Hebreos 11:1 - Mixteco del suroeste de Tlaxiaco Oaxaca

¹ Soo vitan jee, ya̱ ínúꞌ iniꞌ‑ó kúneí iniꞌ‑ó Ndiosíꞌ, yukuán kúvi ya̱ kúnáaꞌ nijia iniꞌ‑ó ya̱ ni̱ꞌi̱nꞌ‑ó ntáká ya̱ íyó tu̱neí iniꞌ‑ó nétu‑ó ni̱ꞌi̱nꞌ‑ó ya̱ saꞌá Ndiosíꞌ jín‑ó. Jee suni yukuán kúvi ya̱ ne̱ yuchí kúkáꞌnú iniꞌ‑ó ya̱ íyó sú ntiáꞌan kuniꞌ jínúunꞌ‑ó maa vitan.

Hebreos 11:1 Referans Kwoze

2 Corintios 5:7

Chi níkɨ́nꞌ‑ó jiáꞌnu‑ó sáni kuíni re̱ꞌ jie̱ꞌe̱ꞌ kúneí iniꞌ‑ó re̱ꞌ, jee nsú jie̱ꞌe̱ꞌ ya̱ túvi néꞌyá‑ó ñɨ̱vɨ́ yaꞌá.

2 Corintios 4:18

Ntu tɨ́ɨn kuéntáꞌ‑ó rá túvi néꞌyá‑ó ñɨ̱vɨ́ yaꞌá. Chisaꞌ tɨ́ɨn kuéntáꞌ‑ó ya̱ viiꞌ kúñáꞌnú ka̱ꞌ ya̱ ntu túvi néꞌyá‑ó. Chi ya̱ túvi néꞌyá‑ó tiñu núún ni ví‑i. Soo rá tiñu ya̱ ntu̱ví túvi nijinꞌ néꞌyá‑ó, jee suvi‑i ví ya̱ koo nɨ́ɨ́nkání.

Hebreos 11:7

Jee Noé ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, sáá nstúꞌva Ndiosíꞌ re̱ꞌ jie̱ꞌe̱ꞌ rá tu̱nóꞌó xéénꞌ koo ya̱ ni ntiáꞌan kuniꞌ maa. Jee ñúyúꞌví iniꞌ re̱ꞌ Ndiosíꞌ jee nsa̱ꞌá re̱ꞌ ɨɨn barkúꞌ maá káꞌnú nasɨ́kuitɨꞌ ya̱ naní arca, sáva ka̱ku re̱ꞌ jín ntáká rá ñɨvɨ táꞌán veꞌi re̱ꞌ. Jee jie̱ꞌe̱ꞌ nku̱neí iniꞌ Noé Ndiosíꞌ, jee nsi̱jíta re̱ꞌ kua̱íyó rá ñɨvɨ ñɨ̱vɨ́ vá nu̱u̱nꞌ kua̱chi ráa. Jee ni̱ꞌi̱nꞌ re̱ꞌ ta̱ꞌvi̱ꞌ ninima̱ni̱ꞌ Ndiosíꞌ ya̱ nsa̱náaꞌ‑a ya̱ kúvi re̱ꞌ te̱e na̱a̱ꞌ jie̱ꞌe̱ꞌ nku̱neí iniꞌ re̱ꞌ Ndiosíꞌ.

Hebreos 10:22

Jee saáva, ne̱ saɨn kúvi iniꞌ ánímaꞌ‑ó natuꞌva‑ó nu̱u̱nꞌ Ndiosíꞌ, jie̱ꞌe̱ꞌ kínóo kutú ánímaꞌ‑ó chi kúneí iniꞌ‑ó Cristo, chi nna̱saꞌá noo Cristo ánímaꞌ‑ó ya̱ kuniꞌ‑ó ya̱ ntu níso‑ó ka̱ꞌ ya̱ niva̱ꞌa. Jee ya̱ nno̱noo‑ó kuéntáꞌ nna̱kete‑ó yɨkɨkúñu‑ó jín nute ninuꞌun.

Hebreos 11:27

Jee jie̱ꞌe̱ꞌ ya̱ ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, jee nkene re̱ꞌ nu̱u̱nꞌ ñuunꞌ Egipto, jee ntu nyúꞌví re̱ꞌ ya̱ ki̱tɨ̱ꞌ iniꞌ te̱e tátúníꞌ Egipto, chi ni̱ñɨ ni̱ꞌin re̱ꞌ nsi̱kúnkuvi re̱ꞌ ya̱ nkachiꞌ Ndiosíꞌ kuéntáꞌ retánꞌ néꞌyá jínúunꞌ re̱ꞌ Ndiosíꞌ ya̱ ntu túvi kune̱ꞌyá‑ó.

