Hebreos 12:1 - Mixteco del suroeste de Tlaxiaco Oaxaca

¹ Saáva, suni maáó ranika̱ꞌ, jee kuéntáꞌ nñuti̱yu̱ꞌ kue̱ꞌe̱ꞌ víꞌí nasɨ́kuitɨꞌ rá ñɨvɨ vá yó, ya̱ nstúvi ráa ya̱ naáꞌ jie̱ꞌe̱ꞌ yɨ́yáꞌvi ka̱ꞌ ya̱ kúneí iniꞌ ñɨvɨ Ndiosíꞌ. Jee saáva, xinóo‑ó ntáká tiñu sávéi yó jín rá kua̱chi ya̱ tɨ́ɨn ñamaꞌ‑a yó. Jee kuniꞌvɨꞌ iniꞌ‑ó kuni̱ꞌin‑ó kɨ̱ꞌɨ̱nꞌ‑ó ichinúúnꞌ‑ó nu̱u̱nꞌ ichi ñakɨnꞌ Ndiosíꞌ nu̱u̱nꞌ‑ó ñɨ̱vɨ́ yaꞌá, kuéntáꞌ jínu‑ó carrera.

Hebreos 12:1 Referans Kwoze

2 Timoteo 4:7

Nnu̱nasɨ́ ni̱ꞌ nka̱ntáꞌán ni̱ꞌ nu̱u̱nꞌ tiñu váꞌa re̱ꞌ. Jee kuéntáꞌ te̱e jínu va̱ꞌa carrera, nku̱neí ni̱ꞌ nsi̱jínu ni̱ꞌ ya̱ nsi̱kúnkuvi ni̱ꞌ ne̱ nu̱u̱nꞌ nɨ́ꞌɨ tiñu ya̱ ntaji Ndiosíꞌ nu̱u̱nꞌ ni̱ꞌ. Jee nnikɨnꞌ ni̱ꞌin ni̱ꞌ tu̱ꞌun kúneí iniꞌ‑ó.

Filipenses 2:16

ni jiáꞌnu ni̱ꞌin rán jín tu̱ꞌun Jesús ya̱ sáꞌá‑a ya̱ kutekuꞌ nijia ñɨvɨ jín Ndiosíꞌ. Jee nu̱u̱nꞌ jiáꞌnu rán suꞌva, jee kuvi kusɨ̱ɨ̱ꞌ téyɨ́ɨ́ iniꞌ ni̱ꞌ jie̱ꞌe̱ꞌ rán ki̱vɨ̱ꞌ niji Cristo, ya̱ nsáꞌ ka̱ꞌá ninu ni̱ꞌ nika ni̱ꞌ ichi re̱ꞌ, jee nsáꞌ ka̱ꞌá nsa̱tíñú ni̱ꞌ nu̱u̱nꞌ re̱ꞌ.

Lucas 21:34

’Saáva kumí rán maárán ya̱ koto túví rán maárán nu̱u̱nꞌ ñujiínꞌ ya̱ stívɨ́ rán maárán, jín nu̱u̱nꞌ ya̱ ku̱ka̱ꞌva rán nu̱u̱nꞌ nixiꞌ, jín nu̱u̱nꞌ ya̱ nívini naniꞌvɨꞌ iniꞌ rán na̱ni jie̱ꞌe̱ꞌ ya̱ íyó ni tékúꞌ rán iniꞌ ñɨ̱vɨ́ yaꞌá, sáva ntu kininkava sa̱naanꞌ kuitɨꞌ ki̱vɨ̱ꞌ vá ya̱ta̱ꞌ rán,

Gálatas 5:7

Va̱ꞌa kua̱ꞌa̱nꞌ rán ichi Cristo, nékúvi. ¿Né ɨɨn ñasɨꞌ nu̱u̱nꞌ ránoꞌó ya̱ ntu káníjiá rán ka̱ꞌ tu̱ꞌun na̱a̱ꞌ Jesús, rúsa?

