Hebreos 3:1 - Mixteco del suroeste de Tlaxiaco Oaxaca

¹ Jee saáva, ránoꞌó ñanitáꞌán, ya̱ nsa̱ꞌá sɨ́ɨ́n Ndiosíꞌ ránoꞌó sáva kɨꞌɨ rán nu̱u̱nꞌ re̱ꞌ, jín ya̱ jíꞌín rán nkana re̱ꞌ ránoꞌó ne̱ súkún nu̱u̱nꞌ nééꞌ re̱ꞌ, jee saáva íyó tɨɨn kuéntáꞌ va̱ꞌa rán jie̱ꞌe̱ꞌ [Cristo] Jesús ya̱ níso re̱ꞌ tiñu apóstol ya̱ nchu̱ichí Ndiosíꞌ ntaji re̱ꞌ Tu̱ꞌun Ndiosíꞌ nu̱u̱nꞌ‑ó, jee suni kúvi re̱ꞌ su̱tu̱ꞌ kúñáꞌnú nu̱u̱nꞌ‑ó, jie̱ꞌe̱ꞌ tu̱ꞌun re̱ꞌ ya̱ jiáꞌayuꞌú‑ó ya̱ kúneí iniꞌ‑ó re̱ꞌ.

Hebreos 3:1 Referans Kwoze

2 Timoteo 1:9

Chi Ndiosíꞌ nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó, jee nkana re̱ꞌ yó sáva sasɨ́ɨ́n re̱ꞌ yó ya̱ kuvi‑ó ñɨvɨ re̱ꞌ ya̱ kɨtíñú‑ó nu̱u̱nꞌ re̱ꞌ. Nsáꞌá re̱ꞌ suꞌva jín yó nsú jie̱ꞌe̱ꞌ ya̱ váꞌa nsa̱ꞌá‑ó. Soo nsi̱káku re̱ꞌ yó, chi saá nkuini re̱ꞌ, chi suni íyó mániꞌ iniꞌ re̱ꞌ néꞌyá re̱ꞌ yó, ya̱ ntu íyó ni̱ꞌi̱nꞌ‑ó maa. Jee ne̱ sáá ntiáꞌan kijiéꞌé kiko̱o ñɨ̱vɨ́ íyó mániꞌ iniꞌ re̱ꞌ néꞌyá re̱ꞌ yó ya̱ yɨ́ꞌɨ́‑ó nu̱u̱nꞌ Cristo Jesús.

Filipenses 3:14

Jee xíníꞌin ni̱ꞌ kɨ̱ꞌɨ̱nꞌ ni̱ꞌ ichinúúnꞌ kuéntáꞌ jínu ni̱ꞌ ɨɨn carrera, sáva kenta ni̱ꞌ nu̱u̱nꞌ nɨ́ꞌɨ, sáva kuneí ni̱ꞌ ni̱ꞌi̱nꞌ ni̱ꞌ ta̱ꞌvi̱ꞌ ya̱ ne̱ súkún nkana Ndiosíꞌ yó sáva ni̱ꞌi̱nꞌ‑ó vá jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo Jesús.

Hebreos 7:26

Jee saáva, Jesús kúvi nijia re̱ꞌ su̱tu̱ꞌ maá kúñáꞌnú nasɨ́kuitɨꞌ ka̱ꞌ sáni jíniñúꞌún‑ó. Chi i̱i̱ꞌ víꞌí re̱ꞌ, chi ni ntu̱ví kua̱chi re̱ꞌ, jee íyó noo re̱ꞌ, jee íyó sɨ́ɨ́n re̱ꞌ nu̱u̱nꞌ rá ñɨvɨ íyó kua̱chi, jee nkenta kúñáꞌnú nasɨ́kuitɨꞌ re̱ꞌ ne̱ nu̱u̱nꞌ súkún nasɨ́kuitɨꞌ ka̱ꞌ antivɨ́.

Efesios 4:1

Saájee nuꞌuꞌ Pablo, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ I̱toꞌoꞌ‑ó, náxiníꞌvɨ́ꞌ ni̱ꞌ iniꞌ rán ya̱ kueꞌnu na̱a̱ꞌ rán ichi Ndiosíꞌ, sánikua̱ꞌ íyó kaka rán ya̱ kúvi rán ñɨvɨ ya̱ nkana Ndiosíꞌ kɨtíñú rán nu̱u̱nꞌ re̱ꞌ.

