Hebreos 2:6 - Mixteco del suroeste de Tlaxiaco Oaxaca

⁶ Chisaꞌ stúvi David ya̱ naáꞌ jie̱ꞌe̱ꞌ vá, chi níso nu̱u̱nꞌ Tutuꞌ Ííꞌ ɨɨn nu̱u̱nꞌ ya̱ káchíꞌ David nu̱u̱nꞌ Ndiosíꞌ: ¿Na̱ ñɨvɨ ñáꞌnú kúvi rá ñɨvɨ ñɨ̱vɨ́ yaꞌá ya̱ ñúꞌún iniꞌ nú ráa? Jee, ¿na̱ ñɨvɨ ñáꞌnú kúvi tataꞌ ñɨvɨ ya̱ nániꞌvɨꞌ iniꞌ nú jie̱ꞌe̱ꞌ ráa?

Hebreos 2:6 Referans Kwoze

Hebreos 4:4

Chi íyó ɨɨn nu̱u̱nꞌ káchíꞌ Tutuꞌ Ííꞌ Ndiosíꞌ jie̱ꞌe̱ꞌ ki̱vɨ̱ꞌ uxáꞌ: Nna̱jia̱ví Ndiosíꞌ sáá nsi̱jínu re̱ꞌ ntáká tiñu nsa̱ꞌá re̱ꞌ sáá nsa̱ꞌá re̱ꞌ ñɨ̱vɨ́ yaꞌá.

1 Pedro 1:11

Jee nna̱nukú ráa na̱ tiempúꞌ jín na̱ja koo ntáká tu̱ꞌun stúvi ya̱chi̱ꞌ Ta̱chi̱ꞌ Ííꞌ Cristo ya̱ yɨ́ꞌɨ́ iniꞌ ráa nu̱u̱nꞌ ráa, ya̱ nkachiꞌ ya̱chi̱ꞌ‑i ya̱ kiji tu̱nóꞌó kunoꞌo Cristo, jín na̱ja vá viiꞌ nuñáꞌnú nasɨ́kuitɨꞌ re̱ꞌ sáá jiáꞌa tu̱nóꞌó vá.

Lucas 7:16

Jee kua̱íyó rá ñɨvɨ vá nyu̱ꞌví ráa jee nna̱kuetúꞌún ráa Ndiosíꞌ, jee nkachiꞌ ráa: ―Ɨɨn te̱e máá kúñáꞌnú nákani tu̱ꞌun kéne yuꞌú máá maá Ndiosíꞌ nkenta‑a nteñu‑ó, jee nkiaaꞌ Ndiosíꞌ nchi̱neí re̱ꞌ yó ya̱ kúvi‑ó ñɨvɨ re̱ꞌ ―nkachiꞌ ráa.

Génesis 50:24

Jee ɨɨn ki̱vɨ̱ꞌ nkachiꞌ José nu̱u̱nꞌ rá ñaniꞌ re̱ꞌ: “Yakuꞌ ni ka̱ꞌ kúníꞌ jee kuviꞌ ni̱ꞌ, soo máá naáꞌ nijia Ndiosíꞌ kiji re̱ꞌ chineí re̱ꞌ ránoꞌó, jee tavaꞌ re̱ꞌ ránoꞌó nu̱u̱nꞌ ñuunꞌ yaꞌá sáva kɨ̱na̱ka re̱ꞌ ránoꞌó nu̱u̱nꞌ ñuꞌun ya̱ nchi̱sóyuꞌú re̱ꞌ ya̱ ku̱ꞌva re̱ꞌ maa nu̱u̱nꞌ Abraham, jín nu̱u̱nꞌ Isaac jín Jacob.”

Hebreos 5:6

Jee inka nu̱u̱nꞌ suni tukuni nkachiꞌ Ndiosíꞌ nu̱u̱nꞌ Tutuꞌ Ííꞌ: Noꞌó, nɨ́ɨ́nkání kúvi nú su̱tu̱ꞌ, kuéntáꞌ kua̱ꞌ nkuvi su̱tu̱ꞌ Melquisedec.

Lucas 1:78

Chi nasɨ́kuitɨꞌ náꞌví iniꞌ Ndiosíꞌ‑ó ne̱ ánímaꞌ re̱ꞌ ñunkúún iniꞌ re̱ꞌ yó, jee saáva ne̱ antivɨ́ kiji re̱ꞌ kistuúnꞌ re̱ꞌ iniꞌ antúníꞌ‑ó kuéntáꞌ túúnꞌ nka̱niiꞌ ya̱ káa‑a.

Lucas 1:68

Na̱ ka̱ꞌ netuꞌ ka̱ꞌ kúvi I̱toꞌoꞌ‑ó ya̱ kúvi re̱ꞌ Ndiosíꞌ rá ñɨvɨ ñuunꞌ‑ó Israel, chi nkiaaꞌ re̱ꞌ nchi̱neí re̱ꞌ yó ya̱ kúvi‑ó ñɨvɨ re̱ꞌ, jee nna̱kani núne re̱ꞌ yó nu̱u̱nꞌ tu̱nóꞌó nóꞌo‑ó.

1 Tesalonicenses 4:6

Jee koto jiáꞌa sáꞌá ni ɨɨn ránú nu̱u̱nꞌ ɨɨn ñaniꞌ nú jie̱ꞌe̱ꞌ vá. Jee koto xínáꞌví nú re̱ꞌ jie̱ꞌe̱ꞌ vá. Chi náchunáán I̱toꞌoꞌ‑ó xínóꞌo re̱ꞌ ñɨvɨ jie̱ꞌe̱ꞌ nta̱ká kua̱chi yaꞌá, sánikua̱ꞌ ya nstúꞌva ránꞌ nu̱u̱nꞌ ránoꞌó. Ya nstúvi na̱a̱ꞌ ránꞌ maa nu̱u̱nꞌ ránoꞌó.