Hebreos 6:1 - Mixteco del suroeste de Tlaxiaco Oaxaca

¹ Jee saáva siáꞌa‑ó ya̱ tukuni naku tuku‑ó ka̱ꞌ jie̱ꞌe̱ꞌ tu̱ꞌun Cristo ya̱ nku̱tu̱ꞌva‑ó ne̱ xíꞌnañúꞌún. Chisaꞌ nakeꞌen‑ó kɨ̱ꞌɨ̱nꞌ‑ó ichinúúnꞌ‑ó, sáva kenta‑ó kuvi‑ó ñɨvɨ jíjia iniꞌ jín tu̱ꞌun re̱ꞌ. Sáva ntu tukuni nánikó yátá‑ó kaꞌanꞌ‑ó jie̱ꞌe̱ꞌ rá tiñu ñáꞌnú ya̱ ya jíníꞌ‑ó ne̱ xíꞌnañúꞌún, sú kuéntáꞌ jie̱ꞌe̱ꞌ ya̱: nakani iniꞌ‑ó xinóo‑ó rá kua̱chi sáꞌá‑ó ya̱ xínáánꞌ‑a yó, jín suni jie̱ꞌe̱ꞌ ya̱ kuneí iniꞌ‑ó Ndiosíꞌ,

Hebreos 6:1 Referans Kwoze

Hebreos 9:14

Retú sukuán kúvi, soo saꞌ víꞌí káꞌ nasánoo ni̱ñɨ̱ꞌ Cristo ánímaꞌ‑ó, chi ntu níso Cristo kua̱chi, jee Ta̱chi̱ꞌ Ííꞌ ya̱ íyó nɨ́ɨ́nkání jee njia̱ꞌa‑a fuersáꞌ ííꞌ nu̱u̱nꞌ re̱ꞌ sáva kuviꞌ re̱ꞌ so̱ko̱ꞌ re̱ꞌ maáréꞌ nu̱u̱nꞌ Ndiosíꞌ. Jee sukuán násánoo ni̱ñɨ̱ꞌ Cristo ánímaꞌ‑ó, sáva kuniꞌ‑ó ya̱ ntu níso‑ó ka̱ꞌ kua̱chi, jín ya̱ ntu yɨ́ꞌɨ́‑ó ka̱ꞌ nu̱u̱nꞌ rá tiñu sáꞌá ya̱ kuviꞌ‑ó nu̱u̱nꞌ Ndiosíꞌ, jín sáva kɨtíñú‑ó nu̱u̱nꞌ Ndiosíꞌ tékúꞌ.

2 Corintios 7:1

Jee ránoꞌó ñanitáꞌán ya̱ ñúnúunꞌ ni̱ꞌ, nni̱ꞌi̱nꞌ‑ó tu̱ꞌun yaꞌá ya̱ nchi̱sóyuꞌú Ndiosíꞌ saꞌá re̱ꞌ jín‑ó. Jee saáva íyó koo noo ninuꞌun‑ó ya̱ nkɨ́ꞌɨ‑ó nu̱u̱nꞌ nta̱ká ya̱ sátéꞌén yɨkɨkúñu‑ó jín ánímaꞌ‑ó nu̱u̱nꞌ Ndiosíꞌ. Jee íyó kujia iniꞌ‑ó sasɨ́ɨ́n‑ó maáó ya̱ nkɨ́ꞌɨ‑ó nu̱u̱nꞌ ya̱ níváꞌa, chi ñúyúꞌví iniꞌ‑ó Ndiosíꞌ.

Hechos 26:20

Jee xíꞌnañúꞌún nste̱kútu̱ꞌún ni̱ꞌ nu̱u̱nꞌ rá ñɨvɨ ñuunꞌ Damasco, jín suni nu̱u̱nꞌ rá ñɨvɨ ñuunꞌ Jerusalén, jín nu̱u̱nꞌ nɨꞌɨ sánitɨ́ɨn Judea, jín nu̱u̱nꞌ rá inka nación, ya̱ nakani iniꞌ ráa jee nakunikɨnꞌ ráa Ndiosíꞌ. Jee nste̱kútu̱ꞌún ni̱ꞌ, ya̱ saꞌá ráa rá tiñu váꞌa, ya̱ stúvi ya̱ nna̱kani nijia iniꞌ ráa.

