Hebreos 5:9 - Mixteco del suroeste de Tlaxiaco Oaxaca

⁹ Jee sáá ni̱yo tu̱ꞌva re̱ꞌ sukuán, jee nkenta kúvi re̱ꞌ ne̱ nu̱u̱nꞌ váji ya̱ nene ñɨvɨ nu̱u̱nꞌ kua̱chi ráa jee sikáku re̱ꞌ nɨ́ɨ́nkání ntáká rá ñɨvɨ ya̱ káníjiá ráa re̱ꞌ.

Hebreos 5:9 Referans Kwoze

Hebreos 9:15

Saáva, níso re̱ꞌ tiñu ñujiínꞌ jie̱ꞌe̱ꞌ tratúꞌ jiáá ya̱ yɨ́tíñú re̱ꞌ nu̱u̱nꞌ Ndiosíꞌ jín nu̱u̱nꞌ ñɨvɨ. Chi ni̱ꞌi̱ꞌ re̱ꞌ sáva chunáán nkáꞌnú re̱ꞌ nu̱u̱nꞌ Ndiosíꞌ sáva nakani núne re̱ꞌ rá ñɨvɨ nu̱u̱nꞌ kua̱chi nsa̱ꞌá rá ñɨvɨ sáá nyɨ̱ꞌɨ ráa chi̱ji tratúꞌ xíꞌnañúꞌún, sáva rá ñɨvɨ ya̱ nkana Ndiosíꞌ ni̱ꞌi̱nꞌ ráa ta̱ꞌvi̱ꞌ ya̱ koo nɨ́ɨ́nkání, ya̱ yukuán vá nchi̱sóyuꞌú re̱ꞌ.

Hebreos 2:10

Chi ntáká ya̱ íyó kúvi‑i nantíñú Ndiosíꞌ, jee suni maáréꞌ nsa̱ꞌá maa. Chi kuíni re̱ꞌ kunaka re̱ꞌ kue̱ꞌe̱ꞌ víꞌí ñɨvɨ kuvi ráa se̱ꞌya re̱ꞌ ki̱vɨ ráa naꞌá re̱ꞌ kuñáꞌnú ráa jín re̱ꞌ. Jee saáva, íyó váꞌa ya̱ nsa̱ꞌá Ndiosíꞌ kunoꞌo Jesús sáva saꞌá túꞌva re̱ꞌ maa sáva sikúnkuvi‑i tiñu ñáꞌnú ya̱ kuvi natavaꞌ‑a ñɨvɨ nu̱u̱nꞌ kua̱chi ráa sikáku‑u ráa.

Hebreos 12:2

Kunenu̱u̱nꞌ‑ó Jesús ya̱ nu̱u̱nꞌ maáréꞌ va̱ji ya̱ kuneí iniꞌ‑ó re̱ꞌ, jee síkújia re̱ꞌ iniꞌ‑ó ya̱ kuneí va̱ꞌa iniꞌ‑ó re̱ꞌ ne̱ nu̱u̱nꞌ nɨꞌɨ. Chi ñeꞌneꞌ iniꞌ re̱ꞌ nnoꞌo re̱ꞌ nu̱u̱nꞌ kurúsiꞌ, jee ntu ntɨ́ɨn kuéntáꞌ re̱ꞌ ya̱ ku̱ꞌva rá ñɨvɨ tu̱nkánuun nu̱u̱nꞌ re̱ꞌ ya̱ kuviꞌ re̱ꞌ sukuán, chi njia̱ꞌa Ndiosíꞌ re̱ꞌ ya̱ kusɨ̱ɨ̱ꞌ víꞌí iniꞌ re̱ꞌ ichinúúnꞌ jee suni nna̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ tátúníꞌ‑i.

