Hebreos 13:16 - Mixteco del suroeste de Tlaxiaco Oaxaca

¹⁶ Jee koto náánꞌ iniꞌ rán saꞌá rán ya̱ váꞌa nu̱u̱nꞌ rá ñɨvɨ jín ya̱ chineí táꞌán rán jín ráa ya̱ kúmí rán retú jíniñúꞌún ráa maa. Chi sukuán násokoꞌ rán nu̱u̱nꞌ Ndiosíꞌ tékúꞌ jee kúváꞌa iniꞌ re̱ꞌ jie̱ꞌe̱ꞌ‑e.

Hebreos 13:16 Referans Kwoze

2 Tesalonicenses 3:13

Soo ránoꞌó ñanitáꞌán, koto núun iniꞌ rán saꞌá rán ya̱ váꞌa.

Romanos 12:13

Jee chineí rán ya̱ jíniñúꞌún rá ñɨvɨ nsa̱ꞌá sɨ́ɨ́n Ndiosíꞌ ráa sáva kɨꞌɨ ráa nu̱u̱nꞌ Cristo. Jee koo ma̱ni̱ꞌ iniꞌ rán ku̱ꞌva rán ntíꞌ veꞌi rán kino̱o rá ñɨvɨ yɨ́ꞌɨ́ ráa nu̱u̱nꞌ Cristo ya̱ jíka ráa ichi.

Gálatas 6:10

Saáva sáá kénta íyó, jee saꞌá‑ó ya̱ váꞌa nu̱u̱nꞌ nɨꞌɨ. Jee ya̱ ñáꞌnú ka̱ꞌ vá íyó saꞌá‑ó ya̱ váꞌa nu̱u̱nꞌ rá ñanitáꞌán‑ó ya̱ kúneí iniꞌ ráa Jesús.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.

1 Timoteo 6:18

Jee suni tatúníꞌ nú nu̱u̱nꞌ ráa, ya̱ saꞌá ráa ya̱ váꞌa, sáva kuvi kuéntáꞌ kúká ráa jín kue̱ꞌe̱ꞌ tiñu váꞌa sáꞌá ráa. Jee koo ma̱ni̱ꞌ iniꞌ ráa, ya̱ ɨɨn ni koo iniꞌ ráa ku̱ꞌva ráa ya̱ chineí ráa inka ñɨvɨ jín rá nantíñú ráa.

Filipenses 4:18

Saájee nni̱ꞌi̱nꞌ ni̱ꞌ nɨꞌɨ ya̱ jíniñúꞌún ni̱ꞌ, jee kínóo ka̱ꞌ nu̱u̱nꞌ ni̱ꞌ. Íyó kue̱ꞌe̱ꞌ nu̱u̱nꞌ ni̱ꞌ, chi nni̱ꞌi̱nꞌ ni̱ꞌ ya̱ váji jín Epafrodito ya̱ ntaji rán nu̱u̱nꞌ ni̱ꞌ. Ya̱ ntaji rán nu̱u̱nꞌ ni̱ꞌ íyó kuéntáꞌ su̱jie ííꞌ jiáꞌánꞌ vi̱xi̱ꞌ ya̱ sókóꞌ rán nu̱u̱nꞌ Ndiosíꞌ. Chi ya̱ ntaji rán nu̱u̱nꞌ ni̱ꞌ kúvi ya̱ nso̱ko̱ꞌ rán nu̱u̱nꞌ re̱ꞌ, jee tɨ́ɨn kuéntáꞌ re̱ꞌ maa, chi kúváꞌa iniꞌ re̱ꞌ néꞌyá re̱ꞌ maa.

Efesios 4:28

Jee ñɨvɨ ya̱ sákuíꞌná, jee koto sákuíꞌná‑a ka̱ꞌ, chisaꞌ íyó satíñú‑u jín naꞌá‑a tiñu kúvi ya̱ váꞌa, sáva ni̱ꞌi̱nꞌ‑i ya̱ ku̱ꞌva‑a nu̱u̱nꞌ inka ñɨvɨ ya̱ jíniñúꞌún.

1 Tesalonicenses 5:15

Nito koo rán maáránoꞌó ya̱ koto náchunáán ni ɨɨn rán ya̱ ni̱váꞌa nu̱u̱nꞌ ni ɨɨn ñɨvɨ sáꞌá niva̱ꞌa nu̱u̱nꞌ ránoꞌó. Chisaꞌ sukuáni nanukú rán ya̱ váꞌa kuvi nu̱u̱nꞌ ɨɨn inka rán jín nu̱u̱nꞌ nɨꞌɨ rá ñɨvɨ.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

Lucas 18:22

Jee sáá nteso̱ꞌo Jesús ya̱ nkachiꞌ‑i, jee nkachiꞌ re̱ꞌ nu̱u̱nꞌ‑u: ―Kúmániꞌ ɨɨn ka̱ꞌ tiñu íyó saꞌá nú. Xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

3 Juan 1:11

Noꞌó Gayo, ya̱ ñúnúunꞌ ni̱ꞌ, koto nuún sáꞌá nú kuéntáꞌ ya̱ niváꞌa sáꞌá ñɨvɨ. Chisaꞌ nuún saꞌá nú kuéntáꞌ ya̱ váꞌa sáꞌá ñɨvɨ. Chi ñɨvɨ ya̱ sáꞌá ya̱ váꞌa jee ñɨvɨ Ndiosíꞌ ví nijia‑a. Soo ñɨvɨ ya̱ sáꞌá tiñu niváꞌa, jee ntiáꞌan kuniꞌ‑i Ndiosíꞌ.

Gálatas 6:6

Jee ránoꞌó ya̱ súkuáꞌa rán Tu̱ꞌun Ndiosíꞌ, chineí táꞌán rán rá te̱e xínéꞌénꞌ maa nu̱u̱nꞌ ránoꞌó jín nɨꞌɨ nu̱u̱nꞌ ya̱ váꞌa kúmí rán.

Filemón 1:6

Jee nééꞌ ñunkúún nú jín ñɨvɨ ya̱ suni táꞌán kúneí iniꞌ nkaa ráa Jesús, jee jie̱ꞌe̱ꞌ íyó nú suꞌva jíkánꞌ ni̱ꞌ nu̱u̱nꞌ Ndiosíꞌ ya̱ kene ya̱ kukáꞌnú iniꞌ rá ñɨvɨ Ndiosíꞌ ntáká ya̱ váꞌa ni̱ꞌi̱nꞌ‑ó jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo.

Filipenses 4:14

Soo va̱ꞌa nsa̱ꞌá rán, ya̱ nchi̱neí táꞌán rán nuꞌuꞌ jín tu̱nóꞌó nóꞌo ni̱ꞌ.

Hechos 9:36

Ñuunꞌ Jope nééꞌ ɨɨn ñaꞌan níkɨ́nꞌ ña ichi Jesús, ya̱ naní ña Tabita, ya̱ tu̱ꞌun griego kuíni káchíꞌ Dorcas. Ñaꞌan yaꞌá sáꞌá víꞌí ña tiñu váꞌa, jee sáꞌá víꞌí ña caridad nu̱u̱nꞌ rá láꞌví.