Hebreos 8:5 - Mixteco del suroeste de Tlaxiaco Oaxaca

⁵ Chi rá su̱tu̱ꞌ vá jee rá tiñu sáꞌá ráa kúvi tiñu kuéntáꞌ xi̱ne̱ꞌñu̱ꞌ, chi xínéꞌénꞌ‑e jie̱ꞌe̱ꞌ ya̱ naáꞌ nijia ya̱ íyó iniꞌ antivɨ́, sú ntu íyó máá maáa. Chi kúvi‑i kuéntáꞌ kua̱ꞌ nxtúꞌva ya̱chi̱ꞌ Ndiosíꞌ Moisés sáá sukuán kijiéꞌé re̱ꞌ kani re̱ꞌ veꞌi sayo ííꞌ nu̱u̱nꞌ nneñu̱ꞌun rá ñɨvɨ Ndiosíꞌ, jee nkachiꞌ Ndiosíꞌ: “Nito koo nú, jee nasaꞌá nú ntáká kuitɨꞌ rá nantíñú sánikua̱ꞌ íyó kuitɨꞌ rá nantíñú niniꞌ nú ya̱ nxi̱néꞌénꞌ ni̱ꞌ nu̱u̱nꞌ nú ne̱ xi̱ni̱ꞌ yuku.”

Hebreos 8:5 Referans Kwoze

Colosenses 2:17

Soo nɨꞌɨ ñujiínꞌ yaꞌá kúvi ráa kuéntáꞌ ɨɨn xi̱ne̱ꞌñu̱ꞌ ya̱ xínéꞌénꞌ‑e sáá koo maáréꞌ ya̱ kiji. Soo Cristo kúvi nijia ya̱ nkiji yaꞌá.

Hebreos 10:1

Chi tu̱ꞌun ley Moisés kuvi‑i kuéntáꞌ ɨɨn xi̱ne̱ꞌñu̱ꞌ ya̱ xínéꞌénꞌ‑e ya̱ váꞌa ya̱ kiji jín Cristo, soo ntu sáꞌá‑a mákua sáꞌá nijia re̱ꞌ. Chi ni nsáꞌ kúvi saꞌá ley vá ya̱ kino̱o na̱a̱ꞌ rá ñɨvɨ jie̱ꞌe̱ꞌ ya̱ sukuáni yɨ́táꞌán ta kui̱ya̱ꞌ ta kui̱ya̱ꞌ sókóꞌ rá ñɨvɨ sa̱na̱ꞌ ya̱ kúyatin ráa nu̱u̱nꞌ Ndiosíꞌ néñu̱ꞌun ráa re̱ꞌ sukuán.

Hebreos 9:9

Chi jie̱ꞌe̱ꞌ ntáká rá yaꞌá xínéꞌénꞌ‑e nu̱u̱nꞌ‑ó na̱ja kúvi tiempúꞌ vitan. Chi sókóꞌ ñɨvɨ nantíñú jín sa̱na̱ꞌ nu̱u̱nꞌ Ndiosíꞌ, soo rá nantíñú jín rá sa̱na̱ꞌ ya̱ sókóꞌ maa nu̱u̱nꞌ Ndiosíꞌ yukuán jee ntu kúvi kuitɨꞌ saꞌá‑a ya̱ kino̱o noo ánímaꞌ ñɨvɨ ya̱ néñu̱ꞌun Ndiosíꞌ sukuán jee saáva ntu kénta kuniꞌ ráa ya̱ ntu níso ráa kua̱chi.

Hebreos 12:25

Jee saáva nito koo rán sáva ntu kúíchi iniꞌ rán Ndiosíꞌ ya̱ káꞌánꞌ jín rán. Chi nu̱u̱nꞌ ntu nkáku rá ñɨvɨ ya̱ nku̱ichi iniꞌ ráa maáréꞌ ya̱ nneeꞌ re̱ꞌ iniꞌ ñɨ̱vɨ́ yaꞌá jee nstúꞌva ya̱chi̱ꞌ re̱ꞌ nu̱u̱nꞌ ráa, jee saꞌ víꞌí káꞌ nkáku‑órán tu̱nóꞌó kunoꞌo‑ó retú nanikóyátá‑ó nu̱u̱nꞌ maáréꞌ ya̱ nééꞌ antivɨ́ jee stúꞌva ya̱chi̱ꞌ re̱ꞌ nu̱u̱nꞌ yó.