Hebreos 9:12

Chisaꞌ Cristo jee nki̱vɨ re̱ꞌ Nu̱u̱nꞌ Ííꞌ Nasɨ́kuitɨꞌ Ka̱ꞌ ya̱ íyó antivɨ́, soo nsú jín sáva so̱ko̱ꞌ re̱ꞌ ni̱ñɨ̱ꞌ rá chuvátúꞌ lúlí jín rá chelu yɨ́ɨ́, chisaꞌ jín sáva so̱ko̱ꞌ re̱ꞌ ni̱ñɨ̱ꞌ maáréꞌ jie̱ꞌe̱ꞌ ya̱ níꞌiꞌ re̱ꞌ. Jee nki̱vɨ re̱ꞌ yukuán métúꞌún ɨɨn ni íchí nu̱u̱nꞌ ntáká tiempúꞌ. Jee sukuán nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi‑ó sáva ni̱ꞌi̱nꞌ re̱ꞌ ya̱ nakui̱ñɨ̱ꞌ núne‑ó nu̱u̱nꞌ kua̱chi‑ó nɨ́ɨ́nkání.

Hechos 5:32

Jee ránuꞌuꞌ niniꞌ ránꞌ maa jee nástúvi ránꞌ ya̱ naáꞌ jie̱ꞌe̱ꞌ vá. Jee suni nástúvi Ta̱chi̱ꞌ Ííꞌ Ndiosíꞌ maa. Chi Ndiosíꞌ jiáꞌa re̱ꞌ Ta̱chi̱ꞌ Ííꞌ re̱ꞌ nu̱u̱nꞌ rá ñɨvɨ káníjiá ráa re̱ꞌ ―nkachiꞌ Pedro jín rá inka apóstol chúichí Ndiosíꞌ.

1 Pedro 1:22

Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.

Hebreos 11:8

Jee Abraham ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, sáá nkana Ndiosíꞌ re̱ꞌ, jee nka̱níjiá re̱ꞌ sáva kɨ̱ꞌɨ̱nꞌ re̱ꞌ ɨɨn nu̱u̱nꞌ kúvi nu̱u̱nꞌ ku̱ꞌva Ndiosíꞌ nu̱u̱nꞌ re̱ꞌ kuvi ta̱ꞌvi̱ꞌ re̱ꞌ maa. Jee nkene re̱ꞌ ñuunꞌ re̱ꞌ jee kua̱ꞌa̱nꞌ re̱ꞌ yukuán, súka̱ꞌ ntu̱ví jíníꞌ re̱ꞌ né núꞌ kúvi nu̱u̱nꞌ kɨ̱ꞌɨ̱nꞌ re̱ꞌ.

2 Tesalonicenses 1:8

Jee kenta re̱ꞌ jín ñuꞌunꞌ itaꞌ, jee nachunáán re̱ꞌ xinóꞌo re̱ꞌ rá ñɨvɨ ntu mániꞌ ráa jín Ndiosíꞌ jee ntu íyó mániꞌ ráa tu̱ꞌun váꞌa jie̱ꞌe̱ꞌ I̱toꞌoꞌ‑ó Jesús.

Romanos 2:8

Soo kítɨ́ꞌ iniꞌ re̱ꞌ nachunáán re̱ꞌ xinóꞌo re̱ꞌ nu̱u̱nꞌ rá ñɨvɨ kua̱sɨ́n iniꞌ ráa jín ya̱ ntu káníjiá ráa nu̱u̱nꞌ ya̱ naáꞌ, chisaꞌ káníjiá ráa ya̱ niváꞌa.

Romanos 1:5

Jee íyó mániꞌ iniꞌ Jesús néꞌyá re̱ꞌ ránuꞌuꞌ jee ntaji re̱ꞌ nu̱u̱nꞌ ráníꞌ tiñu apóstol ya̱ chúichí re̱ꞌ ránuꞌuꞌ saꞌá ránꞌ tiñu nu̱u̱nꞌ re̱ꞌ. Ntaji re̱ꞌ tiñu vá sáva stekútu̱ꞌún ránꞌ tu̱ꞌun re̱ꞌ, sáva koo ñɨvɨ nteñu nɨꞌɨ rá ñɨvɨ ñɨ̱vɨ́ ya̱ kúneí iniꞌ ráa Jesús jee saáva kaníjiá ráa maa.