1 Pedro 2:9

Soo ránoꞌó chi kúvi rán rá ñɨvɨ nka̱ji Ndiosíꞌ, jee suni kúvi rán su̱tu̱ꞌ ya̱ yɨ́tíñú rán nu̱u̱nꞌ re̱ꞌ ya̱ maáréꞌ vá tátúníꞌ re̱ꞌ, jee kúvi rán ñɨvɨ íyó sɨ́ɨ́n yɨ́tíñú rán nu̱u̱nꞌ re̱ꞌ, jee kúvi rán ñɨvɨ maáréꞌ. Sukuán nka̱ji re̱ꞌ ránoꞌó sáva kachitu̱ꞌún rán jie̱ꞌe̱ꞌ rá tiñu máá ñáꞌnú máá viiꞌ nasɨ́kuitɨꞌ a̱nasɨ́ sáꞌá re̱ꞌ, ya̱ maáréꞌ ví ya̱ nkana re̱ꞌ ránoꞌó sáva ntavaꞌ re̱ꞌ ránoꞌó nkene rán nu̱u̱nꞌ ñu̱neenꞌ ñaꞌnu rán, jee nsi̱kívɨ re̱ꞌ ránoꞌó nu̱u̱nꞌ túúnꞌ ñuꞌunꞌ viiꞌ nasɨ́kuitɨꞌ re̱ꞌ iniꞌ ánímaꞌ rán.

Hebreos 2:17

Jee saáva niniñúꞌún re̱ꞌ nkenta nkuvi re̱ꞌ kuéntáꞌ mákua íyó kuitɨꞌ rá ñaniꞌ re̱ꞌ, sáva nkenta nkuvi re̱ꞌ ɨɨn su̱tu̱ꞌ kúñáꞌnú nasɨ́kuitɨꞌ, ya̱ náꞌví iniꞌ re̱ꞌ néꞌyá re̱ꞌ ráa, jee síkúnkuvi na̱a̱ꞌ re̱ꞌ tiñu Ndiosíꞌ, sáva nso̱ko̱ꞌ re̱ꞌ maáréꞌ sáva siíyo re̱ꞌ kua̱chi rá ñɨvɨ.

Hebreos 10:21

Jee kúvi Cristo su̱tu̱ꞌ maa kúñáꞌnú nasɨ́kuitɨꞌ ka̱ꞌ yósóꞌ re̱ꞌ nu̱u̱nꞌ‑ó ya̱ suvió kúvi ñɨvɨ veꞌi Ndiosíꞌ.

Efesios 4:4

Chi ɨɨn ni kuvi‑ó nu̱u̱nꞌ Ndiosíꞌ, kuéntáꞌ ɨɨn yɨkɨkúñu, jee ɨɨn ni Ta̱chi̱ꞌ Ííꞌ re̱ꞌ íyó jín‑ó, sánikua̱ꞌ suni nkana Ndiosíꞌ yó ya̱ ɨɨn nuún ni íyó tu̱neí iniꞌ‑ó ya̱ ni̱ꞌi̱nꞌ‑ó kuneeꞌ‑ó jín Cristo, chi nkana re̱ꞌ yó sáva ni̱ꞌi̱nꞌ‑ó maa.

1 Tesalonicenses 2:12

jee tétíñú ránꞌ ránoꞌó ya̱ kaka na̱a̱ꞌ rán sáni íyó kaka rá ñɨvɨ Ndiosíꞌ. Maáréꞌ nkana ránoꞌó kɨꞌɨ rán naꞌá re̱ꞌ nu̱u̱nꞌ tátúníꞌ re̱ꞌ nu̱u̱nꞌ ñɨvɨ, jín nu̱u̱nꞌ viiꞌ kuñáꞌnú rán jín re̱ꞌ.

1 Corintios 9:23

Jee sáꞌá ni̱ꞌ ntáká rá yaꞌá sáva kutenuun ka̱ꞌ tu̱ꞌun váꞌa jie̱ꞌe̱ꞌ Cristo, sáva ni̱ꞌi̱nꞌ nkáá ni̱ꞌ jín ka̱ꞌ ñɨvɨ ya̱ váꞌa níso tu̱ꞌun yaꞌá.

2 Timoteo 2:7

Kani iniꞌ nú jie̱ꞌe̱ꞌ ya̱ káchíꞌ ni̱ꞌ, jee máá I̱toꞌoꞌ‑ó saꞌá ya̱ ki̱ku̱ꞌun iniꞌ nú nɨꞌɨ yaꞌá.