Hebreos 11:7

Jee Noé ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, sáá nstúꞌva Ndiosíꞌ re̱ꞌ jie̱ꞌe̱ꞌ rá tu̱nóꞌó xéénꞌ koo ya̱ ni ntiáꞌan kuniꞌ maa. Jee ñúyúꞌví iniꞌ re̱ꞌ Ndiosíꞌ jee nsa̱ꞌá re̱ꞌ ɨɨn barkúꞌ maá káꞌnú nasɨ́kuitɨꞌ ya̱ naní arca, sáva ka̱ku re̱ꞌ jín ntáká rá ñɨvɨ táꞌán veꞌi re̱ꞌ. Jee jie̱ꞌe̱ꞌ nku̱neí iniꞌ Noé Ndiosíꞌ, jee nsi̱jíta re̱ꞌ kua̱íyó rá ñɨvɨ ñɨ̱vɨ́ vá nu̱u̱nꞌ kua̱chi ráa. Jee ni̱ꞌi̱nꞌ re̱ꞌ ta̱ꞌvi̱ꞌ ninima̱ni̱ꞌ Ndiosíꞌ ya̱ nsa̱náaꞌ‑a ya̱ kúvi re̱ꞌ te̱e na̱a̱ꞌ jie̱ꞌe̱ꞌ nku̱neí iniꞌ re̱ꞌ Ndiosíꞌ.

Hechos 7:44

―Ni̱yo máá maá vesayo saꞌma káꞌnú jín rá jííꞌ‑ó, nu̱u̱nꞌ ñu̱ꞌún saɨn. Yukuán néñu̱ꞌun ráa Ndiosíꞌ chi yukuán nástúvi ya̱ Ndiosíꞌ íñɨ́ jín ráa. Jee ni̱yo vesayo vá sáni nta̱túníꞌ Ndiosíꞌ sáá nkachiꞌ‑i nu̱u̱nꞌ Moisés, ya̱ saꞌá ráa maa sánikua̱ꞌ niniꞌ Moisés ya̱ nxi̱néꞌénꞌ Ndiosíꞌ nu̱u̱nꞌ re̱ꞌ.

Mateo 2:12

Saájee nstúꞌva ya̱chi̱ꞌ Ndiosíꞌ ráa nu̱u̱nꞌ ñuma̱ꞌná ráa ya̱ nsáꞌ nikó ráa nu̱u̱nꞌ Herodes, saájee inka ka̱ꞌ ichi nkene ráa kua̱noꞌonꞌ ráa ñuunꞌ ráa.

Hebreos 13:10

Jee íyó‑órán jín Jesús ya̱ nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Soo rá su̱tu̱ꞌ, ya̱ sókóꞌ ráa sa̱na̱ꞌ veꞌi ííꞌ saꞌma sáni káchíꞌ ley yanaꞌán, ntu̱náꞌ ni̱ꞌi̱nꞌ ráa nu̱u̱nꞌ re̱ꞌ ya̱ nso̱ko̱ꞌ re̱ꞌ maáréꞌ jie̱ꞌe̱ꞌ‑ó.

Apoclipsis 15:5

Jee sáá njia̱ꞌa yaꞌá, jee niniꞌ ni̱ꞌ ya̱ nine iniꞌ veꞌi ííꞌ iniꞌ veñu̱ꞌun káꞌnú Ndiosíꞌ ya̱ nééꞌ antivɨ́ súkún nu̱u̱nꞌ íyó va̱ꞌa yu̱u̱ꞌ tiáxín níso ley Ndiosíꞌ.