Hebreos 12:13

Jee kɨ̱ꞌɨ̱nꞌ rán nukú rán nakunikɨnꞌ rán ichi na̱a̱ꞌ váꞌa sáva ntu kúvi rán kuéntáꞌ te̱e lénkó ya̱ yaꞌá yukuán chúꞌun‑u jie̱ꞌe̱ꞌ‑e jee nataꞌnu jie̱ꞌe̱ꞌ‑e. Chisaꞌ nuvi rán sáva nakaka na̱a̱ꞌ rán.

Mateo 21:32

Chi Juan te̱e nsi̱kuánuté, jee nkiji re̱ꞌ nxi̱néꞌénꞌ re̱ꞌ ránoꞌó ki̱vɨ rán ichi na̱a̱ꞌ nu̱u̱nꞌ Ndiosíꞌ, soo ni ntu̱ví nkáníjiá rán ji̱nu̱ꞌ iniꞌ rán rá tu̱ꞌun nkachiꞌ re̱ꞌ. Soo rá te̱e nátɨɨn xu̱ꞌún chúnáán rá ñɨvɨ ya̱ náneeꞌ vetíñú ñuunꞌ Roma, jín rá ñaꞌan sɨ̱ɨ̱ꞌ iniꞌ ya̱ xíkó ráa maáráa nu̱u̱nꞌ rá te̱e, chi ni̱nu̱ꞌ iniꞌ ráa nka̱níjiá ráa ya̱ nkachiꞌ re̱ꞌ nna̱kani iniꞌ ráa nxi̱nóo ráa kua̱chi ráa. Soo ránoꞌó chi, súka̱ꞌ niniꞌ ránú rá yaꞌá, soo ni ntu̱ví nakani iniꞌ rán jee ntu̱ví nkáníjiá rán i̱nu̱ꞌ iniꞌ rán tu̱ꞌun nkachiꞌ re̱ꞌ.

Hebreos 7:11

Chi nu̱u̱nꞌ tataꞌ váji ichinúúnꞌ Leví nkiji rá te̱e ya̱ nniso re̱ꞌ tiñu su̱tu̱ꞌ. Jee néen kuéntáꞌ rá su̱tu̱ꞌ vá tu̱ꞌun ley Ndiosíꞌ ya̱ nni̱ꞌi̱nꞌ rá ñɨvɨ nación Israel. Jee ntu nkúvi saꞌá rá su̱tu̱ꞌ Leví kino̱o na̱a̱ꞌ rá ñɨvɨ ya̱ níkɨ́nꞌ ley vá. Chi retánꞌ nkuvi saꞌá‑a vá jee, ¿na̱kui chi íyó nakui̱ñɨ̱ꞌ inka ka̱ꞌ su̱tu̱ꞌ kua̱ꞌ nkuvi su̱tu̱ꞌ Melquisedec, nsú káꞌ kua̱ꞌ kúvi su̱tu̱ꞌ tataꞌ Aarón?

Efesios 4:12

Njia̱ꞌa re̱ꞌ rá tiñu vá nu̱u̱nꞌ ráa sáva sikújia ráa iniꞌ rá ñɨvɨ ya̱ nsa̱ꞌá sɨ́ɨ́n Ndiosíꞌ kúvi ñɨvɨ re̱ꞌ. Síkújia ráa iniꞌ maáó ya̱ kúvi‑ó rá ñɨvɨ re̱ꞌ sáva kɨtíñú‑ó saꞌá‑ó tiñu re̱ꞌ nu̱u̱nꞌ ɨɨn inka táꞌán‑ó, sáva sikuéꞌnu‑ó ɨɨn inka táꞌán‑ó, ya̱ ɨɨn ni ñɨvɨ kuvi‑ó nu̱u̱nꞌ Cristo, kuéntáꞌ ɨɨn yɨkɨkúñu.

