Hebreos 12:23 - Mixteco del suroeste de Tlaxiaco Oaxaca

²³ Jee nkikuyatin rán nu̱u̱nꞌ nútútú rá se̱ꞌya re̱ꞌ, ya̱ káchíꞌ‑ó kúvi ráa rá se̱ꞌya xíꞌnañúꞌún re̱ꞌ, chi káá rá súví ráa antivɨ́ nu̱u̱nꞌ Ndiosíꞌ. Jee ña̱tuꞌva rán nu̱u̱nꞌ Ndiosíꞌ ya̱ sánáaꞌ re̱ꞌ rá kua̱chi nta̱ká ñɨvɨ, jín nu̱u̱nꞌ íyó ánímaꞌ rá ñɨvɨ ya̱ kínóo na̱a̱ꞌ ráa ichinúúnꞌ Ndiosíꞌ nsa̱ꞌá re̱ꞌ.

Hebreos 12:23 Referans Kwoze

Santiago 1:18

Jee ña̱tíñú re̱ꞌ tu̱ꞌun na̱a̱ꞌ re̱ꞌ, sáva saꞌá re̱ꞌ ya̱ nakaku‑ó ya̱ kuvi‑ó se̱ꞌya re̱ꞌ, sáni kuíni re̱ꞌ. Nsa̱ꞌá re̱ꞌ suꞌva sáva kuvi‑ó rá se̱ꞌya xíꞌnañúꞌún ya̱ ña̱ko̱so̱ꞌ nu̱u̱nꞌ kue̱ꞌe̱ꞌ ka̱ꞌ se̱ꞌya re̱ꞌ, ya̱ va̱ji nu̱u̱nꞌ rá ñɨvɨ ya̱ nsa̱ꞌá re̱ꞌ.

Hebreos 11:40

Chi nsa̱ꞌá túꞌva Ndiosíꞌ ɨɨn ta̱ꞌvi̱ꞌ ya̱ kúvi ya̱ váꞌa víꞌí ka̱ꞌ nu̱u̱nꞌ‑ó, sáva kua̱chi jín maáó nuún nkáá kino̱o na̱a̱ꞌ ráa jín maáó saꞌá re̱ꞌ.

Lucas 10:20

Soo koto kúsɨ́ɨꞌ iniꞌ ránú jie̱ꞌe̱ꞌ ya̱ rá ta̱chi̱ꞌ kíni káníjiá ráa ránoꞌó, chisaꞌ kusɨ̱ɨ̱ꞌ iniꞌ rán jie̱ꞌe̱ꞌ ya̱ ya yɨ́ꞌɨ́ súví rán ne̱ antivɨ́ xi̱ntíín Ndiosíꞌ ―nkachiꞌ Jesús.

Apoclipsis 14:4

Jee suviráa kúvi ñɨvɨ ya̱ ntu nkúkuáchi ráa jín ñaꞌan, chi íyó noo ninuꞌun ánímaꞌ ráa. Jee suviráa ví ya̱ níkɨ́nꞌ ráa maáréꞌ ya̱ kúvi re̱ꞌ Lanchi Lúlí Ndiosíꞌ né ni ví nkuvi nu̱u̱nꞌ kuáꞌánꞌ re̱ꞌ. Jee suviráa kúvi ñɨvɨ ya̱ nna̱chuya̱ꞌvi Lanchi Lúlí vá ráa ne̱ nu̱u̱nꞌ rá ñɨvɨ ñɨ̱vɨ́ sáva nuvi ráa ñɨvɨ re̱ꞌ. Jee nso̱ko̱ꞌ ráa maáráa nu̱u̱nꞌ Ndiosíꞌ, jín nu̱u̱nꞌ maáréꞌ ya̱ kúvi Lanchi Lúlí vá kuéntáꞌ kúvi ráa parte xíꞌnañúꞌún tataꞌ sáꞌá jee va̱ji kue̱ꞌe̱ꞌ ka̱ꞌ.

Génesis 18:25

¡Máá nááꞌ nijia ya̱ nsáꞌ saꞌá nú sukuán! Nkúvi kaꞌniꞌ nkáá nú rá ñɨvɨ na̱a̱ꞌ jín rá ñɨvɨ niváꞌa, ya̱ nuún koo jín rá ñɨvɨ na̱a̱ꞌ kuéntáꞌ rá ñɨvɨ niváꞌa. ¡Nsa̱ꞌá nú sukuán! Noꞌó ya̱ kúvi nú ya̱ jiéꞌnéꞌ nú kua̱chi nɨꞌɨ ñɨvɨ ñɨ̱vɨ́ yaꞌá, ¿á ntu sú na̱a̱ꞌ keꞌneꞌ nú kua̱chi résa? ―nkachiꞌ Abraham.

