Hebreos 5:12 - Mixteco del suroeste de Tlaxiaco Oaxaca

¹² Chi ya̱ va̱ji kue̱ꞌe̱ꞌ víꞌí tiempúꞌ ya̱ jíníꞌ rán Tu̱ꞌun Ndiosíꞌ, jee mestrúꞌ ya̱ kúvi rán réáꞌ sukuán ví‑i. Soo ni ntu̱ví, chisaꞌ jíniñúꞌún rán ya̱ tukuni naxinéꞌénꞌ ɨɨn ñɨvɨ ránoꞌó rá tu̱ꞌun yánká ya̱ xíꞌnañúꞌún xínéꞌénꞌ ránꞌ jie̱ꞌe̱ꞌ Tu̱ꞌun Ndiosíꞌ. Chi nkenta kúvi rán kuéntáꞌ ɨɨn nchíkɨ́n ya̱ jíniñúꞌún i̱i̱ꞌ‑i xu̱kui nsú káꞌ neyu.

Hebreos 5:12 Referans Kwoze

Hebreos 6:1

Jee saáva siáꞌa‑ó ya̱ tukuni naku tuku‑ó ka̱ꞌ jie̱ꞌe̱ꞌ tu̱ꞌun Cristo ya̱ nku̱tu̱ꞌva‑ó ne̱ xíꞌnañúꞌún. Chisaꞌ nakeꞌen‑ó kɨ̱ꞌɨ̱nꞌ‑ó ichinúúnꞌ‑ó, sáva kenta‑ó kuvi‑ó ñɨvɨ jíjia iniꞌ jín tu̱ꞌun re̱ꞌ. Sáva ntu tukuni nánikó yátá‑ó kaꞌanꞌ‑ó jie̱ꞌe̱ꞌ rá tiñu ñáꞌnú ya̱ ya jíníꞌ‑ó ne̱ xíꞌnañúꞌún, sú kuéntáꞌ jie̱ꞌe̱ꞌ ya̱: nakani iniꞌ‑ó xinóo‑ó rá kua̱chi sáꞌá‑ó ya̱ xínáánꞌ‑a yó, jín suni jie̱ꞌe̱ꞌ ya̱ kuneí iniꞌ‑ó Ndiosíꞌ,

1 Pedro 2:2

Jee kuéntáꞌ ñúkúvi iniꞌ rá nchíkɨ́n yɨ́kɨ́n xu̱kui jíꞌíꞌ ráa, jee sukuán kuꞌun kúvi iniꞌ rán xu̱kui ninuꞌun, ya̱ kúvi Tu̱ꞌun Ndiosíꞌ, sáva sikújia‑a iniꞌ rán kueꞌnu na̱a̱ꞌ rán sáni nsi̱káku re̱ꞌ ránoꞌó nkɨ́ꞌɨ rán xi̱ntíín kua̱chi rán.

Hebreos 5:13

Chi ntáká rá ñɨvɨ ya̱ kuéntáꞌ títí i̱i̱ꞌ‑i xu̱kui, ya̱ ni ntu jíjia iniꞌ‑i nu̱u̱nꞌ Tu̱ꞌun Ndiosíꞌ, chi kúvi ñɨvɨ vá kuéntáꞌ ɨɨn nchíkɨ́n. Jee sáꞌá Tu̱ꞌun Ndiosíꞌ ya̱ kino̱o na̱a̱ꞌ ñɨvɨ nu̱u̱nꞌ re̱ꞌ.

Colosenses 3:16

Saájee íyó kuꞌun kutú nasɨ́kuitɨꞌ ka̱ꞌ tu̱ꞌun jie̱ꞌe̱ꞌ Cristo iniꞌ ánímaꞌ rán, jee suꞌva xinéꞌénꞌ rán jee nakutíñú rán nu̱u̱nꞌ rá táꞌán rán jín nta̱ká tu̱ꞌun níchí. Jee ne̱ jín ánímaꞌ rán kata rán nu̱u̱nꞌ rá yaaꞌ Tu̱ꞌun Ndiosíꞌ naní salmo, jín rá yaaꞌ himno ya̱ nákuetúꞌún rán Cristo, jín rá yaaꞌ ííꞌ jie̱ꞌe̱ꞌ Ndiosíꞌ, jee nakuatáꞌví rán re̱ꞌ.

