Hebreos 4:13 - Mixteco del suroeste de Tlaxiaco Oaxaca

¹³ Jee ni ntu̱né íyó ni ɨɨn ya̱ nsa̱ꞌá Ndiosíꞌ ya̱ ntu túvi nijinꞌ nu̱u̱nꞌ re̱ꞌ, chisaꞌ nɨꞌɨ kuitɨꞌ núne ráa nu̱u̱nꞌ re̱ꞌ chi túvi nijinꞌ‑i néꞌyá maáréꞌ, ya̱ nu̱u̱nꞌ re̱ꞌ naku̱ꞌva‑ó kuéntáꞌ nɨꞌɨ ya̱ sáꞌá‑ó.

Hebreos 4:13 Referans Kwoze

1 Corintios 4:5

Saáva, koto sáꞌá náaꞌ rán si̱kɨ̱ꞌ táꞌán rán nekuaꞌ niji maá I̱toꞌoꞌ‑ó. Maáréꞌ nastúvi nijinꞌ re̱ꞌ rá tiñu nsa̱ꞌá yuꞌuꞌ‑ó nu̱u̱nꞌ neenꞌ, jee nastúvi re̱ꞌ ya̱ ñúꞌún iniꞌ ánímaꞌ‑ó. Saájee nakuetúꞌún Ndiosíꞌ ta ɨɨn ɨɨn ñɨvɨ sánikua̱ꞌ íyó ni̱ꞌi̱nꞌ maa.

2 Corintios 5:10

Chi nta̱ká‑ó saá íyó kɨ̱ꞌɨ̱nꞌ‑ó kuiñɨ‑ó nu̱u̱nꞌ keꞌneꞌ Cristo rá tiñu nsa̱ꞌá‑ó, sáva ta ɨɨn ɨɨn‑ó ni̱ꞌi̱nꞌ‑ó sánikua̱ꞌ na̱ja nsa̱ꞌá‑ó, va̱ni tiñu váꞌa áxí va̱ni tiñu níváꞌa, sáá ni̱yo‑ó jín yɨkɨkúñu‑ó iniꞌ ñɨ̱vɨ́ yaꞌá.

Romanos 2:16

Sukuán kuvi ki̱vɨ̱ꞌ saꞌá Ndiosíꞌ ya̱ sanáaꞌ Cristo Jesús jie̱ꞌe̱ꞌ rá tiñu íyó yuꞌuꞌ ya̱ nsa̱ꞌá rá ñɨvɨ jín ya̱ ñani iniꞌ ráa. Jee sanáaꞌ re̱ꞌ kua̱chi ráa sánikua̱ꞌ tu̱ꞌun váꞌa re̱ꞌ ya̱ káchítu̱ꞌún ni̱ꞌ.

Apoclipsis 2:23

Jee kaꞌniꞌ ni̱ꞌ rá se̱ꞌya ña. ’Saájee ntáká rá grupo rá ñɨvɨ kúneí iniꞌ ráa nuꞌuꞌ, jee kukáꞌnú iniꞌ ráa ya̱ nuꞌuꞌ ví ya̱ kávii kuitɨꞌ jíníꞌ ni̱ꞌ nɨꞌɨ ya̱ jiáni iniꞌ antúníꞌ ñɨvɨ jín nɨꞌɨ ya̱ ñúꞌún ánímaꞌ ñɨvɨ. Jee naku̱ꞌva ni̱ꞌ nu̱u̱nꞌ ta ɨɨn ɨɨn rá ñɨvɨ na̱ja kua̱ꞌ sáni tiñu ya̱ nsa̱ꞌá ráa.

Juan 21:17

Jee ya̱ uníꞌ íchí nkachiꞌ re̱ꞌ nu̱u̱nꞌ Pedro: ―Simón, se̱ꞌya Jonás, ¿á ñúnúunꞌ nú nuꞌuꞌ? Jee nnu̱kuéká víꞌí iniꞌ Pedro chi ya̱ uníꞌ íchí ni̱ka̱tu̱ꞌún re̱ꞌ maa: “¿Á ñúnúunꞌ nú nuꞌuꞌ?”, jee nkachiꞌ Pedro nu̱u̱nꞌ re̱ꞌ: ―I̱toꞌoꞌ, noꞌó jíníꞌ nú nɨꞌɨ, noꞌó jíníꞌ ya̱ ñúnúunꞌ ni̱ꞌ noꞌó. Jee nkachiꞌ Jesús nu̱u̱nꞌ re̱ꞌ: ―Kumí nú rá ñɨvɨ yɨ́ꞌɨ́ xi̱ntíín ni̱ꞌ ya̱ kúvi ráa kuéntáꞌ rá lanchi ni̱ꞌ.

Juan 2:24

Soo Jesús chi ntu kúneí iniꞌ re̱ꞌ ráa, chi jíníꞌ re̱ꞌ iniꞌ ntáká rá ñɨvɨ.

Hechos 17:31

Chi ñani‑i ɨɨn ki̱vɨ̱ꞌ nu̱u̱nꞌ sanáaꞌ na̱a̱ꞌ‑a kua̱chi nɨꞌɨ ñɨvɨ ñɨ̱vɨ́. Jee ñani‑i ɨɨn te̱e, sáva sanáaꞌ re̱ꞌ jie̱ꞌe̱ꞌ kua̱chi ñɨvɨ. Jee nstúvi‑i ya̱ níso re̱ꞌ tiñu vá, chi nna̱stekúꞌ i̱i̱ꞌ‑i re̱ꞌ nteñu rá níꞌiꞌ jee nxi̱nákóo‑o yɨkɨkúñu re̱ꞌ.

Mateo 6:4

Saꞌá nú suꞌva sáva koo yuꞌuꞌ ya̱ ku̱ꞌva nú karidáꞌ nu̱u̱nꞌ ñɨvɨ jíniñúꞌún maa, jee maá Tátáꞌ nú Ndiosíꞌ ya̱ jíníꞌ re̱ꞌ ya̱ íyó yuꞌuꞌ, jee maáréꞌ nataji re̱ꞌ ta̱ꞌvi̱ꞌ nu̱u̱nꞌ nú.

Juan 4:16

Jee nkachiꞌ Jesús nu̱u̱nꞌ ña: ―Kuáꞌán, chi kɨ̱kana nú yɨɨ́ nú jee kiji nú jín re̱ꞌ yaꞌá ―nkachiꞌ Jesús.