1 Timoteo 6:12

Núnasɨ́ nú saꞌá nú fesáꞌ kunikɨnꞌ va̱ꞌa nú Cristo, ya̱ kúneí iniꞌ‑ó, kuéntáꞌ ɨɨn te̱e síkɨ́ sáꞌá fesáꞌ. Jee kuꞌun iniꞌ nú, ya̱ taji Ndiosíꞌ ta̱ꞌvi̱ꞌ nu̱u̱nꞌ nú, ya̱ kutekuꞌ nú nɨ́ɨ́nkání jín re̱ꞌ, chi jie̱ꞌe̱ꞌ yaꞌá vá nkana re̱ꞌ noꞌó. Jee suni jie̱ꞌe̱ꞌ yaꞌá, njia̱ꞌayuꞌú va̱ꞌa nú, ya̱ kúneí iniꞌ nú Cristo, ichinúúnꞌ kue̱ꞌe̱ꞌ ñɨvɨ, ya̱ kuvi stúvi ráa maa.

Romanos 15:8

Chi káchíꞌ ni̱ꞌ ya̱ nkiji Cristo sáva kɨtíñú re̱ꞌ chineí re̱ꞌ rá ñɨvɨ Israel, sáva stúvi re̱ꞌ ya̱ na̱a̱ꞌ ví Tu̱ꞌun Ndiosíꞌ, jee sáva sikúnkuvi re̱ꞌ rá tu̱ꞌun ya̱ nchi̱sóyuꞌú Ndiosíꞌ nu̱u̱nꞌ rá jííꞌ yanaꞌán ráníꞌ.

Hebreos 2:11

Chi Jesús ya̱ násaꞌá sɨ́ɨ́n re̱ꞌ rá ñɨvɨ sáva kɨꞌɨ ráa nu̱u̱nꞌ Tátáꞌ re̱ꞌ, jee rá ñɨvɨ vá ya̱ násaꞌá sɨ́ɨ́n re̱ꞌ, jee núvíꞌ ráa ɨɨn ni nu̱u̱nꞌ Tátáꞌ va̱ji ráa jín re̱ꞌ. Jee saáva ntu kúkanuun re̱ꞌ káꞌánꞌ re̱ꞌ ñaniꞌ re̱ꞌ jín ku̱ꞌva re̱ꞌ ráa.

Juan 20:21

Saájee tukuni nkachiꞌ Jesús nu̱u̱nꞌ ráa: ―Va̱ne̱ꞌ va̱ꞌa kino̱o iniꞌ ánímaꞌ rán. Kuéntáꞌ nchu̱ichí Tátáꞌ ni̱ꞌ nuꞌuꞌ jee suni sukuán tájí ni̱ꞌ ránoꞌó jín tiñu táji ni̱ꞌ nu̱u̱nꞌ rán.

Judas 1:1

Nuꞌuꞌ Judas, ya̱ kúvi ni̱ꞌ musúꞌ Jesús, níso re̱ꞌ tiñu Cristo ya̱ ñani Ndiosíꞌ re̱ꞌ sáva tatúníꞌ re̱ꞌ nu̱u̱nꞌ nɨꞌɨ. Jee kúvi ni̱ꞌ ñaniꞌ Jacobo. Jee tée ni̱ꞌ tutuꞌ yaꞌá nu̱u̱nꞌ ránoꞌó ñɨvɨ ya̱ nkana Tátáꞌ‑ó Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ñúnúunꞌ re̱ꞌ ránoꞌó. Jee maá Jesús, ya̱ kúvi re̱ꞌ Cristo, jee kúmí re̱ꞌ ránoꞌó ya̱ yɨ́ꞌɨ́ rán xi̱ntíín re̱ꞌ.

Hebreos 3:14

Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.

1 Timoteo 6:2

Jee rá musúꞌ, ya̱ íyó i̱toꞌoꞌ ráa, ya̱ ínúꞌ iniꞌ rává Cristo, ntu̱ví íyó núun ka̱ꞌ sáꞌá ñáꞌnú ráa nu̱u̱nꞌ i̱toꞌoꞌ ráa, jie̱ꞌe̱ꞌ ya̱ ñaniꞌ ráa ví rává. Soo íyó saꞌá va̱ꞌa ráa ka̱ꞌ tiñu, chi i̱toꞌoꞌ ráa ya̱ ni̱ꞌi̱nꞌ tiñu váꞌa vá, kúvi ñɨvɨ ínúꞌ iniꞌ rává Cristo, jee Ndiosíꞌ jín rá musúꞌ ñúnúunꞌ ráa rává. Xinéꞌénꞌ nú jee xiníꞌvɨ́ꞌ nú iniꞌ ñɨvɨ tu̱ꞌun yaꞌá.

2 Tesalonicenses 2:14

Jee tu̱ꞌun váꞌa vá jie̱ꞌe̱ꞌ Cristo ví ya̱ nkachitu̱ꞌún ráníꞌ. Jee suni jie̱ꞌe̱ꞌ tu̱ꞌun váꞌa vá nkana re̱ꞌ ránoꞌó sáva nanitáꞌvíꞌ rán, sáva ni̱ꞌi̱nꞌ rán ya̱ kuñáꞌnú nkáá rán jín I̱toꞌoꞌ‑ó Jesús ya̱ kúvi Cristo.

