Hebreos 12:22 - Mixteco del suroeste de Tlaxiaco Oaxaca

²² Chisaꞌ nkikuyatin rán máá maá yuku Sión nu̱u̱nꞌ íyó ñuunꞌ nu̱u̱nꞌ nééꞌ Ndiosíꞌ tékúꞌ, ya̱ kúvi Jerusalén íyó antivɨ́, nu̱u̱nꞌ íyó ntántúníꞌ víꞌí rá najiáꞌáꞌ ííꞌ re̱ꞌ ya̱ íyó tútú ráa kúsɨ́ɨꞌ iniꞌ ráa chíñúꞌún ráa re̱ꞌ.

Hebreos 12:22 Referans Kwoze

Filipenses 3:20

Soo maáó kúvi se̱ꞌya ñuunꞌ íyó súkún. Jee suni nétu‑ó, ya̱ ne̱ yukuán niji I̱toꞌoꞌ‑ó Jesús ya̱ kúvi Cristo, ya̱ síkáku re̱ꞌ yó.

Gálatas 4:26

Soo ñuunꞌ Jerusalén íyó súkún, ñuunꞌ íñɨ́ núne ví‑i kuéntáꞌ ñasɨ́ꞌɨ́ Abraham ya̱ ntu kúvi ña musúꞌ ya̱ ntu kéꞌen ñɨvɨ. Jee kúvi‑ó se̱ꞌya ñuunꞌ vá, kuéntáꞌ náánꞌ‑ó kúvi‑i.

Apoclipsis 14:1

Saájee nuꞌuꞌ, Juan, nna̱kune̱ꞌyá ni̱ꞌ jee niniꞌ ni̱ꞌ maáréꞌ ya̱ kúvi re̱ꞌ Lanchi Ndiosíꞌ íñɨ́ re̱ꞌ xi̱ni̱ꞌ yuku naní Sión. Jee yukuán íñɨ́ re̱ꞌ jín sientúꞌ u̱vi̱xiko ku̱mi̱ꞌ mil (144,000) ñɨvɨ, jee níso súví re̱ꞌ jín súví Tátáꞌ re̱ꞌ te̱e̱nꞌ ráa.

Apoclipsis 21:2

Jee niniꞌ ni̱ꞌ ñuunꞌ ííꞌ ya̱ kúvi ñuunꞌ Jerusalén jiáá. Jee va̱ji nkuun‑u ichi antivɨ́ súkún tájí Ndiosíꞌ maa. Jee viiꞌ víꞌí íyó‑o chi íyó túꞌva‑a kuéntáꞌ kua̱ꞌ ɨɨn ñaꞌan ya̱ nasaꞌá ñunkúún ña maáña nu̱u̱nꞌ yɨɨ́ ña sáva tana̱ꞌá ña.

Apoclipsis 22:19

Jee retú néni ɨɨn ñɨvɨ ya̱ xitá‑a tu̱ꞌun ya̱ nkene yuꞌú Ndiosíꞌ ya̱ níso nu̱u̱nꞌ tutuꞌ yaꞌá, jee maá Ndiosíꞌ suni xitá re̱ꞌ ta̱ꞌvi̱ꞌ ya̱ ni̱ꞌi̱nꞌ‑i ya̱ kuvi kajiꞌ‑i ya̱ vixíꞌ yutun ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín re̱ꞌ, jee suni ni nsáꞌ ni̱ꞌi̱nꞌ‑i ki̱vɨ‑ɨ ñuunꞌ ííꞌ vá, jie̱ꞌe̱ꞌ ya̱ káchíꞌ tu̱ꞌun ya̱ níso nu̱u̱nꞌ tutuꞌ yaꞌá.

Apoclipsis 3:12

’Ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee saꞌá ni̱ꞌ ya̱ kuñáꞌnú ñɨvɨ vá kuéntáꞌ kúvi‑i nekaꞌ ya̱ yɨ́tuvi iniꞌ veñu̱ꞌun Ndiosíꞌ ni̱ꞌ. Jee ni nsáꞌ kene‑e nu̱u̱nꞌ nééꞌ Ndiosíꞌ yukuán. Jee tee ni̱ꞌ súví Ndiosíꞌ ni̱ꞌ ñɨvɨ vá, jín súví jiáá nuꞌuꞌ, jín súví ñuunꞌ Ndiosíꞌ ni̱ꞌ. Jee ñuunꞌ yukuán kúvi Jerusalén jiáá, jee va̱kuun ne̱ súkún nu̱u̱nꞌ nééꞌ Ndiosíꞌ maáníꞌ.

Hebreos 13:14

Chi ñɨ̱vɨ́ yaꞌá nsáꞌ kúvi ñuunꞌ‑ó ya̱ kino̱o kava nɨ́ɨ́nkání, chisaꞌ núkú‑ó ñuunꞌ ya̱ kiji ichinúúnꞌ.

