Hebreos 3:6 - Mixteco del suroeste de Tlaxiaco Oaxaca

⁶ Soo Cristo, kúvi re̱ꞌ Se̱ꞌya Ndiosíꞌ, jee síkúnkuvi na̱a̱ꞌ re̱ꞌ ntáká tiñu ya̱ yósóꞌ re̱ꞌ nu̱u̱nꞌ rá ñɨvɨ veꞌi Ndiosíꞌ, ya̱ suvi kúvi maáórán, retú íñɨ́ ni̱ꞌin‑ó níkɨ́nꞌ kutú‑ó kúneí iniꞌ‑ó re̱ꞌ ne̱ kenta nu̱u̱nꞌ nɨ́ꞌɨ tékúꞌ‑ó, jín ya̱ kúsɨ́ɨꞌ víꞌí iniꞌ‑ó jie̱ꞌe̱ꞌ ya̱ íyó tu̱neí iniꞌ‑ó ya̱ kuneeꞌ‑ó jín Ndiosíꞌ.

Hebreos 3:6 Referans Kwoze

2 Corintios 6:16

Jee, ¿ná kúvi ya̱ kétáꞌán veñu̱ꞌun Ndiosíꞌ jín rá nantíñú ya̱ nsú Ndiosíꞌ ví‑i ya̱ néñu̱ꞌun ñɨvɨ rúja? Chi maáó kúvi‑ó veñu̱ꞌun Ndiosíꞌ tékúꞌ, chi yɨ́ꞌɨ́ re̱ꞌ iniꞌ‑ó, sáni nkachiꞌ re̱ꞌ: Kuneeꞌ ni̱ꞌ nteñu ráa jee kakanuun ni̱ꞌ satíñú ni̱ꞌ iniꞌ ráa. Jee maáníꞌ kuvi Ndiosíꞌ ráa. Jee suviráa kuvi ñɨvɨ maáníꞌ.

1 Corintios 3:16

¿Á ntu̱ví jíníꞌ ránú ya̱ kúvi rán veñu̱ꞌun maá Ndiosíꞌ jín ya̱ yɨ́ꞌɨ́ Ta̱chi̱ꞌ Ííꞌ Ndiosíꞌ iniꞌ ánímaꞌ rán rúja?

1 Pedro 2:5

Jee ránoꞌó ranika̱ꞌ, suni kúvi rán kuéntáꞌ rá yu̱u̱ꞌ tékúꞌ ya̱ jiátíñú Ndiosíꞌ ránoꞌó sáꞌá re̱ꞌ veꞌi nu̱u̱nꞌ yɨ́ꞌɨ́ Ta̱chi̱ꞌ Ííꞌ re̱ꞌ, sáva kuvi rán su̱tu̱ꞌ ííꞌ kɨtíñú rán nu̱u̱nꞌ tiñu re̱ꞌ, sáva so̱ko̱ꞌ rán nu̱u̱nꞌ Ndiosíꞌ máá tiñu sánikua̱ꞌ sátíñú Ta̱chi̱ꞌ Ííꞌ re̱ꞌ iniꞌ ránoꞌó ya̱ kúváꞌa iniꞌ re̱ꞌ néꞌyá re̱ꞌ maa jie̱ꞌe̱ꞌ yɨ́ꞌɨ́ rán nu̱u̱nꞌ Jesús ya̱ kúvi Cristo.

Hebreos 10:35

Jee saáva koto xínóo rán ya̱ ne̱ yuchí kúkáꞌnú iniꞌ rán Jesús, chi jie̱ꞌe̱ꞌ kúneí iniꞌ rán Jesús jee ni̱ꞌi̱nꞌ rán ta̱ꞌvi̱ꞌ máá ñáꞌnú nasɨ́kuitɨꞌ ka̱ꞌ.

Hebreos 6:11

Soo ñúkúvi iniꞌ ráníꞌ ya̱ suni sukuán kuꞌun káñá iniꞌ ta ɨɨn ɨɨn rán, ne̱ kenta ji̱nu tékúꞌ rán, sáva nɨꞌɨ noo kino̱o kutú iniꞌ rán ya̱ íyó tu̱neí iniꞌ‑órán ya̱ taji Ndiosíꞌ nu̱u̱nꞌ‑ó ya̱ nchi̱sóyuꞌú re̱ꞌ.

