Hechos 1:26 - Mixteco del suroeste de Tlaxiaco Oaxaca

²⁶ Jee ntavaꞌ ráa suertéꞌ, sáva ka̱ji ráa ɨɨn rá te̱e vá. Jee nkakɨ̱ꞌɨ suertéꞌ Matías. Jee kuísá ntɨɨn kuéntáꞌ ráa ya̱ nákuíñɨꞌ re̱ꞌ jín ni u̱ji̱ꞌ ɨɨn tán rá najiáꞌáꞌ Jesús ya̱ kúvi apóstol.

Hechos 1:26 Referans Kwoze

Jonás 1:7

Jee kuíre rá te̱e síkáka barkúꞌ vá nna̱túꞌún ɨɨn inka ráa, jee nkachiꞌ ráa: ―Sikɨ́‑ó suertéꞌ jee kuniꞌ‑ó né ɨɨn‑ó vá íyó si̱kɨ̱ꞌ jie̱ꞌe̱ꞌ ya̱ nóꞌo‑ó yaꞌá. Jee nsa̱ꞌá ráa sukuán, jee nku̱káꞌnú iniꞌ ráa ya̱ si̱kɨ̱ꞌ Jonás ví jie̱ꞌe̱ꞌ ya̱ nóꞌo ráa.

Hechos 2:14

Nna̱kuiñɨꞌ Pedro jín rá ni ujíꞌ ɨɨn (11) ka̱ꞌ te̱e, jee nkaꞌanꞌ ni̱ꞌin re̱ꞌ, jee nkachiꞌ re̱ꞌ nu̱u̱nꞌ ráa: ―¡Ránoꞌó se̱ꞌya ñuunꞌ Israel! ¡Jín ntáká ránoꞌó nééꞌ ñuunꞌ Jerusalén! ¡Chuꞌun xi̱ni̱ꞌ rán yaꞌá! ¡Jee teso̱ꞌo va̱ꞌa rán tu̱ꞌun ni̱ꞌ!

Hechos 13:19

Jee nxi̱náánꞌ re̱ꞌ u̱xa̱ꞌ nación ya̱ káá nu̱u̱nꞌ ñu̱ꞌún, naní Canaán. Jee njia̱ꞌa re̱ꞌ ñuꞌun vá nu̱u̱nꞌ rá jííꞌ yanaꞌán‑órán, sáva nuvi ráa ñɨvɨ xí ñuꞌun vá.

Marcos 6:30

Saájee nikó rá te̱e kúvi najiáꞌáꞌ re̱ꞌ ya̱ níso ráa tiñu apóstol ya̱ nchu̱ichí re̱ꞌ jee nku̱tútú ráa nu̱u̱nꞌ Jesús. Jee nna̱kani ráa nu̱u̱nꞌ re̱ꞌ nɨꞌɨ ya̱ nsa̱ꞌá ráa jín ya̱ nxi̱néꞌénꞌ ráa.

Hechos 1:23

Jee nka̱ji ráa u̱vi̱ꞌ te̱e ya̱ kúvi ráa: José jín Matías. José yaꞌá naní re̱ꞌ Barsabás jee suni naní re̱ꞌ Justo.

Apoclipsis 21:14

Jee nu̱u̱nꞌ nsamaꞌ ti̱yu̱ꞌ yuꞌú ñuunꞌ vá, jee jie̱ꞌe̱ꞌ nu̱u̱nꞌ nsamaꞌ vá yɨ́ꞌɨ́ u̱xu̱ꞌ u̱vi̱ꞌ (12) yu̱u̱ꞌ máá náꞌnú víꞌí yósóꞌ táꞌán. Jee nu̱u̱nꞌ yu̱u̱ꞌ náꞌnú vá nééꞌ súví rá ni uxúꞌ u̱vi̱ꞌ (12) rá apóstol nchu̱ichí maáréꞌ ya̱ kúvi re̱ꞌ Lanchi Lúlí Ndiosíꞌ.