Hebreos 7:10 - Mixteco del suroeste de Tlaxiaco Oaxaca

¹⁰ Chi Leví kúvi se̱ꞌya ichiyúkúnꞌ ya̱ nkene re̱ꞌ ne̱ nu̱u̱nꞌ Abraham, súka̱ꞌ ne̱ ntiáꞌan ka̱ꞌ kaku re̱ꞌ jee kuéntáꞌ nyɨ́ꞌɨ re̱ꞌ yɨkɨkúñu Abraham ne̱ sáá tiempúꞌ ñátaꞌanꞌ Melquisedec Abraham.

Hebreos 7:10 Referans Kwoze

Hebreos 7:5

Jee sava rá te̱e kúvi ichiyúkúnꞌ tataꞌ nkene nu̱u̱nꞌ Leví nni̱ꞌi̱nꞌ ráa kúvi ráa su̱tu̱ꞌ. Jee nta̱túníꞌ Ndiosíꞌ nu̱u̱nꞌ ráa ya̱ tɨɨn ráa ni u̱ji̱ꞌ ni u̱ji̱ꞌ ta sientúꞌ ntáká nu̱u̱nꞌ nantíñú nu̱u̱nꞌ rá ñɨvɨ ñuunꞌ ráa ya̱ jiáꞌa rává nu̱u̱nꞌ ráa kuéntáꞌ kua̱ꞌ tátúníꞌ tu̱ꞌun ley ya̱ njia̱ꞌa Ndiosíꞌ nu̱u̱nꞌ Moisés yanaꞌán, asúnika̱ꞌ ñanitáꞌán ráa kuvi rává ya̱ suni ɨɨn ni kúvi ráa se̱ꞌya ichiyúkúnꞌ ya̱ kéne ráa jín rává ne̱ nu̱u̱nꞌ Abraham.

Génesis 46:26

Ntáká rá ñɨvɨ ya̱ nkanta jín Jacob nu̱u̱nꞌ ñuꞌun ñuunꞌ Egipto, ya̱ nkuvi ráa se̱ꞌya ni̱ñɨ̱ꞌ maáréꞌ, jee nkuvi ráa ñɨvɨ u̱ni̱xiko i̱ñu̱ꞌ (66), jee ntu̱ví nkaꞌvi ráa rá ñasɨ́ꞌɨ́ rá se̱ꞌya yɨ́ɨ́ re̱ꞌ.

Génesis 35:11

Jee suni nkachiꞌ Ndiosíꞌ nu̱u̱nꞌ re̱ꞌ: ―Nuꞌuꞌ ví Ndiosíꞌ ya̱ níso ni̱ꞌ nɨꞌɨ ntántúníꞌ fuersáꞌ ííꞌ. Nataꞌviꞌ víꞌí ka̱ꞌ jee kukueꞌeꞌ ka̱ꞌ ichiyúkúnꞌ nú, jee kene nu̱u̱nꞌ noꞌó ɨɨn nación jín kue̱ꞌe̱ꞌ víꞌí rá ñuunꞌ. Jee ne̱ nu̱u̱nꞌ yɨkɨkúñu nú kene rá ichiyúkúnꞌ nú ya̱ kuvi rá te̱e tatúníꞌ.

Hebreos 5:6

Jee inka nu̱u̱nꞌ suni tukuni nkachiꞌ Ndiosíꞌ nu̱u̱nꞌ Tutuꞌ Ííꞌ: Noꞌó, nɨ́ɨ́nkání kúvi nú su̱tu̱ꞌ, kuéntáꞌ kua̱ꞌ nkuvi su̱tu̱ꞌ Melquisedec.

Hebreos 7:9

Jee kuvi kachiꞌ‑ó ya̱ suni njia̱ꞌa Leví ni u̱ji̱ꞌ ni u̱ji̱ꞌ ta sientúꞌ ntáká nu̱u̱nꞌ rá nantíñú nu̱u̱nꞌ Melquisedec ne̱ sáá njia̱ꞌa Abraham maa nu̱u̱nꞌ Melquisedec, sú Leví vá ví ya̱ ntɨɨn ni u̱ji̱ꞌ ni u̱ji̱ꞌ ta sientúꞌ ntáká nu̱u̱nꞌ rá nantíñú ya̱ njiáꞌa rá ñɨvɨ nu̱u̱nꞌ‑u.

Hebreos 7:11

Chi nu̱u̱nꞌ tataꞌ váji ichinúúnꞌ Leví nkiji rá te̱e ya̱ nniso re̱ꞌ tiñu su̱tu̱ꞌ. Jee néen kuéntáꞌ rá su̱tu̱ꞌ vá tu̱ꞌun ley Ndiosíꞌ ya̱ nni̱ꞌi̱nꞌ rá ñɨvɨ nación Israel. Jee ntu nkúvi saꞌá rá su̱tu̱ꞌ Leví kino̱o na̱a̱ꞌ rá ñɨvɨ ya̱ níkɨ́nꞌ ley vá. Chi retánꞌ nkuvi saꞌá‑a vá jee, ¿na̱kui chi íyó nakui̱ñɨ̱ꞌ inka ka̱ꞌ su̱tu̱ꞌ kua̱ꞌ nkuvi su̱tu̱ꞌ Melquisedec, nsú káꞌ kua̱ꞌ kúvi su̱tu̱ꞌ tataꞌ Aarón?