Hebreos 8:13 - Mixteco del suroeste de Tlaxiaco Oaxaca

¹³ Jee sáá káꞌánꞌ Ndiosíꞌ jie̱ꞌe̱ꞌ ɨɨn tratúꞌ jiáá, jee yukuán kúvi ya̱ nkachiꞌ re̱ꞌ ya̱ tratúꞌ túꞌú ví tratúꞌ xíꞌnañúꞌún, jee ɨɨn ya̱ nku̱túꞌú jee kútúꞌú‑u ka̱ꞌ, chi sa̱néꞌ íyó kɨ̱naanꞌ‑a.

Hebreos 8:13 Referans Kwoze

2 Corintios 5:17

Jee saáva retú néni ɨɨn ñɨvɨ ya̱ yɨ́ꞌɨ́‑ɨ nu̱u̱nꞌ Cristo, jee kúvi ñɨvɨ jiáá nsa̱ꞌá Ndiosíꞌ. Jee ya kua̱jia̱ꞌa sáá ñaꞌnu‑ó tiempúꞌ ya̱ta̱ꞌ, jee nnu̱jiáá sáá jiáꞌnu‑ó nu̱u̱nꞌ Cristo.

Hebreos 9:15

Saáva, níso re̱ꞌ tiñu ñujiínꞌ jie̱ꞌe̱ꞌ tratúꞌ jiáá ya̱ yɨ́tíñú re̱ꞌ nu̱u̱nꞌ Ndiosíꞌ jín nu̱u̱nꞌ ñɨvɨ. Chi ni̱ꞌi̱ꞌ re̱ꞌ sáva chunáán nkáꞌnú re̱ꞌ nu̱u̱nꞌ Ndiosíꞌ sáva nakani núne re̱ꞌ rá ñɨvɨ nu̱u̱nꞌ kua̱chi nsa̱ꞌá rá ñɨvɨ sáá nyɨ̱ꞌɨ ráa chi̱ji tratúꞌ xíꞌnañúꞌún, sáva rá ñɨvɨ ya̱ nkana Ndiosíꞌ ni̱ꞌi̱nꞌ ráa ta̱ꞌvi̱ꞌ ya̱ koo nɨ́ɨ́nkání, ya̱ yukuán vá nchi̱sóyuꞌú re̱ꞌ.

1 Corintios 13:8

Jee ñɨvɨ ya̱ ñúnúunꞌ‑u táꞌán‑a, jee ni nsáꞌ ji̱nu ñúnúunꞌ‑u. Vitan jee nákani ñɨvɨ rá tu̱ꞌun kéne yuꞌú máá maá Ndiosíꞌ, soo kenta ki̱vɨ̱ꞌ ya̱ sijínu re̱ꞌ maa. Áxí jiáꞌa re̱ꞌ ta̱ꞌvi̱ꞌ ya̱ káꞌánꞌ ñɨvɨ inka nu̱u̱nꞌ rá tu̱ꞌun ya̱ ntu jiáku̱ꞌun iniꞌ ráa, soo kenta ya̱ xinɨ́ꞌɨ re̱ꞌ maa. Áxí jiáꞌa re̱ꞌ ta̱ꞌvi̱ꞌ nu̱u̱nꞌ ñɨvɨ ya̱ jíníꞌ va̱ꞌa víꞌí‑i jee xínéꞌénꞌ‑e vá, soo sijínu re̱ꞌ maa.

Mateo 24:35

Súkún jín ñɨ̱vɨ́ yaꞌá kɨ̱naanꞌ ráa, soo rá tu̱ꞌun káchíꞌ ni̱ꞌ, ni nsáꞌ kɨ̱naanꞌ‑a chi nɨꞌɨ sikúnkuvi.

Lucas 22:20

Jee suni sukuán nsa̱ꞌá re̱ꞌ jín vasúꞌ ñúꞌún nixiꞌ nu̱xi uva, sáá nkuvi nku̱xíní re̱ꞌ jín ráa, jee ntɨɨn re̱ꞌ vasúꞌ, jee nkachiꞌ re̱ꞌ: ―Vasúꞌ yaꞌá ví tratúꞌ jiáá ya̱ kakɨnꞌ Ndiosíꞌ jín ni̱ñɨ̱ꞌ ni̱ꞌ ya̱ katɨ‑ɨ sáá kuviꞌ ni̱ꞌ sáva chunáán nkáꞌnú ni̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi rán.

