Hebreos 12:9 - Mixteco del suroeste de Tlaxiaco Oaxaca

⁹ Jee suni sukuán rá tátáꞌ‑ó nu̱u̱nꞌ kéne ñunéꞌyúꞌ‑ó jee náchuꞌun na̱a̱ꞌ ráa ichi yó, jee ni̱yo ya̱ ñáꞌnú nu̱u̱nꞌ‑ó néꞌyá‑ó ráa. Jee, ¿á nsáꞌ saꞌ víꞌí káꞌ vá íyó‑ó chiꞌi‑ó maáó naꞌá Ndiosíꞌ ya̱ kúvi Tátáꞌ‑ó táji ta̱chi̱ꞌ káꞌánꞌ‑ó jee kutekuꞌ‑ó nɨ́ɨ́nkání jín re̱ꞌ rúja?

Hebreos 12:9 Referans Kwoze

Juan 3:6

Chi ñɨvɨ ya̱ káku‑u nu̱u̱nꞌ ñɨvɨ ñunéꞌyúꞌ, jee ñɨvɨ ñunéꞌyúꞌ ví‑i. Soo ñɨvɨ ya̱ káku‑u nu̱u̱nꞌ Ndiosíꞌ sáꞌá Ta̱chi̱ꞌ Ííꞌ re̱ꞌ, jee yɨ́ꞌɨ́ Ta̱chi̱ꞌ Ííꞌ re̱ꞌ vá iniꞌ‑i.

1 Pedro 5:6

Jee xinúun rán maárán kuláꞌví iniꞌ rán chiꞌi rán maárán xi̱ntíín Ndiosíꞌ ya̱ níso re̱ꞌ fuersáꞌ ííꞌ níꞌin, sáva xináa re̱ꞌ ránoꞌó nuñáꞌnú rán tiempúꞌ ñani re̱ꞌ.

Santiago 4:7

Saáva íyó chiꞌi rán maárán xi̱ntíín Ndiosíꞌ. Jee nuni̱ꞌin rán nu̱u̱nꞌ kui̱ꞌna̱ꞌ, jee kunu kui̱ꞌna̱ꞌ nu̱u̱nꞌ rán.

Romanos 9:5

Jee suviráa kúvi ichiyúkúnꞌ váji ráa nu̱u̱nꞌ rá tátáꞌ jííꞌ ráa ya̱ nku̱ñáꞌnú nu̱u̱nꞌ Israel yanaꞌán. Jee nu̱u̱nꞌ tataꞌ ichiyúkúnꞌ ráa nkene Cristo sáá nkiji re̱ꞌ nkuvi re̱ꞌ te̱e ñunéꞌyúꞌ. Jee suvire̱ꞌ vá kúvi Ndiosíꞌ ya̱ tátúníꞌ re̱ꞌ nu̱u̱nꞌ kua̱íyó ya̱ íyó, jee netuꞌ kúvi re̱ꞌ nɨ́ɨ́nkání. ¡Suꞌva koo, amén!

Santiago 4:10

Íyó saꞌá núun rán maárán ichinúúnꞌ I̱toꞌoꞌ‑ó, jee xináa re̱ꞌ ránoꞌó nasaꞌá re̱ꞌ ya̱ kuñáꞌnú rán.

Romanos 9:3

jie̱ꞌe̱ꞌ rá ñanitáꞌán ni̱ꞌ, ya̱ kúvi ñɨvɨ táꞌán tataꞌ ni̱ꞌ, ya̱ kúvi rá ñɨvɨ tataꞌ Israel. Chi kuvi niyo iniꞌ ni̱ꞌ ya̱ xinóꞌo Ndiosíꞌ nuꞌuꞌ jín ya̱ kusɨ́ɨ́n ni̱ꞌ nu̱u̱nꞌ Cristo nékúvi, sáva chunáán ni̱ꞌ maáníꞌ nu̱u̱nꞌ Ndiosíꞌ nu̱u̱nꞌ kua̱chi ráa nékúvi, retú sukuán kúvi natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa nékúvi. Chi nna̱keꞌen Ndiosíꞌ ráa sáva kuvi ráa se̱ꞌya re̱ꞌ. Jee nteñu vi̱ko̱ꞌ ñanu̱te̱ꞌ re̱ꞌ nneeꞌ re̱ꞌ jín ráa. Jee nsa̱ꞌá re̱ꞌ tratúꞌ jín ráa. Jee nni̱ꞌi̱nꞌ ráa tu̱ꞌun nta̱túníꞌ re̱ꞌ ya̱ njia̱ꞌa re̱ꞌ nu̱u̱nꞌ Moisés. Jee nxi̱néꞌénꞌ re̱ꞌ ráa na̱sa kuneñu̱ꞌun ráa re̱ꞌ. Jee kue̱ꞌe̱ꞌ jie̱ꞌe̱ꞌ nchi̱sóyuꞌú re̱ꞌ nu̱u̱nꞌ ráa ya̱ saꞌá re̱ꞌ ya̱ váꞌa nu̱u̱nꞌ ráa.

