Hebreos 2:9 - Mixteco del suroeste de Tlaxiaco Oaxaca

⁹ Soo vitan jee jíníꞌ‑ó ya̱ ɨɨn te̱e nnu̱un‑u ntíꞌ ka̱ꞌ kuñáꞌnú yakuꞌ ka̱ꞌ nsú káꞌ kúñáꞌnú rá najiáꞌáꞌ ííꞌ re̱ꞌ yakuꞌ ni tiempúꞌ. Jee kúvi te̱e vá Jesús. Soo vitan jee nna̱xináa Ndiosíꞌ re̱ꞌ kúñáꞌnú víꞌí re̱ꞌ, jín ya̱ nɨꞌɨ kuitɨꞌ nakuatáꞌví ráa re̱ꞌ, jie̱ꞌe̱ꞌ ya̱ nnoꞌo re̱ꞌ ya̱ níꞌiꞌ re̱ꞌ, sáva kuviꞌ re̱ꞌ jie̱ꞌe̱ꞌ ntáká ñɨvɨ jie̱ꞌe̱ꞌ íyó mániꞌ iniꞌ Ndiosíꞌ néꞌyá‑a yó.

Hebreos 2:9 Referans Kwoze

Apoclipsis 5:9

Jee jíta ráa ɨɨn yaaꞌ jiáá ya̱ káchíꞌ suꞌva: Noꞌó ví ya̱ íyó ni̱ꞌi̱nꞌ nú tɨɨn nú tutuꞌ i̱ña̱ꞌ jee kuvi kune nú rá seyúꞌ násɨ́ꞌ maa. Chi nso̱ko̱ꞌ nú maánú ñaꞌniꞌ rá ñɨvɨ noꞌó, jee jín ni̱ñɨ̱ꞌ nú nna̱chuya̱ꞌvi nú nkeꞌen nú rá ñɨvɨ sáva nuvi ráa ñɨvɨ Ndiosíꞌ. Rá ñɨvɨ vá va̱ji nu̱u̱nꞌ ntáká tataꞌ, ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, ntáká ñuunꞌ, ntáká nu̱u̱nꞌ rá ñɨvɨ.

1 Juan 2:2

Jee suvire̱ꞌ nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ sáva kunekáꞌnú iniꞌ Ndiosíꞌ kua̱chi‑ó. Jee nsáꞌ níꞌiꞌ re̱ꞌ kua̱chi kuitɨꞌ jie̱ꞌe̱ꞌ kua̱chi maáó ni, chi suni ni̱ꞌi̱ꞌ re̱ꞌ jie̱ꞌe̱ꞌ kua̱chi ntáká rá ñɨvɨ íyó ñɨ̱vɨ́ yaꞌá.

Romanos 5:18

Jee saáva kuéntáꞌ jie̱ꞌe̱ꞌ métúꞌún ɨɨn kua̱chi ni ya̱ nsa̱ꞌá ɨɨn te̱e ya̱ njia̱ꞌa re̱ꞌ nu̱u̱nꞌ tu̱ꞌun nta̱túníꞌ Ndiosíꞌ jee nkenta nu̱u̱nꞌ kua̱íyó ñɨvɨ ya̱ sijíta Ndiosíꞌ ráa. Jee suni sukuán jie̱ꞌe̱ꞌ métúꞌún ɨɨn tiñu na̱a̱ꞌ ni nsa̱ꞌá ɨɨn te̱e nkenta nu̱u̱nꞌ nɨꞌɨ ñɨvɨ ya̱ kuvi ni̱ꞌi̱nꞌ ráa ya̱ kino̱o na̱a̱ꞌ ráa nu̱u̱nꞌ Ndiosíꞌ sáva kutekuꞌ ráa jín re̱ꞌ.

Hechos 2:33

Saáva Ndiosíꞌ nxi̱náa re̱ꞌ Jesús nu̱u̱nꞌ kúñáꞌnú‑u ya̱ nééꞌ‑e ichi kuáꞌá re̱ꞌ. Jee Ndiosíꞌ, Tááꞌ Jesús, njia̱ꞌa re̱ꞌ tiñu nu̱u̱nꞌ Jesús ya̱ tetíñú‑u Ta̱chi̱ꞌ Ííꞌ, sáni nchi̱sóyuꞌú re̱ꞌ, sáva sikúténuun‑u Ta̱chi̱ꞌ Ííꞌ nu̱u̱nꞌ rá ñɨvɨ. Jee yaꞌá ví ya̱ néꞌyá rán jín ya̱ tésóꞌo rán.