2 Tesalonicenses 1:11

Saáva suni sukuáni káꞌánꞌ ráníꞌ jín Ndiosíꞌ‑ó jie̱ꞌe̱ꞌ ránoꞌó. Jíkánꞌ táꞌvíꞌ ránꞌ nu̱u̱nꞌ re̱ꞌ ya̱ saꞌá re̱ꞌ ya̱ kueꞌnu na̱a̱ꞌ rán sáni kuíni re̱ꞌ, jee nakuayuꞌú re̱ꞌ ya̱ íyó ni̱ꞌi̱nꞌ rán ya̱ nkana Ndiosíꞌ‑ó ránoꞌó. Jee jíkánꞌ ránꞌ nu̱u̱nꞌ re̱ꞌ ya̱ sikúnkuvi re̱ꞌ jín fesáꞌ ííꞌ re̱ꞌ nta̱ká tiñu váꞌa ñúꞌún iniꞌ rán saꞌá rán, jín nta̱ká tiñu sáꞌá rán ya̱ va̱ji nu̱u̱nꞌ kúneí iniꞌ rán Jesús.

1 Tesalonicenses 5:27

Nu̱u̱nꞌ súví I̱toꞌoꞌ‑ó, tétíñú ni̱ꞌ ránoꞌó ya̱ kaꞌvi rán tutuꞌ yaꞌá nu̱u̱nꞌ nta̱ká rá ñanitáꞌán, ya̱ nsásɨ́ɨ́n Ndiosíꞌ sáva kɨꞌɨ ráa nu̱u̱nꞌ re̱ꞌ.

Colosenses 3:12

Saáva sama iniꞌ rán, chi nka̱ji Ndiosíꞌ ránoꞌó sáva kuvi rán ñɨvɨ maáréꞌ, ya̱ nsa̱ꞌá sɨ́ɨ́n re̱ꞌ ránoꞌó nu̱u̱nꞌ ya̱ níváꞌa, jee ñúnúunꞌ re̱ꞌ ránoꞌó. Jee koo rán suꞌva: ya̱ kunáꞌví iniꞌ rán rá táꞌán rán, jín ya̱ kuva̱ꞌa iniꞌ rán kune̱ꞌyá rán táꞌán rán, jín ya̱ kuꞌun láꞌví iniꞌ rán, jín ya̱ koo másúꞌ iniꞌ rán, jín ya̱ káꞌnú koo iniꞌ rán jín táꞌán rán,

Colosenses 1:22

jie̱ꞌe̱ꞌ níꞌiꞌ Se̱ꞌya re̱ꞌ sáá nkenta‑a kúvi‑i te̱e ñunéꞌyúꞌ. Nsa̱ꞌá re̱ꞌ suꞌva sáva saꞌá sɨ́ɨ́n re̱ꞌ yó sáva nkɨ́ꞌɨ‑ó ka̱ꞌ nu̱u̱nꞌ ya̱ niváꞌa, jee nkóo téꞌén si̱kɨ̱ꞌ‑ó, jee ni ntu̱náꞌ kúvi chikua̱chi ka̱ꞌ yó, sáá saꞌá re̱ꞌ ya̱ kuiñɨ‑ó ichinúúnꞌ re̱ꞌ.

Colosenses 1:12

Jee sɨ̱ɨ̱ꞌ koo iniꞌ ánímaꞌ rán ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, chi maáréꞌ nsa̱túꞌva yó sáá koo‑ó, sáva kuvi kuvisava‑ó ta̱ꞌvi̱ꞌ ya̱ ku̱ꞌva re̱ꞌ nu̱u̱nꞌ rá ñɨvɨ nxi̱nóo sɨ́ɨ́n re̱ꞌ ráa, sáva kuvi ráa se̱ꞌya ñuunꞌ íyó súkún, nu̱u̱nꞌ túúnꞌ ñuꞌunꞌ re̱ꞌ.

2 Corintios 1:7

Jee íyó kutú tu̱ꞌun neí iniꞌ ráníꞌ ya̱ kuiñɨ ni̱ꞌin ránú, chi jíníꞌ ráníꞌ ya̱ sánikua̱ꞌ suni ne̱ taꞌanꞌ ránoꞌó nóꞌo rán tu̱nóꞌó jín ránuꞌuꞌ, jee suni sukuán ranika̱ꞌ nasáneí Ndiosíꞌ iniꞌ ne̱ jíꞌín ránoꞌó jín ránuꞌuꞌ.