Juan 12:44

Jee nka̱najíín ni̱ꞌin Jesús, jee nkachiꞌ re̱ꞌ: ―Ñɨvɨ ya̱ kúneí iniꞌ‑i nuꞌuꞌ, jee nsú kua̱chi nuꞌuꞌ ví ya̱ kúneí iniꞌ‑i, chisaꞌ suni kúneí iniꞌ ñɨvɨ vá ne̱ maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

Juan 5:24

’Máá nááꞌ vá káchíꞌ ni̱ꞌ nu̱u̱nꞌ rán: Ñɨvɨ ya̱ chúꞌun iniꞌ‑i tu̱ꞌun káchíꞌ ni̱ꞌ, jee kuneí iniꞌ‑i Ndiosíꞌ ya̱ nchu̱ichí nuꞌuꞌ va̱ji ni̱ꞌ, jee ya̱ nni̱ꞌi̱nꞌ ñɨvɨ vá ya̱ kutekuꞌ‑u nɨ́ɨ́nkání jín re̱ꞌ. Nsáꞌ sijíta Ndiosíꞌ maa. Ya nxi̱nóo ñɨvɨ vá ya̱ kuéntáꞌ níꞌiꞌ‑i nu̱u̱nꞌ Ndiosíꞌ jee ya̱ nna̱jia̱ꞌa‑a nu̱u̱nꞌ tékúꞌ‑u nɨ́ɨ́nkání jín Ndiosíꞌ.

Mateo 3:2

jee nkachiꞌ re̱ꞌ: ―Nakani iniꞌ rán xinóo rán kua̱chi rán, chi ya nkikuyatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ ya̱ nééꞌ re̱ꞌ antivɨ́ súkún sáva tatúníꞌ re̱ꞌ nu̱u̱nꞌ rán ―nkachiꞌ Juan.

1 Timoteo 3:16

Va̱tu̱ꞌ nijia ya̱ kúvi ya̱ naáꞌ, ya̱ mánasɨ́ ví tu̱ꞌun yuꞌuꞌ jie̱ꞌe̱ꞌ ichi na̱a̱ꞌ Ndiosíꞌ, ya̱ sukuán ntañúꞌún nstúvi re̱ꞌ nu̱u̱nꞌ‑ó: Ndiosíꞌ ntu̱vi nu̱u̱nꞌ ñɨ̱vɨ́, jee ni̱yo yɨkɨkúñu re̱ꞌ, chi nkenta kúvi re̱ꞌ ɨɨn te̱e. Nstúvi kájí nijia Ta̱chi̱ꞌ Ííꞌ re̱ꞌ, ya̱ na̱a̱ꞌ ví re̱ꞌ. Ntu̱vi re̱ꞌ nu̱u̱nꞌ rá najiáꞌáꞌ ííꞌ Ndiosíꞌ. Nte̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ rá ñɨvɨ ñɨ̱vɨ́. Ni̱nu̱ꞌ iniꞌ ñɨvɨ ñɨ̱vɨ́ re̱ꞌ. Nnaa re̱ꞌ kua̱noꞌonꞌ re̱ꞌ súkún nu̱u̱nꞌ ñuunꞌ viiꞌ nasɨ́kuitɨꞌ nu̱u̱nꞌ tátúníꞌ Ndiosíꞌ.

2 Corintios 7:10

Chi tu̱nkuéká íyó iniꞌ ñɨvɨ sáni kuíni Ndiosíꞌ, jee yukuán sáꞌá‑a ya̱ nakani iniꞌ ráa ya̱ kenta sikáku Ndiosíꞌ ráa jie̱ꞌe̱ꞌ kua̱chi ráa, jee ntu ñúkuáchi iniꞌ ráa jie̱ꞌe̱ꞌ vá. Soo tu̱nkuéká íyó iniꞌ rá ñɨvɨ ñɨ̱vɨ́, ya̱ ntu yɨ́ꞌɨ́ ráa xi̱ntíín Ndiosíꞌ, jee yukuán sáꞌá‑a ya̱ kuéntáꞌ kuviꞌ ráa nu̱u̱nꞌ Ndiosíꞌ.

