Hechos 1:20 - Mixteco del suroeste de Tlaxiaco Oaxaca

²⁰ Jee suni nkachiꞌ Pedro nu̱u̱nꞌ ráa: ―Chi káchíꞌ nu̱u̱nꞌ Tutuꞌ Ííꞌ naní Salmo: Íyó koo saɨn veꞌi re̱ꞌ. Jee koto ni ɨɨn nééꞌ iniꞌ‑i. Jee suni káchíꞌ‑i: Íyó nakui̱ñɨ̱ꞌ inka ka̱ꞌ nu̱u̱nꞌ tiñu níso re̱ꞌ. Sukuán káchíꞌ Tutuꞌ Ííꞌ.

Hechos 1:20 Referans Kwoze

Hechos 1:25

sáva nakeꞌen re̱ꞌ tiñu yaꞌá jee kuvi re̱ꞌ apóstol ya̱ chuichí nú. Tiñu vá nxi̱nóo Judas, jee kua̱ꞌa̱nꞌ re̱ꞌ nu̱u̱nꞌ kúníꞌ re̱ꞌ nu̱u̱nꞌ níꞌinꞌ re̱ꞌ maa ―ni̱ka̱nꞌ táꞌvíꞌ ráa.

Hechos 13:33

Stékútu̱ꞌún ráníꞌ ya̱ nsi̱kúnkuvi Ndiosíꞌ tu̱ꞌun váꞌa yaꞌá nu̱u̱nꞌ rá se̱ꞌya ichiyúkúnꞌ váji ne̱ nu̱u̱nꞌ ráa, ya̱ súví kúvi‑ó. Chi ñani re̱ꞌ Jesús jee nxi̱nátekuꞌ i̱i̱ꞌ re̱ꞌ maa. Suni káchíꞌ suꞌva nu̱u̱nꞌ Tutuꞌ níso Tu̱ꞌun Ndiosíꞌ, naní salmo uvíꞌ. Yukuán káchíꞌ Ndiosíꞌ: Suvinú kúvi Se̱ꞌya ni̱ꞌ. Vitan nsa̱ꞌá ni̱ꞌ ya̱ nkenta kúvi ni̱ꞌ tááꞌ nú.

Lucas 24:44

Jee nkachiꞌ re̱ꞌ nu̱u̱nꞌ ráa: ―Rá tu̱ꞌun ni̱ꞌ yaꞌá ya̱ nkachiꞌ ni̱ꞌ nu̱u̱nꞌ rán ne̱ sáá nneeꞌ ni̱ꞌ jín rán ya̱ íyó sikúnkuvi ni̱ꞌ nta̱ká tu̱ꞌun ya̱ níso‑o nu̱u̱nꞌ Tutuꞌ Ndiosíꞌ ya̱ káꞌánꞌ jie̱ꞌe̱ꞌ nuꞌuꞌ ya̱ ntee Moisés jín ya̱ ntee rá te̱e ya̱ nnákani tu̱ꞌun nkene yuꞌú Ndiosíꞌ yanaꞌán jín rá tu̱ꞌun salmo ―nkachiꞌ re̱ꞌ nu̱u̱nꞌ ráa.

Lucas 20:42

Chi ne̱ maá David nkachiꞌ re̱ꞌ tu̱ꞌun ntee re̱ꞌ nu̱u̱nꞌ Tutuꞌ Ííꞌ Salmo: Nkachiꞌ I̱toꞌoꞌ‑ó Ndiosíꞌ nu̱u̱nꞌ I̱toꞌoꞌ ni̱ꞌ: “Kuneeꞌ ichi kuáꞌá ni̱ꞌ nu̱u̱nꞌ tatúníꞌ nú jín ni̱ꞌ.

Hechos 1:16

―¡Ránoꞌó ñanitáꞌán! Ni̱yo ya̱ sikúnkuvi Ndiosíꞌ tu̱ꞌun jie̱ꞌe̱ꞌ Judas ya̱ njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ David, ne̱ yanaꞌán, jee ntee re̱ꞌ maa nu̱u̱nꞌ Tutuꞌ níso Tu̱ꞌun Ndiosíꞌ. Jee Judas ví ya̱ nyosoꞌ nu̱u̱nꞌ rá te̱e ya̱ ntɨɨn ráa Jesús.