Hebreos 7:26 - Mixteco del suroeste de Tlaxiaco Oaxaca

²⁶ Jee saáva, Jesús kúvi nijia re̱ꞌ su̱tu̱ꞌ maá kúñáꞌnú nasɨ́kuitɨꞌ ka̱ꞌ sáni jíniñúꞌún‑ó. Chi i̱i̱ꞌ víꞌí re̱ꞌ, chi ni ntu̱ví kua̱chi re̱ꞌ, jee íyó noo re̱ꞌ, jee íyó sɨ́ɨ́n re̱ꞌ nu̱u̱nꞌ rá ñɨvɨ íyó kua̱chi, jee nkenta kúñáꞌnú nasɨ́kuitɨꞌ re̱ꞌ ne̱ nu̱u̱nꞌ súkún nasɨ́kuitɨꞌ ka̱ꞌ antivɨ́.

Hebreos 7:26 Referans Kwoze

2 Corintios 5:21

Chi Cristo, jee ni ntu̱ví íyó kua̱chi re̱ꞌ, soo nsa̱ꞌá Ndiosíꞌ ya̱ kuniso Cristo kua̱chi‑ó, sáva kúvi ya̱ váꞌa nu̱u̱nꞌ‑ó, sáva saꞌá re̱ꞌ ya̱ na̱a̱ꞌ kúvi‑ó sánikua̱ꞌ kúvi Ndiosíꞌ, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo.

1 Juan 2:2

Jee suvire̱ꞌ nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ sáva kunekáꞌnú iniꞌ Ndiosíꞌ kua̱chi‑ó. Jee nsáꞌ níꞌiꞌ re̱ꞌ kua̱chi kuitɨꞌ jie̱ꞌe̱ꞌ kua̱chi maáó ni, chi suni ni̱ꞌi̱ꞌ re̱ꞌ jie̱ꞌe̱ꞌ kua̱chi ntáká rá ñɨvɨ íyó ñɨ̱vɨ́ yaꞌá.

Hebreos 8:1

Jee saáva ya̱ ñáꞌnú nasɨ́kuitɨꞌ ka̱ꞌ kúvi jie̱ꞌe̱ꞌ rá tu̱ꞌun ya̱ káchíꞌ ráníꞌ kúvi ya̱ íyó ɨɨn su̱tu̱ꞌ kúñáꞌnú‑ó, sáni nkachiꞌ ránꞌ, ya̱ maáréꞌ ví ya̱ ña̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ kúñáꞌnú tátúníꞌ‑i ne̱ antivɨ́.

1 Pedro 2:22

Chi [Cristo jee]: ni ɨɨn kuitɨꞌ kua̱chi ntu nsáꞌá re̱ꞌ, jee ni ɨɨn tu̱ꞌun xínáꞌví ntu nyɨ́ꞌɨ yuꞌú re̱ꞌ.

1 Juan 3:5

Jee jíníꞌ rán ya̱ Jesús nkiji re̱ꞌ ñɨ̱vɨ́ yaꞌá sáva siíyo re̱ꞌ rá kua̱chi‑ó. Jee ntu̱ví ná kua̱chi re̱ꞌ íyó.

Hebreos 12:2

Kunenu̱u̱nꞌ‑ó Jesús ya̱ nu̱u̱nꞌ maáréꞌ va̱ji ya̱ kuneí iniꞌ‑ó re̱ꞌ, jee síkújia re̱ꞌ iniꞌ‑ó ya̱ kuneí va̱ꞌa iniꞌ‑ó re̱ꞌ ne̱ nu̱u̱nꞌ nɨꞌɨ. Chi ñeꞌneꞌ iniꞌ re̱ꞌ nnoꞌo re̱ꞌ nu̱u̱nꞌ kurúsiꞌ, jee ntu ntɨ́ɨn kuéntáꞌ re̱ꞌ ya̱ ku̱ꞌva rá ñɨvɨ tu̱nkánuun nu̱u̱nꞌ re̱ꞌ ya̱ kuviꞌ re̱ꞌ sukuán, chi njia̱ꞌa Ndiosíꞌ re̱ꞌ ya̱ kusɨ̱ɨ̱ꞌ víꞌí iniꞌ re̱ꞌ ichinúúnꞌ jee suni nna̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ tátúníꞌ‑i.

