Hechos 1:7 - Mixteco del suroeste de Tlaxiaco Oaxaca

⁷ Jee nkachiꞌ Jesús nu̱u̱nꞌ ráa: ―Ntu̱né íyó kukáꞌnú iniꞌ ránú ni na̱ ki̱vɨ̱ꞌ ni nama ñani Tátáꞌ ni̱ꞌ maa. Maá Tááꞌ ni̱ꞌ ñani hora vá, chi nísotíñú re̱ꞌ.

Hechos 1:7 Referans Kwoze

Mateo 24:36

Soo jie̱ꞌe̱ꞌ ki̱vɨ̱ꞌ yukuán jín hora vá ya̱ kuvi rá tiñu nkachiꞌ ni̱ꞌ, jee ni ɨɨn ntu̱náꞌ jíníꞌ maa, ni rá najiáꞌáꞌ ííꞌ Ndiosíꞌ ya̱ nééꞌ antivɨ́, ni maáníꞌ ya̱ kúvi ni̱ꞌ Se̱ꞌya Ndiosíꞌ, chi métúꞌún ni Tátáꞌ‑ó Ndiosíꞌ ví ya̱ jíníꞌ.

Marcos 13:32

’Soo jie̱ꞌe̱ꞌ ki̱vɨ̱ꞌ yukuán jín hora vá, ya̱ kuvi rá tiñu nkachiꞌ ni̱ꞌ, jee ni ɨɨn ntu̱náꞌ jíníꞌ maa. Ni rá najiáꞌáꞌ ííꞌ Ndiosíꞌ, ya̱ nééꞌ antivɨ́. Ni maáníꞌ ya̱ kúvi ni̱ꞌ Se̱ꞌya Ndiosíꞌ. Chi métúꞌún ni Tátáꞌ‑ó Ndiosíꞌ ví ya̱ jíníꞌ.

Marcos 10:40

Soo rá ñɨvɨ ya̱ kuneeꞌ xiín ichi kuáꞌá ni̱ꞌ áxí ichi sátín ni̱ꞌ, nsú nuꞌuꞌ ví ya̱ ku̱ꞌva maa nu̱u̱nꞌ ñɨvɨ. Chisaꞌ Ndiosíꞌ ya nsa̱túꞌva maa sáva ku̱ꞌva re̱ꞌ maa nu̱u̱nꞌ ñɨvɨ ya̱ nka̱ji re̱ꞌ kuneeꞌ maa ―nkachiꞌ Jesús nu̱u̱nꞌ ráa.

Efesios 1:10

Chi sikúnkuvi re̱ꞌ maa sáá kenta máá tiempúꞌ ya̱ nkáji re̱ꞌ, ya̱ nachiꞌi re̱ꞌ ntáká nantíñú xi̱ntíín Cristo, rá íyó antivɨ́ jín rá íyó iniꞌ ñɨ̱vɨ́ yaꞌá.

Lucas 21:24

Jee sava ráa kuviꞌ ráa jín yuꞌú yuchiꞌ espada nu̱u̱nꞌ kantáꞌán, jee tɨɨn rá ñɨvɨ inka ñuunꞌ sava ráa kɨ̱ꞌɨ̱nꞌ rává jín ráa nu̱u̱nꞌ ntáká ñuunꞌ. Jee rá ñɨvɨ ya̱ ntu kúvi ráa ñɨvɨ ñuunꞌ Israel, jee kua̱ñu̱ꞌ ráa nu̱u̱nꞌ ñuunꞌ Jerusalén tatúníꞌ ráa yukuán. Jee tatúníꞌ ráa yukuán nekuaꞌ kenta i̱nu tiempúꞌ ñani Ndiosíꞌ ya̱ tatúníꞌ ráa nu̱u̱nꞌ ñuunꞌ vá sukuán.

2 Timoteo 3:1

Suni tɨɨn kuéntáꞌ nú, ya̱ rá ki̱vɨ̱ꞌ kua̱nɨꞌɨ kiji tiempúꞌ i̱yo koo.

1 Timoteo 6:15

Jee saꞌá Ndiosíꞌ ya̱ nenta Cristo máá tiempúꞌ ñani Ndiosíꞌ. Na̱ ka̱ꞌ netuꞌ ka̱ꞌ ví Ndiosíꞌ. Métúꞌún re̱ꞌ vá tátúníꞌ nu̱u̱nꞌ nɨꞌɨ, ya̱ nísotíñú re̱ꞌ tátúníꞌ re̱ꞌ nu̱u̱nꞌ nta̱ká ráa ya̱ tátúníꞌ ráa nu̱u̱nꞌ rá ñuunꞌ, jee I̱toꞌoꞌ nu̱u̱nꞌ ntáká rá i̱toꞌoꞌ ví re̱ꞌ.

Hechos 17:26

Nsa̱ꞌá re̱ꞌ ya̱ nu̱u̱nꞌ métúꞌún te̱e nkene nɨꞌɨ rá ñɨvɨ, sáva kuneeꞌ ráa kua̱íyó ñɨ̱vɨ́. Jee ya̱ ñani re̱ꞌ tiempúꞌ kutekuꞌ ráa jín rá xéꞌñú nu̱u̱nꞌ kuneeꞌ ráa.

Mateo 20:23

Saájee nkachiꞌ Jesús nu̱u̱nꞌ ráa: ―Ya̱ nááꞌ ví nijia ya̱ kunoꞌo ni̱ꞌ, jín suni kunoꞌo rán kuéntáꞌ kunoꞌo ni̱ꞌ, [jee kunoꞌo rán tu̱nóꞌó kuanuté rán kuéntáꞌ kunoꞌo ni̱ꞌ tu̱nóꞌó kuanuté ni̱ꞌ], soo rá ñɨvɨ ya̱ kuneeꞌ xiín ichi kuáꞌá ni̱ꞌ jín ichi sátín ni̱ꞌ, nsú nuꞌuꞌ ví ya̱ ku̱ꞌva maa nu̱u̱nꞌ ñɨvɨ, chisaꞌ Tátáꞌ ni̱ꞌ Ndiosíꞌ ya nsa̱túꞌva re̱ꞌ maa sáva ku̱ꞌva re̱ꞌ maa nu̱u̱nꞌ rá ñɨvɨ nka̱ji re̱ꞌ kuneeꞌ maa ―nkachiꞌ Jesús.