2 Timoteo 2:19

Soo jiákɨ́nꞌ kutú Ndiosíꞌ tu̱ꞌun re̱ꞌ, nu̱u̱nꞌ jiáni kutú re̱ꞌ rá ñɨvɨ re̱ꞌ. Jee níso vá tu̱ꞌun yaꞌá kuéntáꞌ ɨɨn seyúꞌ ya̱ káchíꞌ‑i: “Jíníꞌ I̱toꞌoꞌ‑ó rá ñɨvɨ yɨ́ꞌɨ́ nu̱u̱nꞌ re̱ꞌ”, jín, “Nta̱ká ñɨvɨ ya̱ jiáꞌayuꞌú ráa ya̱ I̱toꞌoꞌ ráa ví Cristo, íyó saꞌá sɨ́ɨ́n ráa maáráa nu̱u̱nꞌ rá níváꞌa.”

Hechos 20:21

Nkachitu̱ꞌún ni̱ꞌ nu̱u̱nꞌ rá ñɨvɨ Israel jín suni nu̱u̱nꞌ rá ntu kúvi ñɨvɨ Israel. Nna̱stúvi ni̱ꞌ ya̱ naáꞌ ya̱ íyó nakani iniꞌ ráa jie̱ꞌe̱ꞌ kua̱chi ráa, jee kunikɨnꞌ ráa Ndiosíꞌ, jee kuneí iniꞌ ráa I̱toꞌoꞌ‑ó Jesús.

Hechos 11:18

Jee sáá nteso̱ꞌo ráa tu̱ꞌun yaꞌá, ña̱kui̱ñɨ̱ꞌ ráa ya̱ kántátúꞌun ráa, jee nna̱kuetúꞌún ráa Ndiosíꞌ: ―I̱ña̱jée suni Ndiosíꞌ jiáꞌa ya̱ rá ñɨvɨ, ya̱ ntu kúvi Israel, nakani iniꞌ ráa jie̱ꞌe̱ꞌ ichi jiáꞌnu ráa, sáva ki̱vɨ ráa nu̱u̱nꞌ re̱ꞌ, sáva kutekuꞌ ráa nɨ́ɨ́nkání jín re̱ꞌ.

Hechos 3:19

Nakani iniꞌ rán jie̱ꞌe̱ꞌ kua̱chi rán, jee nakunikɨnꞌ rán Ndiosíꞌ, sáva xinónoo re̱ꞌ kua̱chi rán. Jee sáva maá I̱toꞌoꞌ‑ó taji tiempúꞌ ya̱ nuva̱ꞌa iniꞌ rán.

Juan 14:1

Jee nkachiꞌ tuku ka̱ꞌ Jesús: ―Koto nániꞌvɨꞌ iniꞌ ánímaꞌ rán, chisaꞌ ya̱ ya kúneí iniꞌ rán Ndiosíꞌ jee suni íyó kuneí iniꞌ rán nuꞌuꞌ.

Marcos 6:12

I̱ña̱jée nkene ráa stekútu̱ꞌún ráa ya̱ íyó nakani iniꞌ rá ñɨvɨ jie̱ꞌe̱ꞌ kua̱chi ráa jee kunikɨnꞌ ráa Ndiosíꞌ.

Marcos 1:1

Suꞌva nka̱jiéꞌé tu̱ꞌun váꞌa jie̱ꞌe̱ꞌ Jesús, ya̱ nísotíñú re̱ꞌ ya̱ kúvi Cristo, ya̱ ñani Ndiosíꞌ re̱ꞌ tatúníꞌ re̱ꞌ nu̱u̱nꞌ ñɨ̱vɨ́, jee kúvi re̱ꞌ Se̱ꞌya Ndiosíꞌ.