Juan 3:16

’Chi na̱ ka̱ꞌ vá ñúnúunꞌ ka̱ꞌ Ndiosíꞌ ñɨvɨ ñɨ̱vɨ́, saáva njia̱ꞌa re̱ꞌ Se̱ꞌya métúꞌún re̱ꞌ nkiji‑i, sáva nta̱ká rá ñɨvɨ ya̱ kúneí iniꞌ ráa maa, jee nsáꞌ kɨ̱naanꞌ ráa, chisaꞌ kutekuꞌ ráa nɨ́ɨ́nkání jín re̱ꞌ.

2 Corintios 5:15

Jee ni̱ꞌi̱ꞌ re̱ꞌ jie̱ꞌe̱ꞌ ntáká ñɨvɨ, sáva rá ñɨvɨ ya̱ tékúꞌ ráa ntu̱ví ka̱ꞌ jiáꞌnu ráa yɨ́tíñú ráa nu̱u̱nꞌ maáráa, chisaꞌ kueꞌnu ráa kɨtíñú ráa nu̱u̱nꞌ maáréꞌ ya̱ ni̱ꞌi̱ꞌ re̱ꞌ jee nna̱tekuꞌ i̱i̱ꞌ re̱ꞌ nnako̱o yɨkɨkúñu re̱ꞌ nkene re̱ꞌ nteñu rá níyɨ sáva kuvi ya̱ váꞌa ráa.

Hebreos 10:5

Saáva nkiji Cristo iniꞌ ñɨ̱vɨ́ yaꞌá, jee nkachiꞌ‑i nu̱u̱nꞌ Ndiosíꞌ: Ntu kuíni nú rá sa̱na̱ꞌ jín rá nantíñú ya̱ so̱ko̱ꞌ rá ñɨvɨ nu̱u̱nꞌ nú. Chisaꞌ nsa̱ꞌá túꞌva nú yɨkɨkúñu ni̱ꞌ sáva so̱ko̱ꞌ ni̱ꞌ maa.

Romanos 5:8

Soo stúvi Ndiosíꞌ ya̱ ñúnúunꞌ re̱ꞌ yó, chi ni̱ꞌi̱ꞌ Cristo jie̱ꞌe̱ꞌ‑órán ne̱ sáá kúvi i̱i̱ꞌ‑ó ñɨvɨ kua̱chi.

Juan 1:29

Jee ki̱vɨ̱ꞌ steñu̱ꞌún jee niniꞌ Juan máá Jesús ya̱ váji‑i nu̱u̱nꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ: ―Kune̱ꞌyá rán chi te̱e yaꞌá kúvi kuéntáꞌ ɨɨn lanchi lúlí ya̱ nchu̱ichí Ndiosíꞌ maa, chi kuéntáꞌ jiáꞌníꞌ rá ñɨvɨ Israel lanchi lúlí sókóꞌ ráa maa nu̱u̱nꞌ Ndiosíꞌ jee sukuán sííyo te̱e yaꞌá kua̱chi si̱kɨ̱ꞌ rá ñɨvɨ.

Juan 12:32

Jee nuꞌuꞌ chi, sáá naneꞌen ráa nuꞌuꞌ nu̱u̱nꞌ kunintakaa ni̱ꞌ, jee naxtúꞌva ni̱ꞌ nta̱ká rá ñɨvɨ nu̱u̱nꞌ ni̱ꞌ ―nkachiꞌ Jesús.

Hebreos 7:25

Jee rá ñɨvɨ ya̱ jiánatuꞌva ráa nu̱u̱nꞌ Ndiosíꞌ jie̱ꞌe̱ꞌ Cristo, jee saáva kávii kuitɨꞌ kuvi natavaꞌ Jesús ráa nu̱u̱nꞌ kua̱chi ráa, jee sikáku re̱ꞌ xinánitáꞌvíꞌ re̱ꞌ nɨ́ɨ́nkání ráa, chi tékúꞌ re̱ꞌ nɨ́ɨ́nkání, sáva yɨ́tuvi re̱ꞌ náma re̱ꞌ ráa nu̱u̱nꞌ Ndiosíꞌ.

