Hebreos 10:4 - Mixteco del suroeste de Tlaxiaco Oaxaca4 Chi ni̱ñɨ̱ꞌ rá chelu jín rá chuvátúꞌ lúlí vá ntu kúvi siíyo ráa rá kua̱chi. Gade chapit la |
Chi jie̱ꞌe̱ꞌ ntáká rá yaꞌá xínéꞌénꞌ‑e nu̱u̱nꞌ‑ó na̱ja kúvi tiempúꞌ vitan. Chi sókóꞌ ñɨvɨ nantíñú jín sa̱na̱ꞌ nu̱u̱nꞌ Ndiosíꞌ, soo rá nantíñú jín rá sa̱na̱ꞌ ya̱ sókóꞌ maa nu̱u̱nꞌ Ndiosíꞌ yukuán jee ntu kúvi kuitɨꞌ saꞌá‑a ya̱ kino̱o noo ánímaꞌ ñɨvɨ ya̱ néñu̱ꞌun Ndiosíꞌ sukuán jee saáva ntu kénta kuniꞌ ráa ya̱ ntu níso ráa kua̱chi.
Jee ki̱vɨ̱ꞌ steñu̱ꞌún jee niniꞌ Juan máá Jesús ya̱ váji‑i nu̱u̱nꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ: ―Kune̱ꞌyá rán chi te̱e yaꞌá kúvi kuéntáꞌ ɨɨn lanchi lúlí ya̱ nchu̱ichí Ndiosíꞌ maa, chi kuéntáꞌ jiáꞌníꞌ rá ñɨvɨ Israel lanchi lúlí sókóꞌ ráa maa nu̱u̱nꞌ Ndiosíꞌ jee sukuán sííyo te̱e yaꞌá kua̱chi si̱kɨ̱ꞌ rá ñɨvɨ.
Jee kunu̱u̱nꞌ‑ó Ndiosíꞌ jín ne̱ nɨꞌɨ ánímaꞌ‑ó, jín ne̱ nɨꞌɨ antúníꞌ‑ó, jín ne̱ nɨꞌɨ iniꞌ‑ó, jín kua neí iniꞌ‑ó. Jee kunu̱u̱nꞌ‑ó rá ñanitáꞌán‑ó kuéntáꞌ ñúnúunꞌ‑ó maáó. Ñáꞌnú ka̱ꞌ rá tu̱ꞌun yukuán nsú káꞌ nɨꞌɨ rá kitɨ téñuꞌunꞌ‑ó sókóꞌ‑ó nu̱u̱nꞌ Ndiosíꞌ jín nɨꞌɨ rá inka nantíñú sókóꞌ‑ó nu̱u̱nꞌ Ndiosíꞌ ―nkachiꞌ mestrúꞌ vá.
Chi tu̱ꞌun ley Moisés kuvi‑i kuéntáꞌ ɨɨn xi̱ne̱ꞌñu̱ꞌ ya̱ xínéꞌénꞌ‑e ya̱ váꞌa ya̱ kiji jín Cristo, soo ntu sáꞌá‑a mákua sáꞌá nijia re̱ꞌ. Chi ni nsáꞌ kúvi saꞌá ley vá ya̱ kino̱o na̱a̱ꞌ rá ñɨvɨ jie̱ꞌe̱ꞌ ya̱ sukuáni yɨ́táꞌán ta kui̱ya̱ꞌ ta kui̱ya̱ꞌ sókóꞌ rá ñɨvɨ sa̱na̱ꞌ ya̱ kúyatin ráa nu̱u̱nꞌ Ndiosíꞌ néñu̱ꞌun ráa re̱ꞌ sukuán.