1 Corintios 1:2

tájí ráníꞌ tutuꞌ yaꞌá ya̱ tée ni̱ꞌ nu̱u̱nꞌ ránoꞌó ñɨvɨ kúneí iniꞌ rán Jesús ya̱ yɨ́ꞌɨ́ rán naꞌá Ndiosíꞌ, ya̱ nééꞌ rán nu̱u̱nꞌ ñuunꞌ Corinto. Nsa̱ꞌá sɨ́ɨ́n Ndiosíꞌ ránoꞌó kɨꞌɨ rán nu̱u̱nꞌ Cristo Jesús. Nkana re̱ꞌ ránoꞌó sáva koo sɨ́ɨ́n rán ya̱ nkɨ́ꞌɨ rán ka̱ꞌ nu̱u̱nꞌ kua̱chi rán jee kɨꞌɨ rán naꞌá Cristo Jesús, sánikua̱ꞌ nsa̱ꞌá re̱ꞌ jín ntáká rá ñɨvɨ nééꞌ nta̱ká nu̱u̱nꞌ ya̱ kákua̱chi ráa nu̱u̱nꞌ I̱toꞌoꞌ‑ó Jesús ya̱ níso re̱ꞌ tiñu ya̱ kúvi re̱ꞌ Cristo. Kúvi re̱ꞌ I̱toꞌoꞌ ráa jín I̱toꞌoꞌ‑ó.

Romanos 15:27

Chi ñani iniꞌ ráa ya̱ íyó va̱ꞌa saꞌá ráa sukuán, chi táyáꞌvi ráa ya̱ íyó nachineí ráa rá ñɨvɨ Israel, chi retú jíꞌín ráa nni̱ꞌi̱nꞌ ráa ranika̱ꞌ ta̱ꞌvi̱ꞌ iniꞌ ánímaꞌ ráa ya̱ síkútaꞌviꞌ Ndiosíꞌ nu̱u̱nꞌ rá ñɨvɨ Israel, saáva suni íyó nachineí ráa rá ñanitáꞌán‑ó ya̱ kúvi ñɨvɨ Israel ná kúvi jíniñúꞌún rává.

Romanos 11:17

Jee rá ñɨvɨ Israel kúvi ráa kuéntáꞌ naꞌá yutun olivo stíláꞌ. Jee retú nku̱ichi iniꞌ Ndiosíꞌ sava ráa kuéntáꞌ náneeꞌ re̱ꞌ naꞌá yutun vá, jee noꞌó ya̱ ntu kúvi ñɨvɨ Israel, ya̱ kúvi nú kuéntáꞌ naꞌá yutun olivo yúkú, jee retú nna̱tetáꞌán Ndiosíꞌ noꞌó nu̱u̱nꞌ yutun stíláꞌ vá nakuneeꞌ nú nu̱u̱nꞌ nna̱neeꞌ re̱ꞌ ráa, jee nkenta níꞌínꞌ nú ya̱ váꞌa kuéntáꞌ va̱ji ne̱ nu̱u̱nꞌ yoꞌo sáví yutun olivo stíláꞌ vá.

Romanos 9:24

Jee maáórán suni nkana re̱ꞌ yó kɨꞌɨ‑ó nu̱u̱nꞌ re̱ꞌ, jee nsú kua̱chi nteñu rá ñɨvɨ Israel nkana re̱ꞌ ñɨvɨ chi suni rá ñɨvɨ ya̱ ntu kúvi Israel.

Juan 20:27

Kuíre nkachiꞌ Jesús nu̱u̱nꞌ Tomás: ―Tuví xi̱ntíín nú yaꞌá, jee kune̱ꞌyá rá naꞌá ni̱ꞌ, jee saꞌá yatin naꞌá nú jee tuví naꞌá nú yɨkɨ íkáꞌ ni̱ꞌ. Koto kúkaꞌán nú ré ni̱núꞌ iniꞌ nú, chisaꞌ i̱nu̱ꞌ iniꞌ nú.

Apoclipsis 18:20

Jee nkachiꞌ nusuyuꞌú vá ya̱ káꞌánꞌ‑a ne̱ súkún: Soo kusɨ̱ɨ̱ꞌ iniꞌ ránoꞌó ya̱ nééꞌ antivɨ́ súkún jín ránoꞌó ya̱ níso rán tiñu apóstol nchu̱ichí Cristo, jín ránoꞌó ya̱ nákani rán tu̱ꞌun kéne yuꞌú Ndiosíꞌ, jín ránoꞌó ya̱ kúvi rán rá inka ñɨvɨ ya̱ suni nsa̱ꞌá sɨ́ɨ́n re̱ꞌ kɨꞌɨ rán nu̱u̱nꞌ re̱ꞌ. Kusɨ̱ɨ̱ꞌ iniꞌ rán chi nsa̱náaꞌ Ndiosíꞌ si̱kɨ̱ꞌ ñuunꞌ vá jie̱ꞌe̱ꞌ nsa̱ꞌá kini ráa si̱kɨ̱ꞌ rán, nkachiꞌ nusuyuꞌú vá.