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

1 Pedro 1:21

Chi jie̱ꞌe̱ꞌ Cristo jee jínúꞌ iniꞌ rán Ndiosíꞌ, ya̱ kúvi re̱ꞌ ya̱ nna̱xinátekuꞌ i̱i̱ꞌ tuku re̱ꞌ Cristo nnene‑e nteñu rá níyɨ, jee nnu̱ñáꞌnú nasɨ́kuitɨꞌ‑ɨ nsa̱ꞌá re̱ꞌ, jee saáva kúneí iniꞌ rán ínúꞌ iniꞌ rán Ndiosíꞌ, jee íyó kutú tu̱neí iniꞌ rán nétu rán ya̱ saꞌá re̱ꞌ.

Hebreos 8:3

Chi ntáká su̱tu̱ꞌ kúñáꞌnú jiáni Ndiosíꞌ ráa sáva so̱ko̱ꞌ ráa nu̱u̱nꞌ re̱ꞌ rá nantíñú jín rá sa̱na̱ꞌ jiáꞌníꞌ ráa. Jee jie̱ꞌe̱ꞌ saáva Jesús suni niniñúꞌún re̱ꞌ ya̱ so̱ko̱ꞌ re̱ꞌ, chi maáréꞌ kúvi su̱tu̱ꞌ vá.

1 Timoteo 2:6

Jee suvire̱ꞌ nso̱ko̱ꞌ maáréꞌ jee ni̱ꞌi̱ꞌ re̱ꞌ, sáva nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi nɨꞌɨ ñɨvɨ. Suꞌva nstúvi Ndiosíꞌ tiempúꞌ nka̱ji re̱ꞌ, ya̱ kuíni re̱ꞌ saꞌá re̱ꞌ ya̱ nanitáꞌvíꞌ nɨꞌɨ ñɨvɨ.

2 Corintios 5:21

Chi Cristo, jee ni ntu̱ví íyó kua̱chi re̱ꞌ, soo nsa̱ꞌá Ndiosíꞌ ya̱ kuniso Cristo kua̱chi‑ó, sáva kúvi ya̱ váꞌa nu̱u̱nꞌ‑ó, sáva saꞌá re̱ꞌ ya̱ na̱a̱ꞌ kúvi‑ó sánikua̱ꞌ kúvi Ndiosíꞌ, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo.

Romanos 8:32

Chi Ndiosíꞌ ntu nkúsáꞌán re̱ꞌ Se̱ꞌya re̱ꞌ, chisaꞌ nna̱ku̱ꞌva re̱ꞌ Se̱ꞌya re̱ꞌ sáva kuviꞌ‑i jie̱ꞌe̱ꞌ ntáká‑ó ya̱ kúvi ya̱ váꞌa nu̱u̱nꞌ‑ó. Jee nu̱u̱nꞌ ntaji re̱ꞌ Se̱ꞌya re̱ꞌ sukuán jee suni íyó nijia ya̱ sikútaꞌviꞌ re̱ꞌ nu̱u̱nꞌ‑ó ntáká ka̱ꞌ ya̱ kiji jie̱ꞌe̱ꞌ ya̱ njia̱ꞌa re̱ꞌ Se̱ꞌya re̱ꞌ.

Gálatas 4:4

Soo sáá nkenta tiempúꞌ ñani Ndiosíꞌ, jee nchu̱ichí re̱ꞌ Se̱ꞌya re̱ꞌ. Jee nkaku‑u chi̱ji ɨɨn ñaꞌan. Jee ne̱ nkaku‑u nyɨ̱ꞌɨ‑ɨ chi̱ji xi̱ntíín tu̱ꞌun ley njia̱ꞌa Ndiosíꞌ nu̱u̱nꞌ Moisés.

Hechos 3:13

Ndiosíꞌ ví re̱ꞌ ya̱ nneñu̱ꞌun rá jííꞌ‑ó yanaꞌán Abraham jín Isaac jín Jacob. Jee suni Ndiosíꞌ ví re̱ꞌ ya̱ nneñu̱ꞌun rá inka tátáꞌ jííꞌ‑ó yanaꞌán re̱ꞌ. Suvire̱ꞌ ví ya̱ nsa̱ꞌá re̱ꞌ ya̱ kúñáꞌnú Se̱ꞌya re̱ꞌ Jesús. Jee suvirán nna̱ku̱ꞌva rán Jesús nu̱u̱nꞌ rá te̱e néetiñu. Jee suvirán nku̱ichi iniꞌ rán maa nu̱u̱nꞌ Pilato, sú nkuna̱a̱ꞌ iniꞌ re̱ꞌ siaáꞌ re̱ꞌ maa.

