Hebreos 10:39 - Mixteco del suroeste de Tlaxiaco Oaxaca

³⁹ Soo maáórán, chi ntu kúvi‑ó táꞌán rá ñɨvɨ ya̱ níkóyátá ráa kɨ̱naanꞌ ráa. Chisaꞌ kúvi‑ó ñɨvɨ ya̱ kúneí iniꞌ‑ó Cristo jee sáva koo kutú váꞌa ánímaꞌ‑ó xi̱ntíín re̱ꞌ.

Hebreos 10:39 Referans Kwoze

1 Juan 5:5

¿Né ɨɨn ví ya̱ kúneí si̱kɨ̱ꞌ ñujiínꞌ ñɨ̱vɨ́ yaꞌá, ya̱ ntu sáꞌá‑a vá, résa? Suvivá kúvi ñɨvɨ ya̱ jínúꞌ iniꞌ‑i ya̱ Jesús ví máá Se̱ꞌya Ndiosíꞌ.

1 Pedro 1:5

Chi jie̱ꞌe̱ꞌ ya̱ kúneí iniꞌ rán ya̱ sáꞌá Ndiosíꞌ jie̱ꞌe̱ꞌ rán, saáva kúmí re̱ꞌ ránoꞌó jín fuersáꞌ ííꞌ ni̱ꞌin re̱ꞌ sáva ni̱ꞌi̱nꞌ rán xinánitáꞌvíꞌ re̱ꞌ ránoꞌó ya̱ íyó stákoo‑o nsa̱ꞌá re̱ꞌ sáva stúvi nijinꞌ re̱ꞌ maa sáá kenta tióꞌ nu̱u̱nꞌ nɨ́ꞌɨ.

Marcos 16:16

Ɨɨn ñɨvɨ ya̱ kuneí iniꞌ‑i tu̱ꞌun vá, jee kuanuté‑e, jee natavaꞌ Ndiosíꞌ maa nu̱u̱nꞌ kua̱chi‑i sikáku re̱ꞌ maa. Soo ɨɨn ya̱ ntu kúneí iniꞌ tu̱ꞌun vá, jee sanáaꞌ Ndiosíꞌ si̱kɨ̱ꞌ‑ɨ ya̱ kunoꞌo‑o.

1 Juan 5:16

Retú néni ɨɨn rán néꞌyá‑a ya̱ sáꞌá ɨɨn ñanitáꞌán‑a kua̱chi, ya̱ nsáꞌ sáꞌá kua̱chi vá ya̱ koo kuéntáꞌ kuviꞌ ñanitáꞌán vá nu̱u̱nꞌ Ndiosíꞌ, jee ka̱ka̱nꞌ táꞌvíꞌ‑i nu̱u̱nꞌ Ndiosíꞌ jie̱ꞌe̱ꞌ ñanitáꞌán vá. Jee Ndiosíꞌ saꞌá ya̱ koo kuéntáꞌ natekuꞌ ñanitáꞌán vá nu̱u̱nꞌ re̱ꞌ, retú ntu kúvi kua̱chi ya̱ ni̱ꞌi̱nꞌ ñanitáꞌán vá ya̱ kuviꞌ‑i nu̱u̱nꞌ re̱ꞌ. Chi íyó kua̱chi ya̱ jíꞌíꞌ ñɨvɨ nu̱u̱nꞌ Ndiosíꞌ. Jee nsáꞌ káchíꞌ ni̱ꞌ ya̱ ka̱ka̱nꞌ táꞌvíꞌ rán jie̱ꞌe̱ꞌ rá ñɨvɨ ya̱ sáꞌá kua̱chi yaꞌá.

2 Pedro 3:7

Soo súkún jín ñɨ̱vɨ́ íyó vitan, jee jín máá tu̱ꞌun yuꞌuꞌ Ndiosíꞌ ya̱ ya íyó tu̱ꞌva tatúníꞌ re̱ꞌ sáva ka̱yu̱ꞌ ráa ki̱vɨ̱ꞌ sanáaꞌ re̱ꞌ kua̱chi jee xináánꞌ re̱ꞌ rá ñɨvɨ ya̱ ntu níkɨ́nꞌ ráa ichi Ndiosíꞌ.

Hebreos 11:1

Soo vitan jee, ya̱ ínúꞌ iniꞌ‑ó kúneí iniꞌ‑ó Ndiosíꞌ, yukuán kúvi ya̱ kúnáaꞌ nijia iniꞌ‑ó ya̱ ni̱ꞌi̱nꞌ‑ó ntáká ya̱ íyó tu̱neí iniꞌ‑ó nétu‑ó ni̱ꞌi̱nꞌ‑ó ya̱ saꞌá Ndiosíꞌ jín‑ó. Jee suni yukuán kúvi ya̱ ne̱ yuchí kúkáꞌnú iniꞌ‑ó ya̱ íyó sú ntiáꞌan kuniꞌ jínúunꞌ‑ó maa vitan.