2 Corintios 10:5

Jee xínáánꞌ ránꞌ tu̱ꞌun ya̱ va̱ji xi̱ni̱ꞌ ñɨvɨ, jee xínáánꞌ ránꞌ nta̱ká tu̱ꞌun jiáni téyɨ́ɨ́ iniꞌ‑i ya̱ jiásɨ́ꞌ ya̱ kuniꞌ ñɨvɨ iniꞌ Ndiosíꞌ, jee sáꞌá ránꞌ ya̱ nakɨ̱ꞌɨ nta̱ká antúníꞌ rá ñɨvɨ xi̱ntíín Cristo, sáva kaníjiá ráa re̱ꞌ.

Romanos 15:18

Chi ntu kíji iniꞌ ni̱ꞌ kaꞌanꞌ ni̱ꞌ jie̱ꞌe̱ꞌ ni ɨɨn tiñu jie̱ꞌe̱ꞌ nuꞌuꞌ, chisaꞌ kua̱chi káꞌánꞌ ni̱ꞌ jie̱ꞌe̱ꞌ ya̱ nsa̱ꞌá Cristo jín nuꞌuꞌ, ya̱ ña̱tíñú re̱ꞌ nuꞌuꞌ sáva kaníjiá rá ñɨvɨ ya̱ ntu kúvi ñɨvɨ Israel tɨɨn ráa tu̱ꞌun re̱ꞌ, jie̱ꞌe̱ꞌ ya̱ káꞌánꞌ ni̱ꞌ jie̱ꞌe̱ꞌ rá tu̱ꞌun ntaji re̱ꞌ sákachiꞌ ni̱ꞌ jín jie̱ꞌe̱ꞌ rá tiñu ntaji re̱ꞌ saꞌá ni̱ꞌ,

2 Timoteo 2:10

Saáva jiéꞌnéꞌ iniꞌ ni̱ꞌ nɨꞌɨ tu̱nóꞌó yaꞌá jie̱ꞌe̱ꞌ rá ñɨvɨ nkáji Ndiosíꞌ, sáva ni̱ꞌi̱nꞌ ráa ya̱ nanitáꞌvíꞌ ráa jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús, jee viiꞌ nasɨ́kuitɨꞌ kuneeꞌ ráa nɨ́ɨ́nkání jín re̱ꞌ.

Romanos 10:16

Soo nsú ntáká rá ñɨvɨ Israel nka̱níjiá ráa ntɨɨn ráa rá tu̱ꞌun váꞌa Ndiosíꞌ, sáni nkachiꞌ Isaías: “I̱toꞌoꞌ, ¿né ɨɨn ni̱nu̱ꞌ iniꞌ rá tu̱ꞌun nteso̱ꞌo ráa ya̱ nkachitu̱ꞌún ránꞌ?”

Romanos 6:17

Soo nkútaꞌviꞌ‑ó nu̱u̱nꞌ Ndiosíꞌ, ya̱ súnika̱ꞌ nyɨ̱ꞌɨ rán xi̱ntíín kua̱chi kuéntáꞌ musúꞌ kéꞌen, nékúvi, soo vitan jee nka̱níjiá rán ne̱ ánímaꞌ rán Tu̱ꞌun Ndiosíꞌ ya̱ nxi̱néꞌénꞌ ráa nu̱u̱nꞌ ránoꞌó.

Hebreos 2:3

Jee nu̱u̱nꞌ ni̱yo sukuán, jee maáórán, ¿na̱sa ka̱ꞌ vá saꞌá‑ó jee kaku‑ó nu̱u̱nꞌ tu̱nóꞌó vá, retú ntu nénu̱u̱nꞌ‑ó chuꞌun iniꞌ‑ó jie̱ꞌe̱ꞌ tu̱ꞌun máá ñáꞌnú káꞌ jie̱ꞌe̱ꞌ ya̱ na̱sa natavaꞌ Jesús yó nu̱u̱nꞌ kua̱chi‑ó sikáku re̱ꞌ yó rúja? Chi xíꞌna ka̱ꞌ nkachitu̱ꞌún maá I̱toꞌoꞌ‑ó Jesús tu̱ꞌun yaꞌá, jee kuíre rá te̱e ya̱ nteso̱ꞌo maa, jee nna̱stúvi ráa ya̱ naáꞌ jie̱ꞌe̱ꞌ tu̱ꞌun yaꞌá nu̱u̱nꞌ‑órán