Hebreos 11:10

Chi nnetu ñáꞌnú Abraham ya̱ ni̱ꞌi̱nꞌ re̱ꞌ kuneeꞌ re̱ꞌ ñuunꞌ ya̱ nsamaꞌ kutú, ya̱ maá Ndiosíꞌ ví ya̱ ñani iniꞌ re̱ꞌ na̱ja koo jee suni maáréꞌ nsa̱ꞌá maa.

Apoclipsis 21:10

Saájee niniꞌ ni̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ, jee najiáꞌáꞌ ííꞌ vá nnaka re̱ꞌ nuꞌuꞌ kua̱ꞌa̱nꞌ re̱ꞌ jín ni̱ꞌ ne̱ xi̱ni̱ꞌ ɨɨn yuku máá káꞌnú súkún xá, jee nxi̱néꞌénꞌ re̱ꞌ nuꞌuꞌ máá ñuunꞌ káꞌnú ííꞌ ya̱ kúvi Jerusalén, jee va̱ji nkuun ñuunꞌ vá ne̱ antivɨ́ súkún tájí Ndiosíꞌ maa.

Apoclipsis 7:2

Jee niniꞌ ni̱ꞌ inka ka̱ꞌ najiáꞌáꞌ ííꞌ Ndiosíꞌ ya̱ váji‑i ne̱ ichi nu̱u̱nꞌ kénta nka̱niiꞌ. Jee ínaꞌá‑a seyúꞌ Ndiosíꞌ tékúꞌ. Jee ni̱ꞌin xá nka̱najíín‑i xi̱ni̱ꞌ ni kúmíꞌ rá najiáꞌáꞌ ííꞌ vá ya̱ nni̱ꞌi̱nꞌ ráa ya̱ nísotíñú ráa ya̱ saꞌá kini ráa xináánꞌ ráa ñuꞌun ñɨ̱vɨ́ jín nteñúꞌún.

Judas 1:14

Jee suni nkachiꞌ ya̱chi̱ꞌ Enoc tu̱ꞌun nkene yuꞌú maá Ndiosíꞌ ya̱ nkaꞌanꞌ‑a jie̱ꞌe̱ꞌ rá te̱e túꞌún yaꞌá. Jee ne̱ nu̱u̱nꞌ Adán nkene se̱ꞌya re̱ꞌ jee ni̱yo se̱ꞌya se̱ꞌya re̱ꞌ jee suꞌva níkɨ́nꞌ va̱ji ichinúúnꞌ nkenta u̱xa̱ꞌ táꞌ ráa ne̱ sáá nkaku Enoc. Jee nkachiꞌ Enoc: “Kune̱ꞌyá, kiji I̱toꞌoꞌ jín kue̱ꞌe̱ꞌ víꞌí mil rá najiáꞌáꞌ ííꞌ re̱ꞌ,

Hebreos 10:31

Saáva, na̱ ka̱ꞌ mánasɨ́ xéénꞌ nasɨ́kuitɨꞌ ka̱ꞌ kuvi jín ráa ya̱ kininkava ráa naꞌá Ndiosíꞌ tékúꞌ sáva xinóꞌo re̱ꞌ ráa.

Hebreos 9:14

Retú sukuán kúvi, soo saꞌ víꞌí káꞌ nasánoo ni̱ñɨ̱ꞌ Cristo ánímaꞌ‑ó, chi ntu níso Cristo kua̱chi, jee Ta̱chi̱ꞌ Ííꞌ ya̱ íyó nɨ́ɨ́nkání jee njia̱ꞌa‑a fuersáꞌ ííꞌ nu̱u̱nꞌ re̱ꞌ sáva kuviꞌ re̱ꞌ so̱ko̱ꞌ re̱ꞌ maáréꞌ nu̱u̱nꞌ Ndiosíꞌ. Jee sukuán násánoo ni̱ñɨ̱ꞌ Cristo ánímaꞌ‑ó, sáva kuniꞌ‑ó ya̱ ntu níso‑ó ka̱ꞌ kua̱chi, jín ya̱ ntu yɨ́ꞌɨ́‑ó ka̱ꞌ nu̱u̱nꞌ rá tiñu sáꞌá ya̱ kuviꞌ‑ó nu̱u̱nꞌ Ndiosíꞌ, jín sáva kɨtíñú‑ó nu̱u̱nꞌ Ndiosíꞌ tékúꞌ.

Hebreos 3:12

Jee ránoꞌó ñanitáꞌán, kumí rán maárán ya̱ ni ɨɨn táꞌán rán koto ñúꞌún niva̱ꞌa iniꞌ ánímaꞌ‑a ya̱ ntu ínúꞌ iniꞌ‑i Tu̱ꞌun Ndiosíꞌ sáva ntu kúsɨ́ɨ́n‑ɨ nu̱u̱nꞌ Ndiosíꞌ tékúꞌ.

