Hebreos 3:5 - Mixteco del suroeste de Tlaxiaco Oaxaca

⁵ Jee Moisés nsi̱kúnkuvi na̱a̱ꞌ nijia re̱ꞌ ntáká tiñu Ndiosíꞌ ya̱ nkuvi re̱ꞌ musúꞌ ya̱ nneen kuéntáꞌ re̱ꞌ nɨꞌɨ ñɨvɨ veꞌi Ndiosíꞌ. Jee tiñu nsa̱ꞌá Moisés ví ya̱ nstúvi ya̱ naáꞌ jie̱ꞌe̱ꞌ tu̱ꞌun ya̱ kachiꞌ Ndiosíꞌ tiempúꞌ kiji.

Hebreos 3:5 Referans Kwoze

Hebreos 3:2

Chi síkúnkuvi na̱a̱ꞌ Jesús ntáká tiñu nu̱u̱nꞌ Ndiosíꞌ, ya̱ ñani re̱ꞌ maa saꞌá‑a tiñu vá, kuéntáꞌ kua̱ꞌ nsi̱kúnkuvi na̱a̱ꞌ Moisés tiñu nu̱u̱nꞌ nɨꞌɨ rá ñɨvɨ ya̱ nkachiꞌ Ndiosíꞌ ya̱ kúvi ráa ñɨvɨ veꞌi re̱ꞌ.

Hechos 28:23

Nna̱túꞌún ráa jín re̱ꞌ ɨɨn ki̱vɨ̱ꞌ nikó tuku ráa. Jee nkenta kue̱ꞌe̱ꞌ ka̱ꞌ rá ñɨvɨ nu̱u̱nꞌ nééꞌ re̱ꞌ. Jee ne̱ neꞌenꞌ jín ne̱ nini, sánáaꞌ re̱ꞌ jee stúvi re̱ꞌ ya̱ naáꞌ jie̱ꞌe̱ꞌ na̱sa ki̱vɨ ñɨvɨ naꞌá Ndiosíꞌ. Jee jiátíñú re̱ꞌ tu̱ꞌun ya̱ káchíꞌ ley ya̱ njia̱ꞌa Ndiosíꞌ nu̱u̱nꞌ Moisés ya̱ ntee‑e maa, jín tu̱ꞌun ya̱ ntee rá te̱e nna̱kani ráa tu̱ꞌun nkene yuꞌú Ndiosíꞌ, sáva nunasɨ́ re̱ꞌ siínúꞌ re̱ꞌ iniꞌ ráa jie̱ꞌe̱ꞌ Jesús.

Hebreos 8:5

Chi rá su̱tu̱ꞌ vá jee rá tiñu sáꞌá ráa kúvi tiñu kuéntáꞌ xi̱ne̱ꞌñu̱ꞌ, chi xínéꞌénꞌ‑e jie̱ꞌe̱ꞌ ya̱ naáꞌ nijia ya̱ íyó iniꞌ antivɨ́, sú ntu íyó máá maáa. Chi kúvi‑i kuéntáꞌ kua̱ꞌ nxtúꞌva ya̱chi̱ꞌ Ndiosíꞌ Moisés sáá sukuán kijiéꞌé re̱ꞌ kani re̱ꞌ veꞌi sayo ííꞌ nu̱u̱nꞌ nneñu̱ꞌun rá ñɨvɨ Ndiosíꞌ, jee nkachiꞌ Ndiosíꞌ: “Nito koo nú, jee nasaꞌá nú ntáká kuitɨꞌ rá nantíñú sánikua̱ꞌ íyó kuitɨꞌ rá nantíñú niniꞌ nú ya̱ nxi̱néꞌénꞌ ni̱ꞌ nu̱u̱nꞌ nú ne̱ xi̱ni̱ꞌ yuku.”

1 Timoteo 1:12

Jiáꞌa ni̱ꞌ, ya̱ kútaꞌviꞌ ni̱ꞌ nu̱u̱nꞌ I̱toꞌoꞌ‑ó Cristo Jesús, ya̱ chíneí chítuvi re̱ꞌ nuꞌuꞌ. Jee jiáꞌa ni̱ꞌ, ya̱ kútaꞌviꞌ ni̱ꞌ nu̱u̱nꞌ re̱ꞌ, chi nku̱neí iniꞌ re̱ꞌ ya̱ síkúnkuvi ni̱ꞌ nta̱ká tiñu, ya̱ tátúníꞌ re̱ꞌ nu̱u̱nꞌ nuꞌuꞌ, jee ñani re̱ꞌ nuꞌuꞌ saꞌá ni̱ꞌ tiñu yaꞌá.

