Hechos 1:5 - Mixteco del suroeste de Tlaxiaco Oaxaca

⁵ Chi Juan nsi̱kuánuté nijia re̱ꞌ jín nute, soo ntu kuéꞌeꞌ ka̱ꞌ ki̱vɨ̱ꞌ, ránoꞌó kuanuté jín Ta̱chi̱ꞌ Ííꞌ Ndiosíꞌ, jee kɨꞌɨ re̱ꞌ iniꞌ rán ―nkachiꞌ Jesús.

Hechos 1:5 Referans Kwoze

Mateo 3:11

’Jee nuꞌuꞌ chi máá naáꞌ nijia ya̱ síkuánuté ni̱ꞌ ránoꞌó jín nute kuíí ni, ya̱ stúvi ya̱ nna̱kani nijia iniꞌ rán nu̱u̱nꞌ Ndiosíꞌ jie̱ꞌe̱ꞌ kua̱chi rán. Soo ya̱ta̱ꞌ ni̱ꞌ kiji ɨɨn ya̱ kúñáꞌnú nasɨ́kuitɨꞌ re̱ꞌ ka̱ꞌ nsú káꞌ nuꞌuꞌ, ya̱ ni ntu̱né íyó ni̱ꞌi̱nꞌ ni̱ꞌ ya̱ kunaꞌá ni̱ꞌ sú kua̱chi ni̱jia̱nꞌ re̱ꞌ. Jee maáréꞌ chi sikuánuté re̱ꞌ sava ránoꞌó jín Ta̱chi̱ꞌ Ííꞌ re̱ꞌ sáva kɨꞌɨ‑ɨ ánímaꞌ ránú ya̱ nákani iniꞌ rán, jee rá inka rán, ya̱ ntu nákani iniꞌ rán, sikuánuté re̱ꞌ jín ñuꞌunꞌ xinóꞌo re̱ꞌ ránoꞌó.

Lucas 3:16

Soo nkaꞌanꞌ Juan jee nkachiꞌ re̱ꞌ nu̱u̱nꞌ ntáká ráa: ―Nuꞌuꞌ chi, máá naáꞌ nijia ya̱ síkuánuté ni̱ꞌ ránoꞌó jín nute kuíí ni, soo íyó kiji ɨɨn ya̱ máá kúñáꞌnú nasɨ́kuitɨꞌ ka̱ꞌ nsú káꞌ nuꞌuꞌ, ya̱ ni ntu̱né íyó ni̱ꞌi̱nꞌ ni̱ꞌ nanají ni̱ꞌ ñɨɨn yɨ́ꞌɨ́ ni̱jia̱nꞌ yɨ́ꞌɨ́ jie̱ꞌe̱ꞌ re̱ꞌ. Jee maáréꞌ chi sikuánuté re̱ꞌ sava ránoꞌó jín Ta̱chi̱ꞌ Ííꞌ re̱ꞌ kɨꞌɨ‑ɨ ánímaꞌ ránú [ya̱ nákani iniꞌ rán], jee rá inka rán [ya̱ ntu nákani iniꞌ rán] sikuánuté re̱ꞌ jín ñuꞌunꞌ xinóꞌo re̱ꞌ ránoꞌó.

1 Corintios 12:13

Chi suni nsi̱kuánuté Cristo yó jín métúꞌún ni Ta̱chi̱ꞌ Ííꞌ vá sáva kɨꞌɨ‑ɨ iniꞌ ánímaꞌ‑ó jee nsa̱ꞌá Ta̱chi̱ꞌ Ííꞌ vá ya̱ kɨꞌɨ ntáká‑ó nu̱u̱nꞌ Cristo kuéntáꞌ nki̱vɨ‑ó nu̱u̱nꞌ ɨɨn ni yɨkɨkúñu re̱ꞌ. Ya̱ súka̱ꞌ ñɨvɨ Israel kúvi‑ó, áxí ñɨvɨ ntu kúvi‑ó Israel, áxí súka̱ꞌ ñɨvɨ ya̱ kúvi musúꞌ ya̱ nkeꞌen ñɨvɨ maa, áxí va̱ni ñɨvɨ ya̱ íyó núne ya̱ sátíñú‑u tiñu maá‑a, chi ntáká‑ó chi yɨ́ꞌɨ́‑ó nu̱u̱nꞌ rá ñɨvɨ Ndiosíꞌ, chi ɨɨn ni Ta̱chi̱ꞌ Ííꞌ níꞌínꞌ nɨꞌɨ‑ó.