Mateo 17:17

Saájee nna̱xiníkó Jesús jee nkachiꞌ re̱ꞌ: ―¡Na̱ ka̱ꞌ ránoꞌó ya̱ ntu ínúꞌ iniꞌ rán Ndiosíꞌ jín ya̱ nku̱sɨ́ɨ́n rán nu̱u̱nꞌ ya̱ nááꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó? Kínaka rán se̱ꞌya yɨ́ɨ́ nú nu̱u̱nꞌ ni̱ꞌ yaꞌá ―nkachiꞌ Jesús.

1 Pedro 4:11

Retú níꞌínꞌ ɨɨn ránoꞌó ɨɨn ta̱ꞌvi̱ꞌ ya̱ chíneí Ndiosíꞌ nó kaꞌanꞌ nú, jee kaꞌanꞌ sáni káꞌánꞌ nú Tu̱ꞌun Ndiosíꞌ. Jee retú ɨɨn ránoꞌó ni̱ꞌi̱nꞌ nú ta̱ꞌvi̱ꞌ ya̱ chineí nú táꞌán nú, jee saꞌá nú maa jín fuersáꞌ táji Ndiosíꞌ nu̱u̱nꞌ nú, sáva nakuetúꞌún rá ñɨvɨ Ndiosíꞌ jie̱ꞌe̱ꞌ ntáká tiñu sáꞌá rán jie̱ꞌe̱ꞌ Jesús ya̱ kúvi Cristo, jee kúñáꞌnú nasɨ́kuitɨꞌ re̱ꞌ tátúníꞌ re̱ꞌ nɨ́ɨ́nkání. Sukuán koo.

1 Corintios 14:19

Soo súka̱ꞌ sukuán íyó, soo sáá nútútú ráníꞌ jín rá ñɨvɨ ya̱ jínúꞌ iniꞌ ráa Ndiosíꞌ, jee kuíni ni̱ꞌ kaꞌanꞌ ni̱ꞌ sú ré u̱ꞌu̱nꞌ ni tu̱ꞌun jín antúníꞌ ni̱ꞌ ya̱ ki̱ku̱ꞌun iniꞌ rá inka ñɨvɨ maa sáva xinéꞌénꞌ ni̱ꞌ ráa, nsú ka̱ꞌ ya̱ kaꞌanꞌ ni̱ꞌ u̱ji̱ꞌ mil (10,000) tu̱ꞌun inka nu̱u̱nꞌ rá tu̱ꞌun ya̱ ntu̱ví jiáku̱ꞌun iniꞌ rá ñɨvɨ.

Romanos 3:2

¡Kue̱ꞌe̱ꞌ!, jee kue̱ꞌe̱ꞌ víꞌí jie̱ꞌe̱ꞌ kúvi‑i ya̱ váꞌa nu̱u̱nꞌ ráa. Chi va̱tu̱ꞌ nijia chi ya̱ xíꞌnañúꞌún ka̱ꞌ kúvi ya̱ nte̱tíñú Ndiosíꞌ ráa kumí ráa tu̱ꞌun re̱ꞌ.

Hechos 7:38

Yaꞌá ví Moisés ya̱ níñɨ re̱ꞌ jín rá ñɨvɨ Israel nku̱tútú nu̱u̱nꞌ ñu̱ꞌún saɨn. Jee ni̱ñɨ re̱ꞌ jín najiáꞌáꞌ ííꞌ Ndiosíꞌ, ya̱ nkaꞌanꞌ jín re̱ꞌ nu̱u̱nꞌ yuku naní Sinaí. Jee ni̱ñɨ re̱ꞌ jín rá jííꞌ‑ó yanaꞌán. Jee Moisés ví ya̱ nni̱ꞌi̱nꞌ re̱ꞌ rá tu̱ꞌun ya̱ sáꞌá ya̱ kutekuꞌ‑ó, sáva taji re̱ꞌ maa nu̱u̱nꞌ ránú.

