Hebreos 6:4 - Mixteco del suroeste de Tlaxiaco Oaxaca

⁴ Chi íyó rá ñɨvɨ ya̱ ré nkuvi nstu̱únꞌ Ndiosíꞌ antúníꞌ ráa ya̱ ña̱ku̱ꞌun iniꞌ ráa tu̱ꞌun re̱ꞌ, jín ya̱ ñaꞌnu ráa nu̱u̱nꞌ ta̱ꞌvi̱ꞌ ya̱ jiáꞌa Ndiosíꞌ ya̱ nééꞌ antivɨ́, jín ya̱ ni̱ꞌi̱nꞌ ráa sátíñú Ta̱chi̱ꞌ Ííꞌ Ndiosíꞌ iniꞌ ráa,

Hebreos 6:4 Referans Kwoze

Mateo 5:13

’Ránoꞌó kúvi rán kuéntáꞌ ñɨ̱ɨ̱nꞌ ya̱ sáꞌá nu̱ꞌú nu̱u̱nꞌ ñɨ̱vɨ́ yaꞌá, chi jiáꞌnu na̱a̱ꞌ rán, soo retú nukatɨ́ ñɨ̱ɨ̱nꞌ, jee, ¿na̱ja kuvi nuꞌu̱ꞌva̱ꞌ tuku‑u rúja? Ya ntu̱náꞌ íyótiñu‑u ka̱ꞌ, saáva ku̱te̱ꞌ ñɨvɨ maa, jee kua̱ñu̱ꞌ ñɨvɨ maa.

Juan 15:6

Jee ñɨvɨ ya̱ ntu̱ví íñɨ́ ni̱ꞌin jín nuꞌuꞌ, jee saꞌá sɨ́ɨ́n Ndiosíꞌ maa, kuéntáꞌ sáꞌá jín naꞌá yokúꞌúꞌ yu̱ku̱ꞌ uva ya̱ ntu̱ví jiáꞌa uva, jee náchi‑i. Jee nákeꞌen ráa maa, jee chúꞌun ráa maa nu̱u̱nꞌ ñuꞌunꞌ jee káyúꞌ‑u.

Efesios 2:8

Chi jie̱ꞌe̱ꞌ ya̱ íyó mániꞌ iniꞌ Ndiosíꞌ néꞌyá re̱ꞌ ránoꞌó jee nna̱tavaꞌ re̱ꞌ ránoꞌó nu̱u̱nꞌ kua̱chi rán nsi̱káku re̱ꞌ ránoꞌó jie̱ꞌe̱ꞌ ya̱ kúneí iniꞌ rán Cristo, sú ntu íyó ni̱ꞌi̱nꞌ rán maa. Soo nsú ránoꞌó sáꞌá maa, chisaꞌ kúvi‑i ta̱ꞌvi̱ꞌ nsi̱kútaꞌviꞌ Ndiosíꞌ nu̱u̱nꞌ rán.

Juan 3:27

Saájee nna̱xiníkó Juan jee nkachiꞌ re̱ꞌ nu̱u̱nꞌ ráa: ―Ni ntu kúvi ni̱ꞌi̱nꞌ ni ɨɨn ñɨvɨ tiñu Ndiosíꞌ saꞌá‑a, retú nsú máá Ndiosíꞌ jiáꞌa tiñu nu̱u̱nꞌ‑u saꞌá‑a.

Hebreos 10:32

Soo naku̱ꞌun iniꞌ rán na̱ja nkuvi tiempúꞌ váji ya̱ta̱ꞌ, sáá sukuáni nka̱jiéꞌé rán nine antúníꞌ rán nsa̱ꞌá Tu̱ꞌun Ndiosíꞌ, sáá ñeꞌneꞌ iniꞌ rán nnoꞌo rán nu̱u̱nꞌ kue̱ꞌe̱ꞌ tu̱nóꞌó xéénꞌ ntaꞌanꞌ rán.