1 Corintios 6:19

Áxí, ¿á ntu̱ví jíníꞌ rán ya̱ yɨkɨkúñu rán kúvi veñu̱ꞌun nu̱u̱nꞌ yɨ́ꞌɨ́ Ta̱chi̱ꞌ Ííꞌ Ndiosíꞌ iniꞌ rán, jín ya̱ níꞌin rán maa nu̱u̱nꞌ Ndiosíꞌ résa? Jín, ¿á ntu jíníꞌ rán ya̱ nsú i̱toꞌoꞌ xí maárán kúvi rán résa?

Hebreos 10:23

Jee saáva kuiñɨ ni̱ꞌin‑ó jín tu̱ꞌun váꞌa ya̱ jiáꞌayuꞌú‑ó ya̱ íyó tu̱neí iniꞌ‑ó kúnáaꞌ iniꞌ‑ó ya̱ ki̱vɨ‑ó nu̱u̱nꞌ nééꞌ Ndiosíꞌ. Jee koto ɨɨn u̱vi̱ꞌ jiáni iniꞌ‑ó, chi Ndiosíꞌ nchi̱sóyuꞌú re̱ꞌ maa nu̱u̱nꞌ‑ó, jee síkúnkuvi na̱a̱ꞌ nijia re̱ꞌ ya̱ káchíꞌ re̱ꞌ.

Hebreos 4:11

Saáva íyó nunasɨ́‑ó ki̱vɨ‑ó nu̱u̱nꞌ najia̱ví‑ó sáni nna̱jia̱ví re̱ꞌ, sáva ni ɨɨn‑ó ntu kininkava‑a saꞌá‑a kua̱ꞌ nsa̱ꞌá rá ñɨvɨ vá ya̱ ntu nka̱níjiá ráa.

Hebreos 3:14

Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.

Apoclipsis 3:11

’Jee ñamani nenta ni̱ꞌ, saáva kunikɨnꞌ kutú rán kuiñɨ rán jín tu̱ꞌun ni̱ꞌ ya̱ jínúꞌ iniꞌ rán, sáva ni ɨɨn ntu̱náꞌ kuneí naneeꞌ ta̱ꞌvi̱ꞌ ni̱ꞌi̱nꞌ rán.

Hebreos 4:14

Íyó jín‑ó ɨɨn su̱tu̱ꞌ kúñáꞌnú ka̱ꞌ ya̱ nnaa re̱ꞌ súkún nu̱u̱nꞌ nééꞌ Ndiosíꞌ. Jesús ví su̱tu̱ꞌ vá, ya̱ kúvi re̱ꞌ Se̱ꞌya Ndiosíꞌ. Saáva íyó kuiñɨ ni̱ꞌin‑ó jín tu̱ꞌun njia̱ꞌayuꞌú‑ó ya̱ jínúꞌ iniꞌ‑ó.

Hebreos 1:2

Soo rá ki̱vɨ̱ꞌ nu̱u̱nꞌ nɨ́ꞌɨ yaꞌá, ña̱tíñú re̱ꞌ Se̱ꞌya re̱ꞌ sáva kaꞌanꞌ re̱ꞌ jín‑ó. Jee maá Se̱ꞌya re̱ꞌ ví ya̱ ñani re̱ꞌ sáva nachiꞌi re̱ꞌ xi̱ntíín maáa nta̱ká ya̱ íyó. Jee jín maá Se̱ꞌya re̱ꞌ nsa̱ꞌá re̱ꞌ ya̱ ña̱ko̱o ñɨ̱vɨ́.

1 Timoteo 3:15

Soo retú kukuéé ni̱ꞌ, jee tée ni̱ꞌ tu̱ꞌun yaꞌá, sáva kukáꞌnú iniꞌ nú sáá íyó kuneeꞌ viiꞌ rá ñɨvɨ ya̱ kúneí iniꞌ ráa Cristo jín ɨɨn inka ráa. Suviráa kúvi táꞌán veꞌi Ndiosíꞌ. Suviráa kúvi ñɨvɨ Ndiosíꞌ tékúꞌ, ya̱ stútú re̱ꞌ ráa. Kuéntáꞌ ɨɨn nekaꞌ yɨ́tuvi xi̱ni̱ꞌ ve̱ꞌí, jee kuéntáꞌ yósóꞌ veꞌi nu̱u̱nꞌ koo, chi maáráa yɨ́tuvi ráa tu̱ꞌun nááꞌ re̱ꞌ.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

Mateo 10:22

Taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ. Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

1 Tesalonicenses 5:16

Sukuáni sɨ̱ɨ̱ꞌ koo iniꞌ ánímaꞌ rán.