Apoclipsis 17:14

Saájee kantáꞌán ráa jín maáréꞌ ya̱ kúvi Lanchi Lúlí Ndiosíꞌ. Jee Lanchi Lúlí vá kuneí re̱ꞌ si̱kɨ̱ꞌ ráa, chi maáréꞌ kúvi I̱toꞌoꞌ nu̱u̱nꞌ ntáká rá i̱toꞌoꞌ jín nísotíñú re̱ꞌ tátúníꞌ re̱ꞌ nu̱u̱nꞌ ntáká ráa ya tátúníꞌ rá nu̱u̱nꞌ rá ñuunꞌ. Jee rá ñɨvɨ ya̱ íñɨ́ jín re̱ꞌ kúvi ráa ya̱ nkana Ndiosíꞌ ráa, jín ya̱ nka̱ji re̱ꞌ ráa, jín ya̱ íñɨ́ ni̱ꞌin ráa síkúnkuvi na̱a̱ꞌ ráa nu̱u̱nꞌ re̱ꞌ ―nkachiꞌ najiáꞌáꞌ ííꞌ vá.

1 Juan 1:3

Jee ya̱ niniꞌ jínúunꞌ ráníꞌ, jín ya̱ nteso̱ꞌo ránꞌ ya̱ nkaꞌanꞌ re̱ꞌ, jee suvi‑i vá káchítu̱ꞌún ránꞌ nu̱u̱nꞌ ránú, sáva unuún koo iniꞌ ránú jín ránuꞌuꞌ. Jee íyó unuún nijia iniꞌ‑ó jín Tátáꞌ‑ó Ndiosíꞌ jín Se̱ꞌya re̱ꞌ Jesús ya̱ níso re̱ꞌ tiñu Cristo.

1 Pedro 5:10

Jee máá Ndiosíꞌ ya̱ nta̱ká íchí íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ yó, ya̱ maáréꞌ nkana re̱ꞌ yó sáva viiꞌ kuñáꞌnú‑ó jín Cristo nɨ́ɨ́nkání jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo. Sáá jiáꞌa ya̱ kunoꞌo rán yakuꞌ ni̱ꞌ tiempúꞌ, soo máá Ndiosíꞌ saꞌá ya̱ kujia na̱a̱ꞌ va̱ꞌa iniꞌ rán nu̱u̱nꞌ tu̱ꞌun re̱ꞌ, jín ya̱ kuiñɨ ni̱ꞌin rán, jín ya̱ nachuneí re̱ꞌ iniꞌ ránoꞌó, jín ya̱ kukutú rán nu̱u̱nꞌ tu̱ꞌun re̱ꞌ.

1 Pedro 5:1

Vitan jee nákutíñú ni̱ꞌin ni̱ꞌ nu̱u̱nꞌ rá te̱e kúñáꞌnú nu̱u̱nꞌ ránoꞌó ya̱ yɨ́ꞌɨ́ xi̱ntíín Cristo, chi nuꞌuꞌ jee suni te̱e kúñáꞌnú kúvi ni̱ꞌ jín ráa nu̱u̱nꞌ rá ñɨvɨ yɨ́ꞌɨ́ xi̱ntíín Cristo, jee kúvi ni̱ꞌ ɨɨn te̱e ya̱ jiáꞌa ni̱ꞌ ya̱ nááꞌ ya̱ ya niniꞌ jínúunꞌ ni̱ꞌ rá tu̱nóꞌó nnoꞌo Cristo. Jee suni ni̱ꞌi̱nꞌ ni̱ꞌ kuñáꞌnú ni̱ꞌ kuéntáꞌ maáréꞌ sáá nenta nijinꞌ re̱ꞌ jín tiñu níso re̱ꞌ.

