Hebreos 4:12 - Mixteco del suroeste de Tlaxiaco Oaxaca

¹² Chi Tu̱ꞌun Ndiosíꞌ suni tékúꞌ‑u chi ni̱ꞌin yɨ́ɨ́‑ɨ xá jee sátíñú‑u iniꞌ‑ó. Chi Tu̱ꞌun Ndiosíꞌ kúvi kuéntáꞌ ɨɨn yuchiꞌ espada xe̱e̱nꞌ, soo xe̱e̱nꞌ nasɨ́kuitɨꞌ ka̱ꞌ kúvi tu̱ꞌun re̱ꞌ nsú káꞌ kua̱ꞌ xe̱e̱nꞌ ntáká rá yuchiꞌ espada ya̱ xe̱e̱nꞌ ni núvíꞌ íyó ichi yuꞌú, chi suni kívɨ tu̱ꞌun re̱ꞌ ne̱ nu̱u̱nꞌ kúnú iniꞌ‑ó sáva stúvi kájí‑i na̱sa íyó antúníꞌ‑ó jín ánímaꞌ‑ó, kuéntáꞌ kívɨ yuchiꞌ espada ne̱ nu̱u̱nꞌ kúnú sáva sasɨ́ɨ́n‑ɨ ne̱ nu̱u̱nꞌ ñútáꞌán rá yɨkɨ‑ó jín rá miki yɨkɨ‑ó. Jee jiéꞌnéꞌ na̱a̱ꞌ tu̱ꞌun re̱ꞌ antúníꞌ‑ó jín rá kuíni ánímaꞌ‑ó saꞌá‑ó.

Hebreos 4:12 Referans Kwoze

Efesios 6:17

Jee kuiñɨ ni̱ꞌin rán jín ya̱ xinánitáꞌvíꞌ Ndiosíꞌ yó, chi yukuán kúvi kuéntáꞌ ɨɨn ti̱kokoꞌ ka̱a ya̱ ñúꞌún xi̱ni̱ꞌ ɨɨn soldado ya̱ náma‑a xi̱ni̱ꞌ‑i. Jee kuatíñú rán Tu̱ꞌun Ndiosíꞌ, ya̱ ntaji Ta̱chi̱ꞌ Ííꞌ re̱ꞌ nu̱u̱nꞌ‑ó kuéntáꞌ ɨɨn yuchiꞌ espada ya̱ jiátíñú rá soldado nu̱u̱nꞌ kántáꞌán ráa.

1 Pedro 1:23

Chi nna̱kaku jiáá tuku rán, soo nsáꞌ nna̱kaku rán se̱ꞌya ni̱ñɨ̱ꞌ nu̱u̱nꞌ sɨꞌɨ́ ya̱ jíꞌíꞌ‑i, chisaꞌ nna̱kaku rán sáꞌá Tu̱ꞌun Ndiosíꞌ ya̱ tékúꞌ‑u jee kino̱o‑o nɨ́ɨ́nkání.

Apoclipsis 1:16

Jee naꞌá kuáꞌá re̱ꞌ ínaꞌá re̱ꞌ u̱xa̱ꞌ tiu̱u̱nꞌ. Jee yuꞌú re̱ꞌ kikene ɨɨn yuchiꞌ espada ya̱ xe̱e̱nꞌ ni núvíꞌ yuꞌú‑u. Jee nu̱u̱nꞌ re̱ꞌ íyó‑o kuéntáꞌ nka̱niiꞌ sáá ntántúníꞌ jiánu̱te̱ꞌ víꞌí nuva‑a.

1 Tesalonicenses 2:13

Jee suni yɨ́táꞌán jiáꞌa ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ, chi ntɨɨn ránú tu̱ꞌun nteso̱ꞌo rán ya̱ nkachitu̱ꞌún ráníꞌ. Soo ntu̱ví ntɨ́ɨn ránú tu̱ꞌun vá kuéntáꞌ tu̱ꞌun káꞌánꞌ métúꞌún te̱e ni. Chisaꞌ ntɨɨn rán maá kuéntáꞌ Tu̱ꞌun Ndiosíꞌ kúvi‑i, ya̱ máá nááꞌ nijia ya̱ Tu̱ꞌun Ndiosíꞌ kúvi‑i. Jee tu̱ꞌun vá sátíñú iniꞌ ránoꞌó ya̱ kúneí iniꞌ rán Cristo.

Romanos 1:16

Chi ntu̱ví kúkanuun ni̱ꞌ jie̱ꞌe̱ꞌ tu̱ꞌun váꞌa Jesús, chi kúvi tu̱ꞌun vá fuersáꞌ ííꞌ Ndiosíꞌ sáva nátavaꞌ re̱ꞌ ntáká ñɨvɨ ya̱ kúneí iniꞌ ráa tu̱ꞌun vá nu̱u̱nꞌ kua̱chi ráa xinánitáꞌvíꞌ re̱ꞌ ráa, xíꞌnañúꞌún rá ñɨvɨ Israel jee suni rá ñɨvɨ ntu kúvi Israel.

