Hebreos 13:14 - Mixteco del suroeste de Tlaxiaco Oaxaca

¹⁴ Chi ñɨ̱vɨ́ yaꞌá nsáꞌ kúvi ñuunꞌ‑ó ya̱ kino̱o kava nɨ́ɨ́nkání, chisaꞌ núkú‑ó ñuunꞌ ya̱ kiji ichinúúnꞌ.

Hebreos 13:14 Referans Kwoze

Filipenses 3:20

Soo maáó kúvi se̱ꞌya ñuunꞌ íyó súkún. Jee suni nétu‑ó, ya̱ ne̱ yukuán niji I̱toꞌoꞌ‑ó Jesús ya̱ kúvi Cristo, ya̱ síkáku re̱ꞌ yó.

Hebreos 12:22

Chisaꞌ nkikuyatin rán máá maá yuku Sión nu̱u̱nꞌ íyó ñuunꞌ nu̱u̱nꞌ nééꞌ Ndiosíꞌ tékúꞌ, ya̱ kúvi Jerusalén íyó antivɨ́, nu̱u̱nꞌ íyó ntántúníꞌ víꞌí rá najiáꞌáꞌ ííꞌ re̱ꞌ ya̱ íyó tútú ráa kúsɨ́ɨꞌ iniꞌ ráa chíñúꞌún ráa re̱ꞌ.

Efesios 2:19

Jee saáva ntu ka̱ꞌ kúvi rán to̱ꞌo̱ꞌ ni ñɨvɨ váji íká, chisaꞌ se̱ꞌya ñuunꞌ Ndiosíꞌ kúvi rán jín rá ñɨvɨ nsa̱ꞌá sɨ́ɨ́n re̱ꞌ sáva kúvi rán ñɨvɨ re̱ꞌ, jee kúvi rán ñɨvɨ táꞌán veꞌi Ndiosíꞌ.

2 Corintios 4:17

Chi súnika̱ꞌ nóꞌo‑ó ñɨ̱vɨ́ yaꞌá, soo víyáxín kúvi rá tu̱nóꞌó vá jee núún ni ví‑i, chi sáꞌá‑a ya̱ ni̱ꞌi̱nꞌ‑ó ta̱ꞌvi̱ꞌ ya̱ viiꞌ kúñáꞌnú nasɨ́kuitɨꞌ ka̱ꞌ sáá kuneeꞌ‑ó nɨ́ɨ́nkání jín Ndiosíꞌ.

1 Corintios 7:29

Ránoꞌó ñani jín ku̱ꞌva, káchíꞌ ni̱ꞌ rá tu̱ꞌun yaꞌá nu̱u̱nꞌ rán chi kuítɨ́ ni tiempúꞌ, jee saáva rá te̱e íyó ñasɨ́ꞌɨ́, jee íyó naniꞌvɨꞌ ka̱ꞌ iniꞌ ráa kuꞌun iniꞌ ráa kɨtíñú ráa nu̱u̱nꞌ I̱toꞌoꞌ‑ó, nsú káꞌ nu̱u̱nꞌ ñasɨ́ꞌɨ́ ráa, suꞌva koo ráa kuéntáꞌ ntu íyó ñasɨ́ꞌɨ́ ráa.

1 Pedro 4:7

Soo ya̱ va̱kuyatin ya̱ nɨꞌɨ ntáká rá íyó, saáva nito koo rán kuꞌun kájí iniꞌ rán sáva kuvi kaꞌanꞌ rán jín Ndiosíꞌ.

Hebreos 4:9

Jee saáva íyó túꞌva i̱i̱ꞌ ka̱ꞌ ya̱ najia̱ví rá ñɨvɨ Ndiosíꞌ kuéntáꞌ kua̱ꞌ nna̱jia̱ví re̱ꞌ ki̱vɨ̱ꞌ uxáꞌ.

Hebreos 2:5

Chi nsú xi̱ntíín rá najiáꞌáꞌ ííꞌ Ndiosíꞌ nna̱chiꞌi re̱ꞌ ñɨ̱vɨ́ jiáá ya̱ kiji tiempúꞌ ichinúúnꞌ, jie̱ꞌe̱ꞌ ya̱ káchíꞌ ráníꞌ yaꞌá. [Chisaꞌ xi̱ntíín Se̱ꞌya re̱ꞌ nna̱chiꞌi re̱ꞌ maa.]

Hebreos 9:11

Soo vitan jee ya nkiji Cristo, jee maáréꞌ ví su̱tu̱ꞌ kúñáꞌnú nasɨ́kuitɨꞌ ka̱ꞌ ya̱ nísotíñú re̱ꞌ rá tiñu váꞌa ya̱ váji vitan ya̱ táji Ndiosíꞌ. Jee yɨ́tíñú re̱ꞌ nu̱u̱nꞌ kúvi nu̱u̱nꞌ ííꞌ nasɨ́kuitɨꞌ íyó ne̱ antivɨ́, nu̱u̱nꞌ kúñáꞌnú‑u ka̱ꞌ jín va̱ꞌa nasɨ́kuitɨꞌ ka̱ꞌ nsú ka̱ꞌ veꞌi ííꞌ yanaꞌán. Jee ntu nsa̱ꞌá ñɨvɨ maa, chi ntu íyó‑o iniꞌ ñɨ̱vɨ́ yaꞌá.

Hebreos 10:34

Chi nku̱náꞌví iniꞌ rán rá ñɨvɨ ya̱ yɨ́ꞌɨ́ iniꞌ veka̱a jie̱ꞌe̱ꞌ íñɨ́ ráa jín tu̱ꞌun váꞌa Cristo. Jee suni ne̱ sɨ̱ɨ̱ꞌ ni̱yo iniꞌ rán sáá nka̱neeꞌ rá ñɨvɨ rá nantíñú kúmí rán, chi jíníꞌ rán ya̱ ne̱ antivɨ́ nu̱u̱nꞌ nééꞌ Ndiosíꞌ yukuán ñúꞌún ta̱ꞌvi̱ꞌ váꞌa nasɨ́kuitɨꞌ rán ka̱ꞌ ya̱ koo nɨ́ɨ́nkání.

Hebreos 12:27

Jee tu̱ꞌun yaꞌá ya̱ káchíꞌ ya̱ “ɨɨn íchí ka̱ꞌ”, stúvi‑i nu̱u̱nꞌ‑ó ya̱ siíyo Ndiosíꞌ ntáká rá nantíñú ya̱ kúvi kajiaꞌ, ya̱ kúvi rá nantíñú nsa̱ꞌá re̱ꞌ, sáva saꞌá re̱ꞌ ya̱ kino̱o kutú nɨ́ɨ́nkání ya̱ ntu kúvi kajiaꞌ.

Apoclipsis 3:12

’Ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee saꞌá ni̱ꞌ ya̱ kuñáꞌnú ñɨvɨ vá kuéntáꞌ kúvi‑i nekaꞌ ya̱ yɨ́tuvi iniꞌ veñu̱ꞌun Ndiosíꞌ ni̱ꞌ. Jee ni nsáꞌ kene‑e nu̱u̱nꞌ nééꞌ Ndiosíꞌ yukuán. Jee tee ni̱ꞌ súví Ndiosíꞌ ni̱ꞌ ñɨvɨ vá, jín súví jiáá nuꞌuꞌ, jín súví ñuunꞌ Ndiosíꞌ ni̱ꞌ. Jee ñuunꞌ yukuán kúvi Jerusalén jiáá, jee va̱kuun ne̱ súkún nu̱u̱nꞌ nééꞌ Ndiosíꞌ maáníꞌ.