1 Pedro 3:5

Chi suni sukuán nna̱síkútú rá ñaꞌan maáráa ya̱ ni̱yo ne̱ yanaꞌán, ya̱ nsásɨ́ɨ́n Ndiosíꞌ ráña yɨ́ꞌɨ́ ráña xi̱ntíín re̱ꞌ, ya̱ ni̱yo tu̱neí iniꞌ ráña Ndiosíꞌ, jee nchiꞌi ráña maáráña xi̱ntíín yɨɨ́ ráña,

Hebreos 9:11

Soo vitan jee ya nkiji Cristo, jee maáréꞌ ví su̱tu̱ꞌ kúñáꞌnú nasɨ́kuitɨꞌ ka̱ꞌ ya̱ nísotíñú re̱ꞌ rá tiñu váꞌa ya̱ váji vitan ya̱ táji Ndiosíꞌ. Jee yɨ́tíñú re̱ꞌ nu̱u̱nꞌ kúvi nu̱u̱nꞌ ííꞌ nasɨ́kuitɨꞌ íyó ne̱ antivɨ́, nu̱u̱nꞌ kúñáꞌnú‑u ka̱ꞌ jín va̱ꞌa nasɨ́kuitɨꞌ ka̱ꞌ nsú ka̱ꞌ veꞌi ííꞌ yanaꞌán. Jee ntu nsa̱ꞌá ñɨvɨ maa, chi ntu íyó‑o iniꞌ ñɨ̱vɨ́ yaꞌá.

Hebreos 6:20

Chi xíꞌna nki̱vɨ Jesús antivɨ́ nu̱u̱nꞌ íyó xika Ndiosíꞌ jie̱ꞌe̱ꞌ‑ó, jee nine re̱ꞌ ɨɨn ichi nu̱u̱nꞌ ki̱vɨ‑ó. Jee suꞌva kuéntáꞌ nki̱vɨ re̱ꞌ ya̱ta̱ꞌ saꞌma, chi nkenta Jesús kúvi re̱ꞌ ɨɨn su̱tu̱ꞌ máá kúñáꞌnú ka̱ꞌ nɨ́ɨ́nkání, kuéntáꞌ mákua nkuvi su̱tu̱ꞌ Melquisedec.

Efesios 3:6

Jee tu̱ꞌun ya̱ níyo yuꞌuꞌ iniꞌ re̱ꞌ jee nstúvi re̱ꞌ maa vitan ví yaꞌá: Tu̱ꞌun váꞌa jie̱ꞌe̱ꞌ Cristo sáꞌá ya̱ ñɨvɨ rá inka nación, ya̱ ntu kúvi ñɨvɨ Israel, ɨɨn nuún ni ta̱ꞌvi̱ꞌ ni̱ꞌi̱nꞌ ráa jín rá ñɨvɨ Israel, jee ɨɨn ni nnuvi ráa kuéntáꞌ ɨɨn yɨkɨkúñu, jee ɨɨn nuún ni ni̱ꞌi̱nꞌ ráa ya̱ nchi̱sóyuꞌú re̱ꞌ, jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús.

1 Corintios 10:17

Jee súka̱ꞌ kue̱ꞌe̱ꞌ‑ó íyó, soo ɨɨn yɨkɨkúñu kúvi‑ó ya̱ yɨ́ꞌɨ́‑ó nu̱u̱nꞌ Cristo, chi métúꞌún ni ví i̱xta̱tíláꞌ ya̱ yájíꞌ tútú ntáká‑ó, jie̱ꞌe̱ꞌ ya̱ jínúꞌ iniꞌ‑ó I̱toꞌoꞌ‑ó Cristo.

Juan 17:3

Jee suꞌva kúvi ya̱ kutekuꞌ ñɨvɨ nɨ́ɨ́nkání jín‑ó: ya̱ kuniꞌ ráa iniꞌ noꞌó, ya̱ métúꞌún maánú vá kúvi nijia maá Ndiosíꞌ nijia, jín ya̱ suni kuniꞌ ráa iniꞌ nuꞌuꞌ, ya̱ maáníꞌ vá kúvi Jesús ya̱ níso ni̱ꞌ tiñu Cristo ya̱ nchu̱ichí nú nuꞌuꞌ va̱ji ni̱ꞌ jín tiñu ntaji nú níso ni̱ꞌ.

Hechos 1:15

Rá ki̱vɨ̱ꞌ yukuán, nku̱tútú yatin sientúꞌ o̱ko̱ꞌ (120) ñɨvɨ yukuán. Jee nnakui̱ñɨ̱ꞌ nichiꞌ Pedro nteñu rá ñanitáꞌán vá, jee nkachiꞌ‑i nu̱u̱nꞌ ráa:

2 Corintios 9:13

Jee nakuetúꞌún rá ñanitáꞌán Ndiosíꞌ jie̱ꞌe̱ꞌ tiñu ya̱ chíneí rán ya̱ stúvi‑i ya̱ chíꞌi nijia rán maárán nu̱u̱nꞌ tu̱ꞌun váꞌa jie̱ꞌe̱ꞌ Cristo, sáni jiáꞌayuꞌú rán yɨ́tíñú rán nu̱u̱nꞌ tu̱ꞌun vá. Jee nakuetúꞌún ráa Ndiosíꞌ jie̱ꞌe̱ꞌ íyó mániꞌ iniꞌ rán ku̱ꞌva víꞌí rán nu̱u̱nꞌ ráa jín nu̱u̱nꞌ ntáká ñɨvɨ.

