Hechos 1:15 - Mixteco del suroeste de Tlaxiaco Oaxaca

¹⁵ Rá ki̱vɨ̱ꞌ yukuán, nku̱tútú yatin sientúꞌ o̱ko̱ꞌ (120) ñɨvɨ yukuán. Jee nnakui̱ñɨ̱ꞌ nichiꞌ Pedro nteñu rá ñanitáꞌán vá, jee nkachiꞌ‑i nu̱u̱nꞌ ráa:

Hechos 1:15 Referans Kwoze

1 Corintios 15:6

jee kuíre suni nu̱u̱nꞌ víꞌí ka̱ꞌ u̱ꞌu̱nꞌ sientúꞌ (500) ñanitáꞌán‑ó nne̱ꞌyá ráa re̱ꞌ métúꞌún hora. Jee kue̱ꞌe̱ꞌ ráa ka̱ꞌ tékúꞌ ne̱ vitan, soo sava ráa ya ni̱ꞌi̱ꞌ.

Apoclipsis 11:13

Jee maa hora yukuán nta̱an víꞌí, jee nta̱nɨ̱ꞌ ɨɨn ya̱ ujíꞌ pedasúꞌ ñuunꞌ vá, nsa̱ꞌá ñutáan vá. Jee u̱xa̱ꞌ mil (7000) rá ñɨvɨ ni̱ꞌi̱ꞌ. Jee sava ka̱ꞌ rá ñɨvɨ ya̱ nkino̱o tékúꞌ nyu̱ꞌví ráa, jee nna̱kuetúꞌún ráa Ndiosíꞌ ya̱ kúñáꞌnú re̱ꞌ nééꞌ re̱ꞌ antivɨ́ súkún.

Hechos 21:20

Sáá nteso̱ꞌo ráa yaꞌá, jee nna̱kuetúꞌún ráa Ndiosíꞌ. Jee nkachiꞌ ráa nu̱u̱nꞌ re̱ꞌ: ―Ñaniꞌ, ya̱ jíníꞌ nú ya̱ kéꞌín mil ñɨvɨ Israel kúneí iniꞌ ráa Jesús. Jee ñúꞌún káñá iniꞌ ráa sikúnkuvi ráa tu̱ꞌun ley nta̱túníꞌ Ndiosíꞌ yanaꞌán.

Juan 21:23

Saájee nteñu rá ñanitáꞌán, ya̱ kúneí iniꞌ ráa Jesús, ñe̱te̱nuun tu̱ꞌun yaꞌá ya̱ nsáꞌ kuviꞌ te̱e vá ya̱ súkuáꞌa Jesús maa. Soo nsáꞌ nkachiꞌ Jesús ya̱ nku̱víꞌ‑i, chisaꞌ nkachiꞌ re̱ꞌ ya̱: “Retú kuíni ni̱ꞌ ya̱ kino̱o re̱ꞌ ya̱ kutekuꞌ re̱ꞌ ne̱ ki̱vɨ̱ꞌ nikó tuku ni̱ꞌ niji ni̱ꞌ, ¿na̱ kuvi chi jítú iniꞌ nú maa?” nkachiꞌ Jesús.

Apoclipsis 3:4

’Soo súka̱ꞌ sukuán íyó, soo íyó yakuꞌ rá ñɨvɨ nééꞌ nu̱u̱nꞌ ñuunꞌ Sardis ya̱ ntu nstívɨ́ ráa maáráa kuéntáꞌ ntu nkútéꞌén saꞌma ráa. Jee saáva suviráa vá kaka ráa jín nuꞌuꞌ kuꞌun ráa saꞌma kuíjín, chi íyó ni̱ꞌi̱nꞌ ráa maa.

Juan 14:12

Jee máá naáꞌ vá káchíꞌ ni̱ꞌ nu̱u̱nꞌ rán: Ɨɨn ñɨvɨ ya̱ kúneí iniꞌ‑i nuꞌuꞌ, jee rá tiñu ya̱ sáꞌá nuꞌuꞌ, jee suni saꞌá‑a rá tiñu vá. Jee saꞌ víꞌí káꞌ saꞌá‑a tiñu ñáꞌnú ka̱ꞌ nsú káꞌ tiñu yaꞌá, chi nuꞌuꞌ jee kɨ̱ꞌɨ̱nꞌ noꞌonꞌ ni̱ꞌ nu̱u̱nꞌ Tátáꞌ ni̱ꞌ.