Romanos 8:3

Chi máá maá Ndiosíꞌ nsa̱ꞌá re̱ꞌ tiñu vá ya̱ ntu nkúvi saꞌá ley nta̱túníꞌ re̱ꞌ ya̱ njiáꞌa re̱ꞌ nu̱u̱nꞌ Moisés. Jee ntu nkúvi saꞌá ley vá tiñu vá, chi táyáꞌ ley vá chi táyáꞌ iniꞌ‑ó jee ntu nkúneí‑ó sikúnkuvi‑ó ley vá jín yɨkɨkúñu‑ó. Jee máá maá Ndiosíꞌ nsa̱ꞌá re̱ꞌ tiñu vá chi nchu̱ichí re̱ꞌ Se̱ꞌya re̱ꞌ nu̱u̱nꞌ ñɨ̱vɨ́ yaꞌá jín yɨkɨkúñu‑u ya̱ kúnkunuún jín yɨkɨkúñu ñɨvɨ yɨ́ꞌɨ́ xi̱ntíín kua̱chi, sú ntu íyó kua̱chi re̱ꞌ. Jee nta̱jí re̱ꞌ Se̱ꞌya re̱ꞌ sáva kuviꞌ‑i so̱ko̱ꞌ‑o maáa jie̱ꞌe̱ꞌ kua̱chi‑ó, sáva sukuán nsi̱jíta Ndiosíꞌ kua̱chi‑ó ya̱ nna̱kuniso Jesús maa iniꞌ yɨkɨkúñu re̱ꞌ.

Juan 10:17

Jee saáva ñúnúunꞌ Tátáꞌ ni̱ꞌ nuꞌuꞌ, chi ku̱ꞌva ni̱ꞌ maáníꞌ kuviꞌ ni̱ꞌ sáva xinátekuꞌ i̱i̱ꞌ tuku ni̱ꞌ maáníꞌ.

Juan 8:52

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ráa nu̱u̱nꞌ Jesús: ―Vitan jee jíníꞌ va̱ꞌa rán ya̱ yɨ́ꞌɨ́ ta̱chi̱ꞌ kíni iniꞌ nú. Chi Abraham jee ni̱ꞌi̱ꞌ‑i, jín suni rá te̱e nna̱kani ráa tu̱ꞌun nkene yuꞌú Ndiosíꞌ ne̱ yanaꞌán, jee suni ni̱ꞌi̱ꞌ ráa. Jee noꞌó chi káchíꞌ nú ya̱: “Néni ɨɨn ñɨvɨ ya̱ chuꞌun iniꞌ tu̱ꞌun ni̱ꞌ, jee ni̱ꞌ nsáꞌ kuviꞌ‑i”, káchíꞌ nú.

Mateo 16:28

Chi máá naáꞌ vá káchíꞌ ni̱ꞌ nu̱u̱nꞌ rán, ya̱ íyó sava rán ya̱ íñɨ́ yaꞌá, nsáꞌ kuviꞌ ráa ne̱kua̱ꞌ kuniꞌ ráa nuꞌuꞌ ya̱ kiji ni̱ꞌ jín tiñu ñáꞌnú níso ni̱ꞌ tatúníꞌ ni̱ꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ―nkachiꞌ Jesús.

Apoclipsis 19:12

Jee rá titɨ nchinúún re̱ꞌ kúvi‑i kuéntáꞌ yáá itaꞌ ñuꞌunꞌ, jee xi̱ni̱ꞌ re̱ꞌ ñúꞌún kue̱ꞌe̱ꞌ víꞌí rá corona, jee suni níso súví re̱ꞌ maáréꞌ, soo ni ɨɨn ntu̱náꞌ jíníꞌ maa, chi kua̱chi métúꞌún maáréꞌ ví ya̱ jíníꞌ maa.

Hebreos 2:7

Chi nxi̱núun nú yakuꞌ ntíꞌ ka̱ꞌ kúñáꞌnú ráa nsú káꞌ kúñáꞌnú rá najiáꞌáꞌ ííꞌ nú. Soo nxi̱náa nú ráa nuñáꞌnú ráa jee nakuatáꞌví nú ráa. [Jee ñani nú ráa sáva kunisotíñú ráa nu̱u̱nꞌ ntáká rá nantíñú ya̱ nsa̱ꞌá nú.]

Lucas 9:27

Soo nuꞌuꞌ jee máá naáꞌ vá káchíꞌ ni̱ꞌ nu̱u̱nꞌ rán ya̱ sava rá ñɨvɨ ya̱ íñɨ́ yaꞌá, ni nsáꞌ kuviꞌ ráa ne̱kua̱ꞌ kuniꞌ ráa tiñu ñáꞌnú níso Ndiosíꞌ ya̱ tatúníꞌ re̱ꞌ ―nkachiꞌ Jesús.

