Hebreos 6:5 - Mixteco del suroeste de Tlaxiaco Oaxaca

⁵ jín ya̱ ñaꞌnu ráa nu̱u̱nꞌ tu̱ꞌun váꞌa Ndiosíꞌ, jín ya̱ ñaꞌnu ráa nu̱u̱nꞌ rá tiñu ñáꞌnú sáꞌá re̱ꞌ jín fesáꞌ ííꞌ re̱ꞌ tiempúꞌ kiji.

Hebreos 6:5 Referans Kwoze

Lucas 8:13

Jee rá nikɨn ya̱ ñákava ráa nu̱u̱nꞌ yúúꞌ kúvi ráa rá ñɨvɨ ya̱ sáá tésóꞌo ráa Tu̱ꞌun Ndiosíꞌ jee ne̱ kúsɨ́ɨꞌ iniꞌ ráa tɨ́ɨn ráa maa, soo ntu kúun yoꞌo tu̱ꞌun vá iniꞌ ánímaꞌ ráa chi ntu kúkutú ráa ntu kúníꞌin ráa jín‑i, chi yakuꞌ ni tiempúꞌ jínúꞌ iniꞌ ráa maa. Chi sáá kenta táꞌán ráa tu̱nóꞌó, jee níkóyátá iniꞌ ráa nu̱u̱nꞌ tu̱ꞌun vá.

1 Pedro 2:3

Chi ya̱ ni̱totúníꞌ rán ya̱ niniꞌ va̱ꞌa rán ya̱ va̱ꞌa nasɨ́kuitɨꞌ iniꞌ I̱toꞌoꞌ‑ó.

2 Pedro 2:20

Chi retú jíníꞌ rá ñɨvɨ na̱ja iniꞌ I̱toꞌoꞌ‑ó Jesús ya̱ kúvi Cristo jín ya̱ maáréꞌ nna̱tavaꞌ re̱ꞌ yó nu̱u̱nꞌ kua̱chi‑ó síkáku re̱ꞌ yó, jee sukuán nkuvi jee nkaku ráa nkene ráa nu̱u̱nꞌ rá tiñu néꞌí niva̱ꞌa ya̱ níyo iniꞌ rá ñɨvɨ ñɨ̱vɨ́ yaꞌá. Soo retú tukuni nachiꞌi ráa maáráa xi̱ntíín ñujiínꞌ vá, sukuán jee kenta saꞌ víꞌí káꞌ manéátúꞌún nakɨ̱ꞌɨ ráa xi̱ntíín tiñu kánéꞌí nsú ka̱ꞌ kua̱ꞌ níyo ráa ne̱ xíꞌnañúꞌún.

Hebreos 2:5

Chi nsú xi̱ntíín rá najiáꞌáꞌ ííꞌ Ndiosíꞌ nna̱chiꞌi re̱ꞌ ñɨ̱vɨ́ jiáá ya̱ kiji tiempúꞌ ichinúúnꞌ, jie̱ꞌe̱ꞌ ya̱ káchíꞌ ráníꞌ yaꞌá. [Chisaꞌ xi̱ntíín Se̱ꞌya re̱ꞌ nna̱chiꞌi re̱ꞌ maa.]

Marcos 6:20

Chi ñúyúꞌví iniꞌ Herodes néꞌyá re̱ꞌ Juan, chi jíníꞌ re̱ꞌ ya̱ te̱e na̱a̱ꞌ jín ya̱ yɨ́tíñú nu̱u̱nꞌ Ndiosíꞌ ví Juan. Jee nku̱mí váꞌa re̱ꞌ maa nu̱u̱nꞌ ña. Jee sáá tésóꞌo re̱ꞌ tu̱ꞌun káchíꞌ Juan jee nku̱kuáchí iniꞌ re̱ꞌ, soo ntaꞌanꞌ iniꞌ re̱ꞌ teso̱ꞌo re̱ꞌ maa.