Lucas 22:32

Soo nuꞌuꞌ jíkánꞌ táꞌvíꞌ ni̱ꞌ jie̱ꞌe̱ꞌ nú nu̱u̱nꞌ Ndiosíꞌ sáva níta ya̱ kúneí iniꞌ nú nuꞌuꞌ. Jee sáá nakani iniꞌ nú ya̱ nsa̱ꞌá nú jee nikó nú nu̱u̱nꞌ nuꞌuꞌ saájee nasáneí nú iniꞌ ánímaꞌ rá ñanitáꞌán nú kuiñɨ ni̱ꞌin ráa ―nkachiꞌ Jesús.

Mateo 13:31

Jee inka tuku ka̱ꞌ tu̱ꞌun kúnkunuún nkaꞌanꞌ Jesús, jee nkachiꞌ re̱ꞌ nu̱u̱nꞌ rá ñɨvɨ: ―Suꞌva tátúníꞌ Ndiosíꞌ nééꞌ antivɨ́ nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúvi‑i kuéntáꞌ ɨɨn nikɨn yutun kúlíꞌ, ya̱ ntɨɨn ɨɨn te̱e jee ntaji re̱ꞌ maa nu̱u̱nꞌ ñu̱ꞌún re̱ꞌ.

Hechos 10:23

I̱ña̱jée nkana re̱ꞌ ráa kino̱o ráa jín re̱ꞌ yukuán. Jee ki̱vɨ̱ꞌ steñu̱ꞌún, nke̱chí re̱ꞌ jee kua̱ꞌa̱nꞌ re̱ꞌ jín ráa. Jee suni kéꞌín rá ñaniꞌ ñuunꞌ Jope, ya̱ yɨ́ꞌɨ́ ráa nu̱u̱nꞌ Jesús, nku̱táꞌán ráa jín re̱ꞌ.

Hechos 11:1

I̱ña̱jée rá te̱e nísotíñú apóstol jín rá ñaniꞌ yɨ́ꞌɨ́ nu̱u̱nꞌ Jesús, nɨꞌɨ sánitɨ́ɨn Judea, nteso̱ꞌo ráa, ya̱ suni rá ñɨvɨ ntu kúvi Israel, ntɨɨn ráa Tu̱ꞌun Ndiosíꞌ.

Hechos 11:12

Jee nkachiꞌ Ta̱chi̱ꞌ Ííꞌ Ndiosíꞌ nu̱u̱nꞌ ni̱ꞌ, ya̱ nkáni iniꞌ ni̱ꞌ jee kɨ̱ꞌɨ̱nꞌ ni̱ꞌ jín ráa. Jee suni i̱ñu̱ꞌ ñaniꞌ yaꞌá, yɨ́ꞌɨ́ ráa nu̱u̱nꞌ Jesús, ña̱ꞌa̱nꞌ ráa jín ni̱ꞌ jee nki̱vɨ ránꞌ veꞌi te̱e vá.

Hechos 11:26

Yukuán nku̱tútú ráa ɨɨn kui̱ya̱ꞌ nɨ́ɨ́n jín rá ñɨvɨ kúneí iniꞌ rává Jesús. Jee nxi̱néꞌénꞌ ráa kue̱ꞌe̱ꞌ víꞌí ñɨvɨ. Ñuunꞌ Antioquía ví nu̱u̱nꞌ ya̱ xíꞌnañúꞌún nsi̱kúnání rá ñɨvɨ cristiano rá ñɨvɨ kúneí iniꞌ rává Jesús.

Hechos 11:29

Saáva rá ñɨvɨ yukuán, ya̱ níkɨ́nꞌ ráa Jesús, jee ñani iniꞌ ráa chineí ráa rá ñaniꞌ ráa ñuunꞌ Judea, rá yɨ́ꞌɨ́ nu̱u̱nꞌ Jesús. Ta ɨɨn ku̱ꞌva sánikua̱ꞌ kénta néen‑e.

Hechos 12:17

Jee nsa̱naꞌá re̱ꞌ nu̱u̱nꞌ ráa sáva kuniꞌín ráa. Jee nna̱kani re̱ꞌ nu̱u̱nꞌ ráa na̱ja vá ntavaꞌ I̱toꞌoꞌ‑ó re̱ꞌ iniꞌ veka̱a, jee nkachiꞌ re̱ꞌ: ―Nakani rán maa nu̱u̱nꞌ Jacobo jín rá ñani kúneí iniꞌ ráa Jesús. Jee nkene re̱ꞌ kua̱ꞌa̱nꞌ re̱ꞌ inka nu̱u̱nꞌ.