Hebreos 9:24

Chi Cristo ntu̱ví nkívɨ re̱ꞌ nu̱u̱nꞌ ííꞌ víꞌí iniꞌ veꞌi ííꞌ nu̱u̱nꞌ nsa̱ꞌá jín naꞌá rá ñɨvɨ, chi yukuán jee kua̱chi vá xínéꞌénꞌ‑e na̱ja kútúníꞌ sáá íyó nu̱u̱nꞌ ííꞌ nijia nasɨ́kuitɨꞌ ka̱ꞌ ya̱ íyó antivɨ́. Chisaꞌ nki̱vɨ nijia re̱ꞌ ne̱ máá maá antivɨ́ sáva íñɨ́ re̱ꞌ ichinúúnꞌ Ndiosíꞌ yɨ́tuvi re̱ꞌ ya̱ kúvi ya̱ váꞌa jie̱ꞌe̱ꞌ‑ó vitan.

Romanos 3:21

Soo vitan jee stúvi Ndiosíꞌ ya̱ sáꞌá re̱ꞌ ya̱ kínóo na̱a̱ꞌ ñɨvɨ nu̱u̱nꞌ re̱ꞌ, jee nsú jie̱ꞌe̱ꞌ ley ví‑i. Jee tu̱ꞌun ley re̱ꞌ ya̱ njiáꞌa re̱ꞌ nu̱u̱nꞌ Moisés jín tu̱ꞌun rá te̱e nna̱kani tu̱ꞌun nkene yuꞌú re̱ꞌ, jee tu̱ꞌun ntee ráa jiáꞌa‑a ya̱ naáꞌ jie̱ꞌe̱ꞌ ya̱ sáꞌá Ndiosíꞌ sukuán.

Juan 5:39

Jee ne̱ súkuáꞌa kávii kuitɨꞌ rán rá tu̱ꞌun nééꞌ nu̱u̱nꞌ Tutuꞌ níso Tu̱ꞌun Ndiosíꞌ, chi jiáni iniꞌ rán ya̱ nu̱u̱nꞌ Tutuꞌ vá ni̱ꞌi̱nꞌ rán ya̱ kutekuꞌ rán nɨ́ɨ́nkání jín Ndiosíꞌ. Soo rá tu̱ꞌun níso nu̱u̱nꞌ Tutuꞌ Ííꞌ vá ví ya̱ jiáꞌa ya̱ naáꞌ jie̱ꞌe̱ꞌ nuꞌuꞌ.

Lucas 24:44

Jee nkachiꞌ re̱ꞌ nu̱u̱nꞌ ráa: ―Rá tu̱ꞌun ni̱ꞌ yaꞌá ya̱ nkachiꞌ ni̱ꞌ nu̱u̱nꞌ rán ne̱ sáá nneeꞌ ni̱ꞌ jín rán ya̱ íyó sikúnkuvi ni̱ꞌ nta̱ká tu̱ꞌun ya̱ níso‑o nu̱u̱nꞌ Tutuꞌ Ndiosíꞌ ya̱ káꞌánꞌ jie̱ꞌe̱ꞌ nuꞌuꞌ ya̱ ntee Moisés jín ya̱ ntee rá te̱e ya̱ nnákani tu̱ꞌun nkene yuꞌú Ndiosíꞌ yanaꞌán jín rá tu̱ꞌun salmo ―nkachiꞌ re̱ꞌ nu̱u̱nꞌ ráa.

Lucas 24:27

Saájee nka̱jiéꞌé Jesús ne̱ nu̱u̱nꞌ rá tu̱ꞌun ntee Moisés jín rá tu̱ꞌun ntee nɨꞌɨ rá te̱e ya̱ nna̱kani tu̱ꞌun nkene yuꞌú Ndiosíꞌ ne̱ yanaꞌán jee nna̱kachiꞌ va̱ꞌa re̱ꞌ rá tu̱ꞌun jie̱ꞌe̱ꞌ maáréꞌ ya̱ níso nu̱u̱nꞌ nɨꞌɨ Tutuꞌ Ííꞌ.