Mateo 4:17

Jee ne̱ tiempúꞌ yukuán nka̱jiéꞌé Jesús stékútu̱ꞌún re̱ꞌ jee nkachiꞌ re̱ꞌ: ―Nakani iniꞌ rán xinóo rán kua̱chi rán, chi ya nkikuyatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ ya̱ nééꞌ re̱ꞌ antivɨ́ súkún sáva tatúníꞌ re̱ꞌ nu̱u̱nꞌ rán ―nkachiꞌ Jesús.

1 Juan 4:12

Ni ɨɨn ñɨvɨ ni ntiáꞌan né kuniꞌ kuitɨꞌ‑ɨ Ndiosíꞌ. Soo nu̱u̱nꞌ ñúnúunꞌ‑ó ɨɨn inka táꞌán‑ó, jee kínóo kutú Ndiosíꞌ yɨ́ꞌɨ́‑ɨ iniꞌ yó, jee sáꞌá re̱ꞌ ya̱ jíjia iniꞌ‑ó jín tu̱ꞌun ñúnúunꞌ ñúꞌún iniꞌ‑ó vá.

1 Pedro 1:21

Chi jie̱ꞌe̱ꞌ Cristo jee jínúꞌ iniꞌ rán Ndiosíꞌ, ya̱ kúvi re̱ꞌ ya̱ nna̱xinátekuꞌ i̱i̱ꞌ tuku re̱ꞌ Cristo nnene‑e nteñu rá níyɨ, jee nnu̱ñáꞌnú nasɨ́kuitɨꞌ‑ɨ nsa̱ꞌá re̱ꞌ, jee saáva kúneí iniꞌ rán ínúꞌ iniꞌ rán Ndiosíꞌ, jee íyó kutú tu̱neí iniꞌ rán nétu rán ya̱ saꞌá re̱ꞌ.

Santiago 1:4

Jee sáá kúníꞌin rán íñɨ́ ni̱ꞌin rán jee suꞌva chúchítú tiñu sáꞌá‑a iniꞌ rán, sáva kujia iniꞌ rán, jee kuna̱a̱ꞌ rán kueꞌnu rán ichi Ndiosíꞌ, jee ni ntu̱náꞌ kúmániꞌ nu̱u̱nꞌ rán, sáva sikúnkuvi va̱ꞌa rán nu̱u̱nꞌ re̱ꞌ.

Hebreos 11:6

Soo retú ntu ínúꞌ iniꞌ‑ó kúneí iniꞌ‑ó Ndiosíꞌ tékúꞌ, jee ni ntu íyó na̱ja kuvi kuva̱ꞌa iniꞌ re̱ꞌ kune̱ꞌyá re̱ꞌ yó. Chi ñɨvɨ nátuꞌva‑a nu̱u̱nꞌ re̱ꞌ jee íyó‑o i̱nu̱ꞌ iniꞌ‑i ya̱ íyó nijia re̱ꞌ, jín suni ya̱ ku̱ꞌva re̱ꞌ ta̱ꞌvi̱ꞌ nu̱u̱nꞌ rá ñɨvɨ ya̱ nánukú ráa re̱ꞌ.

Colosenses 4:12

Tájí Epafras tu̱ꞌun jíkátu̱ꞌún re̱ꞌ jie̱ꞌe̱ꞌ ránoꞌó, ya̱ suni kúvi re̱ꞌ táꞌán ñuunꞌ rán, jee kúvi re̱ꞌ musúꞌ ya̱ jiátíñú Cristo Jesús. Jee sáá káꞌánꞌ re̱ꞌ jín Ndiosíꞌ, jee sukuáni núnasɨ́ re̱ꞌ jíkánꞌ táꞌvíꞌ víꞌí re̱ꞌ jie̱ꞌe̱ꞌ rán, ya̱ kuiñɨ ni̱ꞌin rán, ya̱ kujia iniꞌ rán nu̱u̱nꞌ tu̱ꞌun kúneí iniꞌ rán, jee ya̱ koo kutú rán nu̱u̱nꞌ nɨꞌɨ ya̱ kuíni maá Ndiosíꞌ.