Tito 3:5

jee sikáku re̱ꞌ yó nsú jie̱ꞌe̱ꞌ tiñu na̱a̱ꞌ nsa̱ꞌá‑ó ví‑i, chisaꞌ sikáku re̱ꞌ yó chi nku̱náꞌví iniꞌ re̱ꞌ nne̱ꞌyá re̱ꞌ yó. Jee nsi̱káku re̱ꞌ yó jie̱ꞌe̱ꞌ ya̱ Ta̱chi̱ꞌ Ííꞌ re̱ꞌ nna̱sánoo ánímaꞌ‑ó, jee suꞌva nsa̱ꞌá re̱ꞌ ya̱ nna̱kaku jiáá tuku‑ó, jín jie̱ꞌe̱ꞌ ya̱ nsama re̱ꞌ iniꞌ‑ó sáva nujiáá‑ó.

Marcos 1:8

Suvini̱ꞌ nsi̱kuánuté ránoꞌó jín nute, soo maáréꞌ sikuánuté re̱ꞌ ránoꞌó jín Ta̱chi̱ꞌ Ííꞌ Ndiosíꞌ sáva kɨꞌɨ‑ɨ ánímaꞌ rán ―nkachiꞌ Juan.

Hechos 19:4

Jee nkachiꞌ Pablo: ―Juan nsi̱kuánuté re̱ꞌ rá ñɨvɨ ya̱ nna̱kani iniꞌ ráa jie̱ꞌe̱ꞌ kua̱chi ráa. Jee káchíꞌ re̱ꞌ nu̱u̱nꞌ rá ñɨvɨ ya̱ íyó kuneí iniꞌ ráa ɨɨn te̱e kiji ya̱ta̱ꞌ re̱ꞌ. Jesús ví te̱e vá ya̱ íyó kuneí iniꞌ ráa ―nkachiꞌ Pablo.

Hechos 10:45

Jee rá ñɨvɨ Israel kúneí iniꞌ ráa Jesús rá kútáꞌán jín Pedro nti̱vɨ́ xíniꞌ ráa, chi suni nsi̱kútaꞌviꞌ Ndiosíꞌ Ta̱chi̱ꞌ Ííꞌ nu̱u̱nꞌ rá ñɨvɨ ya̱ ntu kúvi Israel.

Juan 1:31

Jee suni ne̱ maáníꞌ ntiáꞌan kuniꞌ ni̱ꞌ né ɨɨn kúvi re̱ꞌ. Saáva va̱ji ni̱ꞌ sikuánuté ni̱ꞌ rá ñɨvɨ jín nute, sáva xinéꞌénꞌ ni̱ꞌ rá ñɨvɨ ñuunꞌ Israel né ɨɨn kúvi re̱ꞌ ―nkachiꞌ Juan.

Mateo 3:6

Jee sáá néne yuꞌú ráa kua̱chi ráa nu̱u̱nꞌ Ndiosíꞌ, jee síkuánuté Juan ráa nu̱u̱nꞌ ntekáꞌnú Jordán.

Juan 1:26

Jee nna̱xiníkó Juan nu̱u̱nꞌ ráa, jee nkachiꞌ re̱ꞌ: ―Nuꞌuꞌ chi síkuánuté ni̱ꞌ jín nute kuíí ni. Soo íyó inka ka̱ꞌ te̱e nteñu ránoꞌó ya̱ ntu̱ví jíníꞌ rán maa.

Juan 1:33

Jee ni ntu jíníꞌ ni̱ꞌ re̱ꞌ. Soo máá Ndiosíꞌ ya̱ nta̱jí re̱ꞌ nuꞌuꞌ, sáva sikuánuté ni̱ꞌ rá ñɨvɨ jín nute, jee nkachiꞌ re̱ꞌ nu̱u̱nꞌ ni̱ꞌ: “Te̱e ya̱ kuniꞌ nú ya̱ kikuun Ta̱chi̱ꞌ Ííꞌ ni̱ꞌ nu̱u̱nꞌ re̱ꞌ kino̱o‑o jín re̱ꞌ, suvire̱ꞌ vá sikuánuté re̱ꞌ jín Ta̱chi̱ꞌ Ííꞌ ni̱ꞌ kɨꞌɨ‑ɨ ánímaꞌ rán.”