1 Pedro 2:1

Jee saáva, xinóo rán ntáká rá tiñu níváꞌa ñúꞌún iniꞌ rán saꞌá rán, jín ntáká tu̱ꞌun xínáꞌví káꞌánꞌ rán, jín ya̱ sansuꞌva íyó rán, jín tiñu sáꞌá u̱ꞌvi̱ꞌ iniꞌ, jín ntáká tu̱ꞌun níváꞌa káꞌánꞌ si̱kɨ̱ꞌ táꞌán rán.

Romanos 12:12

Jee kusɨ̱ɨ̱ꞌ iniꞌ ánímaꞌ rán jie̱ꞌe̱ꞌ ya̱ íyó tu̱neí iniꞌ rán ki̱vɨ̱ꞌ nétu rán ya̱ xinánitáꞌvíꞌ Cristo ránoꞌó. Jee keꞌneꞌ iniꞌ rán kuiñɨ ni̱ꞌin rán sáá nóꞌo rán tu̱nóꞌó. Jee kuni̱ꞌin kaꞌanꞌ rán jín Ndiosíꞌ.

2 Corintios 7:1

Jee ránoꞌó ñanitáꞌán ya̱ ñúnúunꞌ ni̱ꞌ, nni̱ꞌi̱nꞌ‑ó tu̱ꞌun yaꞌá ya̱ nchi̱sóyuꞌú Ndiosíꞌ saꞌá re̱ꞌ jín‑ó. Jee saáva íyó koo noo ninuꞌun‑ó ya̱ nkɨ́ꞌɨ‑ó nu̱u̱nꞌ nta̱ká ya̱ sátéꞌén yɨkɨkúñu‑ó jín ánímaꞌ‑ó nu̱u̱nꞌ Ndiosíꞌ. Jee íyó kujia iniꞌ‑ó sasɨ́ɨ́n‑ó maáó ya̱ nkɨ́ꞌɨ‑ó nu̱u̱nꞌ ya̱ níváꞌa, chi ñúyúꞌví iniꞌ‑ó Ndiosíꞌ.

2 Timoteo 2:4

Ni ɨɨn te̱e ya̱ sáꞌá tiñu soldado ntu̱ví chítéñú re̱ꞌ jín tiñu maáréꞌ saꞌá re̱ꞌ, chi íyó ya̱ sáꞌá re̱ꞌ tiñu ya̱ sáni kúváꞌa iniꞌ te̱e tátúníꞌ nu̱u̱nꞌ re̱ꞌ.

Santiago 1:3

Chi jíníꞌ rán ya̱, sáá kunikɨnꞌ rán kúneí iniꞌ rán Jesús, sáá jítotúníꞌ tu̱nóꞌó ránoꞌó nu̱u̱nꞌ ya̱ ré kúneí nijia iniꞌ rán, jee suꞌva sáꞌá‑á kuni̱ꞌin rán kuiñɨ ni̱ꞌin rán kaka rán ichi re̱ꞌ.

Mateo 24:13

Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

Mateo 10:22

Taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ. Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

Hebreos 6:15

Jee saájee káꞌnú ni̱yo iniꞌ Abraham jee nni̱ꞌi̱nꞌ re̱ꞌ ya̱ nchi̱sóyuꞌú Ndiosíꞌ nu̱u̱nꞌ re̱ꞌ.

Romanos 2:7

Jee rá ñɨvɨ níkɨ́nꞌ ni̱ꞌin ráa sáꞌá ráa ya̱ váꞌa chi núkú ráa ya̱ saꞌá Ndiosíꞌ ya̱ nuñáꞌnú ráa, jín ya̱ nakuatáꞌví re̱ꞌ ráa jín ya̱ nku̱víꞌ ráa ka̱ꞌ. Jee nachunáán re̱ꞌ nu̱u̱nꞌ ráa ya̱ kutekuꞌ ráa jín re̱ꞌ nɨ́ɨ́nkání.