Colosenses 1:28

Jee jie̱ꞌe̱ꞌ Cristo stékútu̱ꞌún ránꞌ, jee stúꞌva ránꞌ, jee xínéꞌénꞌ ránꞌ nu̱u̱nꞌ nta̱ká ñɨvɨ nɨꞌɨ tu̱ꞌun níchí nta̱jí Ndiosíꞌ, sáva saꞌá ránꞌ ya̱ kujia iniꞌ nta̱ká ráa nu̱u̱nꞌ Ndiosíꞌ, ya̱ yɨ́ꞌɨ́ ráa nu̱u̱nꞌ Cristo.

Efesios 2:5

Jee asúnika̱ꞌ nkuvi‑ó kuéntáꞌ ñɨvɨ níꞌiꞌ nu̱u̱nꞌ re̱ꞌ, jie̱ꞌe̱ꞌ ya̱ njia̱ꞌa‑ó nu̱u̱nꞌ ya̱ tátúníꞌ Ndiosíꞌ, soo nsa̱ꞌá re̱ꞌ ya̱ kutekuꞌ‑ó nɨ́ɨ́nkání jín Cristo. (Chi jie̱ꞌe̱ꞌ ya̱ íyó mániꞌ iniꞌ re̱ꞌ néꞌyá re̱ꞌ yó nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó.)

1 Pedro 5:10

Jee máá Ndiosíꞌ ya̱ nta̱ká íchí íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ yó, ya̱ maáréꞌ nkana re̱ꞌ yó sáva viiꞌ kuñáꞌnú‑ó jín Cristo nɨ́ɨ́nkání jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo. Sáá jiáꞌa ya̱ kunoꞌo rán yakuꞌ ni̱ꞌ tiempúꞌ, soo máá Ndiosíꞌ saꞌá ya̱ kujia na̱a̱ꞌ va̱ꞌa iniꞌ rán nu̱u̱nꞌ tu̱ꞌun re̱ꞌ, jín ya̱ kuiñɨ ni̱ꞌin rán, jín ya̱ nachuneí re̱ꞌ iniꞌ ránoꞌó, jín ya̱ kukutú rán nu̱u̱nꞌ tu̱ꞌun re̱ꞌ.

Efesios 2:1

Jee ránoꞌó, ya̱ níꞌiꞌ rán nu̱u̱nꞌ Ndiosíꞌ nékúvi jie̱ꞌe̱ꞌ njiáꞌa rán nu̱u̱nꞌ ya̱ tátúníꞌ Ndiosíꞌ jín jie̱ꞌe̱ꞌ rá kua̱chi nsa̱ꞌá rán.

1 Corintios 13:10

Soo sáá kiji ya̱ sikúnkuvi noo Ndiosíꞌ nɨꞌɨ kuitɨꞌ ya̱ nkuna̱a̱ꞌ iniꞌ re̱ꞌ saꞌá re̱ꞌ, jee sijínu Ndiosíꞌ rá ta̱ꞌvi̱ꞌ ya̱ sáꞌá‑a ya̱ jíníꞌ‑ó yakuꞌ vitan.

Hechos 17:30

Soo tióꞌ ya̱ta̱ꞌ ntu nsa̱ꞌá kuéntáꞌ Ndiosíꞌ ya̱ ntu jíníꞌ rá ñɨvɨ jie̱ꞌe̱ꞌ re̱ꞌ. Soo vitan tátúníꞌ re̱ꞌ nu̱u̱nꞌ kua̱íyó ñɨvɨ nu̱u̱nꞌ nɨꞌɨ ñɨ̱vɨ́ ya̱ nakani iniꞌ ráa ñujiínꞌ ráa.

Hechos 2:38

Jee nna̱xiníkó Pedro nu̱u̱nꞌ ráa: ―Nakani iniꞌ rán kua̱chi rán, jee kuanuté rán, sáva stúvi rán ya̱ ya nki̱vɨ rán nu̱u̱nꞌ Jesús ya̱ kúvi Cristo, sáva kunekáꞌnú iniꞌ Ndiosíꞌ kua̱chi rán, jee kutaꞌviꞌ rán Ta̱chi̱ꞌ Ííꞌ re̱ꞌ.

