Hebreos 12:25 - Mixteco del suroeste de Tlaxiaco Oaxaca

²⁵ Jee saáva nito koo rán sáva ntu kúíchi iniꞌ rán Ndiosíꞌ ya̱ káꞌánꞌ jín rán. Chi nu̱u̱nꞌ ntu nkáku rá ñɨvɨ ya̱ nku̱ichi iniꞌ ráa maáréꞌ ya̱ nneeꞌ re̱ꞌ iniꞌ ñɨ̱vɨ́ yaꞌá jee nstúꞌva ya̱chi̱ꞌ re̱ꞌ nu̱u̱nꞌ ráa, jee saꞌ víꞌí káꞌ nkáku‑órán tu̱nóꞌó kunoꞌo‑ó retú nanikóyátá‑ó nu̱u̱nꞌ maáréꞌ ya̱ nééꞌ antivɨ́ jee stúꞌva ya̱chi̱ꞌ re̱ꞌ nu̱u̱nꞌ yó.

Hebreos 12:25 Referans Kwoze

Hebreos 8:5

Chi rá su̱tu̱ꞌ vá jee rá tiñu sáꞌá ráa kúvi tiñu kuéntáꞌ xi̱ne̱ꞌñu̱ꞌ, chi xínéꞌénꞌ‑e jie̱ꞌe̱ꞌ ya̱ naáꞌ nijia ya̱ íyó iniꞌ antivɨ́, sú ntu íyó máá maáa. Chi kúvi‑i kuéntáꞌ kua̱ꞌ nxtúꞌva ya̱chi̱ꞌ Ndiosíꞌ Moisés sáá sukuán kijiéꞌé re̱ꞌ kani re̱ꞌ veꞌi sayo ííꞌ nu̱u̱nꞌ nneñu̱ꞌun rá ñɨvɨ Ndiosíꞌ, jee nkachiꞌ Ndiosíꞌ: “Nito koo nú, jee nasaꞌá nú ntáká kuitɨꞌ rá nantíñú sánikua̱ꞌ íyó kuitɨꞌ rá nantíñú niniꞌ nú ya̱ nxi̱néꞌénꞌ ni̱ꞌ nu̱u̱nꞌ nú ne̱ xi̱ni̱ꞌ yuku.”

Hebreos 11:7

Jee Noé ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, sáá nstúꞌva Ndiosíꞌ re̱ꞌ jie̱ꞌe̱ꞌ rá tu̱nóꞌó xéénꞌ koo ya̱ ni ntiáꞌan kuniꞌ maa. Jee ñúyúꞌví iniꞌ re̱ꞌ Ndiosíꞌ jee nsa̱ꞌá re̱ꞌ ɨɨn barkúꞌ maá káꞌnú nasɨ́kuitɨꞌ ya̱ naní arca, sáva ka̱ku re̱ꞌ jín ntáká rá ñɨvɨ táꞌán veꞌi re̱ꞌ. Jee jie̱ꞌe̱ꞌ nku̱neí iniꞌ Noé Ndiosíꞌ, jee nsi̱jíta re̱ꞌ kua̱íyó rá ñɨvɨ ñɨ̱vɨ́ vá nu̱u̱nꞌ kua̱chi ráa. Jee ni̱ꞌi̱nꞌ re̱ꞌ ta̱ꞌvi̱ꞌ ninima̱ni̱ꞌ Ndiosíꞌ ya̱ nsa̱náaꞌ‑a ya̱ kúvi re̱ꞌ te̱e na̱a̱ꞌ jie̱ꞌe̱ꞌ nku̱neí iniꞌ re̱ꞌ Ndiosíꞌ.

Mateo 8:4

Jee nkachiꞌ Jesús nu̱u̱nꞌ te̱e vá: ―Koto káchíꞌ nú nu̱u̱nꞌ ni ɨɨn ñɨvɨ ya̱ nxi̱núvi ni̱ꞌ noꞌó. Chisaꞌ kuáꞌán, kuáxinéꞌénꞌ nú maánú nu̱u̱nꞌ su̱tu̱ꞌ ya̱ nnuvi nú, jee so̱ko̱ꞌ nú nu̱u̱nꞌ Ndiosíꞌ sánikua̱ꞌ tátúníꞌ tu̱ꞌun njiáꞌa Ndiosíꞌ nu̱u̱nꞌ Moisés ne̱ yanaꞌán. Jee sukuán so̱ko̱ꞌ nú nu̱u̱nꞌ Ndiosíꞌ sáva stúvi nú nu̱u̱nꞌ rá ñɨvɨ ya̱ ya nnuvi nú.

2 Timoteo 4:4

Jee nateeyátá ráa so̱ꞌo ráa nu̱u̱nꞌ tu̱ꞌun káꞌánꞌ na̱a̱ꞌ Ndiosíꞌ, jee nusɨ́ɨ́n ráa nu̱u̱nꞌ‑u sáva tɨɨn ráa kuentúꞌ yanaꞌán ya̱ kúvi kuentúꞌ ni.