Mateo 12:32

Jee néni ɨɨn káꞌánꞌ niva̱ꞌa‑a si̱kɨ̱ꞌ nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee koo tu̱ꞌun nekáꞌnú iniꞌ Ndiosíꞌ kune̱ꞌyá re̱ꞌ ñɨvɨ vá. Soo néni ɨɨn ñɨvɨ káꞌánꞌ niva̱ꞌa si̱kɨ̱ꞌ Ta̱chi̱ꞌ Ííꞌ Ndiosíꞌ, jee ni nsáꞌ kunekáꞌnú iniꞌ re̱ꞌ kune̱ꞌyá re̱ꞌ ñɨvɨ vá, ni iniꞌ ñɨ̱vɨ́ tiempúꞌ yaꞌá, ni ñɨ̱vɨ́ kiji tiempúꞌ ichinúúnꞌ.

Efesios 6:17

Jee kuiñɨ ni̱ꞌin rán jín ya̱ xinánitáꞌvíꞌ Ndiosíꞌ yó, chi yukuán kúvi kuéntáꞌ ɨɨn ti̱kokoꞌ ka̱a ya̱ ñúꞌún xi̱ni̱ꞌ ɨɨn soldado ya̱ náma‑a xi̱ni̱ꞌ‑i. Jee kuatíñú rán Tu̱ꞌun Ndiosíꞌ, ya̱ ntaji Ta̱chi̱ꞌ Ííꞌ re̱ꞌ nu̱u̱nꞌ‑ó kuéntáꞌ ɨɨn yuchiꞌ espada ya̱ jiátíñú rá soldado nu̱u̱nꞌ kántáꞌán ráa.

Hebreos 4:12

Chi Tu̱ꞌun Ndiosíꞌ suni tékúꞌ‑u chi ni̱ꞌin yɨ́ɨ́‑ɨ xá jee sátíñú‑u iniꞌ‑ó. Chi Tu̱ꞌun Ndiosíꞌ kúvi kuéntáꞌ ɨɨn yuchiꞌ espada xe̱e̱nꞌ, soo xe̱e̱nꞌ nasɨ́kuitɨꞌ ka̱ꞌ kúvi tu̱ꞌun re̱ꞌ nsú káꞌ kua̱ꞌ xe̱e̱nꞌ ntáká rá yuchiꞌ espada ya̱ xe̱e̱nꞌ ni núvíꞌ íyó ichi yuꞌú, chi suni kívɨ tu̱ꞌun re̱ꞌ ne̱ nu̱u̱nꞌ kúnú iniꞌ‑ó sáva stúvi kájí‑i na̱sa íyó antúníꞌ‑ó jín ánímaꞌ‑ó, kuéntáꞌ kívɨ yuchiꞌ espada ne̱ nu̱u̱nꞌ kúnú sáva sasɨ́ɨ́n‑ɨ ne̱ nu̱u̱nꞌ ñútáꞌán rá yɨkɨ‑ó jín rá miki yɨkɨ‑ó. Jee jiéꞌnéꞌ na̱a̱ꞌ tu̱ꞌun re̱ꞌ antúníꞌ‑ó jín rá kuíni ánímaꞌ‑ó saꞌá‑ó.

Hebreos 11:3

Jee jie̱ꞌe̱ꞌ ya̱ jínúꞌ iniꞌ‑ó kúneí iniꞌ‑ó, jee saáva jiáku̱ꞌun iniꞌ‑ó ya̱ kua̱íyó ya̱ íyó ñɨ̱vɨ́ nsa̱ꞌá Ndiosíꞌ maa jín tu̱ꞌun káꞌánꞌ re̱ꞌ ni. Jee saáva nsú jín rá nantíñú ya̱ túvi néꞌyá‑ó ya̱ nsa̱ꞌá re̱ꞌ ña̱ko̱o rá nantíñú ya̱ túvi néꞌyá‑ó.

1 Pedro 1:25

Soo tu̱ꞌun I̱toꞌoꞌ‑ó kínóo íyó‑o nɨ́ɨ́nkání, káchíꞌ nu̱u̱nꞌ Tutuꞌ Ííꞌ. Jee tu̱ꞌun yaꞌá kúvi‑i tu̱ꞌun váꞌa re̱ꞌ ya̱ ya nte̱ku̱tu̱ꞌún‑u nu̱u̱nꞌ ránoꞌó.