Marcos 9:19

Jee nna̱xiníkó Jesús nu̱u̱nꞌ ráa: ―¡Na̱ ka̱ꞌ rá ñɨvɨ yaꞌá ya̱ ntu ínúꞌ iniꞌ ráa Ndiosíꞌ! ¿Na̱ja ka̱ꞌ tiempúꞌ vá íyó kuneeꞌ ni̱ꞌ jín ránoꞌó? ¿Na̱ja ka̱ꞌ tiempúꞌ vá íyó keꞌneꞌ iniꞌ ni̱ꞌ nu̱u̱nꞌ ránoꞌó ya̱ ntu ínúꞌ iniꞌ rán Ndiosíꞌ? Kínaka rán se̱ꞌya yɨ́ɨ́ nú nu̱u̱nꞌ ni̱ꞌ ―nkachiꞌ re̱ꞌ.

Filipenses 3:1

Jee nu̱u̱nꞌ nɨ́ꞌɨ káchíꞌ ni̱ꞌ ka̱ꞌ nu̱u̱nꞌ rán, ránoꞌó ñaniꞌ jín ku̱ꞌva. Sɨ̱ɨ̱ꞌ koo iniꞌ ánímaꞌ rán jie̱ꞌe̱ꞌ I̱toꞌoꞌ‑ó. Nsú tiñu stáña̱ꞌán ví nu̱u̱nꞌ ni̱ꞌ, ya̱ tée tuku ni̱ꞌ ɨɨn ni tu̱ꞌun yaꞌá nu̱u̱nꞌ rán, jee kootiñu tu̱ꞌun vá sáva kukutú rán ka̱ꞌ.

1 Corintios 14:20

Jee saáva ránoꞌó ñaniꞌ jín ku̱ꞌva, koto jiáni iniꞌ rán kuéntáꞌ rá su̱chí lúlí jie̱ꞌe̱ꞌ rá tiñu yaꞌá. Chisaꞌ koo rán kuéntáꞌ rá nchíkɨ́n nu̱u̱nꞌ rá tiñu níváꞌa, ya̱ kueꞌnu rán kuéntáꞌ retánꞌ ntu̱ví jíníꞌ rán tiñu níváꞌa, soo kujia iniꞌ rán iniꞌ antúníꞌ rán.

Gálatas 4:3

Jee suni sukuán nnoꞌo‑ó ne̱ ntiáꞌan kuniꞌ‑ó Jesús, jee nkuvi‑ó kuéntáꞌ ɨɨn te̱e lúlí, chi nyɨ̱ꞌɨ‑ó chi̱ji xi̱ntíín rá ñujiínꞌ sáꞌá ka̱ꞌá ñɨvɨ ñɨ̱vɨ́, kuéntáꞌ ɨɨn musúꞌ kéꞌen ñɨvɨ nkuvi‑ó.

Hebreos 5:11

Íyó víꞌí ka̱ꞌ na̱ jie̱ꞌe̱ꞌ kaꞌanꞌ‑ó jie̱ꞌe̱ꞌ ntáká tu̱ꞌun yaꞌá. Soo víjí nakachiꞌ va̱ꞌa ni̱ꞌ maa nu̱u̱nꞌ ránoꞌó, chi jie̱ꞌe̱ꞌ ya̱ kuéé nkenta chúꞌun iniꞌ rán maa.

Hebreos 10:32

Soo naku̱ꞌun iniꞌ rán na̱ja nkuvi tiempúꞌ váji ya̱ta̱ꞌ, sáá sukuáni nka̱jiéꞌé rán nine antúníꞌ rán nsa̱ꞌá Tu̱ꞌun Ndiosíꞌ, sáá ñeꞌneꞌ iniꞌ rán nnoꞌo rán nu̱u̱nꞌ kue̱ꞌe̱ꞌ tu̱nóꞌó xéénꞌ ntaꞌanꞌ rán.