Hechos 1:19 - Mixteco del suroeste de Tlaxiaco Oaxaca

¹⁹ Jee nkenta nku̱káꞌnú iniꞌ nɨꞌɨ rá ñɨvɨ ya̱ nneeꞌ ñuunꞌ káꞌnú Jerusalén. Saáva nsi̱kúnání ráa ñuꞌun vá Acéldama jín tu̱ꞌun káꞌánꞌ maáráa, ya̱ kuíni káchíꞌ Ñuꞌun Ni̱ñɨ̱ꞌ.)

Hechos 1:19 Referans Kwoze

Hechos 21:40

Jee sáá ña̱netuꞌ general kaꞌanꞌ‑a, jee ña̱kui̱ñɨ̱ꞌ Pablo nu̱u̱nꞌ escalerá, jee ntee re̱ꞌ naꞌá re̱ꞌ nu̱u̱nꞌ ráa, sáva níín koo ráa. Jee sáá níín nkuvi ráa jee nkaꞌanꞌ re̱ꞌ tu̱ꞌun hebreo:

Hechos 2:22

Jee suni nkachiꞌ Pedro nu̱u̱nꞌ ráa: ―¡Ránoꞌó tántéyɨ́ɨ́ Israel! Teso̱ꞌo rán rá tu̱ꞌun yaꞌá. Jesús, ya̱ váji ñuunꞌ Nazaret, nstúvi Ndiosíꞌ nteñu ránoꞌó ya̱ nchu̱ichí re̱ꞌ maa. Chi nsa̱ꞌá Ndiosíꞌ, ya̱ nsa̱ꞌá re̱ꞌ rá milagrúꞌ, rá tiñu a̱nasɨ́ ya̱ nsa̱ꞌá‑a ya̱ nti̱vɨ́ xíniꞌ‑ó, jín rá seña, ya̱ stúvi ya̱ kúñáꞌnú ví re̱ꞌ. Nsa̱ꞌá re̱ꞌ rá yaꞌá nteñu ránú, sáni ya̱ jíníꞌ ránú.

Mateo 28:15

Jee rá soldado vá ntɨɨn ráa xu̱ꞌún vá, jee nsa̱ꞌá ráa sánikua̱ꞌ nkachiꞌ rává nu̱u̱nꞌ ráa. Jee ne̱ tiempúꞌ vitan íyó i̱i̱ꞌ rá tu̱ꞌun yaꞌá tékútu̱ꞌún i̱i̱ꞌ‑i nteñu rá ñɨvɨ ñuunꞌ Israel.

Mateo 27:8

Saáva naní ñuꞌun vá, Ñuꞌun Ni̱ñi̱ꞌ ne̱ ntañúꞌún.