Juan 19:30

Jee sáá nni̱ꞌi̱nꞌ Jesús nixiꞌ uva iyá, jee kuíre nkachiꞌ re̱ꞌ: ―¡Ya ni̱nu tiñu ni̱ꞌ! Saájee nna̱kunta nei xi̱ni̱ꞌ re̱ꞌ, jee ni̱ꞌi̱ꞌ re̱ꞌ.

Mateo 17:5

Jee ni káꞌánꞌ i̱i̱ꞌ ka̱ꞌ Pedro, jee nkenta vi̱ko̱ꞌ maa jiánu̱te̱ꞌ kuéntáꞌ íyó nuva ñuꞌunꞌ ñasɨꞌ‑ɨ ráa, jee nu̱u̱nꞌ vi̱ko̱ꞌ vá nkene ɨɨn ta̱chi̱yuꞌú, jee káchíꞌ‑i: ―Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ ―nkachiꞌ nusuyuꞌú vá.

Judas 1:21

Kino̱o kutú ni̱ꞌin rán jín tu̱ꞌun ya̱ ñúnúunꞌ Ndiosíꞌ yó, ni nétu kuvi rán ki̱vɨ̱ꞌ ya̱ niji I̱toꞌoꞌ‑ó Jesús ya̱ kúvi re̱ꞌ Cristo kunáꞌví iniꞌ re̱ꞌ yó jee saꞌá re̱ꞌ ya̱ kutekuꞌ‑ó nɨ́ɨ́nkání jín re̱ꞌ.

1 Juan 5:20

Soo jíníꞌ‑ó ya̱ nkiji Se̱ꞌya Ndiosíꞌ, jee nsa̱ꞌá re̱ꞌ ya̱ ki̱ku̱ꞌun iniꞌ‑ó sáva kuniꞌ‑ó maáréꞌ ya̱ kúvi nijia re̱ꞌ Ndiosíꞌ. Jee yɨ́ꞌɨ́‑ó iniꞌ naꞌá maáréꞌ ya̱ kúvi nijia Ndiosíꞌ. Yɨ́ꞌɨ́‑ó naꞌá Se̱ꞌya re̱ꞌ, Jesús ya̱ kúvi Cristo. Suvivá kúvi nijia‑a Ndiosíꞌ, jee maáa ví ya̱ sáꞌá‑a ya̱ kutekuꞌ‑ó nɨ́ɨ́nkání jín Ndiosíꞌ.

Hebreos 11:40

Chi nsa̱ꞌá túꞌva Ndiosíꞌ ɨɨn ta̱ꞌvi̱ꞌ ya̱ kúvi ya̱ váꞌa víꞌí ka̱ꞌ nu̱u̱nꞌ‑ó, sáva kua̱chi jín maáó nuún nkáá kino̱o na̱a̱ꞌ ráa jín maáó saꞌá re̱ꞌ.

2 Tesalonicenses 2:16

I̱ña̱jée, máá maá I̱toꞌoꞌ‑ó, Jesucristo, jín Tátáꞌ‑ó, Ndiosíꞌ, suviráa ñúnúunꞌ ráa yó. Saáva násaváꞌa ráa iniꞌ‑ó nɨ́ɨ́nkání, jee nsa̱ꞌá ráa ya̱ íyó tu̱neí iniꞌ‑ó ya̱ váꞌa saꞌá ráa nu̱u̱nꞌ‑ó, jie̱ꞌe̱ꞌ íyó mániꞌ iniꞌ ráa néꞌyá ráa yó.