Mateo 7:25

Jee nkuun víꞌí sa̱vi̱ꞌ xéénꞌ, jee nna̱ka̱va rá ntekáꞌnú, jee ña̱ki̱ꞌɨ ta̱chi̱ꞌ xéénꞌ jee ña̱ku̱ꞌun‑u veꞌi vá, soo ni ntu̱ví tánɨ́ꞌ‑ɨ, chi yósóꞌ kutú jie̱ꞌe̱ꞌ‑e nu̱u̱nꞌ yu̱u̱ꞌ vá.

Mateo 5:48

Saáva na̱a̱ꞌ kueꞌnu ránú kɨtíñú noo rán nu̱u̱nꞌ Ndiosíꞌ kuéntáꞌ kua̱ꞌ máá na̱a̱ꞌ kúvi Tátáꞌ ránú Ndiosíꞌ ya̱ nééꞌ antivɨ́ súkún.

1 Timoteo 6:19

Suꞌva chuꞌun va̱ꞌa ráa ya̱ váꞌa, ya̱ kino̱o kutú nɨ́ɨ́nkání tiempúꞌ ichinúúnꞌ, kuéntáꞌ íyó ɨɨn koo nu̱u̱nꞌ sámáꞌ va̱ꞌa ráa, ya̱ kino̱o kutú. Chuꞌun va̱ꞌa ráa ya̱ váꞌa suꞌva, sáva kuꞌun iniꞌ ráa ya̱ va̱ꞌa víꞌí ka̱ꞌ kutekuꞌ nijia ráa jín Cristo.

Lucas 6:48

Kúnkunuún koo ñɨvɨ vá jín ɨɨn te̱e ya̱ ñani‑i veꞌi‑i, ñe̱te̱ꞌ kúnú víꞌí‑i, jee nchi̱só‑o jie̱ꞌe̱ꞌ ve̱ꞌí‑i nu̱u̱nꞌ yuúꞌ. Saájee nkiji sa̱vi̱ꞌ xéénꞌ jee nnaa nute jee ni̱ꞌin ta xá kání ntekáꞌnú veꞌi vá, soo ni ntu níyo fuersáꞌ nute sikájiáꞌ‑a veꞌi vá, chi ñani kutú re̱ꞌ veꞌi re̱ꞌ nu̱u̱nꞌ yuúꞌ.

Mateo 21:29

Jee nna̱xiníkó‑o nu̱u̱nꞌ tátáꞌ‑a, jee nkachiꞌ‑i: “Ntu kuíni ni̱ꞌ kɨ̱ꞌɨ̱nꞌ ni̱ꞌ”, nkachiꞌ‑i, soo kuéé jee nna̱kani iniꞌ‑i jee ña̱ꞌa̱nꞌ‑a.

1 Corintios 2:6

Soo tu̱ꞌun níchí nijia káꞌánꞌ ráníꞌ jín rá ñɨvɨ nijia iniꞌ jín tu̱ꞌun kúneí iniꞌ ráa Cristo. Soo ntu káꞌánꞌ ránꞌ tu̱ꞌun níchí ya̱ ñúꞌún iniꞌ ñɨvɨ ñɨ̱vɨ́ yaꞌá tiempúꞌ vitan, jee ni ntu káꞌánꞌ ránꞌ tu̱ꞌun níchí ya̱ káꞌánꞌ rá te̱e nísotíñú ñɨ̱vɨ́ yaꞌá chi jínu tiñu ráa.

Colosenses 3:14

Jee nu̱u̱nꞌ kua̱íyó nu̱u̱nꞌ nɨꞌɨ ví ya̱ kunu̱u̱nꞌ rán táꞌán rán, chi yaꞌá sáꞌá ya̱ viiꞌ nuún iniꞌ rán jín táꞌán rán sáni íyó koo.