Hebreos 6:12

Jee sáva ntu kenta kukakan iniꞌ rán, chisaꞌ nuún saꞌá rán mákua sáꞌá rá ñɨvɨ ya̱ níꞌínꞌ ráa ta̱ꞌvi̱ꞌ ya̱ nchi̱sóyuꞌú Ndiosíꞌ jie̱ꞌe̱ꞌ kúneí iniꞌ ráa Jesús jín suni káꞌnú íyó iniꞌ ráa.

Hebreos 10:39

Soo maáórán, chi ntu kúvi‑ó táꞌán rá ñɨvɨ ya̱ níkóyátá ráa kɨ̱naanꞌ ráa. Chisaꞌ kúvi‑ó ñɨvɨ ya̱ kúneí iniꞌ‑ó Cristo jee sáva koo kutú váꞌa ánímaꞌ‑ó xi̱ntíín re̱ꞌ.

1 Corintios 13:13

Jee saáva íyó u̱ni̱ꞌ tu̱ꞌun ya̱ kínóo kutú‑u jín‑ó nɨ́ɨ́nkání: ya̱ kúneí nijia iniꞌ‑ó Ndiosíꞌ, jín íyó tu̱neí iniꞌ‑ó ya̱ síkúnkuvi Ndiosíꞌ ya̱ nchi̱sóyuꞌú re̱ꞌ, jín ya̱ kunu̱u̱nꞌ‑ó táꞌán‑ó. Soo ya̱ ñáꞌnú ka̱ꞌ nu̱u̱nꞌ ni núníꞌ rá yaꞌá ví ya̱ kunu̱u̱nꞌ‑ó rá ñanitáꞌán‑ó.

Hebreos 11:13

Jee ntáká rá ñɨvɨ vá ni̱ꞌi̱ꞌ ráa súka̱ꞌ nku̱neí iniꞌ ráa Ndiosíꞌ. Súnika̱ꞌ ntu nni̱ꞌi̱nꞌ ráa ya̱ nchi̱sóyuꞌú Ndiosíꞌ nu̱u̱nꞌ ráa, soo ne̱ íká niniꞌ váꞌa ráa jie̱ꞌe̱ꞌ ya̱ koo ichinúúnꞌ, jee ne̱ nku̱sɨ̱ɨ̱ꞌ iniꞌ ráa jie̱ꞌe̱ꞌ‑e. Jee njia̱ꞌayuꞌú ráa ya̱ kúvi ráa to̱ꞌo̱ꞌ ya̱ yakuꞌ ni tiempúꞌ néénúún ráa iniꞌ ñɨ̱vɨ́ yaꞌá.

Hebreos 3:14

Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

2 Corintios 5:17

Jee saáva retú néni ɨɨn ñɨvɨ ya̱ yɨ́ꞌɨ́‑ɨ nu̱u̱nꞌ Cristo, jee kúvi ñɨvɨ jiáá nsa̱ꞌá Ndiosíꞌ. Jee ya kua̱jia̱ꞌa sáá ñaꞌnu‑ó tiempúꞌ ya̱ta̱ꞌ, jee nnu̱jiáá sáá jiáꞌnu‑ó nu̱u̱nꞌ Cristo.

2 Pedro 1:1

Nuꞌuꞌ, Simón Pedro, ya̱ kúvi ni̱ꞌ musúꞌ nu̱u̱nꞌ I̱toꞌoꞌ‑ó Jesús ya̱ níso re̱ꞌ tiñu Cristo [ya̱ ñani Ndiosíꞌ sáva tatúníꞌ re̱ꞌ nu̱u̱nꞌ nɨꞌɨ] jee níso ni̱ꞌ tiñu apóstol chúichí re̱ꞌ nuꞌuꞌ nakani ni̱ꞌ tu̱ꞌun re̱ꞌ. Jee tée ni̱ꞌ tutuꞌ yaꞌá nu̱u̱nꞌ ránoꞌó ya̱ suni nni̱ꞌi̱nꞌ rán ya̱ kúneí iniꞌ rán Cristo kuéntáꞌ kua̱ꞌ ránuꞌuꞌ, jee máá viiꞌ yɨ́yáꞌvi ya̱ kúneí iniꞌ‑ó Cristo. Nni̱ꞌi̱nꞌ rán maa jie̱ꞌe̱ꞌ na̱a̱ꞌ ví Jesús ya̱ kúvi Cristo ya̱ kúvi re̱ꞌ Ndiosíꞌ‑ó jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

Hechos 20:21

Nkachitu̱ꞌún ni̱ꞌ nu̱u̱nꞌ rá ñɨvɨ Israel jín suni nu̱u̱nꞌ rá ntu kúvi ñɨvɨ Israel. Nna̱stúvi ni̱ꞌ ya̱ naáꞌ ya̱ íyó nakani iniꞌ ráa jie̱ꞌe̱ꞌ kua̱chi ráa, jee kunikɨnꞌ ráa Ndiosíꞌ, jee kuneí iniꞌ ráa I̱toꞌoꞌ‑ó Jesús.