1 Tesalonicenses 5:15

Nito koo rán maáránoꞌó ya̱ koto náchunáán ni ɨɨn rán ya̱ ni̱váꞌa nu̱u̱nꞌ ni ɨɨn ñɨvɨ sáꞌá niva̱ꞌa nu̱u̱nꞌ ránoꞌó. Chisaꞌ sukuáni nanukú rán ya̱ váꞌa kuvi nu̱u̱nꞌ ɨɨn inka rán jín nu̱u̱nꞌ nɨꞌɨ rá ñɨvɨ.

Hechos 7:35

―Maá Moisés yaꞌá ví ya̱ nku̱ichi iniꞌ rá jííꞌ‑ó yanaꞌán, jee nkachiꞌ ráa: “¿Né ɨɨn ñani nó ya̱ kúvi nú te̱e tátúníꞌ nu̱u̱nꞌ ránꞌ, jín kuéntáꞌ juez jiéꞌnéꞌ nú kua̱chi nu̱u̱nꞌ ránꞌ, résa?”, nkachiꞌ ráa. Te̱e vá, nta̱jí Ndiosíꞌ re̱ꞌ, sáva kuvi re̱ꞌ maá te̱e ya̱ tatúníꞌ re̱ꞌ nu̱u̱nꞌ ráa jín ya̱ sikáku re̱ꞌ ráa nakui̱ñɨ̱ꞌ núne ráa. Jee nchi̱neí najiáꞌáꞌ ííꞌ Ndiosíꞌ re̱ꞌ, ya̱ ntúvi nu̱u̱nꞌ re̱ꞌ nteñu tu̱yukúꞌ iñu ya̱ káyúꞌ.

Hebreos 3:17

Jee, ¿né ɨɨn kúvi rá ñɨvɨ ya̱ nki̱tɨ̱ꞌ iniꞌ Ndiosíꞌ nne̱ꞌyá re̱ꞌ ráa u̱vi̱xiko (40) kui̱ya̱ꞌ rúja? ¿Á nsú suviráa kúvi rá ñɨvɨ nsa̱ꞌá ráa kua̱chi jee ni̱ꞌi̱ꞌ ráa ne̱ nu̱u̱nꞌ ñu̱ꞌún sáɨn rúja?

Mateo 17:5

Jee ni káꞌánꞌ i̱i̱ꞌ ka̱ꞌ Pedro, jee nkenta vi̱ko̱ꞌ maa jiánu̱te̱ꞌ kuéntáꞌ íyó nuva ñuꞌunꞌ ñasɨꞌ‑ɨ ráa, jee nu̱u̱nꞌ vi̱ko̱ꞌ vá nkene ɨɨn ta̱chi̱yuꞌú, jee káchíꞌ‑i: ―Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ ―nkachiꞌ nusuyuꞌú vá.

Apoclipsis 22:9

Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán, chi suni táꞌán musúꞌ kúvi ni̱ꞌ jín noꞌó, jín rá ñanitáꞌán nú ya̱ kúvi ráa rá ñɨvɨ ya̱ nákani rá tu̱ꞌun kéne yuꞌú Ndiosíꞌ, jín maáráa ya̱ chúꞌun iniꞌ ráa tu̱ꞌun re̱ꞌ ya̱ nééꞌ nu̱u̱nꞌ tutuꞌ yaꞌá. Saáva kuneñu̱ꞌun nú máá maá Ndiosíꞌ.

Apoclipsis 19:10

Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.

1 Pedro 1:22

Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.

Hebreos 1:1

Chi ne̱ tiempúꞌ yanaꞌán jee kue̱ꞌe̱ꞌ nu̱u̱nꞌ ña̱tíñú Ndiosíꞌ nkaꞌanꞌ re̱ꞌ jín kue̱ꞌe̱ꞌ íchí nkaꞌanꞌ Ndiosíꞌ jín rá jííꞌ‑ó yanaꞌán, chi njia̱ꞌa re̱ꞌ tu̱ꞌun re̱ꞌ sákachiꞌ rá te̱e nna̱kani tu̱ꞌun nkene yuꞌú Ndiosíꞌ.

Hebreos 3:12

Jee ránoꞌó ñanitáꞌán, kumí rán maárán ya̱ ni ɨɨn táꞌán rán koto ñúꞌún niva̱ꞌa iniꞌ ánímaꞌ‑a ya̱ ntu ínúꞌ iniꞌ‑i Tu̱ꞌun Ndiosíꞌ sáva ntu kúsɨ́ɨ́n‑ɨ nu̱u̱nꞌ Ndiosíꞌ tékúꞌ.

Hebreos 12:19

jín nu̱u̱nꞌ nteso̱ꞌo ráa nusuꞌ trompeta, jín nusuꞌ ta̱chi̱yuꞌú Ndiosíꞌ tu̱ꞌun káchíꞌ‑i nu̱u̱nꞌ ráa. Jee sáá nteso̱ꞌo ráa maa, jee ne̱ nkakua̱chi ráa ya̱ ni nka̱ꞌánꞌ‑a ka̱ꞌ.