Apoclipsis 19:15

Jee yuꞌú re̱ꞌ kéne yuchiꞌ espada xe̱e̱nꞌ. Jee jín espada vá xínáánꞌ re̱ꞌ rá ñɨvɨ ntáká nación. Jee xichiꞌ víꞌí tatúníꞌ ni̱ꞌin re̱ꞌ nu̱u̱nꞌ rá ñɨvɨ rá nación jín ɨɨn bastón ka̱a. Jee ku̱ꞌva re̱ꞌ ntántúníꞌ tu̱nóꞌó xéénꞌ kunoꞌo ráa jie̱ꞌe̱ꞌ kítɨ́ꞌ víꞌí iniꞌ Ndiosíꞌ jie̱ꞌe̱ꞌ kua̱chi ráa, kuéntáꞌ kua̱ꞌ sáꞌá te̱e ya̱ jiáñúꞌ‑u uva jee jíꞌni‑i vá. Jee Ndiosíꞌ ví ya̱ níso fesáꞌ ííꞌ ni̱ꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó.

Efesios 5:13

Soo Tu̱ꞌun Ndiosíꞌ kúvi kuéntáꞌ ñuꞌunꞌ ya̱ stúúnꞌ‑u jee suꞌva stúvi‑i nu̱u̱nꞌ nijínꞌ na̱ja íyó ntáká tiñu. Chi sáá túúnꞌ ñuꞌunꞌ nu̱u̱nꞌ nɨꞌɨ nátúvi nu̱u̱nꞌ nijinꞌ.

Lucas 8:11

’Suꞌva kuíni kachiꞌ tu̱ꞌun kúnkunuún káꞌánꞌ yaꞌá: Nikɨn tataꞌ vá ví Tu̱ꞌun Ndiosíꞌ.

Juan 6:51

Chi maáníꞌ kuvi i̱xta̱tíláꞌ tékúꞌ vá ya̱ nkikuun ni̱ꞌ ne̱ antivɨ́, sáva néni ɨɨn ñɨvɨ ya̱ kajiꞌ ráa maa, jee saꞌá‑a ya̱ kutekuꞌ ráa nɨ́ɨ́nkání jín Ndiosíꞌ. Jee i̱xta̱tíláꞌ ya̱ ku̱ꞌva ni̱ꞌ ví yɨkɨkúñu ni̱ꞌ. Ku̱ꞌva ni̱ꞌ maa sáva ni̱ꞌi̱nꞌ ñɨvɨ ñɨ̱vɨ́ kuvi kutekuꞌ ráa nɨ́ɨ́nkání jín Ndiosíꞌ ―nkachiꞌ Jesús.

Apoclipsis 19:21

Jee rá inka soldado rá kitɨ xe̱e̱nꞌ vá, chi ñaꞌniꞌ te̱e ya̱ yósóꞌ kitɨ kuíjín vá ráa jín yuchiꞌ espada ya̱ kéne yuꞌú re̱ꞌ. Saájee ntáká nu̱u̱nꞌ rá chi̱í nyajiꞌ rátíꞌ nnaꞌaꞌ rátíꞌ ku̱ñu ráa.

Apoclipsis 2:16

Saáva íyó nakani iniꞌ ráa xinóo ráa kua̱chi sáꞌá ráa. Chi retú ntu̱ví jee ñamani kenta ni̱ꞌ nu̱u̱nꞌ rán kantáꞌán ni̱ꞌ si̱kɨ̱ꞌ ráa jín yuchiꞌ espada kéne yuꞌú ni̱ꞌ xinóꞌo ni̱ꞌ ráa.

Hebreos 13:7

Jee naku̱ꞌun iniꞌ rán rá te̱e yósóꞌ ráa nu̱u̱nꞌ rán, ya̱ náchuꞌun ráa ichi Ndiosíꞌ ránoꞌó, ya̱ maáráa kúvi ya̱ nxi̱néꞌénꞌ ráa Tu̱ꞌun Ndiosíꞌ ránoꞌó. Jee kani va̱ꞌa iniꞌ rán na̱ja viiꞌ ñaꞌnu ráa, jee suni kuneí iniꞌ rán kuéntáꞌ kua̱ꞌ nku̱neí iniꞌ ráa Ndiosíꞌ.

Hechos 4:31

Jee sáá nkuvi nkaꞌanꞌ ráa jín Ndiosíꞌ, jee nta̱an nu̱u̱nꞌ íyó tútú ráa. Jee nchi̱tú Ta̱chi̱ꞌ Ííꞌ Ndiosíꞌ nta̱ká ráa, jee nchu̱neí iniꞌ ráa káchíꞌ ráa Tu̱ꞌun Ndiosíꞌ.