Apoclipsis 20:15

Jee nu̱u̱nꞌ ñúꞌún xéénꞌ iniꞌ nteñúꞌún yukuán nu̱u̱nꞌ káyúꞌ núꞌvéꞌ ñuꞌunꞌ nchuꞌun re̱ꞌ ntáká rá ñɨvɨ ya̱ ntu níso rá súví ráa nu̱u̱nꞌ tutuꞌ níso rá súví rá ñɨvɨ ya̱ kutekuꞌ ráa nɨ́ɨ́nkání jín Ndiosíꞌ.

Hebreos 9:27

Jee sukuán kuéntáꞌ kua̱ꞌ saá íyó va̱ji ya̱ níní kuviꞌ rá ñɨvɨ ɨɨn ni íchí, jee kuíre suni kiji tiñu ya̱ keꞌneꞌ Ndiosíꞌ kua̱chi.

Apoclipsis 13:8

Jee kuneñu̱ꞌun kua̱íyó rá ñɨvɨ ti̱ꞌ ya̱ kúvi ráa rá ñɨvɨ nééꞌ ráa ñɨ̱vɨ́ ya̱ ntu níso súví ráa nu̱u̱nꞌ tutuꞌ ya̱ níso‑o rá súví rá ñɨvɨ ya̱ kutekuꞌ ráa jín Ndiosíꞌ nɨ́ɨ́nkání. Tutuꞌ vá kúvi tutuꞌ maáréꞌ ya̱ kúvi Lanchi Lúlí ya̱ ñaꞌniꞌ rá ñɨvɨ re̱ꞌ sáni nsa̱náaꞌ Ndiosíꞌ ne̱ ntiáꞌan kiko̱o ñɨ̱vɨ́.

1 Pedro 2:23

Chi sáá nkaꞌanꞌ ráa tu̱ꞌun níváꞌa ntenu̱u̱nꞌ ráa re̱ꞌ jee ni ntu nna̱xiníkó re̱ꞌ tu̱ꞌun níváꞌa nu̱u̱nꞌ ráa, jee sáá nxi̱nóꞌo ráa re̱ꞌ jee ni ntu nchuyúꞌví re̱ꞌ iniꞌ ráa retú naxinóꞌo re̱ꞌ ráa, chisaꞌ nna̱ku̱ꞌva re̱ꞌ maáréꞌ nu̱u̱nꞌ Ndiosíꞌ, ya̱ máá Ndiosíꞌ ví ya̱ na̱a̱ꞌ sánáaꞌ jie̱ꞌe̱ꞌ ntáká rá tiñu yukuán.

Hebreos 11:4

Chi ni̱nu̱ꞌ iniꞌ Abel nku̱neí iniꞌ re̱ꞌ Ndiosíꞌ, jee saáva nso̱ko̱ꞌ re̱ꞌ ya̱ váꞌa víꞌí ka̱ꞌ nu̱u̱nꞌ Ndiosíꞌ nsú káꞌ Caín. Jee saáva nna̱kuetúꞌún Ndiosíꞌ ya̱ Abel kúvi re̱ꞌ te̱e na̱a̱ꞌ, chi nna̱kuetúꞌún Ndiosíꞌ jie̱ꞌe̱ꞌ ya̱ nsókoꞌ Abel. Jee saáva súka̱ꞌ ya̱ ni̱ꞌi̱ꞌ re̱ꞌ, jee kuéntáꞌ níkɨ́nꞌ i̱i̱ꞌ káꞌánꞌ re̱ꞌ ne̱ vitan chi nkuvi re̱ꞌ te̱e ni̱nu̱ꞌ iniꞌ.

1 Timoteo 3:5

(Retú néni ɨɨn te̱e ntu jíníꞌ‑i kosoꞌ‑o nu̱u̱nꞌ táꞌán veꞌi maáa, ¿na̱sa kuvi kuneen kuéntáꞌ re̱ꞌ ɨɨn grupo rá ñɨvɨ kúneí iniꞌ ráa Ndiosíꞌ rúsa?)