1 Tesalonicenses 1:9

Chi maáráa nákani nu̱u̱nꞌ ránuꞌuꞌ ná nkuvi sáá nkenta ráníꞌ nteñu ránoꞌó. Jee nákani ráa na̱ja nna̱kani iniꞌ ránoꞌó jee nki̱vɨ ránú nu̱u̱nꞌ Ndiosíꞌ, jee nxi̱nóo rán ya̱ néñu̱ꞌun rán rá nantíñú ya̱ nsú Ndiosíꞌ ví‑i, sáva kɨñúꞌún rán nu̱u̱nꞌ Ndiosíꞌ, ya̱ tékúꞌ re̱ꞌ jee métúꞌún maáréꞌ ví Ndiosíꞌ nijia.

Romanos 11:26

Jee kuíre ntáká rá ñɨvɨ ñuunꞌ Israel natavaꞌ Ndiosíꞌ ráa nu̱u̱nꞌ kua̱chi ráa sáva nanitáꞌvíꞌ ráa. Sukuán koo sáni káchíꞌ tu̱ꞌun níso nu̱u̱nꞌ Tutuꞌ Ííꞌ: Ne̱ nu̱u̱nꞌ ñuunꞌ Sión kiji maáréꞌ ya̱ nakani núne re̱ꞌ rá ñɨvɨ ñuunꞌ Israel nene ráa nu̱u̱nꞌ kua̱chi ráa, jee saꞌá sɨ́ɨ́n re̱ꞌ rá ñɨvɨ ichiyúkúnꞌ tataꞌ váji nu̱u̱nꞌ Jacob kene ráa nu̱u̱nꞌ ya̱ niváꞌa.

Romanos 9:26

Jee ne̱ nu̱u̱nꞌ nkachiꞌ ni̱ꞌ nu̱u̱nꞌ ráa: “Ntu nkúvi rán ñɨvɨ ni̱ꞌ”, jee yukuán kuna̱ní rán se̱ꞌya Ndiosíꞌ tékúꞌ. Nkachiꞌ Ndiosíꞌ.

Mateo 5:35

ni koto sánáaꞌ ránú nu̱u̱nꞌ tu̱ꞌun káꞌánꞌ ránú ni jie̱ꞌe̱ꞌ ñɨ̱vɨ́ yaꞌá, chi yɨ́ꞌɨ́‑ɨ xi̱ntíín Ndiosíꞌ kuéntáꞌ ɨɨn teyuꞌ nu̱u̱nꞌ yósóꞌ jie̱ꞌe̱ꞌ re̱ꞌ. Ni koto sánáaꞌ ránú nu̱u̱nꞌ tu̱ꞌun káꞌánꞌ ránú ni jie̱ꞌe̱ꞌ Jerusalén, chi kúvi‑i ñuunꞌ nu̱u̱nꞌ tátúníꞌ I̱toꞌoꞌ‑ó Ndiosíꞌ, ya̱ maá kúñáꞌnú ví re̱ꞌ.

Mateo 16:16

Saájee nna̱xiníkó Simón Pedro, jee nkachiꞌ‑i: ―Noꞌó kúvi nú Cristo, Se̱ꞌya Ndiosíꞌ tékúꞌ.

Efesios 2:19

Jee saáva ntu ka̱ꞌ kúvi rán to̱ꞌo̱ꞌ ni ñɨvɨ váji íká, chisaꞌ se̱ꞌya ñuunꞌ Ndiosíꞌ kúvi rán jín rá ñɨvɨ nsa̱ꞌá sɨ́ɨ́n re̱ꞌ sáva kúvi rán ñɨvɨ re̱ꞌ, jee kúvi rán ñɨvɨ táꞌán veꞌi Ndiosíꞌ.

2 Timoteo 4:18

Jee sikáku I̱toꞌoꞌ‑ó nakeꞌen re̱ꞌ nuꞌuꞌ nu̱u̱nꞌ nɨꞌɨ tiñu níváꞌa ya̱ nóꞌo ni̱ꞌ. Jee kumí kutú re̱ꞌ nuꞌuꞌ ne̱kua̱ꞌ ki̱vɨ ni̱ꞌ ñuunꞌ ya̱ íyó súkún nu̱u̱nꞌ tátúníꞌ re̱ꞌ. Nakuetúꞌún‑ó ya̱ viiꞌ nasɨ́kuitɨꞌ kúñáꞌnú re̱ꞌ nɨ́ɨ́nkání. Suꞌva koo.

Hebreos 11:16

Soo nñu̱ꞌun iniꞌ ráa ɨɨn ñuunꞌ váꞌa ka̱ꞌ ya̱ kúvi ñuunꞌ antivɨ́. Jee saáva Ndiosíꞌ ntu kúkanuun re̱ꞌ kuna̱ní re̱ꞌ Ndiosíꞌ ráa. Nsa̱ꞌá stákoo re̱ꞌ ñuunꞌ ya̱ kuvi ráa.