Tito 1:1

Maáníꞌ, Pablo, ya̱ kúvi ni̱ꞌ musúꞌ ya̱ jiátíñú Ndiosíꞌ. Jee suni níso ni̱ꞌ tiñu apóstol, ya̱ nchu̱ichí Jesucristo nuꞌuꞌ, sáva ku̱ꞌva ni̱ꞌ tu̱ꞌun re̱ꞌ nu̱u̱nꞌ rá ñɨvɨ, sáva rá ñɨvɨ ya̱ nka̱ji Ndiosíꞌ ráa kuneí iniꞌ ráa maa, jee sáva kuniꞌ noo ráa tu̱ꞌun na̱a̱ꞌ, jee sáva kunikɨnꞌ ráa ichi na̱a̱ꞌ nu̱u̱nꞌ Ndiosíꞌ sáni kuíni re̱ꞌ,

Hebreos 2:3

Jee nu̱u̱nꞌ ni̱yo sukuán, jee maáórán, ¿na̱sa ka̱ꞌ vá saꞌá‑ó jee kaku‑ó nu̱u̱nꞌ tu̱nóꞌó vá, retú ntu nénu̱u̱nꞌ‑ó chuꞌun iniꞌ‑ó jie̱ꞌe̱ꞌ tu̱ꞌun máá ñáꞌnú káꞌ jie̱ꞌe̱ꞌ ya̱ na̱sa natavaꞌ Jesús yó nu̱u̱nꞌ kua̱chi‑ó sikáku re̱ꞌ yó rúja? Chi xíꞌna ka̱ꞌ nkachitu̱ꞌún maá I̱toꞌoꞌ‑ó Jesús tu̱ꞌun yaꞌá, jee kuíre rá te̱e ya̱ nteso̱ꞌo maa, jee nna̱stúvi ráa ya̱ naáꞌ jie̱ꞌe̱ꞌ tu̱ꞌun yaꞌá nu̱u̱nꞌ‑órán

2 Corintios 11:17

Soo sáá káꞌánꞌ ni̱ꞌ suꞌva, jee ntu káꞌánꞌ ni̱ꞌ sáni nkaꞌanꞌ I̱toꞌoꞌ‑ó. Chisaꞌ kuéntáꞌ káꞌánꞌ naanꞌ ni̱ꞌ, sáá kúneí iniꞌ ni̱ꞌ ya̱ kaꞌanꞌ téyɨ́ɨ́ iniꞌ ni̱ꞌ.

2 Corintios 9:4

Sáva nki̱nóo kanuun ni̱ꞌ jie̱ꞌe̱ꞌ ne̱ yuchí kúneí iniꞌ ni̱ꞌ ránoꞌó, chi kino̱o kanuun ni̱ꞌ retú koto sa̱naanꞌ jee kua̱jiaaꞌ sava rá ñɨvɨ ñuunꞌ tɨ́ɨn Macedonia jín ni̱ꞌ yukuán, jee kuniꞌ ráa ya̱ ntu̱ví íyó tu̱ꞌva rán. Jee ntu jíniñúꞌún ni̱ꞌ kaꞌanꞌ ni̱ꞌ jie̱ꞌe̱ꞌ ránoꞌó chi suni kino̱o kanuun rán ranika̱ꞌ.

Hebreos 3:6

Soo Cristo, kúvi re̱ꞌ Se̱ꞌya Ndiosíꞌ, jee síkúnkuvi na̱a̱ꞌ re̱ꞌ ntáká tiñu ya̱ yósóꞌ re̱ꞌ nu̱u̱nꞌ rá ñɨvɨ veꞌi Ndiosíꞌ, ya̱ suvi kúvi maáórán, retú íñɨ́ ni̱ꞌin‑ó níkɨ́nꞌ kutú‑ó kúneí iniꞌ‑ó re̱ꞌ ne̱ kenta nu̱u̱nꞌ nɨ́ꞌɨ tékúꞌ‑ó, jín ya̱ kúsɨ́ɨꞌ víꞌí iniꞌ‑ó jie̱ꞌe̱ꞌ ya̱ íyó tu̱neí iniꞌ‑ó ya̱ kuneeꞌ‑ó jín Ndiosíꞌ.