Apoclipsis 3:10

’Jie̱ꞌe̱ꞌ ya̱ niñɨ ni̱ꞌin rán nnikɨnꞌ rán tu̱ꞌun ni̱ꞌ, jee káꞌnú ni̱yo iniꞌ rán nkuni̱ꞌin rán, jee saáva sikáku ni̱ꞌ ránoꞌó hora kiji tu̱nóꞌó xéénꞌ kunoꞌo kua̱íyó rá ñɨvɨ íyó ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ ni̱ꞌ, sáva kototúníꞌ ni̱ꞌ ráa jie̱ꞌe̱ꞌ rá tiñu nsa̱ꞌá ráa.

1 Pedro 4:2

sáva ntu kueꞌnu‑u ka̱ꞌ nu̱u̱nꞌ rá tiñu níváꞌa ya̱ níyo iniꞌ rá ñɨvɨ rá tiempúꞌ tékúꞌ‑u iniꞌ yɨkɨkúñu‑u. Chisaꞌ kueꞌnu‑u sáni kuíni Ndiosíꞌ.

Lucas 12:15

Jee suni nkachiꞌ re̱ꞌ nu̱u̱nꞌ rá ñɨvɨ: ―Nito koo rán jee kumí noo rán maárán ya̱ koto nééꞌ u̱ꞌvi̱ꞌ iniꞌ rán, chi rá nantíñú kue̱ꞌe̱ꞌ kúmí ɨɨn ñɨvɨ ntu sáꞌá‑a ya̱ kutekuꞌ ñɨvɨ vá ―nkachiꞌ Jesús.

2 Pedro 1:6

Jee jie̱ꞌe̱ꞌ ya̱ kúkáꞌnú iniꞌ rán ka̱ꞌ jie̱ꞌe̱ꞌ Ndiosíꞌ jee nachisó rán ya̱ nakeꞌen rán maárán. Jee jie̱ꞌe̱ꞌ nákeꞌen rán maárán jee nachisó rán ya̱ kuni̱ꞌin rán kuiñɨ kutú rán jín Cristo. Jee jie̱ꞌe̱ꞌ kúníꞌin rán íñɨ́ rán jín Cristo jee nachisó rán kɨtíñú rán nu̱u̱nꞌ Cristo.

Apoclipsis 22:16

’Jee nuꞌuꞌ Jesús, nchu̱ichí ni̱ꞌ najiáꞌáꞌ ííꞌ ni̱ꞌ sáva stúvi re̱ꞌ nu̱u̱nꞌ noꞌó rá tu̱ꞌun na̱a̱ꞌ yaꞌá sáva ku̱ꞌva nú maa nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ne̱ nu̱u̱nꞌ David váji ni̱ꞌ ya̱ kúvi ni̱ꞌ Se̱ꞌya ichiyúkúnꞌ ya̱ nkene ni̱ꞌ ne̱ nu̱u̱nꞌ David. Viiꞌ víꞌí kúñáꞌnú ni̱ꞌ kuéntáꞌ kua̱ꞌ viiꞌ jiánu̱te̱ꞌ tiu̱u̱nꞌ xúꞌún ya̱ kenta ntáká ya̱neꞌenꞌ.

1 Pedro 5:12

Ñani‑ó Silvano, ya̱ jíníꞌ ni̱ꞌ ya̱ síkúnkuvi va̱ꞌa re̱ꞌ nɨꞌɨ, jee nchi̱neí re̱ꞌ nuꞌuꞌ tée ni̱ꞌ yakuꞌ ni tu̱ꞌun yaꞌá kua̱jiaaꞌ nu̱u̱nꞌ rán, sáva nasáneí ni̱ꞌ iniꞌ ránoꞌó jee sáva ku̱ꞌva ni̱ꞌ ya̱ nááꞌ ya̱ tu̱ꞌun ntee ni̱ꞌ nu̱u̱nꞌ tutuꞌ yaꞌá káꞌánꞌ jie̱ꞌe̱ꞌ ya̱ váꞌa ya̱ nááꞌ nijia sikútaꞌviꞌ Ndiosíꞌ yó ya̱ íyó mániꞌ iniꞌ re̱ꞌ néꞌyá re̱ꞌ yó. Kuiñɨ kutú rán jín‑i.

