos 10:23

I̱ña̱jée nkana re̱ꞌ ráa kino̱o ráa jín re̱ꞌ yukuán. Jee ki̱vɨ̱ꞌ steñu̱ꞌún, nke̱chí re̱ꞌ jee kua̱ꞌa̱nꞌ re̱ꞌ jín ráa. Jee suni kéꞌín rá ñaniꞌ ñuunꞌ Jope, ya̱ yɨ́ꞌɨ́ ráa nu̱u̱nꞌ Jesús, nku̱táꞌán ráa jín re̱ꞌ.

Hechos 2:38

Jee nna̱xiníkó Pedro nu̱u̱nꞌ ráa: ―Nakani iniꞌ rán kua̱chi rán, jee kuanuté rán, sáva stúvi rán ya̱ ya nki̱vɨ rán nu̱u̱nꞌ Jesús ya̱ kúvi Cristo, sáva kunekáꞌnú iniꞌ Ndiosíꞌ kua̱chi rán, jee kutaꞌviꞌ rán Ta̱chi̱ꞌ Ííꞌ re̱ꞌ.

Efesios 2:11

Saájee íyó naku̱ꞌun iniꞌ rán sáá ñaꞌnu rán ne̱ sáá ntiáꞌan kúneí iniꞌ rán Cristo. Jee ránoꞌó, jee nsú nu̱u̱nꞌ se̱ꞌya tataꞌ Israel nkaku rán. Jee rá ñɨvɨ Israel ya̱ níso ráa seña nu̱u̱nꞌ yɨkɨkúñu rá te̱e ráa, naní circuncisión, ya̱ sáꞌá ráa jín naꞌá, jee maáráa síkúnání ráa ránoꞌó ñɨvɨ ya̱ ntu íyó circuncidado kúvi rán. Jee saáva íyó naku̱ꞌun iniꞌ rán sáá ni̱yo rán tiempúꞌ yukuán,

Gálatas 2:15

Ránuꞌuꞌ ví ichiyúkúnꞌ Israel ne̱ nkaku ráníꞌ, jee nsú ñɨvɨ inka nación kúvi ránꞌ ya̱ káchíꞌ ránꞌ ya̱ ñɨvɨ kua̱chi kúvi ráa.

Hechos 2:33

Saáva Ndiosíꞌ nxi̱náa re̱ꞌ Jesús nu̱u̱nꞌ kúñáꞌnú‑u ya̱ nééꞌ‑e ichi kuáꞌá re̱ꞌ. Jee Ndiosíꞌ, Tááꞌ Jesús, njia̱ꞌa re̱ꞌ tiñu nu̱u̱nꞌ Jesús ya̱ tetíñú‑u Ta̱chi̱ꞌ Ííꞌ, sáni nchi̱sóyuꞌú re̱ꞌ, sáva sikúténuun‑u Ta̱chi̱ꞌ Ííꞌ nu̱u̱nꞌ rá ñɨvɨ. Jee yaꞌá ví ya̱ néꞌyá rán jín ya̱ tésóꞌo rán.

Hechos 11:3

Jee nkachiꞌ ráa: ―Ntu váꞌa ya̱ nkívɨ nú veꞌi ñɨvɨ ya̱ ntu kúvi Israel ya̱ ntu níso ráa seña Ndiosíꞌ nu̱u̱nꞌ yɨkɨkúñu ráa, jín ya̱ nyajiꞌ nú jín ráa.

Hechos 11:2

Sáá nenta Pedro ñuunꞌ Jerusalén, jee sava ñɨvɨ Israel ya̱ yɨ́ꞌɨ́ nu̱u̱nꞌ Jesús, nka̱ntátúꞌun ráa jín re̱ꞌ.

Romanos 5:5

Jee ya̱ íyó tu̱neí iniꞌ‑ó yaꞌá, ntu̱ví jiáꞌa tu̱nkánuun nu̱u̱nꞌ‑ó, chi Ta̱chi̱ꞌ Ííꞌ ya̱ ntaji Ndiosíꞌ nu̱u̱nꞌ‑ó, ya̱ nchu̱chítú re̱ꞌ ánímaꞌ‑ó tu̱ꞌun ñúnúunꞌ Ndiosíꞌ yó.