Hebreos 6:10 - Mixteco del suroeste de Tlaxiaco Oaxaca

¹⁰ Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.

Hebreos 6:10 Referans Kwoze

Mateo 10:42

Jee néni ɨɨn ñɨvɨ ya̱ ku̱ꞌva‑a sú kua̱chi ɨɨn ñejin nute víjin koꞌo ɨɨn rá ñɨvɨ náꞌví yaꞌá, jie̱ꞌe̱ꞌ ya̱ yɨ́tíñú ñɨvɨ náꞌví yaꞌá nu̱u̱nꞌ nuꞌuꞌ, jee máá naáꞌ vá káchíꞌ ni̱ꞌ nu̱u̱nꞌ rán, ya̱ nsáꞌ sukuíta ñɨvɨ sáꞌá suꞌva ta̱ꞌvi̱ꞌ kutaꞌviꞌ‑i nu̱u̱nꞌ Ndiosíꞌ ―nkachiꞌ Jesús.

Hebreos 13:16

Jee koto náánꞌ iniꞌ rán saꞌá rán ya̱ váꞌa nu̱u̱nꞌ rá ñɨvɨ jín ya̱ chineí táꞌán rán jín ráa ya̱ kúmí rán retú jíniñúꞌún ráa maa. Chi sukuán násokoꞌ rán nu̱u̱nꞌ Ndiosíꞌ tékúꞌ jee kúváꞌa iniꞌ re̱ꞌ jie̱ꞌe̱ꞌ‑e.

Gálatas 6:10

Saáva sáá kénta íyó, jee saꞌá‑ó ya̱ váꞌa nu̱u̱nꞌ nɨꞌɨ. Jee ya̱ ñáꞌnú ka̱ꞌ vá íyó saꞌá‑ó ya̱ váꞌa nu̱u̱nꞌ rá ñanitáꞌán‑ó ya̱ kúneí iniꞌ ráa Jesús.

Hechos 10:4

Ni nne̱ꞌyá re̱ꞌ saá maa, jee nyu̱ꞌví i̱yo re̱ꞌ, jee nkachiꞌ re̱ꞌ: ―¿Ná kúníꞌ nú?, Tátáꞌ. Jee nkachiꞌ najiáꞌáꞌ ííꞌ vá nu̱u̱nꞌ re̱ꞌ: ―Ya̱ kue̱ꞌe̱ꞌ káꞌánꞌ nú jín Ndiosíꞌ jín ya̱ nsa̱ꞌá nú caridad nu̱u̱nꞌ ñɨvɨ, ya̱ ntɨɨn kuéntáꞌ Ndiosíꞌ maa ya̱ nso̱ko̱ꞌ nú maa nu̱u̱nꞌ re̱ꞌ.

1 Tesalonicenses 1:3

Chi yɨ́táꞌán xínákúꞌun ráníꞌ iniꞌ Tátáꞌ‑ó Ndiosíꞌ jie̱ꞌe̱ꞌ tiñu váꞌa sáꞌá ránoꞌó, chi kúneí iniꞌ rán Cristo, jín jie̱ꞌe̱ꞌ ya̱ níkó néí rán sáꞌá rán ya̱ váꞌa, chi ñúnúunꞌ rán re̱ꞌ, jín jie̱ꞌe̱ꞌ ya̱ kúníꞌin íñɨ́ ni̱ꞌin rán jín re̱ꞌ, chi íyó tu̱neí iniꞌ rán ya̱ váꞌa sáꞌá I̱toꞌoꞌ‑ó Jesús ya̱ kúvi Cristo jín rán.

Colosenses 3:17

Jee néni ɨɨn tu̱ꞌun káꞌánꞌ rán, áxí néni ɨɨn tiñu ya̱ sáꞌá rán, jee saꞌá va̱ꞌa rán nɨꞌɨ nu̱u̱nꞌ súví I̱toꞌoꞌ‑ó Jesús. Jee ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, jie̱ꞌe̱ꞌ ya̱ nsa̱ꞌá Cristo jie̱ꞌe̱ꞌ ránoꞌó.

