Hebreos 7:11 - Mixteco del suroeste de Tlaxiaco Oaxaca

¹¹ Chi nu̱u̱nꞌ tataꞌ váji ichinúúnꞌ Leví nkiji rá te̱e ya̱ nniso re̱ꞌ tiñu su̱tu̱ꞌ. Jee néen kuéntáꞌ rá su̱tu̱ꞌ vá tu̱ꞌun ley Ndiosíꞌ ya̱ nni̱ꞌi̱nꞌ rá ñɨvɨ nación Israel. Jee ntu nkúvi saꞌá rá su̱tu̱ꞌ Leví kino̱o na̱a̱ꞌ rá ñɨvɨ ya̱ níkɨ́nꞌ ley vá. Chi retánꞌ nkuvi saꞌá‑a vá jee, ¿na̱kui chi íyó nakui̱ñɨ̱ꞌ inka ka̱ꞌ su̱tu̱ꞌ kua̱ꞌ nkuvi su̱tu̱ꞌ Melquisedec, nsú káꞌ kua̱ꞌ kúvi su̱tu̱ꞌ tataꞌ Aarón?

Hebreos 7:11 Referans Kwoze

Hebreos 8:7

Chi tratúꞌ xíꞌnañúꞌún, jee retánꞌ nsa̱ꞌá‑a ya̱ kuna̱a̱ꞌ va̱ꞌa nɨꞌɨ tiñu, jee ntu̱né jíniñúꞌún ne̱ níní koo tratúꞌ uvíꞌ, nékúvi.

Gálatas 2:21

Ntu kújiááꞌ iniꞌ ni̱ꞌ ya̱ váꞌa ntaji Ndiosíꞌ nu̱u̱nꞌ‑ó ya̱ íyó mániꞌ iniꞌ re̱ꞌ néꞌyá re̱ꞌ yó ya̱ ntu íyó ni̱ꞌi̱nꞌ‑ó. Chi retú kino̱o na̱a̱ꞌ‑ó nu̱u̱nꞌ Ndiosíꞌ jee sííyo re̱ꞌ kua̱chi‑ó jie̱ꞌe̱ꞌ ya̱ núkú‑ó ya̱ saꞌá‑ó ya̱ káchíꞌ ley vá, sú ntu kúvi sukuán, soo retánꞌ sukuán, yukuán jee kuéntáꞌ ntu níyotiñu ya̱ ni̱ꞌi̱ꞌ Cristo jie̱ꞌe̱ꞌ‑ó, nékúvi.

Hebreos 7:21

Soo nsa̱náaꞌ Ndiosíꞌ nu̱u̱nꞌ tu̱ꞌun nkachiꞌ re̱ꞌ sáá ñani re̱ꞌ Jesús kuvi re̱ꞌ su̱tu̱ꞌ, chi sukuán nkachiꞌ re̱ꞌ nu̱u̱nꞌ Tutuꞌ Ííꞌ: Nsa̱náaꞌ I̱toꞌoꞌ‑ó nu̱u̱nꞌ tu̱ꞌun nkachiꞌ re̱ꞌ jee ni ntu níkó iniꞌ re̱ꞌ jie̱ꞌe̱ꞌ‑e: “Noꞌó, nɨ́ɨ́nkání kúvi nú su̱tu̱ꞌ, [kuéntáꞌ kua̱ꞌ nkuvi su̱tu̱ꞌ Melquisedec].”

Hebreos 7:15

Jee jín yaꞌá, jee saꞌ víꞌí káꞌ túvi kájí jíníꞌ‑ó ya̱ Jesús nnakui̱ñɨ̱ꞌ re̱ꞌ kúvi re̱ꞌ inka nu̱u̱nꞌ su̱tu̱ꞌ, kuéntáꞌ kua̱ꞌ nkuvi su̱tu̱ꞌ Melquisedec.

Hebreos 5:6

Jee inka nu̱u̱nꞌ suni tukuni nkachiꞌ Ndiosíꞌ nu̱u̱nꞌ Tutuꞌ Ííꞌ: Noꞌó, nɨ́ɨ́nkání kúvi nú su̱tu̱ꞌ, kuéntáꞌ kua̱ꞌ nkuvi su̱tu̱ꞌ Melquisedec.