Hebreos 3:12

Jee ránoꞌó ñanitáꞌán, kumí rán maárán ya̱ ni ɨɨn táꞌán rán koto ñúꞌún niva̱ꞌa iniꞌ ánímaꞌ‑a ya̱ ntu ínúꞌ iniꞌ‑i Tu̱ꞌun Ndiosíꞌ sáva ntu kúsɨ́ɨ́n‑ɨ nu̱u̱nꞌ Ndiosíꞌ tékúꞌ.

Hebreos 7:28

Chi jiáni ley Moisés rá te̱e táyáꞌ kuvi ráa su̱tu̱ꞌ kúñáꞌnú. Soo ichinúúnꞌ ka̱ꞌ, jee nsa̱náaꞌ Ndiosíꞌ nu̱u̱nꞌ tu̱ꞌun káꞌánꞌ re̱ꞌ, ya̱ ñani re̱ꞌ Se̱ꞌya re̱ꞌ kuvi‑i su̱tu̱ꞌ kúñáꞌnú, ya̱ íyó tu̱ꞌva nɨ́ɨ́nkání nsa̱ꞌá Ndiosíꞌ sáva kuvi‑i su̱tu̱ꞌ kúñáꞌnú.

Hebreos 9:15

Saáva, níso re̱ꞌ tiñu ñujiínꞌ jie̱ꞌe̱ꞌ tratúꞌ jiáá ya̱ yɨ́tíñú re̱ꞌ nu̱u̱nꞌ Ndiosíꞌ jín nu̱u̱nꞌ ñɨvɨ. Chi ni̱ꞌi̱ꞌ re̱ꞌ sáva chunáán nkáꞌnú re̱ꞌ nu̱u̱nꞌ Ndiosíꞌ sáva nakani núne re̱ꞌ rá ñɨvɨ nu̱u̱nꞌ kua̱chi nsa̱ꞌá rá ñɨvɨ sáá nyɨ̱ꞌɨ ráa chi̱ji tratúꞌ xíꞌnañúꞌún, sáva rá ñɨvɨ ya̱ nkana Ndiosíꞌ ni̱ꞌi̱nꞌ ráa ta̱ꞌvi̱ꞌ ya̱ koo nɨ́ɨ́nkání, ya̱ yukuán vá nchi̱sóyuꞌú re̱ꞌ.

Hebreos 10:19

Saáva, ránoꞌó ñanitáꞌán, ne̱ yuchí kúkáꞌnú iniꞌ‑ó natuꞌva‑ó nu̱u̱nꞌ Ndiosíꞌ kuéntáꞌ ki̱vɨ‑ó Nu̱u̱nꞌ Ííꞌ Nasɨ́kuitɨꞌ Ka̱ꞌ antivɨ́ nu̱u̱nꞌ nééꞌ Ndiosíꞌ, jie̱ꞌe̱ꞌ ni̱ñɨ̱ꞌ Jesús ya̱ ñatɨ‑ɨ sáá ni̱ꞌi̱ꞌ re̱ꞌ jie̱ꞌe̱ꞌ‑ó.

Hebreos 10:23

Jee saáva kuiñɨ ni̱ꞌin‑ó jín tu̱ꞌun váꞌa ya̱ jiáꞌayuꞌú‑ó ya̱ íyó tu̱neí iniꞌ‑ó kúnáaꞌ iniꞌ‑ó ya̱ ki̱vɨ‑ó nu̱u̱nꞌ nééꞌ Ndiosíꞌ. Jee koto ɨɨn u̱vi̱ꞌ jiáni iniꞌ‑ó, chi Ndiosíꞌ nchi̱sóyuꞌú re̱ꞌ maa nu̱u̱nꞌ‑ó, jee síkúnkuvi na̱a̱ꞌ nijia re̱ꞌ ya̱ káchíꞌ re̱ꞌ.

Hebreos 13:22

Ránoꞌó ñanitáꞌán, jíkánꞌ táꞌvíꞌ ni̱ꞌ nu̱u̱nꞌ rán ya̱ keꞌneꞌ iniꞌ rán nu̱u̱nꞌ tu̱ꞌun ya̱ nna̱xiníꞌvɨ́ꞌ ni̱ꞌ iniꞌ rán. Chi yakuꞌ ni tu̱ꞌun ntee ni̱ꞌ nu̱u̱nꞌ rán.