Romanos 15:13

Jee maá Ndiosíꞌ ví ya̱ sáꞌá re̱ꞌ ya̱ íyó tu̱neí iniꞌ‑ó kuna̱a̱ꞌ iniꞌ‑ó ni̱ꞌi̱nꞌ‑ó ya̱ táji re̱ꞌ. Jee na̱ ka̱ꞌ saꞌá re̱ꞌ ya̱ kusɨ̱ɨ̱ꞌ nasɨ́kuitɨꞌ iniꞌ ánímaꞌ rán, jín ya̱ ne̱ va̱ꞌa kuvi ánímaꞌ rán kuneeꞌ va̱ꞌa rán, jie̱ꞌe̱ꞌ ya̱ kúneí iniꞌ rán re̱ꞌ. Jee sáva fuersáꞌ ííꞌ Ta̱chi̱ꞌ Ííꞌ re̱ꞌ saꞌá‑a ya̱ kukueꞌeꞌ víꞌí ka̱ꞌ koo tu̱neí iniꞌ rán jie̱ꞌe̱ꞌ ya̱ váꞌa nchi̱sóyuꞌú re̱ꞌ saꞌá‑a jín ránoꞌó.

Mateo 24:13

Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

Apoclipsis 2:25

Soo kua̱chi vá kunikɨnꞌ kutú rán maá tu̱ꞌun na̱a̱ꞌ ya̱ jínúꞌ iniꞌ rán ya̱ níkɨ́nꞌ rán, nekuaꞌ niji ni̱ꞌ.

Apoclipsis 2:18

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, rá nééꞌ nu̱u̱nꞌ ñuunꞌ Tiatira: “Nuꞌuꞌ kúvi ni̱ꞌ Se̱ꞌya Ndiosíꞌ ya̱ íyó rá titɨ nchinúún ni̱ꞌ kuéntáꞌ yáá ñuꞌunꞌ. Jee rá jie̱ꞌe̱ꞌ ni̱ꞌ jiánu̱te̱ꞌ ráa kuéntáꞌ kua̱ꞌ xiñúꞌ jiánu̱te̱ꞌ ka̱a kuáán ya̱ núlɨɨ‑ɨ. Tu̱ꞌun yaꞌá káchíꞌ nuꞌuꞌ:

2 Tesalonicenses 2:16

I̱ña̱jée, máá maá I̱toꞌoꞌ‑ó, Jesucristo, jín Tátáꞌ‑ó, Ndiosíꞌ, suviráa ñúnúunꞌ ráa yó. Saáva násaváꞌa ráa iniꞌ‑ó nɨ́ɨ́nkání, jee nsa̱ꞌá ráa ya̱ íyó tu̱neí iniꞌ‑ó ya̱ váꞌa saꞌá ráa nu̱u̱nꞌ‑ó, jie̱ꞌe̱ꞌ íyó mániꞌ iniꞌ ráa néꞌyá ráa yó.

Romanos 5:2

Chi suni Cristo nsa̱ꞌá ya̱ nkívɨ‑ó nu̱u̱nꞌ ya̱ íyó mániꞌ iniꞌ Ndiosíꞌ néꞌyá re̱ꞌ yó, sú ntu íyó ni̱ꞌi̱nꞌ‑ó maa. Jee íñɨ́ ni̱ꞌin‑ó jín ya̱ íyó mániꞌ iniꞌ Ndiosíꞌ néꞌyá re̱ꞌ yó. Jee kúsɨ́ɨꞌ iniꞌ ánímaꞌ‑ó chi íyó tu̱neí iniꞌ‑ó kúnáaꞌ iniꞌ‑ó ya̱ taji re̱ꞌ nu̱u̱nꞌ‑ó ya̱ viiꞌ kúñáꞌnú‑ó jín re̱ꞌ.

1 Pedro 1:8

Maáréꞌ ví ya̱ ñúnúunꞌ rán re̱ꞌ súnika̱ꞌ ntu jíníꞌ jínúunꞌ rán re̱ꞌ, jee jínúꞌ iniꞌ rán re̱ꞌ sú ntu néꞌyá rán re̱ꞌ vitan jee ne̱ sɨ̱ɨ̱ꞌ kúvi iniꞌ rán kúsɨ́ɨꞌ iniꞌ rán ya̱ ntántúníꞌ nasɨ́kuitɨꞌ viiꞌ ya̱ ni ntu kúvi ni̱ꞌi̱nꞌ rán ka̱ꞌ tu̱ꞌun na̱ja vá kachiꞌ rán maa.