2 Corintios 3:6

Chi suni maáréꞌ ví ya̱ nsa̱ꞌá re̱ꞌ ya̱ tu̱ꞌva ránꞌ sátíñú ránꞌ nu̱u̱nꞌ re̱ꞌ, jie̱ꞌe̱ꞌ tratúꞌ jiáá ya̱ ñakɨnꞌ Ndiosíꞌ na̱ja kɨꞌɨ ñɨvɨ nu̱u̱nꞌ re̱ꞌ. Jee tratúꞌ jiáá yaꞌá nsú ley ví‑i ya̱ ntee re̱ꞌ sáva tatúníꞌ re̱ꞌ nu̱u̱nꞌ rá ñɨvɨ. Chisaꞌ tratúꞌ jiáá ví ya̱ táji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ‑ó sáva kɨꞌɨ‑ɨ iniꞌ ánímaꞌ‑ó. Chi ley ya̱ ntee nu̱u̱nꞌ tutuꞌ, jee síjíta‑a yó ya̱ kuéntáꞌ níꞌiꞌ‑ó nu̱u̱nꞌ Ndiosíꞌ. Soo Ta̱chi̱ꞌ Ííꞌ re̱ꞌ ví ya̱ xítékúꞌ‑u yó nɨ́ɨ́nkání nu̱u̱nꞌ re̱ꞌ.

Hebreos 1:11

Soo rá yukuán kɨ̱naanꞌ‑a, soo noꞌó chi nɨ́ɨ́nkání íyó nú, jee ntáká rá yukuán kenta kutúꞌú ráa kuéntáꞌ kútúꞌú ɨɨn saꞌma.

Hebreos 7:22

Jee jie̱ꞌe̱ꞌ vá, jee nkenta kúvi Jesús ya̱ sáꞌá re̱ꞌ ya̱ kúkutú ɨɨn tratúꞌ váꞌa ka̱ꞌ nsú káꞌ tratúꞌ ley yanaꞌán.

Hebreos 8:6

Soo vitan jee su̱tu̱ꞌ‑ó ya̱ kúvi Cristo nni̱ꞌi̱nꞌ re̱ꞌ tiñu máá ñáꞌnú nasɨ́kuitɨꞌ ka̱ꞌ nsú káꞌ rá tiñu nsa̱ꞌá rá su̱tu̱ꞌ vá. Jee suni sukuán níso re̱ꞌ tiñu ñujiínꞌ jie̱ꞌe̱ꞌ tratúꞌ jiáá ya̱ kúvi va̱ꞌa nasɨ́kuitɨꞌ ka̱ꞌ nsú káꞌ tratúꞌ túꞌú. Jee suni ñakɨnꞌ Ndiosíꞌ tratúꞌ jiáá vá jie̱ꞌe̱ꞌ rá tiñu váꞌa nasɨ́kuitɨꞌ ka̱ꞌ nchi̱sóyuꞌú re̱ꞌ ya̱ saꞌá re̱ꞌ maa.

Hebreos 8:8

Soo niniꞌ Ndiosíꞌ ya̱ ntu̱ví nkínóo na̱a̱ꞌ rá ñɨvɨ yanaꞌán sukuán, jee nkachiꞌ re̱ꞌ, káchíꞌ nu̱u̱nꞌ Tutuꞌ Ííꞌ: Káchíꞌ I̱toꞌoꞌ yó Ndiosíꞌ: “Kiji rá ki̱vɨ̱ꞌ ya̱ nakakɨnꞌ ni̱ꞌ ɨɨn tratúꞌ jiáá jín rá ñɨvɨ ñuunꞌ Israel jín rá ñɨvɨ Judá.

Hebreos 12:24

Jee nkikuyatin rán nu̱u̱nꞌ Jesús ya̱ níso re̱ꞌ tiñu ñujiínꞌ jie̱ꞌe̱ꞌ tratúꞌ jiáá ñakɨnꞌ re̱ꞌ, ya̱ yɨ́tuvi re̱ꞌ jie̱ꞌe̱ꞌ‑ó nu̱u̱nꞌ Ndiosíꞌ, jín nu̱u̱nꞌ ni̱ñɨ̱ꞌ re̱ꞌ ya̱ ñatɨ‑ɨ ya̱ násaꞌá noo‑o yó nu̱u̱nꞌ kua̱chi‑ó. Jee nkakua̱chi ni̱ñɨ̱ꞌ re̱ꞌ nu̱u̱nꞌ Ndiosíꞌ tu̱ꞌun máá ñáꞌnú va̱ꞌa ka̱ꞌ nsú káꞌ ni̱ñɨ̱ꞌ Abel ya̱ ñatɨ sáá ni̱ꞌi̱ꞌ‑i.