Hechos 2:37

Sáá nteso̱ꞌo ráa tu̱ꞌun vá, nnu̱kuíꞌyáꞌ nasɨ́kuitɨꞌ iniꞌ ráa ne̱ ntu̱fi̱ꞌ ánímaꞌ ráa, jee nkachiꞌ ráa nu̱u̱nꞌ Pedro jín nu̱u̱nꞌ rá inka ka̱ꞌ te̱e níso rává tiñu apóstol: ―¿Ná íyó saꞌá ránꞌ, résa? Ránoꞌó ñaniꞌ.

Apoclipsis 2:23

Jee kaꞌniꞌ ni̱ꞌ rá se̱ꞌya ña. ’Saájee ntáká rá grupo rá ñɨvɨ kúneí iniꞌ ráa nuꞌuꞌ, jee kukáꞌnú iniꞌ ráa ya̱ nuꞌuꞌ ví ya̱ kávii kuitɨꞌ jíníꞌ ni̱ꞌ nɨꞌɨ ya̱ jiáni iniꞌ antúníꞌ ñɨvɨ jín nɨꞌɨ ya̱ ñúꞌún ánímaꞌ ñɨvɨ. Jee naku̱ꞌva ni̱ꞌ nu̱u̱nꞌ ta ɨɨn ɨɨn rá ñɨvɨ na̱ja kua̱ꞌ sáni tiñu ya̱ nsa̱ꞌá ráa.

Apoclipsis 20:4

Jee kuíre niniꞌ ni̱ꞌ rá teyuꞌ nu̱u̱nꞌ nééꞌ rá tátúníꞌ, jee yukuán ña̱kuneeꞌ rá ñɨvɨ ya̱ nni̱ꞌi̱nꞌ ráa tiñu ya̱ kuvi sanáaꞌ ráa kua̱chi. Jee nna̱tekuꞌ i̱i̱ꞌ rá ánímaꞌ rá ñɨvɨ ya̱ ntéꞌneꞌ xi̱ni̱ꞌ ráa jie̱ꞌe̱ꞌ ya̱ njia̱ꞌa ráa ya̱ naáꞌ jie̱ꞌe̱ꞌ Jesús jín jie̱ꞌe̱ꞌ ya̱ niñɨ na̱a̱ꞌ ráa jín Tu̱ꞌun Ndiosíꞌ. Jee suviráa ví rá ñɨvɨ ya̱ ntu nnéñu̱ꞌun ráa kitɨ xéénꞌ kákini xíꞌnañúꞌún vá, ni jín santúꞌ ñunéꞌyúꞌ maátíꞌ. Jee ni ntu nníꞌínꞌ ráa seña ti̱ꞌ kuniso te̱e̱nꞌ ráa ni jín naꞌá ráa. Jee nna̱tekuꞌ i̱i̱ꞌ ráa, jee nta̱túníꞌ ráa tiñu jín Cristo ɨɨn mil (1000) kui̱ya̱ꞌ.

1 Tesalonicenses 5:23

Ndiosíꞌ ví ya̱ sáꞌá‑a ya̱ kuneeꞌ ñunkúún ñɨvɨ. Jee ñúꞌún iniꞌ ni̱ꞌ ya̱ na̱ ka̱ꞌ sasɨ́ɨ́n re̱ꞌ ka̱ꞌ ránoꞌó ya̱ nkɨ́ꞌɨ rán ka̱ꞌ nu̱u̱nꞌ ya̱ níváꞌa, ya̱ kɨtíñú noo rán nu̱u̱nꞌ re̱ꞌ. Jee ñúꞌún iniꞌ ni̱ꞌ ya̱ na̱ ka̱ꞌ kumí re̱ꞌ ka̱ꞌ kávii kuitɨꞌ sáá íyó rán, va̱ni ánímaꞌ rán, va̱ni antúníꞌ rán, va̱ni yɨkɨkúñu rán, sáva ntu̱náꞌ kua̱chi koo si̱kɨ̱ꞌ ránoꞌó, sáá kiji tuku I̱toꞌoꞌ‑ó Jesús ya̱ kúvi Cristo.

2 Corintios 4:2

Jee jíníi̱yo ráníꞌ sáꞌá ránꞌ rá tiñu yɨ́séꞌí ya̱ kúvi tu̱ꞌun kánuun sáꞌá ñɨvɨ. Jee ni ntu̱ví jíka ránꞌ jín tiñu máñáꞌ. Jee ni ntu̱ví sáma ránꞌ sáá káꞌánꞌ Tu̱ꞌun Ndiosíꞌ. Chisaꞌ stúvi nijinꞌ ránꞌ tu̱ꞌun na̱a̱ꞌ Ndiosíꞌ, jee sukuán nákutíñú rán jie̱ꞌe̱ꞌ maáránꞌ sáva kuniꞌ nta̱ká rá ñɨvɨ ne̱ ánímaꞌ ráa ya̱ na̱a̱ꞌ íyó ránꞌ. Jee jíníꞌ maá Ndiosíꞌ ya̱ na̱a̱ꞌ íyó ránꞌ.