1 Timoteo 6:18

Jee suni tatúníꞌ nú nu̱u̱nꞌ ráa, ya̱ saꞌá ráa ya̱ váꞌa, sáva kuvi kuéntáꞌ kúká ráa jín kue̱ꞌe̱ꞌ tiñu váꞌa sáꞌá ráa. Jee koo ma̱ni̱ꞌ iniꞌ ráa, ya̱ ɨɨn ni koo iniꞌ ráa ku̱ꞌva ráa ya̱ chineí ráa inka ñɨvɨ jín rá nantíñú ráa.

Marcos 9:41

Chi néni ɨɨn ñɨvɨ ya̱ taji vasúꞌ nute koꞌo rán nu̱u̱nꞌ súví nuꞌuꞌ, chi yɨ́ꞌɨ́ rán nu̱u̱nꞌ ni̱ꞌ, ya̱ kúvi ni̱ꞌ Cristo, máá na̱a̱ꞌ vá káchíꞌ ni̱ꞌ, ya̱ ni nsáꞌ súkuíta ñɨvɨ vá ta̱ꞌvi̱ꞌ ku̱ꞌva Ndiosíꞌ nu̱u̱nꞌ‑u.

Romanos 12:13

Jee chineí rán ya̱ jíniñúꞌún rá ñɨvɨ nsa̱ꞌá sɨ́ɨ́n Ndiosíꞌ ráa sáva kɨꞌɨ ráa nu̱u̱nꞌ Cristo. Jee koo ma̱ni̱ꞌ iniꞌ rán ku̱ꞌva rán ntíꞌ veꞌi rán kino̱o rá ñɨvɨ yɨ́ꞌɨ́ ráa nu̱u̱nꞌ Cristo ya̱ jíka ráa ichi.

Hechos 11:29

Saáva rá ñɨvɨ yukuán, ya̱ níkɨ́nꞌ ráa Jesús, jee ñani iniꞌ ráa chineí ráa rá ñaniꞌ ráa ñuunꞌ Judea, rá yɨ́ꞌɨ́ nu̱u̱nꞌ Jesús. Ta ɨɨn ku̱ꞌva sánikua̱ꞌ kénta néen‑e.

Gálatas 5:13

Chi, ránoꞌó ñaniꞌ, nkana Ndiosíꞌ ránoꞌó, sáva koo núne rán jee nkɨ́ꞌɨ rán xi̱ntíín ley vá jín rá costumbre. Soo sú nééꞌ núne rán nu̱u̱nꞌ ley, jee koto jiátíñú rán maa, sáva saꞌá rán ya̱ níyo néꞌén iniꞌ rán jín yɨkɨkúñu kua̱chi. Jee kunu̱u̱nꞌ ɨɨn inka rán táꞌán rán, sáva kuvi rán musúꞌ saɨn nu̱u̱nꞌ ɨɨn inka rán, jee chineí rán ɨɨn inka táꞌán rán.

Hechos 10:31

Jee nkachiꞌ re̱ꞌ: “Ndiosíꞌ nteso̱ꞌo ya̱ nkaꞌanꞌ nú jín re̱ꞌ jee nákúꞌun iniꞌ Ndiosíꞌ rá caridad nsa̱ꞌá nú.

Juan 13:20

Máá nááꞌ vá káchíꞌ ni̱ꞌ nu̱u̱nꞌ rán: néni ɨɨn ñɨvɨ ya̱ íyó maniꞌ iniꞌ‑i nákuatáꞌví‑i ñɨvɨ ya̱ chuichí ni̱ꞌ jee íyó maniꞌ iniꞌ‑i nákuatáꞌví‑i nuꞌuꞌ ranika̱ꞌ. Jee ñɨvɨ vá ya̱ íyó maniꞌ iniꞌ‑i nákuatáꞌví nuꞌuꞌ, jee suni íyó maniꞌ iniꞌ‑i nákuatáꞌví‑i ne̱ Ndiosíꞌ ranika̱ꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