Hebreos 9:14

Retú sukuán kúvi, soo saꞌ víꞌí káꞌ nasánoo ni̱ñɨ̱ꞌ Cristo ánímaꞌ‑ó, chi ntu níso Cristo kua̱chi, jee Ta̱chi̱ꞌ Ííꞌ ya̱ íyó nɨ́ɨ́nkání jee njia̱ꞌa‑a fuersáꞌ ííꞌ nu̱u̱nꞌ re̱ꞌ sáva kuviꞌ re̱ꞌ so̱ko̱ꞌ re̱ꞌ maáréꞌ nu̱u̱nꞌ Ndiosíꞌ. Jee sukuán násánoo ni̱ñɨ̱ꞌ Cristo ánímaꞌ‑ó, sáva kuniꞌ‑ó ya̱ ntu níso‑ó ka̱ꞌ kua̱chi, jín ya̱ ntu yɨ́ꞌɨ́‑ó ka̱ꞌ nu̱u̱nꞌ rá tiñu sáꞌá ya̱ kuviꞌ‑ó nu̱u̱nꞌ Ndiosíꞌ, jín sáva kɨtíñú‑ó nu̱u̱nꞌ Ndiosíꞌ tékúꞌ.

Hebreos 1:3

Jee ne̱ tu̱u̱nꞌ maá Se̱ꞌya re̱ꞌ viiꞌ kúñáꞌnú‑u mákua kúñáꞌnú re̱ꞌ, chi nuún náku‑u iniꞌ re̱ꞌ, chi ɨɨn ni kuvi ni núvíꞌ ráa. Jee tu̱ꞌun káꞌánꞌ Se̱ꞌya re̱ꞌ níso fuersáꞌ ííꞌ jee jín tu̱ꞌun tátúníꞌ Se̱ꞌya re̱ꞌ íyó kutú nɨꞌɨ ya̱ íyó. Jee sáá nkuvi nna̱sánoo‑o yó nu̱u̱nꞌ kua̱chi‑ó jie̱ꞌe̱ꞌ ya̱ nsa̱ꞌá‑a, jee nna̱kuneeꞌ‑e ichi kuáꞌá nu̱u̱nꞌ nééꞌ re̱ꞌ kúñáꞌnú re̱ꞌ tátúníꞌ re̱ꞌ ne̱ antivɨ́ súkún.

Lucas 23:47

Jee sáá niniꞌ te̱e kúvi capitán tátúníꞌ nu̱u̱nꞌ rá soldado vá ya̱ nkuvi suꞌva, jee nna̱kuetúꞌún re̱ꞌ Ndiosíꞌ jee suni nkachiꞌ re̱ꞌ: ―Máá nááꞌ nijia ya̱ tee yaꞌá kúvi re̱ꞌ te̱e na̱a̱ꞌ ―nkachiꞌ re̱ꞌ.

Lucas 23:41

jee maáó chi ya̱ nááꞌ nijia ya̱ saá íyó kunoꞌo‑ó, chi yaꞌá kúvi tu̱nóꞌó níꞌínꞌ‑ó ya̱ íyó níꞌinꞌ‑ó kunoꞌo‑ó jie̱ꞌe̱ꞌ kua̱chi ya̱ nsa̱ꞌá‑ó. Soo te̱e yaꞌá chi ni ɨɨn kua̱chi ni ntu̱náꞌ nsa̱ꞌá re̱ꞌ ―nkachiꞌ re̱ꞌ nu̱u̱nꞌ táꞌán re̱ꞌ.

1 Pedro 3:22

Jee nnaa Cristo kua̱noꞌonꞌ‑o antivɨ́ súkún, jee nééꞌ re̱ꞌ ichi kuáꞌá Ndiosíꞌ nu̱u̱nꞌ kúñáꞌnú nasɨ́kuitɨꞌ re̱ꞌ tátúníꞌ re̱ꞌ, jee rá najiáꞌáꞌ ííꞌ, jín rá nísotíñú, jín rá níso fuersáꞌ, nchiꞌi Ndiosíꞌ ráa xi̱ntíín re̱ꞌ.

1 Pedro 1:19

chisaꞌ nchu̱náán re̱ꞌ ni̱ñɨ̱ꞌ Cristo ya̱ máá viiꞌ yɨ́yáꞌvi ntántúníꞌ, ya̱ ñatɨ‑ɨ sáá nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ, kuéntáꞌ kua̱ꞌ ɨɨn lanchi lúlí maa váꞌa ya̱ íyó noo ya̱ ni ntu yɨ́kuéꞌí ya̱ sókóꞌ ñɨvɨ maa nu̱u̱nꞌ Ndiosíꞌ.

Hebreos 7:11

Chi nu̱u̱nꞌ tataꞌ váji ichinúúnꞌ Leví nkiji rá te̱e ya̱ nniso re̱ꞌ tiñu su̱tu̱ꞌ. Jee néen kuéntáꞌ rá su̱tu̱ꞌ vá tu̱ꞌun ley Ndiosíꞌ ya̱ nni̱ꞌi̱nꞌ rá ñɨvɨ nación Israel. Jee ntu nkúvi saꞌá rá su̱tu̱ꞌ Leví kino̱o na̱a̱ꞌ rá ñɨvɨ ya̱ níkɨ́nꞌ ley vá. Chi retánꞌ nkuvi saꞌá‑a vá jee, ¿na̱kui chi íyó nakui̱ñɨ̱ꞌ inka ka̱ꞌ su̱tu̱ꞌ kua̱ꞌ nkuvi su̱tu̱ꞌ Melquisedec, nsú káꞌ kua̱ꞌ kúvi su̱tu̱ꞌ tataꞌ Aarón?