Apoclipsis 1:9

Nuꞌuꞌ Juan, ya̱ kúvi ni̱ꞌ ñanitáꞌán‑órán. Jee jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ɨɨn nuún ni nkáá nóꞌo ni̱ꞌ jín ránoꞌó tu̱nóꞌó sáꞌá kíni ñɨvɨ yó, jee ɨɨn nuún ni nkáá yɨ́ꞌɨ́ ni̱ꞌ jín rán xi̱ntíín Ndiosíꞌ, jee ɨɨn nuún ni nkáá káꞌnú íyó iniꞌ‑ó kúneí‑ó kúníꞌin‑ó íñɨ́‑ó jín Cristo. Jee jie̱ꞌe̱ꞌ ya̱ stékútu̱ꞌún ni̱ꞌ tu̱ꞌun váꞌa Ndiosíꞌ jín tu̱ꞌun ya̱ kúvi ya̱ naáꞌ ya̱ njiáꞌa Jesús, jee saáva ntɨɨn rá ñɨvɨ nuꞌuꞌ yɨ́ꞌɨ́ ni̱ꞌ xi̱ntíín ráa, jee ña̱na̱ka ráa nuꞌuꞌ ne̱ nu̱u̱nꞌ ɨɨn ñuꞌun naní Patmos ya̱ káá sɨ́ɨ́n ma̱ꞌñú nteñúꞌún.

Juan 3:32

Jee jiáꞌa re̱ꞌ ya̱ naáꞌ jie̱ꞌe̱ꞌ ya̱ niniꞌ re̱ꞌ jín ya̱ nteso̱ꞌo re̱ꞌ, soo ni ɨɨn rá ñɨvɨ ntu ntɨ́ɨn ráa ya̱ naáꞌ jiáꞌa re̱ꞌ.

Apoclipsis 13:10

Retú néni ɨɨn ñɨvɨ ya̱ yɨ́netuꞌ Ndiosíꞌ ya̱ kɨꞌɨ‑ɨ veka̱a, jee sáá íyó kɨ̱ꞌɨ̱nꞌ‑ɨ kɨꞌɨ‑ɨ veka̱a. Jee retú néni ɨɨn ñɨvɨ ya̱ yɨ́netuꞌ Ndiosíꞌ ya̱ kaꞌniꞌ inka ñɨvɨ maa jín yuchiꞌ, jee sáá íyó kuviꞌ‑i jín yuchiꞌ. Jee jie̱ꞌe̱ꞌ yaꞌá rá ñɨvɨ ya̱ nsa̱ꞌá sɨ́ɨ́n Ndiosíꞌ kɨꞌɨ ráa nu̱u̱nꞌ re̱ꞌ íyó koo káꞌnú iniꞌ ráa kuni̱ꞌin ráa nu̱u̱nꞌ re̱ꞌ jee íyó kuneí iniꞌ ráa re̱ꞌ.

Lucas 16:28

chi íyó u̱ꞌu̱nꞌ ka̱ꞌ rá ñaniꞌ ni̱ꞌ, sáva stúꞌva ya̱chi̱ꞌ re̱ꞌ ráa sáva ntu jíꞌín ráa kiji yaꞌá nu̱u̱nꞌ íyó víꞌí tu̱nóꞌó xéénꞌ yaꞌá”, nkachiꞌ te̱e kúká vá.

Juan 4:39

Jee kue̱ꞌe̱ꞌ rá ñɨvɨ Samaria ya̱ kúvi ñuunꞌ yukuán ni̱nu̱ꞌ iniꞌ ráa Jesús, jie̱ꞌe̱ꞌ rá tu̱ꞌun ñaꞌan vá ya̱ njiáꞌa ya̱ naáꞌ: “Nkachiꞌ re̱ꞌ nu̱u̱nꞌ ni̱ꞌ nɨꞌɨ rá nsa̱ꞌá ni̱ꞌ.”