Hechos 3:15

Jee ñaꞌniꞌ rán maáréꞌ, ya̱ sáꞌá re̱ꞌ kutekuꞌ ñɨvɨ. Soo Ndiosíꞌ nna̱xtekúꞌ re̱ꞌ maa nteñu rá níꞌiꞌ. Jee niniꞌ ráníꞌ yaꞌá, jee nástúvi ránꞌ ya̱ naáꞌ nu̱u̱nꞌ rá ñɨvɨ jie̱ꞌe̱ꞌ ya̱ nsa̱ꞌá re̱ꞌ maa.

Lucas 13:32

Jee nkachiꞌ re̱ꞌ nu̱u̱nꞌ ráa: ―Kuáꞌán rán, jee kachiꞌ rán nu̱u̱nꞌ te̱e máñáꞌ vá kua̱ꞌ ñu̱nkuii maa ya̱: “Vitan jín teenꞌ tavaꞌ ni̱ꞌ rá kui̱ꞌna̱ꞌ yɨ́ꞌɨ́ rá ñɨvɨ jee xínúvi ni̱ꞌ ráa. Jee ki̱vɨ̱ꞌ uníꞌ jee sijínu ni̱ꞌ rá tiñu sáꞌá ni̱ꞌ.”

Hechos 4:12

Soo kua̱chi Jesús kúvi natavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó, chi ntu̱né íyó inka ka̱ꞌ nu̱u̱nꞌ kɨꞌɨ‑ó sáva nanitáꞌvíꞌ‑ó. Chi ntu̱né íyó inka ka̱ꞌ súví ni ɨɨn ñɨvɨ nu̱u̱nꞌ ñɨ̱vɨ́ yaꞌá ya̱ njia̱ꞌa Ndiosíꞌ nu̱u̱nꞌ ñɨvɨ sáva natavaꞌ re̱ꞌ yó nu̱u̱nꞌ kua̱chi‑ó sikáku re̱ꞌ yó ―nkachiꞌ Pedro.

Filipenses 2:12

Saájee, ránoꞌó ya̱ ñúnúunꞌ ni̱ꞌ. Kuéntáꞌ sukuáni káníjiá rán tu̱ꞌun xínéꞌénꞌ ni̱ꞌ sáá nééꞌ ni̱ꞌ jín rán, soo vitan, sáá íyó íká ni̱ꞌ nu̱u̱nꞌ rán, saꞌ víꞌí káꞌ naniꞌvɨꞌ iniꞌ rán kaka na̱a̱ꞌ rán nu̱u̱nꞌ Tu̱ꞌun Ndiosíꞌ, ya̱ ña̱tíñú re̱ꞌ sáva natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó. Jee naniꞌvɨꞌ iniꞌ rán saꞌá ñáꞌnú víꞌí rán nu̱u̱nꞌ re̱ꞌ, jee naniꞌvɨꞌ iniꞌ rán ya̱ koto stívɨ́ rán maárán.

Hebreos 1:14

Chi ntáká rá najiáꞌáꞌ ííꞌ Ndiosíꞌ, jee súka̱ꞌ ntu̱ví íyó yɨkɨkúñu ráa, soo jiátíñú re̱ꞌ ráa kúvi ráa musúꞌ re̱ꞌ sáꞌá ráa tiñu re̱ꞌ, chi chúichí re̱ꞌ ráa sáva chineí ráa ntáká rá ñɨvɨ ya̱ ni̱ꞌi̱nꞌ rává ta̱ꞌvi̱ꞌ ya̱ nanitáꞌvíꞌ rává.

Hebreos 9:28

Jee suni sukuán Cristo ɨɨn ni íchí nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ sáva nsiíyo re̱ꞌ kua̱chi rá ñɨvɨ kue̱ꞌe̱ꞌ. Jee niji tuku re̱ꞌ ya̱ uvíꞌ íchí, soo nsú káꞌ sáva so̱ko̱ꞌ tuku re̱ꞌ maáréꞌ jie̱ꞌe̱ꞌ kua̱chi, chisaꞌ kiji re̱ꞌ sáva xinánitáꞌvíꞌ re̱ꞌ rá ñɨvɨ ya̱ nétu kuvi iniꞌ ráa re̱ꞌ.