Mateo 12:45

Saájee kɨ̱ꞌɨ̱nꞌ ta̱chi̱ꞌ kíni vá, kɨ̱nake̱ꞌen‑e u̱xa̱ꞌ ka̱ꞌ rá táꞌán ta̱chi̱ꞌ kíni ya̱ xe̱e̱nꞌ ka̱ꞌ nsú káꞌ maáa, jee ki̱vɨ ráa iniꞌ ñɨvɨ vá kuneeꞌ ráa yukuán. Saájee xe̱e̱nꞌ nasɨ́kuitɨꞌ ka̱ꞌ nakunoꞌo ñɨvɨ vá nsú káꞌ kua̱ꞌ nnoꞌo‑o ne̱ xíꞌna. Jee suni sukuán kunoꞌo rá ñɨvɨ níváꞌa íyó yaꞌá tiempúꞌ vitan ―nkachiꞌ Jesús.

Gálatas 3:2

Kua̱chi kuíni ni̱ꞌ katu̱ꞌún ni̱ꞌ tu̱ꞌun yaꞌá ránoꞌó. ¿Na̱sa nni̱ꞌi̱nꞌ rán Ta̱chi̱ꞌ Ííꞌ Ndiosíꞌ? ¿Á nni̱ꞌi̱nꞌ rán re̱ꞌ chi nsi̱kúnkuvi rán sáni tátúníꞌ tu̱ꞌun ley Moisés? ¡Ntu̱ví kuitɨꞌ!, chi nni̱ꞌi̱nꞌ rán maa chi ínúꞌ iniꞌ rán tu̱ꞌun Jesús sáá nteso̱ꞌo rán maa.

2 Timoteo 2:25

jee íyó koo másúꞌ iniꞌ‑i sáá nachuꞌun‑u ichi váꞌa rá ñɨvɨ núníꞌin jín tu̱ꞌun na̱a̱ꞌ. Sa̱naanꞌ ku̱ꞌva Ndiosíꞌ nakani iniꞌ ráa, ne̱ kenta kukáꞌnú iniꞌ ráa tu̱ꞌun na̱a̱ꞌ.

1 Juan 5:16

Retú néni ɨɨn rán néꞌyá‑a ya̱ sáꞌá ɨɨn ñanitáꞌán‑a kua̱chi, ya̱ nsáꞌ sáꞌá kua̱chi vá ya̱ koo kuéntáꞌ kuviꞌ ñanitáꞌán vá nu̱u̱nꞌ Ndiosíꞌ, jee ka̱ka̱nꞌ táꞌvíꞌ‑i nu̱u̱nꞌ Ndiosíꞌ jie̱ꞌe̱ꞌ ñanitáꞌán vá. Jee Ndiosíꞌ saꞌá ya̱ koo kuéntáꞌ natekuꞌ ñanitáꞌán vá nu̱u̱nꞌ re̱ꞌ, retú ntu kúvi kua̱chi ya̱ ni̱ꞌi̱nꞌ ñanitáꞌán vá ya̱ kuviꞌ‑i nu̱u̱nꞌ re̱ꞌ. Chi íyó kua̱chi ya̱ jíꞌíꞌ ñɨvɨ nu̱u̱nꞌ Ndiosíꞌ. Jee nsáꞌ káchíꞌ ni̱ꞌ ya̱ ka̱ka̱nꞌ táꞌvíꞌ rán jie̱ꞌe̱ꞌ rá ñɨvɨ ya̱ sáꞌá kua̱chi yaꞌá.

Hebreos 2:4

Jee stúvi maá Ndiosíꞌ ya̱ naáꞌ ví tu̱ꞌun vá. Chi nsa̱ꞌá re̱ꞌ ya̱ saꞌá rá te̱e vá rá seña, jín tiñu ñáꞌnú ya̱ tívɨ́ xíniꞌ‑ó, jín kéꞌín nu̱u̱nꞌ a̱nasɨ́, ya̱ stúvi ya̱ naáꞌ ví tu̱ꞌun vá. Jee suni ntaji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ta ɨɨn ɨɨn‑órán, sáva saꞌá‑a ya̱ kuvi saꞌá‑ó sɨ́ɨ́n sɨ́ɨ́n tiñu re̱ꞌ, sánikua̱ꞌ kuíni maáréꞌ.