Gálatas 4:9

Soo vitan re ya̱ ma̱ni̱ꞌ rán jín Ndiosíꞌ. Soo va̱ꞌa ka̱ꞌ kachiꞌ‑ó ya̱ ma̱ni̱ꞌ Ndiosíꞌ jín ránoꞌó. ¿Na̱ja kúvi ya̱ nikó rán rá ñujiínꞌ saɨn sáꞌá ñɨvɨ ñɨ̱vɨ́, ya̱ ntu íyótiñu rúja? Jee, ¿na̱ja kúvi ya̱ kuíni rán ki̱vɨ tuku rán chi̱ji xi̱ntíín ráa, sáva kuvi tuku rán ɨɨn musúꞌ ya̱ sátíñú ka̱ꞌá rán nu̱u̱nꞌ ráa rúja?

Hebreos 6:20

Chi xíꞌna nki̱vɨ Jesús antivɨ́ nu̱u̱nꞌ íyó xika Ndiosíꞌ jie̱ꞌe̱ꞌ‑ó, jee nine re̱ꞌ ɨɨn ichi nu̱u̱nꞌ ki̱vɨ‑ó. Jee suꞌva kuéntáꞌ nki̱vɨ re̱ꞌ ya̱ta̱ꞌ saꞌma, chi nkenta Jesús kúvi re̱ꞌ ɨɨn su̱tu̱ꞌ máá kúñáꞌnú ka̱ꞌ nɨ́ɨ́nkání, kuéntáꞌ mákua nkuvi su̱tu̱ꞌ Melquisedec.

Hebreos 5:10

Jee ñani Ndiosíꞌ re̱ꞌ ya̱ kuvi re̱ꞌ su̱tu̱ꞌ maa kúñáꞌnú víꞌí ka̱ꞌ, kuéntáꞌ kua̱ꞌ nkuvi su̱tu̱ꞌ Melquisedec.

Gálatas 4:3

Jee suni sukuán nnoꞌo‑ó ne̱ ntiáꞌan kuniꞌ‑ó Jesús, jee nkuvi‑ó kuéntáꞌ ɨɨn te̱e lúlí, chi nyɨ̱ꞌɨ‑ó chi̱ji xi̱ntíín rá ñujiínꞌ sáꞌá ka̱ꞌá ñɨvɨ ñɨ̱vɨ́, kuéntáꞌ ɨɨn musúꞌ kéꞌen ñɨvɨ nkuvi‑ó.

Hebreos 7:10

Chi Leví kúvi se̱ꞌya ichiyúkúnꞌ ya̱ nkene re̱ꞌ ne̱ nu̱u̱nꞌ Abraham, súka̱ꞌ ne̱ ntiáꞌan ka̱ꞌ kaku re̱ꞌ jee kuéntáꞌ nyɨ́ꞌɨ re̱ꞌ yɨkɨkúñu Abraham ne̱ sáá tiempúꞌ ñátaꞌanꞌ Melquisedec Abraham.

Hebreos 7:12

Chi ya̱ nsama né ɨɨn vá kuvi su̱tu̱ꞌ jee suni níní íyó sama ley.

Hebreos 7:13

Chi jie̱ꞌe̱ꞌ I̱toꞌoꞌ‑ó Jesús ví ya̱ káchíꞌ nu̱u̱nꞌ Tutuꞌ Ííꞌ sukuán, chi nkene Jesús inka ka̱ꞌ ichiyúkúnꞌ tataꞌ sɨ́ɨ́n nu̱u̱nꞌ kéne rá su̱tu̱ꞌ nu̱u̱nꞌ rá ñɨvɨ Israel. Jee ni ɨɨn su̱tu̱ꞌ ntiáꞌan kene nu̱u̱nꞌ ichiyúkúnꞌ tataꞌ nkene Jesús.

Hebreos 9:6

Jee sáá ya̱ íyó stákoo ntáká rá nantíñú vá, jee yɨ́táꞌán yɨ́táꞌán kívɨ rá su̱tu̱ꞌ iniꞌ nu̱u̱nꞌ xíꞌnañúꞌún iniꞌ veꞌi ííꞌ saꞌma, sáva sikúnkuvi ráa rá tiñu íyó saꞌá ráa nu̱u̱nꞌ Ndiosíꞌ.