Hebreos 12:11 - Mixteco del suroeste de Tlaxiaco Oaxaca

¹¹ Máá nááꞌ nijia ya̱ vitan ntáká nu̱u̱nꞌ tu̱nóꞌó ya̱ nóꞌo‑ó jie̱ꞌe̱ꞌ náchuꞌun na̱a̱ꞌ ráa áxí maáréꞌ ichi yó jee ntu kúsɨ́ɨꞌ nijia iniꞌ‑ó sáꞌá‑a, chisaꞌ núkuíꞌyá iniꞌ‑ó. Soo náchuꞌun na̱a̱ꞌ Ndiosíꞌ ichi yó sáva síkuéꞌnu Ndiosíꞌ yó jee kuíre kene ya̱ kuneeꞌ va̱ꞌa‑ó jín ya̱ kuvi‑ó ñɨvɨ jiáꞌnu na̱a̱ꞌ.

Hebreos 12:11 Referans Kwoze

2 Corintios 4:17

Chi súnika̱ꞌ nóꞌo‑ó ñɨ̱vɨ́ yaꞌá, soo víyáxín kúvi rá tu̱nóꞌó vá jee núún ni ví‑i, chi sáꞌá‑a ya̱ ni̱ꞌi̱nꞌ‑ó ta̱ꞌvi̱ꞌ ya̱ viiꞌ kúñáꞌnú nasɨ́kuitɨꞌ ka̱ꞌ sáá kuneeꞌ‑ó nɨ́ɨ́nkání jín Ndiosíꞌ.

1 Pedro 1:6

Jee jie̱ꞌe̱ꞌ vá ví ya̱ kusɨ̱ɨ̱ꞌ víꞌí iniꞌ rán, asúnika̱ꞌ sáá íyó koo tu̱nkuíꞌyáꞌ iniꞌ rán vitan jie̱ꞌe̱ꞌ kéꞌín tu̱nóꞌó táꞌánꞌ rán yakuꞌ ni tióꞌ.

Hebreos 12:10

Ya̱ nááꞌ kúvi nijia ya̱ rá tátáꞌ maáó sáá nna̱chuꞌun na̱a̱ꞌ ráa ichi yó yakuꞌ ni tiempúꞌ sánikua̱ꞌ nkaꞌvi iniꞌ maáráa ya̱ íyó váꞌa. Soo Ndiosíꞌ náchuꞌun na̱a̱ꞌ re̱ꞌ ichi yó ya̱ kuvi ya̱ váꞌa nu̱u̱nꞌ‑ó, sáva ni̱ꞌi̱nꞌ‑ó ya̱ nusɨ́ɨ́n‑ó nu̱u̱nꞌ kua̱chi sánikua̱ꞌ maáréꞌ.

Hebreos 5:14

Chisaꞌ rá ñɨvɨ jíjia iniꞌ ráa nu̱u̱nꞌ Tu̱ꞌun Ndiosíꞌ jee kuéntáꞌ yájíꞌ ráa neyu, chi súkuáꞌa ráa kueꞌnu na̱a̱ꞌ ráa, sáva koo tu̱ꞌva ráa ka̱ji ánímaꞌ ráa jie̱ꞌe̱ꞌ ya̱ váꞌa jín ya̱ niváꞌa.

Romanos 14:17

Chi ya̱ yɨ́ꞌɨ́‑ó naꞌá Ndiosíꞌ ya̱ tátúníꞌ re̱ꞌ nu̱u̱nꞌ‑ó jee nsáꞌ naniꞌvɨꞌ iniꞌ‑ó jie̱ꞌe̱ꞌ neyu ya̱ yájíꞌ‑ó jín ya̱ jíꞌi‑ó, chisaꞌ jie̱ꞌe̱ꞌ ya̱ kueꞌnu na̱a̱ꞌ‑ó, jín ya̱ kuneeꞌ ñunkúún‑ó jín rá ñanitáꞌán‑ó, jín ya̱ kusɨ̱ɨ̱ꞌ ánímaꞌ‑ó sáꞌá Ta̱chi̱ꞌ Ííꞌ re̱ꞌ.

2 Pedro 2:14

Sáá néꞌyá ráa ɨɨn ñaꞌan jiáni néꞌí iniꞌ ráa jee ni ntu síkɨ́kui̱ñɨ̱ꞌ ráa ya̱ sáꞌá ráa kua̱chi. Jee síjínúꞌ ráa iniꞌ rá ñɨvɨ ntu íñɨ́ kutú rává jín Tu̱ꞌun Ndiosíꞌ nástá ráa rává kunikɨnꞌ rává ichi xínéꞌénꞌ ráa, chi maa ñɨvɨ tu̱ꞌva iniꞌ kúvi ráa, chi nijia iniꞌ ráa sáꞌá ráa tiñu uꞌvi iniꞌ. Kúvi ráa ñɨvɨ ya̱ níꞌínꞌ ráa ya̱ chisónínu Ndiosíꞌ ráa.

2 Timoteo 4:8

Jee vitan rá ñúꞌún va̱ꞌa ta̱ꞌvi̱ꞌ ni̱ꞌ, ya̱ taji I̱toꞌoꞌ‑ó nu̱u̱nꞌ ni̱ꞌ jie̱ꞌe̱ꞌ jiáꞌnu na̱a̱ꞌ ni̱ꞌ nu̱u̱nꞌ re̱ꞌ. Jee taji re̱ꞌ maa nu̱u̱nꞌ ni̱ꞌ ki̱vɨ̱ꞌ nenta tuku re̱ꞌ keꞌneꞌ re̱ꞌ rá kua̱chi, chi na̱a̱ꞌ jiéꞌnéꞌ re̱ꞌ kua̱chi. Jee nsú kua̱chi nu̱u̱nꞌ maáníꞌ taji re̱ꞌ ta̱ꞌvi̱ꞌ vá, chi suni ku̱ꞌva re̱ꞌ ta̱ꞌvi̱ꞌ vá nu̱u̱nꞌ nta̱ká ñɨvɨ ya̱ ñúnúunꞌ ráa ya̱ niji re̱ꞌ.

Génesis 21:11

Jee rá tu̱ꞌun nkachiꞌ ña nu̱u̱nꞌ re̱ꞌ, nnu̱kuíꞌyáꞌ víꞌí iniꞌ re̱ꞌ nsa̱ꞌá‑a jie̱ꞌe̱ꞌ se̱ꞌya re̱ꞌ Ismael.