Gálatas 6:9

Koto núun iniꞌ‑órán saꞌá‑ó ya̱ váꞌa. Chi kenta ki̱vɨ̱ꞌ ñani Ndiosíꞌ ya̱ ni̱ꞌi̱nꞌ‑ó ta̱ꞌvi̱ꞌ taji re̱ꞌ, kuéntáꞌ níꞌínꞌ‑ó tataꞌ sáꞌá‑ó, retú ntu nikó iniꞌ‑ó sáꞌá‑ó ya̱ váꞌa.

Romanos 11:22

Saáva tɨɨn kuéntáꞌ rán na̱sa kúváꞌa iniꞌ Ndiosíꞌ jín ya̱ xichiꞌ re̱ꞌ. Nu̱u̱nꞌ ráa ya̱ nkininkava ráa ntu nku̱neí iniꞌ ráa Cristo jee xichiꞌ re̱ꞌ ráa. Soo kúváꞌa iniꞌ re̱ꞌ néꞌyá re̱ꞌ noꞌó, retú kino̱o ni̱ꞌin nú nu̱u̱nꞌ ya̱ kúváꞌa iniꞌ re̱ꞌ néꞌyá re̱ꞌ noꞌó jie̱ꞌe̱ꞌ kúneí iniꞌ nú Cristo. Chi retú ntu̱ví, jee suni ne̱ maánú naneeꞌ.

Mateo 16:18

Jee nuꞌuꞌ káchíꞌ ni̱ꞌ nu̱u̱nꞌ nú, ya̱ noꞌó kúvi Pedro. Jee [tu̱ꞌun na̱a̱ꞌ vá ya̱ nkachiꞌ nú], yaꞌá kúvi máá kava káꞌnú nu̱u̱nꞌ samaꞌ ni̱ꞌ veñu̱ꞌun ni̱ꞌ, ya̱ kúvi rá ñɨvɨ kúneí iniꞌ ráa nuꞌuꞌ. Jee nu̱u̱nꞌ íyó rá ánímaꞌ rá ñɨvɨ níꞌiꞌ ntu̱náꞌ kuneí‑i jín rá ñɨvɨ kúneí iniꞌ ráa nuꞌuꞌ.

Romanos 12:12

Jee kusɨ̱ɨ̱ꞌ iniꞌ ánímaꞌ rán jie̱ꞌe̱ꞌ ya̱ íyó tu̱neí iniꞌ rán ki̱vɨ̱ꞌ nétu rán ya̱ xinánitáꞌvíꞌ Cristo ránoꞌó. Jee keꞌneꞌ iniꞌ rán kuiñɨ ni̱ꞌin rán sáá nóꞌo rán tu̱nóꞌó. Jee kuni̱ꞌin kaꞌanꞌ rán jín Ndiosíꞌ.

Gálatas 6:10

Saáva sáá kénta íyó, jee saꞌá‑ó ya̱ váꞌa nu̱u̱nꞌ nɨꞌɨ. Jee ya̱ ñáꞌnú ka̱ꞌ vá íyó saꞌá‑ó ya̱ váꞌa nu̱u̱nꞌ rá ñanitáꞌán‑ó ya̱ kúneí iniꞌ ráa Jesús.

Efesios 3:12

Jee jie̱ꞌe̱ꞌ yɨ́ꞌɨ́‑ó nu̱u̱nꞌ Cristo jee íyó neí iniꞌ‑ó ne̱ yuchí kúkáꞌnú iniꞌ‑ó natuꞌva‑ó nu̱u̱nꞌ Ndiosíꞌ chi kúneí iniꞌ‑ó Cristo.

Hebreos 4:16

Saáva ne̱ yuchí kukáꞌnú iniꞌ‑ó natuꞌva‑ó nu̱u̱nꞌ teyuꞌ Ndiosíꞌ nu̱u̱nꞌ tátúníꞌ re̱ꞌ jee kaꞌanꞌ‑ó jín re̱ꞌ ya̱ íyó mániꞌ iniꞌ re̱ꞌ néꞌyá re̱ꞌ yó, sáva ni̱ꞌi̱nꞌ‑ó ya̱ kunáꞌví iniꞌ re̱ꞌ yó jín ya̱ íyó mániꞌ iniꞌ re̱ꞌ chineí re̱ꞌ yó sáá jíniñúꞌún‑ó maa.

