Hechos 10:39 - Mixteco del suroeste de Tlaxiaco Oaxaca

³⁹ ’Jee ránuꞌuꞌ, nástúvi ránꞌ ya̱ naáꞌ nɨꞌɨ ya̱ nsa̱ꞌá re̱ꞌ sánitɨ́ɨn Judea jín ñuunꞌ káꞌnú Jerusalén. Yukuán jee suni ñaꞌniꞌ ráa re̱ꞌ, chi nte̱kaa ráa re̱ꞌ nu̱u̱nꞌ kurúsiꞌ.

Hechos 10:39 Referans Kwoze

Lucas 24:48

Jee ránoꞌó kúvi ya̱ nááꞌ ya̱ nakani rá tu̱ꞌun jie̱ꞌe̱ꞌ nta̱ká ya̱ niniꞌ rán ya̱ nkuvi yaꞌá.

Hechos 10:41

Soo nsú nu̱u̱nꞌ nɨꞌɨ ñɨvɨ ntu̱vi re̱ꞌ nsa̱ꞌá Ndiosíꞌ, chisaꞌ kua̱chi nu̱u̱nꞌ ráníꞌ, chi ñani ya̱chi̱ꞌ Ndiosíꞌ ránuꞌuꞌ ne̱ ntiáꞌan nkenta tiempúꞌ, sáva nástúvi ránꞌ ya̱ naáꞌ jie̱ꞌe̱ꞌ Jesús. Ránuꞌuꞌ kúvi ya̱ nyajiꞌ nkáá ránꞌ jín re̱ꞌ, jee niꞌi ránꞌ jín re̱ꞌ, ne̱sá nna̱tekuꞌ i̱i̱ꞌ re̱ꞌ nteñu rá níꞌiꞌ.

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

1 Pedro 2:24

Chi máá Cristo nna̱kuniso yɨkɨkúñu re̱ꞌ ntáká kua̱chi sáꞌá‑ó sáá níꞌiꞌ re̱ꞌ nu̱u̱nꞌ kurúsiꞌ, sáva kuviꞌ‑ó nu̱u̱nꞌ kua̱chi‑ó kene‑ó nu̱u̱nꞌ kua̱chi‑ó jee sáva nakueꞌnu‑ó ichi jiáꞌnu na̱a̱ꞌ. Chi jie̱ꞌe̱ꞌ nu̱u̱nꞌ ntúfiꞌ re̱ꞌ vá, yukuán núváꞌa‑ó sííyo re̱ꞌ kua̱chi‑ó.

Hechos 2:32

Nxi̱nátekuꞌ i̱i̱ꞌ Ndiosíꞌ Jesús yaꞌá jee nxi̱nákóo re̱ꞌ ñunéꞌyúꞌ‑u. Jee ntáká ráníꞌ nákúꞌva ya̱ naáꞌ jie̱ꞌe̱ꞌ vá nu̱u̱nꞌ nɨꞌɨ ñɨvɨ, chi niniꞌ ránꞌ maa.

Gálatas 3:13

Cristo nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi sáꞌá‑ó, sáva nakani núne re̱ꞌ yó nu̱u̱nꞌ ya̱ chísónínu tu̱ꞌun ley yó. Chi nkenta nyosoni̱nu re̱ꞌ sáva kuvi ya̱ váꞌa nu̱u̱nꞌ‑ó, chi níso nu̱u̱nꞌ Tutuꞌ Tu̱ꞌun Ndiosíꞌ ya̱: “Yósóni̱nu nta̱ká ñɨvɨ níntakaa nu̱u̱nꞌ yutun.”

Hechos 13:31

Nku̱kueꞌeꞌ ki̱vɨ̱ꞌ ya̱ ntu̱vi re̱ꞌ nu̱u̱nꞌ rá ñɨvɨ nku̱táꞌán jín re̱ꞌ, sáá nkene re̱ꞌ Galilea jee nikanuun re̱ꞌ ne̱ ñuunꞌ Jerusalén. Jee ntañúꞌún suviráa kúvi ya̱ nástúvi ya̱ naáꞌ jie̱ꞌe̱ꞌ re̱ꞌ nu̱u̱nꞌ rá ñɨvɨ.

Hechos 7:52

Jee rá te̱e nna̱kani tu̱ꞌun nkene yuꞌú Ndiosíꞌ chi, ¿né ɨɨn ráa ntu níto u̱ꞌvi̱ꞌ rá jííꞌ rán yanaꞌán rúja? Jee ñaꞌniꞌ ráa rá te̱e vá ya̱ nkachitu̱ꞌún ya̱chi̱ꞌ ráa, ya̱ kiji máá maá te̱e ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ. Jee nna̱ku̱ꞌva rán re̱ꞌ, jee ñaꞌniꞌ rán maa.

Hechos 4:10

íyó kuniꞌ ntáká rán jín ntáká ñɨvɨ Israel ya̱ nu̱u̱nꞌ súví Jesús ya̱ kúvi Cristo, te̱e ñuunꞌ Nazaret, maáréꞌ ya̱ ñaꞌniꞌ rán nu̱u̱nꞌ kurúsiꞌ, soo nxi̱nákóo Ndiosíꞌ re̱ꞌ nteñu rá níꞌiꞌ, jee nxi̱nátekuꞌ i̱i̱ꞌ Ndiosíꞌ re̱ꞌ, jee íyó kuniꞌ rán ya̱ nu̱u̱nꞌ tiñu níso re̱ꞌ nnuva̱ꞌa te̱e yaꞌá, ya̱ íñɨ́‑ɨ nu̱u̱nꞌ rán.

Hechos 1:22

ne̱ sáá nsi̱kuánuté Juan Jesús jín ne̱ ki̱vɨ̱ꞌ nxi̱nóo Jesús maáó jee nnaa‑a súkún. Jee te̱e vá íyó kuiñɨ re̱ꞌ jín ránꞌ, sáva istúvi re̱ꞌ ya̱ naáꞌ nu̱u̱nꞌ rá ñɨvɨ, ya̱ Jesús nna̱tekuꞌ i̱i̱ꞌ‑i jee nnako̱o ñunéꞌyúꞌ‑u nteñu rá níꞌiꞌ ―nkachiꞌ Pedro.

Juan 15:27

Jee suni ránoꞌó ranika̱ꞌ, naku̱ꞌva rán ya̱ naáꞌ jie̱ꞌe̱ꞌ nuꞌuꞌ, chi kútáꞌán rán jín nuꞌuꞌ ne̱ tiempúꞌ xíꞌnañúꞌún ya̱ nka̱jiéꞌé ni̱ꞌ nna̱kani ni̱ꞌ rá tu̱ꞌun váꞌa ni̱ꞌ nu̱u̱nꞌ rá ñɨvɨ.

Lucas 1:2

sánikua̱ꞌ nákani rá ñɨvɨ niniꞌ jínúunꞌ ráa maa nu̱u̱nꞌ ráníꞌ ne̱ xíꞌnañúꞌún, jee yɨ́tíñú ráa xínéꞌénꞌ ráa tu̱ꞌun Jesús.