Hebreos 13:4 - Mixteco del suroeste de Tlaxiaco Oaxaca4 Jee koo ya̱ ñáꞌnú nu̱u̱nꞌ ntáká rán tu̱ꞌun tánáꞌá ñɨvɨ, jee kueꞌnu ninuꞌun rán jín ñɨvɨ nta̱na̱ꞌá jín rán. Chi maá Ndiosíꞌ sanáaꞌ kua̱chi rá ñɨvɨ ya̱ kúkuáchi ráa jín nsú ñɨvɨ nta̱na̱ꞌá jín ráa, jín suni rá ñɨvɨ yɨ́ꞌɨ́ tiñu téní. Gade chapit la |
¿Á ntu̱ví jíníꞌ rán ya̱ rá ñɨvɨ ya̱ ntu̱ví kínóo na̱a̱ꞌ ráa nu̱u̱nꞌ Ndiosíꞌ, jee nsáꞌ ni̱ꞌi̱nꞌ ráa ta̱ꞌvi̱ꞌ ya̱ ki̱vɨ ráa xi̱ntíín Ndiosíꞌ tátúníꞌ re̱ꞌ nu̱u̱nꞌ ráa rúja? Jee koto xínáꞌví rán maárán, chi ni rá ñɨvɨ ya̱ kúsíkɨ́ iniꞌ ráa jín tiñu téní jín inka ñɨvɨ ya̱ ntu̱ví ntánáꞌá jín ráa, ni rá ñɨvɨ ya̱ néñu̱ꞌun ráa rá nantíñú ya̱ nsú Ndiosíꞌ tékúꞌ ví‑i, ni rá ñɨvɨ sáꞌá téní, ni rá te̱e xíkó ráa maáráa kúsíkɨ́ ráa jín rá táꞌán te̱e ráa, ni rá ñɨvɨ ya̱ kívɨ ráa ñujiínꞌ xeꞌne,
Chi ya̱ jíníꞌ rán ya̱ ɨɨn ñɨvɨ sáꞌá téní‑i, áxí sáꞌá‑a tiñu ya̱ ntu̱ví íyó ninuꞌun, áxí sáꞌá uꞌvi iniꞌ‑i (jee ñɨvɨ vá nuún kúvi‑i jín ɨɨn ñɨvɨ ya̱ néñu̱ꞌun‑u ɨɨn nantíñú ya̱ ntu kúvi Ndiosíꞌ), jee ya jíníꞌ rán ya̱ ni ɨɨn ráa ni nsáꞌ ni̱ꞌi̱nꞌ‑i ya̱ ki̱vɨ‑ɨ naꞌá Cristo jín Ndiosíꞌ nu̱u̱nꞌ tátúníꞌ ráa.
Soo chatáꞌ ñuunꞌ vá kino̱o rá ñɨvɨ ya̱ kúvi ráa kuéntáꞌ tinaꞌ ya̱ sáꞌá ráa tiñu néꞌí, jín rá ñɨvɨ ya̱ sáꞌá tásɨ́, jín rá ñɨvɨ ya̱ kúsíkɨ́ iniꞌ ráa sáꞌá téní ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín rá ñɨvɨ ya̱ táꞌán iniꞌ ráa tu̱ꞌun túꞌún jee kátúꞌún ráa.
Ɨɨn te̱e níso tiñu vá, íyó kuvi re̱ꞌ ɨɨn te̱e, ya̱ ntu kúvi chikua̱chi ñɨvɨ re̱ꞌ, jín ya̱ kuvi re̱ꞌ yɨɨ́ métúꞌún ñaꞌan ni, jín ya̱ ñúꞌún ñáꞌnú iniꞌ re̱ꞌ, jín ya̱ ñúꞌún kájí iniꞌ re̱ꞌ, jín ya̱ jiáꞌnu ñáꞌnú re̱ꞌ nu̱u̱nꞌ rá ñɨvɨ, jín ya̱ íyó mániꞌ iniꞌ re̱ꞌ ya̱ ku̱ꞌva re̱ꞌ ntíꞌ veꞌi kino̱o ñɨvɨ jíka ichi. Jee kuvi xinéꞌénꞌ re̱ꞌ.