Hebreos 6:8 - Mixteco del suroeste de Tlaxiaco Oaxaca

⁸ Soo retú kéne yu̱ku̱ꞌ ne̱ꞌén jín yu̱ku̱ꞌ iñu nu̱u̱nꞌ ñu̱ꞌún vá, yukuán jee ntu̱náꞌ tiñu kuitɨꞌ‑ɨ, jee va̱kuyatin chisónínu Ndiosíꞌ maa jee kiji ya̱ kenta ka̱yu̱ꞌ‑u.

Hebreos 6:8 Referans Kwoze

Juan 15:6

Jee ñɨvɨ ya̱ ntu̱ví íñɨ́ ni̱ꞌin jín nuꞌuꞌ, jee saꞌá sɨ́ɨ́n Ndiosíꞌ maa, kuéntáꞌ sáꞌá jín naꞌá yokúꞌúꞌ yu̱ku̱ꞌ uva ya̱ ntu̱ví jiáꞌa uva, jee náchi‑i. Jee nákeꞌen ráa maa, jee chúꞌun ráa maa nu̱u̱nꞌ ñuꞌunꞌ jee káyúꞌ‑u.

Hebreos 12:17

Chi ya̱ jíníꞌ rán ya̱, sáá ya̱ njia̱ꞌa tiempúꞌ, sáá nkuini re̱ꞌ ya̱ kachiꞌ tátáꞌ re̱ꞌ ya̱ ni̱ꞌi̱nꞌ re̱ꞌ ta̱ꞌvi̱ꞌ ya̱ netuꞌ kuvi re̱ꞌ saꞌá Ndiosíꞌ, jee ntu nkúvi ka̱ꞌ, chi nku̱ichi iniꞌ Ndiosíꞌ re̱ꞌ. Jee ntu níꞌínꞌ re̱ꞌ ya̱ nakani iniꞌ tátáꞌ re̱ꞌ, sú nnu̱kú re̱ꞌ maa ne̱ nnaꞌyuꞌ ntenúúnꞌ re̱ꞌ.

Hebreos 10:27

Chisaꞌ kua̱chi kuitɨꞌ vá nétu‑ó kuyu̱ꞌví‑ó ɨɨn tu̱nóꞌó xe̱e̱nꞌ ka̱ꞌ ya̱ kiji si̱kɨ̱ꞌ‑ó kunoꞌo‑ó ki̱vɨ̱ꞌ keꞌneꞌ Ndiosíꞌ kua̱chi, jee kiji ñuꞌunꞌ xéénꞌ ya̱ xináánꞌ‑a ntáká rá jíníꞌ u̱ꞌvi̱ꞌ ráa Ndiosíꞌ.

Apoclipsis 20:15

Jee nu̱u̱nꞌ ñúꞌún xéénꞌ iniꞌ nteñúꞌún yukuán nu̱u̱nꞌ káyúꞌ núꞌvéꞌ ñuꞌunꞌ nchuꞌun re̱ꞌ ntáká rá ñɨvɨ ya̱ ntu níso rá súví ráa nu̱u̱nꞌ tutuꞌ níso rá súví rá ñɨvɨ ya̱ kutekuꞌ ráa nɨ́ɨ́nkání jín Ndiosíꞌ.

Marcos 11:21

Jee sáá nna̱ku̱ꞌun iniꞌ Pedro ya̱ nkachiꞌ Jesús nu̱u̱nꞌ yutun vá, jee nkachiꞌ‑i nu̱u̱nꞌ Jesús: ―¡Mestrúꞌ! ¡Kune̱ꞌyá! Yutun higo vá, ya̱ nchi̱sónínu nú maa, jee ya̱ nnachi‑i.

Marcos 11:14

I̱ña̱jée nkachiꞌ re̱ꞌ nu̱u̱nꞌ yutun vá: ―Ni nsáꞌ kajiꞌ ka̱ꞌ ni ɨɨn ñɨvɨ ya̱ vixíꞌ nú nɨ́ɨ́nkání. Jee nteso̱ꞌo rá te̱e súkuáꞌa re̱ꞌ ráa ya̱ nkachiꞌ re̱ꞌ.

Mateo 7:19

Saájee ntáká yutun ya̱ ntu jiáꞌa ya̱ vixíꞌ váꞌa, jee jiéꞌnéꞌ maa, jee chuꞌun maa nu̱u̱nꞌ ñuꞌúnꞌ.

Mateo 3:10

Jee [maárán ya̱ ntu nákani iniꞌ rán jie̱ꞌe̱ꞌ kua̱chi rán kúvi rán kuéntáꞌ] yutun ya̱ ntu jiáꞌa ya̱ vixíꞌ váꞌa jee ya íyó tu̱ꞌva hacha ya̱ keꞌneꞌ‑e ne̱ yoꞌo ntáká rá yutun ya̱ ntu jiáꞌa ya̱ vixíꞌ váꞌa jee chuꞌun maa nu̱u̱nꞌ ñúꞌúnꞌ ka̱yu̱ꞌ‑u.

Génesis 5:29

Nsi̱kúnání re̱ꞌ maa Noé chi nkachiꞌ re̱ꞌ: “Maáréꞌ ví ya̱ xinúváꞌa re̱ꞌ iniꞌ‑ó nu̱u̱nꞌ tiñu sáꞌá‑ó jín tu̱nóꞌó nóꞌo‑ó sátíñú yɨ́ɨ́‑ó nu̱u̱nꞌ ñu̱ꞌún ya̱ nchi̱sónínu Ndiosíꞌ maa.”

Génesis 4:11

Jee ne̱ vitan kino̱o nú kosoni̱nu nú ya̱ tavaꞌ ni̱ꞌ nó nu̱u̱nꞌ ñuꞌun yaꞌá ya̱ niꞌi‑i ni̱ñɨ̱ꞌ ñaniꞌ nú ya̱ ñaꞌniꞌ nú.

Mateo 25:41

’Saájee kachiꞌ ni̱ꞌ nu̱u̱nꞌ rá ñɨvɨ íñɨ́ ichi sátín ni̱ꞌ: “¡Kuiyo rán nu̱u̱nꞌ ni̱ꞌ! Chísónínu Tátáꞌ ni̱ꞌ ránoꞌó. Kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ ya̱ káyúꞌ nɨ́ɨ́nkání, nu̱u̱nꞌ ya̱ íyó stákoo nu̱u̱nꞌ kɨ̱ꞌɨ̱nꞌ kui̱ꞌna̱ꞌ kúñáꞌnú jín rá ta̱chi̱ꞌ kíni‑i ya̱ kúvi najiáꞌáꞌ‑a.