Marcos 9:1

Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sava rá ñɨvɨ íñɨ́ yaꞌá, ni nsáꞌ kuviꞌ ráa, ne̱ kuniꞌ ráa kiji tiñu ñáꞌnú níso Ndiosíꞌ ya̱ tatúníꞌ re̱ꞌ jín fuersáꞌ ííꞌ níso re̱ꞌ.

Mateo 6:28

’Jee, ¿na̱ jie̱ꞌe̱ꞌ chi nániꞌvɨꞌ iniꞌ rán jie̱ꞌe̱ꞌ saꞌma kuꞌun rán rúja? Kune̱ꞌyá rán na̱ja jiáꞌnu rá itaꞌ ni̱kɨ̱ꞌ xtíláꞌ yúkú ya̱ ni ntu̱ví sátíñú yɨ́ɨ́ ráa, jee ni ntu̱ví táví ráa.

Juan 8:51

Máá nááꞌ vá káchíꞌ ni̱ꞌ nu̱u̱nꞌ rán, ya̱ retú néni ɨɨn ñɨvɨ ya̱ chuꞌun iniꞌ tu̱ꞌun ni̱ꞌ, jee ni nsáꞌ kuviꞌ ánímaꞌ‑a chi koo‑o jín Ndiosíꞌ nɨ́ɨ́nkání ―nkachiꞌ Jesús.

Hebreos 1:9

Ñúnúunꞌ nú mani tiñu na̱a̱ꞌ sáni kuíni Ndiosíꞌ, jee jíníꞌ u̱ꞌvi̱ꞌ nú néꞌyá nú rá tiñu níváꞌa sáꞌá ñɨvɨ jiááꞌ iniꞌ. Jee saáva nuꞌuꞌ, ya̱ kúvi ni̱ꞌ Ndiosíꞌ nú, nyosoꞌ ni̱ꞌ aceite noꞌó, sáva ñani ni̱ꞌ noꞌó sáva kuniso nú tiñu ñáꞌnú ka̱ꞌ nsú káꞌ rá inka ya̱ jíꞌín ráa sátíñú nu̱u̱nꞌ ni̱ꞌ, jee jie̱ꞌe̱ꞌ vá kúsɨ́ɨꞌ víꞌí iniꞌ nú.

Hebreos 11:5

Jee Enoc ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, jee saáva nna̱keꞌen tékúꞌ Ndiosíꞌ maa kua̱ꞌa̱nꞌ re̱ꞌ jín‑i antivɨ́ sáva ntu níꞌíꞌ‑i. Jee ntu̱ví nnániꞌinꞌ rá ñɨvɨ maa, chi maá Ndiosíꞌ nna̱keꞌen maa kua̱ꞌa̱nꞌ re̱ꞌ jín‑i. Chi ne̱ sáá ntiáꞌan ka̱ꞌ nakeꞌen re̱ꞌ maa jee nni̱ꞌi̱nꞌ‑i ya̱ nákuetúꞌún Ndiosíꞌ ya̱ nkuva̱ꞌa iniꞌ re̱ꞌ nne̱ꞌyá re̱ꞌ maa.

Hebreos 12:2

Kunenu̱u̱nꞌ‑ó Jesús ya̱ nu̱u̱nꞌ maáréꞌ va̱ji ya̱ kuneí iniꞌ‑ó re̱ꞌ, jee síkújia re̱ꞌ iniꞌ‑ó ya̱ kuneí va̱ꞌa iniꞌ‑ó re̱ꞌ ne̱ nu̱u̱nꞌ nɨꞌɨ. Chi ñeꞌneꞌ iniꞌ re̱ꞌ nnoꞌo re̱ꞌ nu̱u̱nꞌ kurúsiꞌ, jee ntu ntɨ́ɨn kuéntáꞌ re̱ꞌ ya̱ ku̱ꞌva rá ñɨvɨ tu̱nkánuun nu̱u̱nꞌ re̱ꞌ ya̱ kuviꞌ re̱ꞌ sukuán, chi njia̱ꞌa Ndiosíꞌ re̱ꞌ ya̱ kusɨ̱ɨ̱ꞌ víꞌí iniꞌ re̱ꞌ ichinúúnꞌ jee suni nna̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ tátúníꞌ‑i.