1 Corintios 4:2

Chi rá ñɨvɨ ya̱ néen kuéntáꞌ tiñu i̱toꞌoꞌ ráa íyó sikúnkuvi va̱ꞌa ráa maa.

Hechos 7:37

Yaꞌá ví maá Moisés ya̱ nkachiꞌ‑i nu̱u̱nꞌ rá se̱ꞌya ichiyúkúnꞌ nkene nu̱u̱nꞌ Israel: “Kani Ndiosíꞌ ɨɨn te̱e nteñu tataꞌ ichiyúkúnꞌ rán, ya̱ kuvi‑i te̱e nakani‑i tu̱ꞌun kene yuꞌú Ndiosíꞌ kuéntáꞌ nuꞌuꞌ. [Tɨɨn kuéntáꞌ rán tu̱ꞌun kachiꞌ te̱e vá]”, nkachiꞌ Moisés.

Lucas 12:42

Saájee nkachiꞌ I̱toꞌoꞌ‑ó: ―¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

Mateo 25:21

Jee nkachiꞌ i̱toꞌoꞌ re̱ꞌ nu̱u̱nꞌ re̱ꞌ: “Va̱ꞌa nsa̱ꞌá nú, chi musúꞌ va̱ꞌa síkínkuvi na̱a̱ꞌ kúvi nú. Chi síkúnkuvi na̱a̱ꞌ nú jín yakuꞌ tiñu lúlí, saájee kani ni̱ꞌ noꞌó nu̱u̱nꞌ kue̱ꞌe̱ꞌ tiñu ñáꞌnú ka̱ꞌ. Ki̱vɨ nu̱u̱nꞌ nasaꞌá sɨ́ɨꞌ ni̱ꞌ iniꞌ nú jín nuꞌuꞌ, ya̱ kúvi I̱toꞌoꞌ nú”, nkachiꞌ i̱toꞌoꞌ musúꞌ vá.

Mateo 24:45

’¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

Hebreos 1:1

Chi ne̱ tiempúꞌ yanaꞌán jee kue̱ꞌe̱ꞌ nu̱u̱nꞌ ña̱tíñú Ndiosíꞌ nkaꞌanꞌ re̱ꞌ jín kue̱ꞌe̱ꞌ íchí nkaꞌanꞌ Ndiosíꞌ jín rá jííꞌ‑ó yanaꞌán, chi njia̱ꞌa re̱ꞌ tu̱ꞌun re̱ꞌ sákachiꞌ rá te̱e nna̱kani tu̱ꞌun nkene yuꞌú Ndiosíꞌ.

Hebreos 3:4

Chi ntáká veꞌi jee íyó ñɨvɨ nsa̱ꞌá maa, soo maá Ndiosíꞌ ví ya̱ nsa̱ꞌá ntáká ya̱ íyó.

Apoclipsis 15:3

Jee jíta ráa yaaꞌ ya̱ ntavaꞌ Moisés, te̱e ya̱ nkuvi re̱ꞌ musúꞌ nyɨ̱tíñú‑u nu̱u̱nꞌ Ndiosíꞌ ne̱ yanaꞌán. Jee suni jíta rá ñɨvɨ vá yaaꞌ ya̱ ntavaꞌ maáréꞌ ya̱ kúvi Lanchi Lúlí Ndiosíꞌ, jee káchíꞌ ráa: Na̱ ka̱ꞌ ñáꞌnú ka̱ꞌ tiñu sáꞌá nú, Ndiosíꞌ, jee tívɨ́ xá xíniꞌ ráníꞌ néꞌyá ránꞌ maa, I̱toꞌoꞌ ránꞌ Ndiosíꞌ, ya̱ níso fesáꞌ ííꞌ ni̱ꞌin kúñáꞌnú nasɨ́kuitɨꞌ nú nu̱u̱nꞌ kua̱íyó. Jee na̱a̱ꞌ kúvi nú jee máá tiñu na̱a̱ꞌ máá tiñu váꞌa nijia sáꞌá nú. Jee noꞌó nísotíñú nú ya̱ tátúníꞌ nú kua̱íyó kuitɨꞌ nu̱u̱nꞌ rá nación.