Hebreos 13:22 - Mixteco del suroeste de Tlaxiaco Oaxaca

²² Ránoꞌó ñanitáꞌán, jíkánꞌ táꞌvíꞌ ni̱ꞌ nu̱u̱nꞌ rán ya̱ keꞌneꞌ iniꞌ rán nu̱u̱nꞌ tu̱ꞌun ya̱ nna̱xiníꞌvɨ́ꞌ ni̱ꞌ iniꞌ rán. Chi yakuꞌ ni tu̱ꞌun ntee ni̱ꞌ nu̱u̱nꞌ rán.

Hebreos 13:22 Referans Kwoze

1 Pedro 5:12

Ñani‑ó Silvano, ya̱ jíníꞌ ni̱ꞌ ya̱ síkúnkuvi va̱ꞌa re̱ꞌ nɨꞌɨ, jee nchi̱neí re̱ꞌ nuꞌuꞌ tée ni̱ꞌ yakuꞌ ni tu̱ꞌun yaꞌá kua̱jiaaꞌ nu̱u̱nꞌ rán, sáva nasáneí ni̱ꞌ iniꞌ ránoꞌó jee sáva ku̱ꞌva ni̱ꞌ ya̱ nááꞌ ya̱ tu̱ꞌun ntee ni̱ꞌ nu̱u̱nꞌ tutuꞌ yaꞌá káꞌánꞌ jie̱ꞌe̱ꞌ ya̱ váꞌa ya̱ nááꞌ nijia sikútaꞌviꞌ Ndiosíꞌ yó ya̱ íyó mániꞌ iniꞌ re̱ꞌ néꞌyá re̱ꞌ yó. Kuiñɨ kutú rán jín‑i.

Hebreos 3:1

Jee saáva, ránoꞌó ñanitáꞌán, ya̱ nsa̱ꞌá sɨ́ɨ́n Ndiosíꞌ ránoꞌó sáva kɨꞌɨ rán nu̱u̱nꞌ re̱ꞌ, jín ya̱ jíꞌín rán nkana re̱ꞌ ránoꞌó ne̱ súkún nu̱u̱nꞌ nééꞌ re̱ꞌ, jee saáva íyó tɨɨn kuéntáꞌ va̱ꞌa rán jie̱ꞌe̱ꞌ [Cristo] Jesús ya̱ níso re̱ꞌ tiñu apóstol ya̱ nchu̱ichí Ndiosíꞌ ntaji re̱ꞌ Tu̱ꞌun Ndiosíꞌ nu̱u̱nꞌ‑ó, jee suni kúvi re̱ꞌ su̱tu̱ꞌ kúñáꞌnú nu̱u̱nꞌ‑ó, jie̱ꞌe̱ꞌ tu̱ꞌun re̱ꞌ ya̱ jiáꞌayuꞌú‑ó ya̱ kúneí iniꞌ‑ó re̱ꞌ.

Gálatas 6:11

Kune̱ꞌyá rán máá rá letra káꞌnú ka̱ꞌ ví ya̱ nééꞌ nu̱u̱nꞌ tutuꞌ yaꞌá chi ntee ni̱ꞌ maa nu̱u̱nꞌ rán jín naꞌá maáníꞌ.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

2 Corintios 5:20

Jee saáva ránuꞌuꞌ, nta̱jí Cristo yɨ́tíñú ránꞌ nu̱u̱nꞌ tiñu re̱ꞌ, maá Ndiosíꞌ jiátíñú re̱ꞌ ránuꞌuꞌ jíkánꞌ táꞌvíꞌ re̱ꞌ nu̱u̱nꞌ ránoꞌó ya̱ kuéntáꞌ káꞌánꞌ re̱ꞌ sáá káꞌánꞌ ránꞌ. Jee nu̱u̱nꞌ súví Cristo, jíkánꞌ táꞌvíꞌ ránꞌ nu̱u̱nꞌ ránoꞌó, ya̱ numa̱ni̱ꞌ ránú jín Ndiosíꞌ.

Hebreos 4:11

Saáva íyó nunasɨ́‑ó ki̱vɨ‑ó nu̱u̱nꞌ najia̱ví‑ó sáni nna̱jia̱ví re̱ꞌ, sáva ni ɨɨn‑ó ntu kininkava‑a saꞌá‑a kua̱ꞌ nsa̱ꞌá rá ñɨvɨ vá ya̱ ntu nka̱níjiá ráa.