Filipenses 4:3

Suni sukuán, maánú, ya̱ táꞌán te̱e nsa̱tíñú nkáꞌnú na̱a̱ꞌ nijia jín ni̱ꞌ, suni jíkánꞌ ni̱ꞌ nu̱u̱nꞌ nú, ya̱ chineí nú ya̱ nakama̱ni̱ꞌ ráña. Chi nnu̱nasɨ́ ráña nsa̱tíñú nkáꞌnú ráña jín ni̱ꞌ, jee suni sukuán jín Clemente jín rá inka ñɨvɨ táꞌán sátíñú nkáꞌnú jín ni̱ꞌ, sáva kueꞌnu tu̱ꞌun va̱ꞌa Jesús. Jee rá súví ráa níso nu̱u̱nꞌ tutuꞌ níso rá súví rá ñɨvɨ kutekuꞌ jín Ndiosíꞌ nɨ́ɨ́nkání.

Efesios 1:22

Jee nchiꞌi Ndiosíꞌ nɨꞌɨ kuitɨꞌ ya̱ íyó xi̱ntíín Cristo, ya̱ maáréꞌ kúñáꞌnú kosoꞌ re̱ꞌ nu̱u̱nꞌ nɨꞌɨ, jee ntaji Ndiosíꞌ re̱ꞌ nu̱u̱nꞌ maáórán ya̱ kúneí iniꞌ‑ó re̱ꞌ jee yósóꞌ re̱ꞌ nu̱u̱nꞌ‑ó kúvi re̱ꞌ xi̱ni̱ꞌ nu̱u̱nꞌ‑ó.

Hechos 20:28

’Kumí rán maárán jee kumí rán ñanitáꞌán ya̱ kúneí iniꞌ ráa Jesús. Chi ñani Ta̱chi̱ꞌ Ííꞌ ránoꞌó, sáva kuvi rán rá te̱e kúñáꞌnú nu̱u̱nꞌ ráa, sáva kunaka rán rá ñɨvɨ kúneí iniꞌ ráa Ndiosíꞌ. Ñatɨ ni̱ñɨ̱ꞌ maá Se̱ꞌya re̱ꞌ, sáá ni̱ꞌi̱ꞌ‑i nu̱u̱nꞌ kurúsiꞌ, sáva nakeꞌen re̱ꞌ rá ñɨvɨ vá.

Juan 5:27

Jee suni ntaji Tátáꞌ ni̱ꞌ kunisotíñú ni̱ꞌ ya̱ nasanáaꞌ ni̱ꞌ kua̱chi rá ñɨvɨ, chi ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ.

Colosenses 1:24

Vitan jee nuꞌuꞌ, ne̱ ánímaꞌ ni̱ꞌ kúsɨ́ɨꞌ víꞌí iniꞌ ni̱ꞌ ya̱ nóꞌo ni̱ꞌ jie̱ꞌe̱ꞌ tiñu sáꞌá ni̱ꞌ jie̱ꞌe̱ꞌ ya̱ váꞌa ránoꞌó. Sáni nnoꞌo Cristo jie̱ꞌe̱ꞌ rá ñɨvɨ ya̱ kúneí iniꞌ ráa re̱ꞌ, suni sukuán ne̱ yɨkɨkúñu máá maáníꞌ nóꞌo ni̱ꞌ ni síkúnkuvi ni̱ꞌ tiñu Cristo jie̱ꞌe̱ꞌ ya̱ váꞌa maáráa, ya̱ kúvi ráa kuéntáꞌ yɨkɨkúñu re̱ꞌ, ya̱ kúvi ráa ñɨvɨ re̱ꞌ ya̱ nstútú re̱ꞌ.

Colosenses 1:12

Jee sɨ̱ɨ̱ꞌ koo iniꞌ ánímaꞌ rán ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, chi maáréꞌ nsa̱túꞌva yó sáá koo‑ó, sáva kuvi kuvisava‑ó ta̱ꞌvi̱ꞌ ya̱ ku̱ꞌva re̱ꞌ nu̱u̱nꞌ rá ñɨvɨ nxi̱nóo sɨ́ɨ́n re̱ꞌ ráa, sáva kuvi ráa se̱ꞌya ñuunꞌ íyó súkún, nu̱u̱nꞌ túúnꞌ ñuꞌunꞌ re̱ꞌ.

2 Corintios 5:8

Soo ne̱ yuchí kúneí iniꞌ‑ó Ndiosíꞌ, jee kée ka̱ꞌ kene‑ó veꞌi‑ó yaꞌá, ya̱ kúvi yɨkɨkúñu‑ó, jee kɨ̱ꞌɨ̱nꞌ‑ó nu̱u̱nꞌ kuneeꞌ‑ó jín I̱toꞌoꞌ‑ó.

