Hebreos 12:18 - Mixteco del suroeste de Tlaxiaco Oaxaca

¹⁸ Chi ránoꞌó, ntu ñákuyatin rán nu̱u̱nꞌ ɨɨn yuku ya̱ kuvi tɨɨn rán kuéntáꞌ yuku nu̱u̱nꞌ njiáꞌa Ndiosíꞌ ley re̱ꞌ nu̱u̱nꞌ rá ñɨvɨ Israel, nu̱u̱nꞌ ntɨɨn núꞌvéꞌ ñuꞌunꞌ, jín nu̱u̱nꞌ neenꞌ, jín ñu̱neenꞌ túún, jín nu̱u̱nꞌ nyɨ̱ꞌɨ ta̱chi̱ꞌ xéénꞌ,

Hebreos 12:18 Referans Kwoze

2 Timoteo 1:7

Chi nsáꞌ ntaji Ndiosíꞌ ɨɨn ta̱chi̱ꞌ nu̱u̱nꞌ‑ó, ya̱ sáꞌá‑a ya̱ núsɨ́ꞌɨ́ iniꞌ‑ó. Chisaꞌ ntaji re̱ꞌ Ta̱chi̱ꞌ Ííꞌ re̱ꞌ ya̱ táji‑i fuersáꞌ nu̱u̱nꞌ‑ó, jín ya̱ kunu̱u̱nꞌ‑ó táꞌán‑ó, jín ya̱ nakeꞌen‑ó maáó.

2 Corintios 3:9

Chi retú viiꞌ kúñáꞌnú nasɨ́kuitɨꞌ tiñu ya̱ síjíta‑a rá ñɨvɨ, soo saꞌ víꞌí káꞌ viiꞌ kúñáꞌnú nasɨ́kuitɨꞌ ka̱ꞌ tiñu ya̱ sííyo re̱ꞌ kua̱chi‑ó sáva ku̱ꞌvayuꞌú re̱ꞌ ya̱ kino̱o na̱a̱ꞌ‑ó nu̱u̱nꞌ re̱ꞌ.

Romanos 6:14

Chi ntu íyó kuneí kua̱chi jín rán, chi ntu yɨ́ꞌɨ́ rán ka̱ꞌ xi̱ntíín tu̱ꞌun ley ya nta̱túníꞌ Ndiosíꞌ, chisaꞌ yɨ́ꞌɨ́ rán chi̱ji tu̱ꞌun ya̱ íyó mániꞌ iniꞌ Ndiosíꞌ néꞌyá re̱ꞌ ránoꞌó.

Romanos 8:15

Chi nsáꞌ nníꞌinꞌ rán ɨɨn ta̱chi̱ꞌ ya̱ sáꞌá‑a ya̱ kuvi tuku rán kuéntáꞌ musúꞌ kéꞌen ñɨvɨ ya̱ yɨ́ꞌɨ́ rán xi̱ntíín nu̱u̱nꞌ chuyúꞌví iniꞌ rán. Chisaꞌ nni̱ꞌi̱nꞌ rán Ta̱chi̱ꞌ Ííꞌ ya̱ nákeꞌen re̱ꞌ yó nuvi‑ó se̱ꞌya Ndiosíꞌ. Jee Ta̱chi̱ꞌ Ííꞌ yaꞌá sáꞌá ya̱ káchíꞌ‑ó nu̱u̱nꞌ Ndiosíꞌ: “¡Tááꞌ ni̱ꞌ!”

2 Corintios 3:7

Jee ley vá ya̱ sáꞌá‑a ya̱ kuéntáꞌ níꞌiꞌ ñɨvɨ nu̱u̱nꞌ Ndiosíꞌ, jee ntee Ndiosíꞌ maa nu̱u̱nꞌ yu̱u̱ꞌ tiáxín jee njia̱ꞌa re̱ꞌ maa nu̱u̱nꞌ Moisés, jee viiꞌ kúñáꞌnú ley vá ya̱ nkenta nu̱u̱nꞌ Moisés ya̱ ñanu̱te̱ꞌ nasɨ́kuitɨꞌ nu̱u̱nꞌ re̱ꞌ, ya̱ ni ntu̱ví nkúvi kune̱ꞌyá va̱ꞌa rá ñɨvɨ Israel nu̱u̱nꞌ re̱ꞌ. Saájee kuééni kuééni na̱ꞌva̱ꞌ nuva vá nu̱u̱nꞌ re̱ꞌ. Jee retú maá ñáꞌnú nasɨ́kuitɨꞌ kúvi ley vá ya̱ sáꞌá‑a ya̱ kuéntáꞌ níꞌiꞌ ñɨvɨ nu̱u̱nꞌ Ndiosíꞌ,