Hebreos 4:1

Jee saáva, vitan íyó‑ó ka̱ꞌ jín tu̱ꞌun ya̱ nchi̱sóyuꞌú Ndiosíꞌ ya̱ ni̱ꞌi̱nꞌ‑ó ki̱vɨ‑ó naꞌá re̱ꞌ nu̱u̱nꞌ ni̱ꞌi̱nꞌ‑ó najia̱ví‑ó saꞌá re̱ꞌ. Jee íyó kuꞌun yúꞌví iniꞌ rán kumí rán maárán sáva nkóo ni ɨɨn rán ya̱ sanáaꞌ Ndiosíꞌ jie̱ꞌe̱ꞌ ñɨvɨ vá ya̱ nsáꞌ ni̱ꞌi̱nꞌ‑i ki̱vɨ‑ɨ nu̱u̱nꞌ najia̱ví‑i saꞌá re̱ꞌ.

Hebreos 2:1

Jee saáva, íyó kunenu̱u̱nꞌ‑ó saꞌ víꞌí káꞌ tu̱ꞌun Se̱ꞌya re̱ꞌ ya̱ nteso̱ꞌo‑ó, sáva ntu nusɨ́ɨ́n‑ó nu̱u̱nꞌ tu̱ꞌun vá.

2 Corintios 10:1

Nuꞌuꞌ Pablo jíkánꞌ táꞌvíꞌ ni̱ꞌ nu̱u̱nꞌ ránoꞌó jee másúꞌ káꞌánꞌ ni̱ꞌ jee káꞌánꞌ vi̱tá ni̱ꞌ kuéntáꞌ káꞌánꞌ Cristo. Jee ñɨvɨ káꞌvi ni káchíꞌ ya̱ sáá nééꞌ ni̱ꞌ jín rán jee ñúꞌún láꞌví iniꞌ ni̱ꞌ, soo sáá íyó íká ni̱ꞌ nu̱u̱nꞌ rán jee ñúꞌún tiɨ́kɨ́ iniꞌ ni̱ꞌ káꞌánꞌ ni̱ꞌ jín ránoꞌó, sáá tée ni̱ꞌ nu̱u̱nꞌ tutuꞌ nu̱u̱nꞌ rán.

Hechos 13:15

Sáá nkuvi nkaꞌvi ɨɨn te̱e nu̱u̱nꞌ rá ñɨvɨ yakuꞌ tu̱ꞌun ley Ndiosíꞌ, ya̱ ntee Moisés yanaꞌán, jín yakuꞌ tu̱ꞌun ya̱ njia̱ꞌa Ndiosíꞌ nu̱u̱nꞌ rá te̱e ya̱ ntee ráa maa yanaꞌán, jee nta̱jí rá te̱e kúñáꞌnú veꞌi sinagoga kachiꞌ ráa nu̱u̱nꞌ Pablo jín Bernabé: ―Ránoꞌó ñaniꞌ. Retú íyó ya̱ kachiꞌ rán nasáneí rán iniꞌ rá ñɨvɨ, kachiꞌ rán xá maa.

Efesios 3:3

Chi nsa̱ꞌá Ndiosíꞌ ya̱ nku̱káꞌnú iniꞌ ni̱ꞌ tu̱ꞌun íyó yuꞌuꞌ iniꞌ re̱ꞌ, chi nstúvi re̱ꞌ maa nu̱u̱nꞌ ni̱ꞌ, kuéntáꞌ kua̱ꞌ ya̱ ntee ni̱ꞌ yakuꞌ ni tu̱ꞌun nu̱u̱nꞌ rán jie̱ꞌe̱ꞌ yaꞌá.

Hebreos 12:5

¿Á íchí ya̱ nnaanꞌ iniꞌ rán tu̱ꞌun ya̱ nééꞌ nu̱u̱nꞌ Tutuꞌ Ííꞌ ya̱ nna̱kutíñú Ndiosíꞌ nu̱u̱nꞌ rán? Jee káꞌánꞌ re̱ꞌ jín rán ya̱ kúvi rán se̱ꞌya re̱ꞌ: Se̱ꞌya maáníꞌ, koto kúíchi iniꞌ nú ya̱ náchuꞌun na̱a̱ꞌ re̱ꞌ ichi noꞌó, ni koto núun iniꞌ rán sáá núxeenꞌ re̱ꞌ nu̱u̱nꞌ rán.

Hebreos 13:19

Jee suni jíkánꞌ táꞌvíꞌ víꞌí ni̱ꞌ ka̱ꞌ nu̱u̱nꞌ rán ya̱ ka̱ka̱nꞌ táꞌvíꞌ víꞌí rán jie̱ꞌe̱ꞌ ni̱ꞌ nu̱u̱nꞌ Ndiosíꞌ sáva ñamaꞌ ka̱ꞌ kua̱jiaaꞌ tukuni nu̱u̱nꞌ nééꞌ rán.