1 Tesalonicenses 5:9

Chi nsáꞌ ñani Ndiosíꞌ yó ya̱ xinóꞌo re̱ꞌ yó, jie̱ꞌe̱ꞌ kítɨ́ꞌ iniꞌ re̱ꞌ néꞌyá re̱ꞌ rá kua̱chi‑ó. Chisaꞌ ñani re̱ꞌ yó sáva ni̱ꞌi̱nꞌ‑ó ya̱ nanitáꞌvíꞌ‑ó, jie̱ꞌe̱ꞌ ya̱ nsa̱ꞌá I̱toꞌoꞌ‑ó Jesús ya̱ kúvi Cristo.

Juan 17:12

Chi ni nééꞌ ni̱ꞌ jín ráa iniꞌ ñɨ̱vɨ́ yaꞌá, jee nñu̱maꞌñu ñusava ni̱ꞌ ráa jín fuersáꞌ ni̱ꞌin ííꞌ níso nú ya̱ ntaji nú nu̱u̱nꞌ ni̱ꞌ. Jee nñu̱maꞌñu ñusava ni̱ꞌ ráa saáva ni ɨɨn ráa ntu ñánaanꞌ ráa, chisaꞌ métúꞌún ɨɨn ráa ni vá ña̱naanꞌ chi saá íyó kɨ̱naanꞌ re̱ꞌ, sáva nsi̱kúnkuvi nu̱u̱nꞌ káchíꞌ tu̱ꞌun nééꞌ nu̱u̱nꞌ Tutuꞌ ya̱ níso Tu̱ꞌun Ndiosíꞌ.

Juan 6:40

Chi yaꞌá kúvi ya̱ kuíni Tátáꞌ ni̱ꞌ ya̱ nchu̱ichí nuꞌuꞌ: Nta̱ká ñɨvɨ ya̱ jínúꞌ iniꞌ ráa néꞌyá ráa Se̱ꞌya Ndiosíꞌ, jee kúneí iniꞌ ráa maa, jee kutekuꞌ ráa nɨ́ɨ́nkání jín re̱ꞌ, jee xinátekuꞌ i̱i̱ꞌ ni̱ꞌ ráa jee xinákóo ni̱ꞌ ráa kene ráa nteñu rá níꞌiꞌ ki̱vɨ̱ꞌ nu̱u̱nꞌ nɨ́ꞌɨ. Chi nuꞌuꞌ kuvi ni̱ꞌ Se̱ꞌya Ndiosíꞌ ―nkachiꞌ Jesús.

Lucas 11:26

Saájee kɨ̱ꞌɨ̱nꞌ ta̱chi̱ꞌ kíni vá, kɨ̱nake̱ꞌen‑e u̱xa̱ꞌ ka̱ꞌ rá táꞌán ta̱chi̱ꞌ kíni ya̱ xe̱e̱nꞌ ka̱ꞌ nsú káꞌ maáa, jee ki̱vɨ ráa iniꞌ ñɨvɨ vá kuneeꞌ ráa yukuán. Saájee xe̱e̱nꞌ nasɨ́kuitɨꞌ ka̱ꞌ nakunoꞌo ñɨvɨ vá nsú káꞌ kua̱ꞌ nnoꞌo‑o ne̱ xíꞌna ―nkachiꞌ Jesús.

2 Tesalonicenses 2:3

Jee koto jiáꞌa rán ni ɨɨn ñɨvɨ xináꞌví ráa ránoꞌó sú na̱sa ka̱ꞌ. Chi ne̱ ntiáꞌan kenta ki̱vɨ̱ꞌ vá jee xíꞌna ka̱ꞌ nuni̱ꞌin iniꞌ kue̱ꞌe̱ꞌ víꞌí ñɨvɨ nu̱u̱nꞌ Ndiosíꞌ, jee kenta nijinꞌ máá maá te̱e ya̱ ntu íyó ley nu̱u̱nꞌ‑u. Jee saá yósóꞌ ni̱nu re̱ꞌ ya̱ sijíta Ndiosíꞌ re̱ꞌ nu̱u̱nꞌ ñúꞌúnꞌ xéénꞌ.

Juan 20:31

Soo rá tu̱ꞌun yaꞌá ntee ni̱ꞌ nu̱u̱nꞌ tutuꞌ yaꞌá, sáva ránoꞌó ji̱nu̱ꞌ iniꞌ rán ya̱ Jesús kúvi re̱ꞌ Cristo, ya̱ nátavaꞌ‑a ñɨvɨ nu̱u̱nꞌ kua̱chi ráa, jín ya̱ kúvi re̱ꞌ Se̱ꞌya Ndiosíꞌ, jee sáva ni̱ꞌi̱nꞌ rán ya̱ kutekuꞌ rán nɨ́ɨ́nkání jín re̱ꞌ jie̱ꞌe̱ꞌ ya̱ kúneí iniꞌ rán re̱ꞌ.