Hebreos 2:10

Chi ntáká ya̱ íyó kúvi‑i nantíñú Ndiosíꞌ, jee suni maáréꞌ nsa̱ꞌá maa. Chi kuíni re̱ꞌ kunaka re̱ꞌ kue̱ꞌe̱ꞌ víꞌí ñɨvɨ kuvi ráa se̱ꞌya re̱ꞌ ki̱vɨ ráa naꞌá re̱ꞌ kuñáꞌnú ráa jín re̱ꞌ. Jee saáva, íyó váꞌa ya̱ nsa̱ꞌá Ndiosíꞌ kunoꞌo Jesús sáva saꞌá túꞌva re̱ꞌ maa sáva sikúnkuvi‑i tiñu ñáꞌnú ya̱ kuvi natavaꞌ‑a ñɨvɨ nu̱u̱nꞌ kua̱chi ráa sikáku‑u ráa.

Hechos 4:27

’Jee sukuán nkuvi nijia, chi nku̱tútú Herodes, jín Poncio Pilato, jín rá ñɨvɨ ntu kúvi Israel, jín rá ñɨvɨ kúvi Israel, ñuunꞌ yaꞌá. Jee nkenta ráa si̱kɨ̱ꞌ Se̱ꞌya ííꞌ nú, Jesús, ya̱ ñani nú sáva tatúníꞌ re̱ꞌ nu̱u̱nꞌ ñɨ̱vɨ́.

Hechos 3:14

Soo nku̱ichi iniꞌ rán Jesús ya̱ kúvi re̱ꞌ ya̱ ííꞌ nu̱u̱nꞌ Ndiosíꞌ jín ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ. Jee ni̱ka̱nꞌ rán ya̱ siaáꞌ Pilato ɨɨn te̱e, ya̱ jiáꞌníꞌ ñɨvɨ, nsú káꞌ siaáꞌ re̱ꞌ Jesús.

Juan 14:30

Nka̱ꞌánꞌ kue̱ꞌe̱ꞌ ni̱ꞌ ka̱ꞌ jín rán, chi ya̱ va̱ji máá kui̱ꞌna̱ꞌ kúñáꞌnú ya̱ tátúníꞌ iniꞌ ñɨ̱vɨ́ yaꞌá. Asúnika̱ꞌ ntu̱náꞌ fesáꞌ níso‑o tatúníꞌ‑i nu̱u̱nꞌ nuꞌuꞌ.

Juan 8:29

Jee Tátáꞌ ni̱ꞌ ya̱ nta̱jí re̱ꞌ nuꞌuꞌ jee íyó re̱ꞌ jín ni̱ꞌ. Jee ntu̱ví nxínóo métúꞌún re̱ꞌ nuꞌuꞌ chi sukuáni sáꞌá ni̱ꞌ tiñu ya̱ táꞌánꞌ iniꞌ re̱ꞌ néꞌyá re̱ꞌ maa ―nkachiꞌ Jesús.

Lucas 24:46

Jee nkachiꞌ re̱ꞌ nu̱u̱nꞌ ráa: ―Sukuán níso nu̱u̱nꞌ Tutuꞌ Ííꞌ ya̱ saá íyó kunoꞌo ni̱ꞌ ya̱ kúvi ni̱ꞌ Cristo, jee ki̱vɨ̱ꞌ uníꞌ ya̱ níꞌiꞌ ni̱ꞌ jee natekuꞌ i̱i̱ꞌ ni̱ꞌ nako̱o ni̱ꞌ kene ni̱ꞌ nteñu rá ni̱yɨ.

Lucas 24:26

¿Á nsú saá íyó kunoꞌo Cristo ntáká rá tu̱nóꞌó yaꞌá, jee kuíre ki̱vɨ re̱ꞌ tiñu re̱ꞌ ya̱ viiꞌ nasɨ́kuitɨꞌ kúñáꞌnú re̱ꞌ nu̱u̱nꞌ nɨꞌɨ? ―nkachiꞌ Jesús.