Hechos 14:2

Soo rá ñɨvɨ Israel ya̱ kújiááꞌ iniꞌ, nsi̱sáá ráa xi̱ni̱ꞌ rá ñɨvɨ ntu kúvi Israel nne̱ꞌyá rává rá ñaniꞌ jín rá ku̱ꞌva yɨ́ꞌɨ́ nu̱u̱nꞌ Jesús. Jee nsi̱ínúꞌ ráa iniꞌ rává ya̱ kani niva̱ꞌa iniꞌ rává kune̱ꞌyá rává rá ñaniꞌ.

Hechos 15:1

Kéꞌín rá te̱e va̱ji ne̱ Judea jee ntiaaꞌ ráa Antioquía. Jee xínéꞌénꞌ ráa rá ñaniꞌ kúneí iniꞌ Jesús ya̱: “Nsáꞌ nánitáꞌvíꞌ rán, ré ntu sáꞌá circuncidar rán maárán sánikua̱ꞌ ñujiínꞌ njiáꞌa nu̱u̱nꞌ Moisés ñakɨnꞌ re̱ꞌ.”

Hechos 15:3

I̱ña̱jée rá ñɨvɨ ya̱ kúneí iniꞌ ráa Jesús nna̱chuichí ráa Pablo jín Bernabé. Ni ya̱ kua̱jia̱ꞌa rává Fenicia jín Samaria, jee yukuán nna̱kani rává nu̱u̱nꞌ rá ñanitáꞌán kúneí iniꞌ ráa Jesús, tu̱ꞌun jie̱ꞌe̱ꞌ rá ñɨvɨ ntu kúvi Israel nna̱kani iniꞌ ráa ñujiínꞌ íñɨ́ ráa jee nki̱vɨ ráa nu̱u̱nꞌ Ndiosíꞌ. Jee tu̱ꞌun yaꞌá nsa̱ꞌá‑a ya̱ nku̱sɨ̱ɨ̱ꞌ xá iniꞌ rává.

Hechos 16:2

Rá ñaniꞌ ñuunꞌ Listra jín Iconio, ya̱ kúneí iniꞌ ráa Jesús, nkaꞌanꞌ va̱ꞌa ráa jie̱ꞌe̱ꞌ re̱ꞌ.

Hechos 16:40

Sáá nkene Pablo jín Silas veka̱a, jee ña̱ꞌa̱nꞌ ráa veꞌi Lidia. Sáá ni̱yo tútú ráa jín rá ñaniꞌ jín rá ku̱ꞌva yɨ́ꞌɨ́ ñujiínꞌ Jesús, jee nna̱sáneí ráa iniꞌ rává. Jee nkene ráa ñuunꞌ.

Hechos 17:6

Soo sáá ntu nnániꞌinꞌ ráa rává, nsi̱úꞌun ráa Jasón jín kéꞌín rá ñaniꞌ jínúꞌ iniꞌ tu̱ꞌun Jesús kua̱ꞌa̱nꞌ nu̱u̱nꞌ rá te̱e néetiñu ñuunꞌ vá. Jee nka̱najíín ráa: ―Suviráa ví ya̱ sáꞌá kue̱ꞌe̱ꞌ tuntíxín nɨꞌɨ ñɨ̱vɨ́, jee suni nkiaaꞌ ráa yaꞌá.

Hechos 17:10

Yankuaaꞌ, kuísá ntañúꞌún, nchu̱ichí rá ñaniꞌ Pablo jín Silas kua̱ꞌa̱nꞌ ne̱ ñuunꞌ Berea. Sáá nkenta ráa yukuán, jee nki̱vɨ ráa iniꞌ veñu̱ꞌun rá ñɨvɨ Israel.

Hechos 17:14

Soo kuísá ntañúꞌún, rá ñaniꞌ yɨ́ꞌɨ́ ñujiínꞌ Jesús, nchu̱ichí ráa Pablo kua̱ꞌa̱nꞌ yúnteñúꞌún. Soo nkino̱o Silas jín Timoteo ñuunꞌ yukuán.