1 Timoteo 4:14

Koto xínóo nú saꞌá nú tiñu Ndiosíꞌ ya̱ kúvi ta̱ꞌvi̱ꞌ ntaji Ta̱chi̱ꞌ Ííꞌ Ndiosíꞌ nu̱u̱nꞌ nú ya̱ chíneí re̱ꞌ noꞌó sáꞌá nú maa, chi rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ rává Cristo nchi̱só ráa naꞌá ráa xi̱ni̱ꞌ nú, sáva kani ráa noꞌó kuniso nú tiñu vá, jee ɨɨn ráa nna̱kani‑i tu̱ꞌun nkene yuꞌú Ndiosíꞌ ya̱ taji re̱ꞌ ta̱ꞌvi̱ꞌ vá nu̱u̱nꞌ nú.

Hechos 11:17

Jee suni nkachiꞌ Pedro: ―I̱ña̱jée, ré nsi̱kútaꞌviꞌ Ndiosíꞌ Ta̱chi̱ꞌ Ííꞌ nu̱u̱nꞌ ráa, kuéntáꞌ kua̱ꞌ ntaji re̱ꞌ maa nu̱u̱nꞌ‑ó ya̱ nku̱neí iniꞌ‑ó I̱toꞌoꞌ‑ó Jesús ya̱ kúvi Cristo, jee, ¿né ɨɨn kúvi ni̱ꞌ ya̱ kasɨꞌ ni̱ꞌ nu̱u̱nꞌ Ndiosíꞌ, résa? ―nkachiꞌ Pedro nu̱u̱nꞌ ráa.

Efesios 4:7

Soo nu̱u̱nꞌ ta ɨɨn ɨɨn‑ó sɨ́ɨ́n sɨ́ɨ́n nsi̱kútaꞌviꞌ Ndiosíꞌ tiñu saꞌá‑ó, sánikua̱ꞌ tiñu íyó saꞌá‑ó nu̱u̱nꞌ re̱ꞌ, sáni ya̱ ñúkúꞌvá tiñu ya̱ nsi̱kútaꞌviꞌ Cristo nu̱u̱nꞌ‑ó jee chíneí re̱ꞌ yó saꞌá‑ó maa.

Efesios 3:7

Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá. Jee jie̱ꞌe̱ꞌ ya̱ ma̱ni̱ꞌ iniꞌ re̱ꞌ, nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ, jee jín fesáꞌ ííꞌ níso re̱ꞌ nsa̱ꞌá re̱ꞌ suꞌva jín ni̱ꞌ.

Hechos 10:45

Jee rá ñɨvɨ Israel kúneí iniꞌ ráa Jesús rá kútáꞌán jín Pedro nti̱vɨ́ xíniꞌ ráa, chi suni nsi̱kútaꞌviꞌ Ndiosíꞌ Ta̱chi̱ꞌ Ííꞌ nu̱u̱nꞌ rá ñɨvɨ ya̱ ntu kúvi Israel.

Hechos 8:20

Soo nkachiꞌ Pedro nu̱u̱nꞌ re̱ꞌ: ―¡Naanꞌ xu̱ꞌún nú jín nú! Chi jiáni iniꞌ nú ya̱ keꞌen nú jín xu̱ꞌún nú ta̱ꞌvi̱ꞌ síkútaꞌviꞌ Ndiosíꞌ.

Juan 6:32

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán: Nsú Moisés ví ya̱ ntaji nu̱u̱nꞌ ránoꞌó máá i̱xta̱tíláꞌ ya̱ nkikuun antivɨ́, chisaꞌ máá Tátáꞌ ni̱ꞌ jiáꞌa máá maá i̱xta̱tíláꞌ nijia ya̱ nkikuun antivɨ́.

Gálatas 3:5

¿Na̱ jie̱ꞌe̱ꞌ táji Ndiosíꞌ Ta̱chi̱ꞌ Ííꞌ re̱ꞌ nu̱u̱nꞌ ránoꞌó jee sáꞌá re̱ꞌ rá milagrúꞌ nteñu rán? Ntu sáꞌá re̱ꞌ maa jie̱ꞌe̱ꞌ ya̱ núkú rán saꞌá rán ya̱ tátúníꞌ tu̱ꞌun ley, chisaꞌ sáꞌá re̱ꞌ maa jie̱ꞌe̱ꞌ ya̱ kúneí iniꞌ rán tu̱ꞌun váꞌa re̱ꞌ ya̱ nteso̱ꞌo rán.