Lucas 23:22

Jee ya̱ uníꞌ íchí nkachiꞌ re̱ꞌ nu̱u̱nꞌ ráa: ―¿Na̱ kuvi chi? ¿Na̱ kua̱chi niváꞌa kúvi ya̱ nsa̱ꞌá te̱e yaꞌá rúsa? Ni ɨɨn kua̱chi ntu̱náꞌ nnániꞌinꞌ ni̱ꞌ si̱kɨ̱ꞌ re̱ꞌ retánꞌ íyó ni̱ꞌi̱nꞌ re̱ꞌ ya̱ kuviꞌ re̱ꞌ. Tají ni̱ꞌ xinóꞌo ráa re̱ꞌ jee siaáꞌ ni̱ꞌ re̱ꞌ ―nkachiꞌ Pilato.

Lucas 1:35

Jee nna̱xiníkó najiáꞌáꞌ ííꞌ vá nu̱u̱nꞌ ña: ―Ta̱chi̱ꞌ Ííꞌ kiji‑i nu̱u̱nꞌ noꞌó, jee kiji fuersáꞌ níꞌin níso maá Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ jee kenta‑a kikasɨꞌ kátɨ́‑ɨ noꞌó jee saꞌá‑a tiñu a̱nasɨ́ jín noꞌó. Jee saáva te̱e lúlí i̱i̱ꞌ ya̱ kaku vá kuna̱ní‑i Se̱ꞌya Ndiosíꞌ.

Marcos 16:19

Saájee sáá njia̱ꞌa ya̱ nkaꞌanꞌ maá I̱toꞌoꞌ‑ó Jesús jín ráa, jee nxi̱náa Ndiosíꞌ Jesús súkún. Jee ña̱kuneeꞌ re̱ꞌ ichi kuáꞌá Ndiosíꞌ nu̱u̱nꞌ tátúníꞌ re̱ꞌ jín‑i.

Mateo 27:18

chi niniꞌ re̱ꞌ ya̱ ñúꞌún u̱ꞌvi̱ꞌ iniꞌ ráa néꞌyá ráa Jesús saáva nna̱ku̱ꞌva ráa maa nu̱u̱nꞌ re̱ꞌ.

Apoclipsis 3:7

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Filadelfia: “Nuꞌuꞌ vá i̱i̱ꞌ ni̱ꞌ jín nuꞌuꞌ vá na̱a̱ꞌ ni̱ꞌ. Ínaꞌá ni̱ꞌ nakáa David, ya̱ nísotíñú ni̱ꞌ kuéntáꞌ kua̱ꞌ nta̱túníꞌ re̱ꞌ nu̱u̱nꞌ nación Israel yanaꞌán. Saáva nuꞌuꞌ ví ya̱ jíne ni̱ꞌ nu̱u̱nꞌ ki̱vɨ rá ñɨvɨ nu̱u̱nꞌ tátúníꞌ ni̱ꞌ, jee ni ɨɨn ntu kuvi nakasɨꞌ maa. Jee nuꞌuꞌ nakasɨꞌ maa, jee ni ɨɨn ntu kúvi nakune maa. Suꞌva káchíꞌ nuꞌuꞌ:

Hebreos 2:17

Jee saáva niniñúꞌún re̱ꞌ nkenta nkuvi re̱ꞌ kuéntáꞌ mákua íyó kuitɨꞌ rá ñaniꞌ re̱ꞌ, sáva nkenta nkuvi re̱ꞌ ɨɨn su̱tu̱ꞌ kúñáꞌnú nasɨ́kuitɨꞌ, ya̱ náꞌví iniꞌ re̱ꞌ néꞌyá re̱ꞌ ráa, jee síkúnkuvi na̱a̱ꞌ re̱ꞌ tiñu Ndiosíꞌ, sáva nso̱ko̱ꞌ re̱ꞌ maáréꞌ sáva siíyo re̱ꞌ kua̱chi rá ñɨvɨ.

Hebreos 3:1

Jee saáva, ránoꞌó ñanitáꞌán, ya̱ nsa̱ꞌá sɨ́ɨ́n Ndiosíꞌ ránoꞌó sáva kɨꞌɨ rán nu̱u̱nꞌ re̱ꞌ, jín ya̱ jíꞌín rán nkana re̱ꞌ ránoꞌó ne̱ súkún nu̱u̱nꞌ nééꞌ re̱ꞌ, jee saáva íyó tɨɨn kuéntáꞌ va̱ꞌa rán jie̱ꞌe̱ꞌ [Cristo] Jesús ya̱ níso re̱ꞌ tiñu apóstol ya̱ nchu̱ichí Ndiosíꞌ ntaji re̱ꞌ Tu̱ꞌun Ndiosíꞌ nu̱u̱nꞌ‑ó, jee suni kúvi re̱ꞌ su̱tu̱ꞌ kúñáꞌnú nu̱u̱nꞌ‑ó, jie̱ꞌe̱ꞌ tu̱ꞌun re̱ꞌ ya̱ jiáꞌayuꞌú‑ó ya̱ kúneí iniꞌ‑ó re̱ꞌ.