Juan 4:44

Jee suni máá Jesús jiáꞌa ya̱ naáꞌ ya̱ ɨɨn te̱e ya̱ nákani re̱ꞌ tu̱ꞌun kéne yuꞌú máá maá Ndiosíꞌ jee ntu chíñúꞌún rá ñɨvɨ ñuunꞌ maáréꞌ nu̱u̱nꞌ re̱ꞌ.

Gálatas 2:2

Jee ña̱ꞌa̱nꞌ ni̱ꞌ yukuán sáni nstúvi Ndiosíꞌ nu̱u̱nꞌ ni̱ꞌ ya̱ íyó kɨ̱ꞌɨ̱nꞌ ni̱ꞌ yukuán. Jee nnu̱tútú sɨ́ɨ́n ni̱ꞌ jín rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ ráa Jesús. Jee nna̱kani ni̱ꞌ nu̱u̱nꞌ ráa tu̱ꞌun váꞌa Jesús ya̱ stékútu̱ꞌún ni̱ꞌ nu̱u̱nꞌ rá ñɨvɨ rá inka nación. Nsa̱ꞌá ni̱ꞌ yaꞌá sáva tɨɨn kuéntáꞌ ráa ya̱ íyó na̱a̱ꞌ tiñu sáꞌá ni̱ꞌ sáva nku̱íchi iniꞌ ráa tiñu vá, sáva ntu nsáꞌá ka̱ꞌá ni̱ꞌ tiñu nsa̱ꞌá ni̱ꞌ yanaꞌán jín ya̱ sáꞌá ni̱ꞌ ntañúꞌún.

Efesios 4:25

Jee saáva ránoꞌó siíyo rán tuntúꞌún yɨ́ꞌɨ́ yuꞌú rán, chisaꞌ kaꞌanꞌ rán jín tu̱ꞌun na̱a̱ꞌ nu̱u̱nꞌ rá ñanitáꞌán rán, chi ɨɨn ni ñɨvɨ kúvi‑ó.

Filipenses 1:30

Chi ránoꞌó, ɨɨn nuún ni núnasɨ́ rán náma rán tu̱ꞌun va̱ꞌa Cristo, kua̱ꞌ niniꞌ rán ya̱ nnu̱nasɨ́ ni̱ꞌ, jee kua̱ꞌ tésóꞌo rán vitan, na̱sa sáꞌá ni̱ꞌ.

1 Pedro 5:1

Vitan jee nákutíñú ni̱ꞌin ni̱ꞌ nu̱u̱nꞌ rá te̱e kúñáꞌnú nu̱u̱nꞌ ránoꞌó ya̱ yɨ́ꞌɨ́ xi̱ntíín Cristo, chi nuꞌuꞌ jee suni te̱e kúñáꞌnú kúvi ni̱ꞌ jín ráa nu̱u̱nꞌ rá ñɨvɨ yɨ́ꞌɨ́ xi̱ntíín Cristo, jee kúvi ni̱ꞌ ɨɨn te̱e ya̱ jiáꞌa ni̱ꞌ ya̱ nááꞌ ya̱ ya niniꞌ jínúunꞌ ni̱ꞌ rá tu̱nóꞌó nnoꞌo Cristo. Jee suni ni̱ꞌi̱nꞌ ni̱ꞌ kuñáꞌnú ni̱ꞌ kuéntáꞌ maáréꞌ sáá nenta nijinꞌ re̱ꞌ jín tiñu níso re̱ꞌ.

Marcos 10:50

Saájee nsi̱kéne‑e so̱o̱ꞌ níji‑i, jee íchíni nnakui̱ñɨ̱ꞌ nichiꞌ‑i, jee nkiji‑i nu̱u̱nꞌ Jesús.