Apoclipsis 17:11

Jee kitɨ xéénꞌ kákini ya̱ ni̱yo ti̱ꞌ yanaꞌán, soo ntu íyó ti̱ꞌ vitan, jee suviti̱ꞌ kúvi te̱e nísotíñú unáꞌ, ɨɨn táꞌán rá ni uxáꞌ te̱e tátúníꞌ vá. Jee kɨ̱ꞌɨ̱nꞌ‑ɨ nu̱u̱nꞌ naanꞌ‑a.

Hebreos 10:26

Soo retú kuíni iniꞌ maáó káñunkúún sáꞌá sáꞌá‑ó kua̱chi, sú ya̱ nni̱ꞌi̱nꞌ‑ó kuniꞌ‑ó tu̱ꞌun na̱a̱ꞌ váꞌa jie̱ꞌe̱ꞌ Cristo, saájee ntu̱né íyó inka ka̱ꞌ ya̱ kúvi so̱ko̱ꞌ‑ó maa kuviꞌ‑i sáva chunáán nkáꞌnú‑ó jie̱ꞌe̱ꞌ kua̱chi‑ó.

1 Timoteo 6:9

Soo rá ñɨvɨ ñúꞌún iniꞌ, ya̱ kukúká ráa, jee kininkava ráa nu̱u̱nꞌ ya̱ níyo kánéꞌén iniꞌ ráa, jín nu̱u̱nꞌ ya̱ níyo naanꞌ iniꞌ ráa, ya̱ kúvi máñáꞌ maáráa, ya̱ saꞌá kini ráa maáráa. Jee kininkava ráa nu̱u̱nꞌ ti̱vɨ́ ráa, jee sikɨ́naanꞌ ráa maáráa, ya̱ koo sɨ́ɨ́n ráa nu̱u̱nꞌ Ndiosíꞌ nɨ́ɨ́nkání.

Juan 5:24

’Máá nááꞌ vá káchíꞌ ni̱ꞌ nu̱u̱nꞌ rán: Ñɨvɨ ya̱ chúꞌun iniꞌ‑i tu̱ꞌun káchíꞌ ni̱ꞌ, jee kuneí iniꞌ‑i Ndiosíꞌ ya̱ nchu̱ichí nuꞌuꞌ va̱ji ni̱ꞌ, jee ya̱ nni̱ꞌi̱nꞌ ñɨvɨ vá ya̱ kutekuꞌ‑u nɨ́ɨ́nkání jín re̱ꞌ. Nsáꞌ sijíta Ndiosíꞌ maa. Ya nxi̱nóo ñɨvɨ vá ya̱ kuéntáꞌ níꞌiꞌ‑i nu̱u̱nꞌ Ndiosíꞌ jee ya̱ nna̱jia̱ꞌa‑a nu̱u̱nꞌ tékúꞌ‑u nɨ́ɨ́nkání jín Ndiosíꞌ.

Apoclipsis 17:8

Jee kitɨ xéénꞌ kákini ya̱ niniꞌ nú, ni̱yo ti̱ꞌ yanaꞌán, soo ntu íyó ti̱ꞌ vitan, chi íyó kene tuku ti̱ꞌ numaꞌ ya̱ ntu jínu nu̱u̱nꞌ kúnú‑u nu̱u̱nꞌ yɨ́ꞌɨ́ ti̱ꞌ, jee íyó kɨ̱ꞌɨ̱nꞌ ti̱ꞌ nu̱u̱nꞌ ji̱ta ti̱ꞌ kunoꞌo ti̱ꞌ. Jee íyó tutuꞌ ya̱ ne̱ ntiáꞌan kiko̱o ñɨ̱vɨ́ níso rá súví rá ñɨvɨ kutekuꞌ nɨ́ɨ́nkání jín Ndiosíꞌ. Jee rá ñɨvɨ nééꞌ ñɨ̱vɨ́ ya̱ ntu níso súví ráa nu̱u̱nꞌ tutuꞌ vá jee ti̱vɨ́ xíniꞌ ráa kuniꞌ ráa kitɨ vá, ya̱ ni̱yo ti̱ꞌ yanaꞌán, soo ntu íyó ti̱ꞌ vitan, jee koo tuku ti̱ꞌ.

Hebreos 10:38

Soo ñɨvɨ ya̱ sáꞌá ni̱ꞌ ya̱ nkino̱o na̱a̱ꞌ‑a nu̱u̱nꞌ ni̱ꞌ, jee kutekuꞌ‑u nɨ́ɨ́nkání jín ni̱ꞌ chi kúneí iniꞌ‑i nuꞌuꞌ. Soo retú nanikóyátá‑a, jee nsáꞌ kuva̱ꞌa iniꞌ ni̱ꞌ kune̱ꞌyá ni̱ꞌ maa. Nkachiꞌ Ndiosíꞌ.