2 Timoteo 4:8

Jee vitan rá ñúꞌún va̱ꞌa ta̱ꞌvi̱ꞌ ni̱ꞌ, ya̱ taji I̱toꞌoꞌ‑ó nu̱u̱nꞌ ni̱ꞌ jie̱ꞌe̱ꞌ jiáꞌnu na̱a̱ꞌ ni̱ꞌ nu̱u̱nꞌ re̱ꞌ. Jee taji re̱ꞌ maa nu̱u̱nꞌ ni̱ꞌ ki̱vɨ̱ꞌ nenta tuku re̱ꞌ keꞌneꞌ re̱ꞌ rá kua̱chi, chi na̱a̱ꞌ jiéꞌnéꞌ re̱ꞌ kua̱chi. Jee nsú kua̱chi nu̱u̱nꞌ maáníꞌ taji re̱ꞌ ta̱ꞌvi̱ꞌ vá, chi suni ku̱ꞌva re̱ꞌ ta̱ꞌvi̱ꞌ vá nu̱u̱nꞌ nta̱ká ñɨvɨ ya̱ ñúnúunꞌ ráa ya̱ niji re̱ꞌ.

2 Corintios 9:1

Jee vitan jee ntu̱ví jíniñúꞌún ni̱ꞌ ya̱ tee ni̱ꞌ nu̱u̱nꞌ rán jie̱ꞌe̱ꞌ tiñu ya̱ chineí rán rá ñɨvɨ láꞌví ya̱ yɨ́ꞌɨ́ nu̱u̱nꞌ Cristo.

1 Juan 1:9

Soo retú nanaꞌmaꞌ‑ó nu̱u̱nꞌ Ndiosíꞌ jie̱ꞌe̱ꞌ rá kua̱chi sáꞌá‑ó, jee kunekáꞌnú iniꞌ re̱ꞌ jie̱ꞌe̱ꞌ kua̱chi‑ó, jee nasaꞌá noo re̱ꞌ yó nu̱u̱nꞌ ntáká ya̱ niváꞌa sáꞌá‑ó, chi suvire̱ꞌ vá síkúnkuvi na̱a̱ꞌ re̱ꞌ ya̱ káchíꞌ re̱ꞌ chi na̱a̱ꞌ kúvi re̱ꞌ.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Hebreos 10:32

Soo naku̱ꞌun iniꞌ rán na̱ja nkuvi tiempúꞌ váji ya̱ta̱ꞌ, sáá sukuáni nka̱jiéꞌé rán nine antúníꞌ rán nsa̱ꞌá Tu̱ꞌun Ndiosíꞌ, sáá ñeꞌneꞌ iniꞌ rán nnoꞌo rán nu̱u̱nꞌ kue̱ꞌe̱ꞌ tu̱nóꞌó xéénꞌ ntaꞌanꞌ rán.

Mateo 20:7

Jee nkachiꞌ ráa nu̱u̱nꞌ re̱ꞌ: “Saáchi ni ɨɨn ntu̱náꞌ kána ránuꞌuꞌ satíñú ránꞌ jín‑i”, nkachiꞌ ráa, saájee nkachiꞌ re̱ꞌ nu̱u̱nꞌ ráa: “Suni kuáꞌán rán nu̱u̱nꞌ káá tataꞌ uva ni̱ꞌ, [jee chunáán ni̱ꞌ nu̱u̱nꞌ ránoꞌó ne̱ ni ɨɨn jie̱ꞌe̱ꞌ ya̱ váꞌa].”

Mateo 25:17

Jee suni sukuán nsa̱ꞌá inka ka̱ꞌ musúꞌ ya̱ nni̱ꞌi̱nꞌ u̱vi̱ꞌ kustáꞌ xu̱ꞌún vá, chi suni ña̱satíñú‑u jín xu̱ꞌún vá, jee nku̱neí‑i ni̱ꞌi̱nꞌ‑i u̱vi̱ꞌ kustáꞌ ka̱ꞌ si̱kɨ̱ꞌ xu̱ꞌún vá.