1 Corintios 15:54

Jee yɨkɨkúñu‑ó yaꞌá ya̱ tívɨ́‑ɨ jee sáá nuvi‑i ɨɨn yɨkɨkúñu ya̱ ni nsáꞌ ti̱vɨ́‑ɨ ka̱ꞌ, jee yɨkɨkúñu‑ó yaꞌá ya̱ jíꞌíꞌ‑i jee sáá nuvi‑i ɨɨn yɨkɨkúñu ya̱ ni nku̱víꞌ‑ó ka̱ꞌ, jee saájee sikúnkuvi rá tu̱ꞌun nééꞌ nu̱u̱nꞌ Tutuꞌ níso Tu̱ꞌun Ndiosíꞌ:

1 Corintios 13:12

Chi vitan jee nsú nɨꞌɨ jíníꞌ‑ó jie̱ꞌe̱ꞌ Ndiosíꞌ, chi íyó kuéntáꞌ retánꞌ néꞌyá‑ó nu̱u̱nꞌ ɨɨn espejo ya̱ túvi neenꞌ, soo tiempúꞌ ichinúúnꞌ jee kune̱ꞌyá‑ó nu̱u̱nꞌ máá maá Ndiosíꞌ jín nchinúún‑ó. Vitan jíníꞌ ni̱ꞌ yakuꞌ ya̱ nstúvi Ndiosíꞌ nu̱u̱nꞌ‑ó, soo tiempúꞌ yukuán kuniꞌ noo nɨꞌɨ kuitɨꞌ, kuéntáꞌ sánikua̱ꞌ jíníꞌ noo maá Ndiosíꞌ nuꞌuꞌ.

1 Corintios 15:49

Jee naku‑ó iniꞌ te̱e ti̱ka̱cha̱a̱ꞌ ñuꞌun, jee suni sukuán ranika̱ꞌ naku‑ó iniꞌ te̱e nkiji re̱ꞌ ne̱ antivɨ́ súkún.

Hebreos 2:12

Chi nu̱u̱nꞌ Tutuꞌ Ííꞌ níso tu̱ꞌun nkachiꞌ re̱ꞌ nu̱u̱nꞌ Tátáꞌ re̱ꞌ: Kachitu̱ꞌún ni̱ꞌ jie̱ꞌe̱ꞌ nú nu̱u̱nꞌ rá ñaniꞌ ni̱ꞌ jín ku̱ꞌva ni̱ꞌ [ya̱ yɨ́ꞌɨ́ ráa nu̱u̱nꞌ nú], jee nteñu nu̱u̱nꞌ nútútú ráa kata ni̱ꞌ yaaꞌ ya̱ nákuetúꞌún ni̱ꞌ ya̱ kúñáꞌnú nú.

Apoclipsis 6:9

Jee sáá nsine re̱ꞌ ya̱ úꞌúnꞌ seyúꞌ, jee niniꞌ ni̱ꞌ maa nu̱u̱nꞌ chíñúꞌún ráa Ndiosíꞌ nu̱u̱nꞌ naní altar, jee niniꞌ ni̱ꞌ ya̱ chi̱ji yukuán yɨ́ꞌɨ́ rá ánímaꞌ rá ñɨvɨ ya̱ ni̱ꞌi̱ꞌ ráa chi ñaꞌniꞌ ñɨvɨ ráa jie̱ꞌe̱ꞌ ni̱nu̱ꞌ iniꞌ ráa tu̱ꞌun váꞌa Ndiosíꞌ jín ya̱ nstúvi ráa ya̱ naáꞌ jie̱ꞌe̱ꞌ tu̱ꞌun vá.

Apoclipsis 6:11

Saájee njia̱ꞌa re̱ꞌ saꞌma kuíjín kuꞌun ráa, jee nkachiꞌ re̱ꞌ nu̱u̱nꞌ ráa ya̱ najia̱ví ráa yakuꞌ ni ka̱ꞌ tiempúꞌ ne̱kua̱ꞌ chitú numero kaꞌniꞌ rá ñɨvɨ rá ñanitáꞌán ráa ya̱ kúvi táꞌán sáꞌá tiñu nu̱u̱nꞌ Cristo jín ráa jee kuviꞌ rává kuéntáꞌ maáráa.