Hebreos 6:18

Jee saájee íyó u̱vi̱ꞌ tu̱ꞌun nkachiꞌ re̱ꞌ vá ya̱ ni ntu̱né kúvi sama‑a, chi ntu kuvi katúꞌún Ndiosíꞌ. Saáva nsa̱náaꞌ re̱ꞌ sukuán sáva nuneí téyɨ́ɨ́ iniꞌ maáórán ya̱ numíjiꞌíꞌ nna̱tuꞌva‑ó nu̱u̱nꞌ re̱ꞌ nama re̱ꞌ yó, sáva ni̱ꞌi̱nꞌ‑ó tu̱neí iniꞌ‑ó ya̱ ni̱ꞌi̱nꞌ‑ó ta̱ꞌvi̱ꞌ taji re̱ꞌ nu̱u̱nꞌ‑ó.

Hebreos 7:19

Chi ntu̱náꞌ nsáꞌá ley Moisés ya̱ kino̱o na̱a̱ꞌ ñɨvɨ nu̱u̱nꞌ Ndiosíꞌ. Soo vitan nkenta nni̱ꞌi̱nꞌ‑ó ya̱ koo tu̱neí iniꞌ‑ó ya̱ váꞌa ka̱ꞌ ya̱ kino̱o na̱a̱ꞌ‑ó nu̱u̱nꞌ re̱ꞌ, chi jie̱ꞌe̱ꞌ vá natuꞌva‑ó nu̱u̱nꞌ Ndiosíꞌ.

Hebreos 10:19

Saáva, ránoꞌó ñanitáꞌán, ne̱ yuchí kúkáꞌnú iniꞌ‑ó natuꞌva‑ó nu̱u̱nꞌ Ndiosíꞌ kuéntáꞌ ki̱vɨ‑ó Nu̱u̱nꞌ Ííꞌ Nasɨ́kuitɨꞌ Ka̱ꞌ antivɨ́ nu̱u̱nꞌ nééꞌ Ndiosíꞌ, jie̱ꞌe̱ꞌ ni̱ñɨ̱ꞌ Jesús ya̱ ñatɨ‑ɨ sáá ni̱ꞌi̱ꞌ re̱ꞌ jie̱ꞌe̱ꞌ‑ó.

Hebreos 10:21

Jee kúvi Cristo su̱tu̱ꞌ maa kúñáꞌnú nasɨ́kuitɨꞌ ka̱ꞌ yósóꞌ re̱ꞌ nu̱u̱nꞌ‑ó ya̱ suvió kúvi ñɨvɨ veꞌi Ndiosíꞌ.

Hebreos 11:1

Soo vitan jee, ya̱ ínúꞌ iniꞌ‑ó kúneí iniꞌ‑ó Ndiosíꞌ, yukuán kúvi ya̱ kúnáaꞌ nijia iniꞌ‑ó ya̱ ni̱ꞌi̱nꞌ‑ó ntáká ya̱ íyó tu̱neí iniꞌ‑ó nétu‑ó ni̱ꞌi̱nꞌ‑ó ya̱ saꞌá Ndiosíꞌ jín‑ó. Jee suni yukuán kúvi ya̱ ne̱ yuchí kúkáꞌnú iniꞌ‑ó ya̱ íyó sú ntiáꞌan kuniꞌ jínúunꞌ‑ó maa vitan.

1 Pedro 4:17

Chi ya nkenta tiempúꞌ ya̱ kijiéꞌé sanáaꞌ Ndiosíꞌ kua̱chi, soo xíꞌna ka̱ꞌ jín rá ñɨvɨ ya̱ kúvi ñɨvɨ veꞌi Ndiosíꞌ, jee retú ya nka̱jiéꞌé sanáaꞌ re̱ꞌ jie̱ꞌe̱ꞌ máá‑órán, ¿jee na̱ja ka̱ꞌ vá saꞌá na̱a̱ꞌ re̱ꞌ kua̱chi rá ñɨvɨ ya̱ ntu káníjiá ráa koo maniꞌ ráa tu̱ꞌun váꞌa re̱ꞌ rúja?

Apoclipsis 2:26

’Ñɨvɨ ya̱ kuneí ráa si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jín ya̱ sikúnkuvi na̱a̱ꞌ va̱ꞌa ráa tiñu ni̱ꞌ sáni kuíni ni̱ꞌ ne̱ nu̱u̱nꞌ nɨ́ꞌɨ, saájee saꞌá ni̱ꞌ ya̱ kúñáꞌnú rá ñɨvɨ vá jee tátúníꞌ ráa nu̱u̱nꞌ rá nación.