Hechos 15:8

Jee Ndiosíꞌ jíníꞌ ánímaꞌ rá ñɨvɨ. Jee nna̱stúvi re̱ꞌ nu̱u̱nꞌ ráa, ya̱ ya nxi̱nánitáꞌvíꞌ re̱ꞌ ráa, chi njia̱ꞌa re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ráa, kuéntáꞌ kua̱ꞌ ya̱ ntaji re̱ꞌ nu̱u̱nꞌ ránꞌ.

Juan 4:10

Jee nna̱xiníkó Jesús nu̱u̱nꞌ ña, jee nkachiꞌ re̱ꞌ: ―Retánꞌ jíníꞌ nú ta̱ꞌvi̱ꞌ ya̱ jiáꞌa Ndiosíꞌ nu̱u̱nꞌ ñɨvɨ, jín retánꞌ jíníꞌ nú né ɨɨn kúvi ni̱ꞌ ya̱ káchíꞌ ni̱ꞌ nu̱u̱nꞌ nú ya̱: taji nú xá ntíꞌ nute koꞌo ni̱ꞌ, jee maánú ka̱ka̱nꞌ táꞌvíꞌ nú nu̱u̱nꞌ ni̱ꞌ, jee taji ni̱ꞌ nute nu̱u̱nꞌ nú ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

2 Timoteo 4:14

Alejandro, ya̱ téñuꞌunꞌ ka̱a jee násaꞌá re̱ꞌ nantíñú maa, niva̱ꞌa víꞌí nsa̱ꞌá re̱ꞌ jín ni̱ꞌ, soo I̱toꞌoꞌ‑ó nachunáán nu̱u̱nꞌ re̱ꞌ sánikua̱ꞌ nsa̱ꞌá niva̱ꞌa re̱ꞌ.

Romanos 1:11

Chi níyo iniꞌ ni̱ꞌ kune̱ꞌyá ni̱ꞌ ránoꞌó jee xinéꞌénꞌ ni̱ꞌ tu̱ꞌun re̱ꞌ nu̱u̱nꞌ ránoꞌó sáva saꞌá Ta̱chi̱ꞌ Ííꞌ Ndiosíꞌ ka̱ꞌ tiñu váꞌa iniꞌ rán sáva kuiñɨ ni̱ꞌin rán ka̱ꞌ jín re̱ꞌ.

2 Corintios 4:4

Maá kui̱ꞌna̱ꞌ kúñáꞌnú ya̱ yósóꞌ nu̱u̱nꞌ rá ñɨvɨ ñɨ̱vɨ́ yaꞌá tiempúꞌ vitan kuéntáꞌ ɨɨn ndiosíꞌ, jee sáꞌá re̱ꞌ kuneenꞌ antúníꞌ rá ñɨvɨ vá, ya̱ ntu ínúꞌ iniꞌ ráa Cristo, ya̱ kuéntáꞌ kuáá ráa, sáva ntu̱ví jiáꞌa re̱ꞌ tu̱ꞌun váꞌa jie̱ꞌe̱ꞌ Cristo na̱tuunꞌ‑u iniꞌ ánímaꞌ ráa, sáva ntu kuniꞌ ráa ya̱ máá kúñáꞌnú Cristo ya̱ ɨɨn ni kúvi re̱ꞌ jín Ndiosíꞌ ya̱ tu̱vi nijinꞌ sáá íyó Ndiosíꞌ.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

Efesios 1:18

Jee suni jíkánꞌ táꞌvíꞌ ni̱ꞌ ya̱ stúúnꞌ Ndiosíꞌ antúníꞌ rán sáva kuniꞌ rán jie̱ꞌe̱ꞌ ná kúvi ta̱ꞌvi̱ꞌ ya̱ nétu rán íyó tu̱neí iniꞌ rán ni̱ꞌi̱nꞌ rán. Jie̱ꞌe̱ꞌ ta̱ꞌvi̱ꞌ vá nkana re̱ꞌ yó sáva ni̱ꞌi̱nꞌ‑ó maa, ya̱ kúvi ta̱ꞌvi̱ꞌ máá yɨ́yáꞌvi máá viiꞌ kúñáꞌnú ya̱ taji re̱ꞌ nu̱u̱nꞌ‑ó, ya̱ kúvi‑ó ñɨvɨ ya̱ nsa̱ꞌá sɨ́ɨ́n re̱ꞌ yó sáva kɨꞌɨ‑ó nu̱u̱nꞌ Cristo.