Romanos 1:3

jie̱ꞌe̱ꞌ Se̱ꞌya re̱ꞌ Jesús, ya̱ nkuvi tataꞌ ichiyúkúnꞌ nkiji‑i nu̱u̱nꞌ David sáá nkiji‑i kuvi‑i ñɨvɨ ñunéꞌyúꞌ.

Hechos 2:30

Jee nkuvi re̱ꞌ ɨɨn te̱e ya̱ nna̱kani tu̱ꞌun nkene yuꞌú Ndiosíꞌ. Jee nku̱káꞌnú iniꞌ re̱ꞌ ya̱ nchi̱sóyuꞌú Ndiosíꞌ nu̱u̱nꞌ re̱ꞌ, ya̱ koo ɨɨn te̱e ya̱ kuvi‑i ichiyúkúnꞌ ya̱ kene ne̱ nu̱u̱nꞌ maáréꞌ ya̱ kenta nakui̱ñɨ̱ꞌ te̱e vá nu̱u̱nꞌ tiñu nniso re̱ꞌ sáva kuneeꞌ‑e teyuꞌ ñáꞌnú tatúníꞌ‑i.

Lucas 18:2

Jee nkachiꞌ re̱ꞌ: ―Ni̱yo ɨɨn te̱e jiéꞌnéꞌ kua̱chi ɨɨn nu̱u̱nꞌ ñuunꞌ, ya̱ ni ntu ñúyúꞌví iniꞌ re̱ꞌ nu̱u̱nꞌ Ndiosíꞌ, jee ni ntu sáꞌá ñáꞌnú re̱ꞌ jín rá ñɨvɨ.

Lucas 18:4

Jee ntu nkuíni re̱ꞌ keꞌneꞌ re̱ꞌ kua̱chi vá, soo ya̱ njia̱ꞌa tiempúꞌ jee ñani iniꞌ maáréꞌ nne̱ꞌyá re̱ꞌ maáréꞌ: “Asúnika̱ꞌ ntu ñúyúꞌví iniꞌ ni̱ꞌ nu̱u̱nꞌ Ndiosíꞌ, jee suni ni ntu sáꞌá ñáꞌnú ni̱ꞌ jín rá ñɨvɨ,

Apoclipsis 22:6

Saájee nkachiꞌ najiáꞌáꞌ ííꞌ vá nu̱u̱nꞌ nuꞌuꞌ: ―Rá tu̱ꞌun yaꞌá sikúnkuvi na̱a̱ꞌ jee máá naáꞌ nijia kúvi‑i. Chi maá I̱toꞌoꞌ‑ó Ndiosíꞌ ví ya̱ chúꞌun re̱ꞌ Ta̱chi̱ꞌ Ííꞌ re̱ꞌ iniꞌ ánímaꞌ rá ñɨvɨ ñani re̱ꞌ sáva nákani ráa rá tu̱ꞌun kéne yuꞌú re̱ꞌ, jee nchu̱ichí re̱ꞌ najiáꞌáꞌ ííꞌ re̱ꞌ, sáva stúvi‑i nu̱u̱nꞌ rá ñɨvɨ kúvi musúꞌ re̱ꞌ rá tiñu ya̱ ya̱chi̱ꞌ ni kuvi‑i ―nkachiꞌ najiáꞌáꞌ ííꞌ vá.