Santiago 1:18

Jee ña̱tíñú re̱ꞌ tu̱ꞌun na̱a̱ꞌ re̱ꞌ, sáva saꞌá re̱ꞌ ya̱ nakaku‑ó ya̱ kuvi‑ó se̱ꞌya re̱ꞌ, sáni kuíni re̱ꞌ. Nsa̱ꞌá re̱ꞌ suꞌva sáva kuvi‑ó rá se̱ꞌya xíꞌnañúꞌún ya̱ ña̱ko̱so̱ꞌ nu̱u̱nꞌ kue̱ꞌe̱ꞌ ka̱ꞌ se̱ꞌya re̱ꞌ, ya̱ va̱ji nu̱u̱nꞌ rá ñɨvɨ ya̱ nsa̱ꞌá re̱ꞌ.

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.

1 Corintios 1:24

Soo ntáká rá ñɨvɨ ya̱ nkana Ndiosíꞌ kɨꞌɨ ráa naꞌá re̱ꞌ jee ínúꞌ iniꞌ ráa Cristo, va̱ni kúvi ráa ñɨvɨ ñuunꞌ Israel, áxí va̱ni ñɨvɨ ntu kúvi ñuunꞌ Israel, jee nu̱u̱nꞌ ráa tu̱ꞌun jie̱ꞌe̱ꞌ Cristo kúvi‑i fuersáꞌ ííꞌ níꞌin níso Ndiosíꞌ ya̱ sátíñú re̱ꞌ jín‑i jín tu̱ꞌun níchí re̱ꞌ.

Hechos 5:33

Sáá nteso̱ꞌo rá te̱e Justicia rá tu̱ꞌun vá, jee nsa̱a̱ꞌ nasɨ́kuitɨꞌ xi̱ni̱ꞌ ráa, jee nkuini ráa kaꞌniꞌ ráa rává.

Juan 12:48

Soo ñɨvɨ ya̱ kúníichiꞌ iniꞌ‑i nuꞌuꞌ, jee ntu̱ví tɨ́ɨn‑ɨ tu̱ꞌun káꞌánꞌ ni̱ꞌ, jee ya̱ íyó ɨɨn ya̱ sanáaꞌ‑a kua̱chi si̱kɨ̱ꞌ ñɨvɨ vá jee keꞌneꞌ‑e kua̱chi si̱kɨ̱ꞌ vá. Rá tu̱ꞌun ya̱ nkachiꞌ ni̱ꞌ ví ya̱ keꞌneꞌ‑e kua̱chi vá ki̱vɨ̱ꞌ nu̱u̱nꞌ nɨ́ꞌɨ.

Hechos 7:38

Yaꞌá ví Moisés ya̱ níñɨ re̱ꞌ jín rá ñɨvɨ Israel nku̱tútú nu̱u̱nꞌ ñu̱ꞌún saɨn. Jee ni̱ñɨ re̱ꞌ jín najiáꞌáꞌ ííꞌ Ndiosíꞌ, ya̱ nkaꞌanꞌ jín re̱ꞌ nu̱u̱nꞌ yuku naní Sinaí. Jee ni̱ñɨ re̱ꞌ jín rá jííꞌ‑ó yanaꞌán. Jee Moisés ví ya̱ nni̱ꞌi̱nꞌ re̱ꞌ rá tu̱ꞌun ya̱ sáꞌá ya̱ kutekuꞌ‑ó, sáva taji re̱ꞌ maa nu̱u̱nꞌ ránú.

Efesios 5:26

Nsa̱ꞌá re̱ꞌ sukuán sáva saꞌá sɨ́ɨ́n re̱ꞌ yó sáva nkɨ́ꞌɨ‑ó ka̱ꞌ nu̱u̱nꞌ kua̱chi‑ó, jee nna̱sánoo re̱ꞌ ánímaꞌ‑ó jín tu̱ꞌun re̱ꞌ, kuéntáꞌ nna̱kete re̱ꞌ yó jín nute.

Hebreos 6:5

jín ya̱ ñaꞌnu ráa nu̱u̱nꞌ tu̱ꞌun váꞌa Ndiosíꞌ, jín ya̱ ñaꞌnu ráa nu̱u̱nꞌ rá tiñu ñáꞌnú sáꞌá re̱ꞌ jín fesáꞌ ííꞌ re̱ꞌ tiempúꞌ kiji.