Hechos 18:18

Sáá nkuvi nneeꞌ Pablo ñuunꞌ Corinto kue̱ꞌe̱ꞌ ki̱vɨ̱ꞌ ka̱ꞌ, jee nkaꞌanꞌ‑a ka̱ꞌ jín rá ñaniꞌ yɨ́ꞌɨ́ ñujiínꞌ Jesús, jee ntɨɨn‑ɨ barkúꞌ kua̱ꞌa̱nꞌ‑a ñuunꞌ Siria, jín Priscila jín Aquila. Ne̱ ntiáꞌan nkene‑e, jee ni nééꞌ i̱i̱ꞌ‑i ñuunꞌ Cencrea, nu̱u̱nꞌ néne nívɨ rá barkúꞌ. Jee yukuán nsa̱ñɨɨ́n‑ɨ xi̱ni̱ꞌ‑i, chi suꞌva stúvi ya̱ nsi̱kúnkuvi‑i ɨɨn tiñu ya̱ nchi̱sóyuꞌú‑u saꞌá‑a nu̱u̱nꞌ Ndiosíꞌ.

Hechos 18:27

Sáá káꞌvi iniꞌ‑i kɨ̱ꞌɨ̱nꞌ‑ɨ Acaya, jee rá ñaniꞌ ya̱ kúneí iniꞌ ráa Jesús, nna̱sáneí ráa iniꞌ‑i. Jee ntee ráa nu̱u̱nꞌ tutuꞌ nu̱u̱nꞌ rá ñɨvɨ yukuán, ya̱ níkɨ́nꞌ ñujiínꞌ Jesús, sáva nakuatáꞌví ráa re̱ꞌ sáá kantaꞌ re̱ꞌ yukuán. Sáá nkenta‑a yukuán, jee nchi̱neí víꞌí‑i rá ñɨvɨ jínúꞌ iniꞌ tu̱ꞌun Jesús chi íyó mániꞌ iniꞌ Ndiosíꞌ néꞌyá‑a ráa.

Hechos 21:7

Jee nkene ránꞌ Tiro jee nkenta ránꞌ ñuunꞌ Tolemaida. Yukuán nɨꞌɨ ya̱ nika rán jín barkúꞌ. I̱ña̱jée ña̱ne̱ꞌyá ránꞌ rá ñaniꞌ níta ñujiínꞌ Jesús, jee nkino̱o ránꞌ jín ráa ɨɨn ki̱vɨ̱ꞌ.

Hechos 21:17

Sáá nkenta ránꞌ ñuunꞌ Jerusalén, rá ñaniꞌ yɨ́ꞌɨ́ nu̱u̱nꞌ Jesús, jee nku̱sɨ̱ɨ̱ꞌ iniꞌ ráa nne̱ꞌyá ráa ránuꞌuꞌ.

Hechos 22:5

Jee su̱tu̱ꞌ kúñáꞌnú jín rá te̱e kúñáꞌnú kuvi nastúvi ráa ya̱ naáꞌ, ya̱ káꞌánꞌ na̱a̱ꞌ ni̱ꞌ. Chi suviráa ví ya̱ ntaji tutuꞌ nu̱u̱nꞌ ni̱ꞌ, ya̱ ku̱ꞌva ni̱ꞌ nu̱u̱nꞌ rá ñaniꞌ‑ó Israel nééꞌ ñuunꞌ Damasco, sáva kuniꞌ ráa ya̱ tiñu níso ni̱ꞌ. Jee ña̱ꞌa̱nꞌ ni̱ꞌ ñuunꞌ Damasco, sáva tɨɨn ni̱ꞌ rá ñɨvɨ yɨ́ꞌɨ́ ñujiínꞌ vá, kuꞌniꞌ ni̱ꞌ ráa, jee kinaka ni̱ꞌ ráa Jerusalén, sáva xinóꞌo ránꞌ ráa.

Hechos 28:14

Yukuán nna̱ketáꞌán ránꞌ rá ñaniꞌ ya̱ kúneí iniꞌ ráa Jesús. Ni̱ka̱nꞌ ráa kino̱o ránꞌ jín ráa u̱xa̱ꞌ ki̱vɨ̱ꞌ. [Jee nkino̱o ránꞌ jín ráa.] Kuíre kua̱ꞌa̱nꞌ ránꞌ jee sukuán nkenta ránꞌ ñuunꞌ Roma.